Shkolla Haziz Tola Prizren

Në shkollën tonë u mbajt një program me rastin e Ditës së Shkollës. Nxënësit prezantuan aktivitete të ndryshme artistike, kulturore dhe edukative, duke treguar talentin dhe përkushtimin e tyre. Çdo varg, çdo tingull dhe çdo hap vallëzimi mbante brenda ëndrra, përkushtim dhe dashuri për dijen.
Dita e Shkollës nuk ishte thjesht një festë – ishte një kujtesë se këtu rriten mendje që guxojnë dhe zemra që besojnë.
Me krenari kujtojmë dhe nderojmë emrin që mban shkolla jonë, dëshmorin Haziz Tola, frymëzimin e përhershëm për brezat, që mësojnë dhe rriten këtu.
Mirënjohje për çdo nxënës, mësues dhe prind që e bëri këtë ditë të paharrueshme!

Aktivitet për Ditën Botërore të Autizmit – 2 Prill
Në kuadër të Ditës Botërore të Autizmit, në shkollën tonë u mbajt një ligjëratë vetëdijësuese me nxënësit, me qëllim informimin dhe sensibilizimin rreth çrregullimeve të spektrit të autizmit.
Gjatë aktivitetit u diskutua për rëndësinë e mirëkuptimit, pranimit dhe përfshirjes së fëmijëve me autizëm në shoqëri dhe në jetën shkollore. Nxënësit patën mundësi të mësojnë më shumë rreth mënyrave se si mund të tregojnë mbështetje dhe empati ndaj bashkëmoshatarëve të tyre.
Ky aktivitet synon të nxisë respektin për diversitetin dhe të promovojë një mjedis gjithëpërfshirës për të gjithë.

Vizitë studimore në Universitetin e Prizrenit 🌿📚

Në kuadër të aktiviteteve jashtëkurrikulare në lëndën e Biologjisë, nxënësit e klasave VIII-1, VIII-2 dhe VIII-3, të SH.F.M.U “Haziz Tola” – Prizren realizuan një vizitë studimore në Laboratorin e Natyrës dhe Biodiversitetit në Fakultetin e Shkencave të Jetës dhe Mjedisit, pranë Universitetit të Prizrenit.

Gjatë kësaj vizite, nxënësit patën mundësinë të njihen nga afër me botën e gjallë përmes aktiviteteve praktike si:
🔬 identifikimi i shtazëve me çelësa zoologjikë
🌱 identifikimi i bimëve me çelësa botanikë
🍃 përgatitja dhe herbarizimi i bimëve

Kjo vizitë u realizua si pjesë e projektit “Përcaktimi i biodiversitetit në kopshtin e shkollës”, duke i ndihmuar nxënësit të lidhin njohuritë teorike me praktikën dhe të zhvillojnë aftësi kërkimore.

Kjo vizitë studimore përbën një shembull të mirë të bashkëpunimit ndërmjet arsimit parauniversitar dhe atij universitar, duke kontribuar drejtpërdrejt në ngritjen e cilësisë së mësimdhënies dhe të nxënit.

Falënderojmë përzemërsisht Prof. Asoc. Dr. Albana Plakiqi Milaimi për mikpritjen dhe përkushtimin në udhëzimin e nxënësve gjatë kësaj përvoje të vlefshme edukative.

Një falënderim gjithashtu për mësimdhënësit shoqërues:
Xhavit Sopaj dhe Behare Mazreku

Aktiviteti u udhëhoq nga mësimdhënësi i biologjisë, Astrit Milaimi.

🌍 Një hap më afër natyrës – një hap më afër dijes!

Sot në shkollën tonë me rastin e pensionimit, shprehim mirënjohje dhe falenderimin tonë të sinqertë për z. Ali Ademi, fokist në Shfmu “Haziz Tola”, për përkushtimin, punën e palodhur dhe kontributin e dhënë ndër vite në shërbim të shkollës dhe komunitetit shkollor!
I urojmë shëndet, lumturi dhe pensionin të qetë!
Me respekt stafi i Shfmu “Haziz Tola” Prizren.

Nxënësit dhe mësimdhënësit e shkollës tonë organizuan një program festiv, me këngë, valle e poezi kushtuar 17-Shkurtit, ditës së Pavarsisë së Kosovës!
Sot festojmë me krenari 18-vjetorin e shtetit tonë të pavarur!
Gëzuar 17-Shkurti - Dita e Pavarësisë së Kosovës! 🇦🇱🇽🇰

Politika e Mbrojtjes së Fëmijës

Në shkollën tonë, mbrojtja e fëmijëve është prioritet absolut. Ne angazhohemi të sigurojmë një mjedis të sigurt, mbështetës dhe gjithëpërfshirës, ku çdo fëmijë respektohet, dëgjohet dhe mbrohet nga çdo formë dhune, neglizhence apo diskriminimi.
Së bashku me prindërit dhe komunitetin, punojmë për mirëqenien, dinjitetin dhe zhvillimin e shëndetshëm të çdo fëmije.

Takimet dhe aktivitetet lidhur me këtë çështje vazhdojnë në mënyrë të rregullt, me qëllim forcimin e bashkëpunimit dhe mbrojtjes së vazhdueshme të fëmijëve. 👧👦💙

FALËNDERIM PËR NXËNËSIT TANË

Shkolla SH.F.M.U. “Haziz Tola” – Prizren falënderon me zemër nxënësit që ndihmuan në përgatitjen e Dhomës së Ndërmjetësimit, duke e bërë atë një hapësirë të rregulluar dhe të ngrohtë për të gjithë nxënësit.

Ky projekt u realizua falë bashkëpunimit mes ekipit të shkollës—Koordinatores Elsa Fetahi Istrefi, Psikologes Donika Demiri Kabashi dhe Mësimdhënëses Behare Mazreku—dhe përkushtimit të nxënësve:
Erza Parallangaj
Flori Demaj
Rubina Bajrami
Esrah Vorfaj
Suela Hoti
Learta Ninaj
Leonita Mazreku
Alea Krasniqi
Esrah Vorfaj

Ju faleminderit për punën, energjinë dhe vullnetin që treguat! Kontributi juaj ka sjellë një ndryshim të bukur në shkollën tonë. 📚🤩♥️

Sot në kuadër të Ditës Ndërkombëtare të Personave me Aftësi të Kufizuara, u mbajtën ligjërata në klasa dhe u zhvillua një aktivitet vetëdijesues me nxënësit, si dhe u shpërndanë fletushka me mesazh domethënës për pranim, barazi dhe respekt. Një ditë reflektimi, ndjenje dhe gjithëpërfshirjeje. ♿💙
"Ky aktivitet eshtë realizuar nga
Caritas Kosova, në partneritet me Caritas Austria, në kuadër të projektit "E drejta ime: Arsimi
gjitheperfshires ne Kosove", i
mbështetur financiarisht nga
Agjencioni Austriake për
Zhvillim (ADA).

Dje në shkollën tonë për nder të 28-Nëntorit u mbajt një program festiv.
Në këtë program nxënësit treguan frymën e patriotizmit dhe të atdhe-dashurisë. Përmes këngëve, valleve, recitimeve dhe historisë, ata na kujtuan sakrificat, krenarinë dhe vlerat që na bashkojnë si komb.
Faleminderit të gjithë pjesëmarrësve që me talentin dhe përkushtimin e tyre e bënë këtë ditë kaq të veçantë.
Urime 28-Nëntori!