SHFMU "Lidhja e Prizrenit"-Prizren

🦋🍀🌺𝐃𝐈𝐓𝐄 𝐏𝐋𝐎𝐓 𝐁𝐔𝐙𝐄𝐐𝐄𝐒𝐇𝐉𝐄🌈 ☀️🌳

Nxënësit e ciklit të ulët kaluan një ditë të mrekullueshme në Parkun e Qytetit, të mbushur me lojëra, aktivitete argëtuese dhe shumë gëzim. 😊🎈

Fëmijët u kënaqën duke luajtur së bashku, duke shijuar ëmbëlsira dhe duke krijuar momente të bukura me shokët e tyre. Atmosfera ishte plot hare, energji dhe buzëqeshje të pafundme. 🍭⚽🎉

Këto aktivitete sjellin lumturi, miqësi dhe kujtime të paharrueshme për më të vegjlit tanë.

📚✨ Festa e Abetares ✨📚

Dje, në shkollën tonë, nën përkujdesjen e mësimdhënësit të përkushtuar Ramit Pireci, u organizua me shumë sukses Festa e Abetares.

Nxënësit tanë të vegjël përjetuan emocione të veçanta duke shënuar një hap të rëndësishëm në rrugëtimin e tyre drejt dijes.
Përmes recitimeve, këngëve dhe aktiviteteve të ndryshme, ata treguan talentin dhe gëzimin për mësimet e para të leximit dhe shkrimit. Falënderojmë mësimdhënësin Ramit Pireci për angazhimin dhe përkushtimin, si dhe prindërit për mbështetjen e vazhdueshme.

Urime të gjithë nxënësve për këtë festë të bukur dhe shumë suksese në rrugën e dijes! 🎉📖

🎮 Aktivitet praktik me Scratch në shkollën tonë! 💻✨

Së bashku me nxënësit zhvilluam një aktivitet shumë interesant në Scratch, ku ata patën mundësinë të tregojnë kreativitetin dhe aftësitë e tyre në programim. 👩‍💻👨‍💻
Gjatë aktivitetit, nxënësit krijuan: 🎨 Animacione kreative
🎮 Lojëra të thjeshta
⚙️ Projekte me lëvizje dhe komanda të programuara
Ky aktivitet i ndihmoi nxënësit të mësojnë në mënyrë praktike logjikën e programimit, bashkëpunimin dhe zgjidhjen kreative të problemeve. 🌟
Një falënderim i veçantë për mësimdhënësen Ariona Vorfaj për angazhimin dhe përkushtimin në realizimin e këtij aktiviteti inspirues! 👏

SHKOLLA FILLORE DHE E MESME E ULËT
“LIDHJA E PRIZRENIT” – PRIZREN
Datë: 04/05/2026

Bazuar në ligjin nr. 04/L-32 për arsimin parauniversitar në Republikën e Kosovës, në Udhëzimin Administrativ (MASHTI) nr. 09/2023 për regjistrimin e fëmijëve në klasën e parë, në Udhëzimin Administrativ nr. 151/2020 për detyrat dhe përgjegjësitë e drejtorit dhe të institucionit publik edukativ arsimor dhe aftësues parauniversitar, drejtoria e shkollës shpall këtë:

KONKURS

Për regjistrimin e fëmijëve në parashkollor dhe në klasën e parë për vitin shkollor 2026/27.
I. Shpallja e Konkursit:
SHFMU “Lidhja e Prizrenit” shpall konkurs për regjistrimin e fëmijëve në parafillor dhe në klasën e parë, konkursi është i hapur prej datës 15 maj 2026 deri më 15 qershor 2026;
Për regjistrimin e fëmijëve në parafillor dhe klasën e parë, drejtoria e shkollës bazohet në sistemin e zonimit të përcaktuar nga Komuna;
Fëmija mund të regjistrohet në klasën e parë pasi të ketë mbushur moshën minimale prej gjashtë (6) vjeçare deri më 31 gusht 2026;
Vlerësimi dhe regjistrimi i nxënësit bëhet në prani të njërit nga prindërit apo kujdestarit ligjor.

II. Dokumentet e nevojshme:
Certifikata ose ekstrakti i lindjes së fëmijës;
Certifikata ose libreza e vaksinimit;
Dokumenti i prindërit/kujdestarit ligjor (letërnjoftimi – kopje);
Dëshmi për vendbanim nga komuna, e cila nuk është më e vjetër se 6 muaj.

Dokumentacioni dorëzohet pranë komisionit, çdo ditë pune nga ora 09:00 deri në orën 11:00.
Drejtori: Vloran CENAJ

Festojmë Ditën Ndërkombëtare të Gjuhës Angleze në SHFMU "Lidhja e Prizrenit"

Për të shënuar Ditën Ndërkombëtare të Gjuhës Angleze, mësueset e anglishtes, Arijana Rugova dhe Azra Thaqi Gashi, organizuan një javë të pasur me aktivitete kreative dhe edukative. Nxënësit tanë të klasave 1-9 shfaqën talentin e tyre përmes punimeve të ndryshme, si posterë tematikë dhe fletë pune interaktive, duke dëshmuar përkushtimin e tyre në mësimin e gjuhës.

Si kulmim i kësaj jave, një grup nxënësish vizituan Këndin Amerikan (American Corner). Ata u mirëpritën ngrohtësisht nga prof. Louis dhe stafi, ku patën mundësinë të njihen më afër me kulturën amerikane dhe të marrin pjesë në aktivitete argëtuese e kuptimplota kushtuar kësaj dite të rëndësishme.

Jemi krenarë për angazhimin e nxënësve tanë dhe mësuesve që udhëheqin rrugëtimin e tyre drejt dijes!



🇬🇧 English
Celebrating International English Language Day at SHFMU "Lidhja e Prizrenit"

To celebrate International English Language Day, English teachers Arijana Rugova and Azra Thaqi Gashi curated a week-long series of engaging activities for our students. From grades 1 to 9, students showcased their language skills and creativity through various projects, including thematic posters and interactive worksheets.

A highlight of the week was a special visit to the American Corner, where a group of our students received a warm welcome from Prof. Louis and the staff. During the visit, they were introduced to American culture and participated in fun, educational activities designed to honor this global language.

We are incredibly proud of our students' enthusiasm and the dedication of our teaching staff in fostering a vibrant learning environment.

🌍 22 Prill – Dita Ndërkombëtare e Tokës 🌱
Sot, në kuadër të shënimit të Ditës Ndërkombëtare të Tokës, në shkollën tonë u realizua një aktivitet i veçantë me qëllim ndërgjegjësimin për rëndësinë e ruajtjes së mjedisit dhe kujdesit ndaj planetit tonë.
Nën udhëheqjen e mësimdhënëses së biologjisë, Argita Hoti Morina, nxënësit u angazhuan në aktivitete të ndryshme edukative dhe praktike, duke përcjellë mesazhe të fuqishme për mbrojtjen e natyrës dhe promovimin e një jete më të shëndetshme.
Kjo ditë na rikujton se Toka është shtëpia jonë e përbashkët dhe se çdo veprim, sado i vogël, ka ndikim në përmirësimin e shëndetit të saj dhe të vetë jetës sonë.
Le të vazhdojmë së bashku të kujdesemi për mjedisin dhe të kontribuojmë për një të ardhme më të gjelbër! 💚🌿

📚 23 Prill – Dita Botërore e Librit dhe e të Drejtave të Autorit 📖
Me rastin e kësaj dite të veçantë, shkolla jonë pati kënaqësinë të mirëpresë mysafirin e nderuar, Mustafa Balje, të cilin e falënderojmë përzemërsisht për ligjëratën frymëzuese dhe kontributin e tij në kultivimin e dashurisë për librin dhe leximin te nxënësit tanë.
Një falënderim i veçantë ju shkon gjithashtu mësimdhënësve dhe nxënësve për përkushtimin dhe bashkëpunimin në organizimin dhe realizimin me sukses të këtij aktiviteti të rëndësishëm.
Së bashku, vazhdojmë të ruajmë dhe të promovojmë kulturën e leximit dhe dijes, si themel i një shoqërie të zhvilluar. 📖✨

📚 23. april – Svjetski dan knjige i autorskih prava 📖
Povodom ovog posebnog dana, naša škola imala je čast ugostiti cijenjenog gosta, Mustafu Baljea, kojem se srdačno zahvaljujemo na inspirativnom predavanju i njegovom doprinosu u razvijanju ljubavi prema knjizi i čitanju kod naših učenika.
Posebna zahvalnost upućuje se nastavnicima i učenicima na posvećenosti i saradnji u organizaciji i uspješnoj realizaciji ove važne aktivnosti.
Zajedno nastavljamo njegovati i promovirati kulturu čitanja i znanja, kao temelj razvijenog društva. 📖✨

Nxënësit tanë, gjatë punës me Microsoft Word, kanë zhvilluar aftësi të rëndësishme në përpunimin dhe dizajnimin e dokumenteve digjitale. 💻📄

Përmes aktiviteteve praktike, ata realizuan me sukses dokumente të ndryshme si broshura, fatura, mirënjohje dhe certifikata, duke treguar kreativitet, përpikëri dhe përdorim të saktë të mjeteve të Word-it. 🎨✨

Këto punime janë dëshmi e qartë e progresit dhe angazhimit të tyre në zhvillimin e aftësive digjitale, duke i përgatitur për përdorim praktik në jetën e përditshme. 👏

Një falënderim i veçantë shkon për mësimdhënësen Ariona Vorfaj për përkushtimin, mbështetjen dhe punën e palodhur në udhëheqjen e nxënësve drejt suksesit! 🌟

Sot në shkollën tonë shënuam Ditën Ndërkombëtare të Matematikës – Ditën e numrit π (pi), e cila festohet në mbarë botën më 14 mars. Kjo ditë i kushtohet bukurisë, rëndësisë dhe universalitetit të matematikës.
Në nder të kësaj dite, nxënësit me mbështetjen e mësimdhënësit të matematikës Enis Sulejmanović përgatitën projekte të ndryshme, modele dhe prezantime kushtuar numrit π – një nga numrat më të njohur dhe më interesantë në matematikë, vlera e të cilit fillon me 3,14 dhe vazhdon pafund pa u përsëritur.
Përmes këtyre aktiviteteve nxënësit treguan kreativitetin, njohuritë dhe kureshtjen e tyre, duke dëshmuar se matematika është e lidhur ngushtë me jetën e përditshme.
Jemi krenarë për përkushtimin dhe punën e nxënësve tanë, të cilët me idetë dhe projektet e tyre kontribuan që shënimi i Ditës Ndërkombëtare të Matematikës në shkollën tonë të jetë i veçantë dhe edukativ.
Gëzuar Ditën Ndërkombëtare të Matematikës dhe Ditën e numrit π!

Danas smo u našoj školi obilježili Međunarodni dan matematike – Dan broja π (pi), koji se širom svijeta obilježava 14. marta. Ovaj dan posvećen je ljepoti, značaju i univerzalnosti matematike.

U čast ovog dana, učenici su uz podršku nastavnika matematike Enisa Sulejmanovića pripremili različite projekte, modele i prezentacije posvećene broju π – jednom od najpoznatijih i najzanimljivijih brojeva u matematici, čija vrijednost počinje sa 3,14 i nastavlja se beskonačno bez ponavljanja.

Kroz ove aktivnosti učenici su pokazali svoju kreativnost, znanje i radoznalost, ali i to da je matematika povezana sa svakodnevnim životom.

Ponosni smo na trud i rad naših učenika koji su svojim idejama i projektima doprinijeli da obilježavanje Međunarodnog dana matematike u našoj školi bude posebno i edukativno.

Sretan Međunarodni dan matematike i Dan broja π!

Nxënësit dhe mësimdhënësit e shkollës sonë zhvilluan një aktivitet të përbashkët për rregullimin dhe sistemimin e ambientit të bibliotekës së shkollës.

Me shumë përkushtim dhe bashkëpunim, ata organizuan librat në rafte, pastruan hapësirën dhe krijuan një ambient më të përshtatshëm për lexim dhe studim.
Biblioteka e shkollës sonë po pasurohet vazhdimisht me tituj të rinj librash, falë mbështetjes së Drejtorisë së Arsimit në Prizren si dhe donatorëve të ndryshëm që kontribuojnë në zhvillimin e saj. Këta libra të rinj u japin nxënësve mundësi më të mëdha për të lexuar, për të zgjeruar njohuritë dhe për të zhvilluar dashurinë për librin.
Ky aktivitet tregoi edhe një herë rëndësinë e bashkëpunimit mes nxënësve dhe mësimdhënësve për të krijuar një ambient më të mirë edukativ. Biblioteka mbetet një nga vendet më të rëndësishme në shkollë, ku nxënësit mund të gjejnë dije, frymëzim dhe motivim për të mësuar më shumë.