Kopshti "Shkronjat"

Me emocione, krenari dhe shumë gëzim, shenuam përfundimin e edukimit parashkollor për fëmijët tanë.

Përmes një feste të veçantë, plot këngë, valle, buzëqeshje dhe kujtime të bukura, festuam një etapë të rëndësishme në rrugëtimin e tyre drejt shkollës. Çdo hap, arritje dhe përvojë e ndarë gjatë këtyre viteve ka kontribuar në rritjen dhe zhvillimin e tyre.

I urojmë secilit fëmijë suksese në kapitullin e ri që i pret dhe falënderojmë prindërit për besimin dhe bashkëpunimin e vazhdueshëm. Këto kujtime do të mbeten gjithmonë pjesë e historisë sonë.

Urime gjenerata 2026! 🎓

📸 Fotografitë janë realizuar nga: Gentiana & Rinor Berisha

Një pasdite e mbushur me emocione, buzëqeshje, kujtime dhe mirënjohje shënoi 10 vjetorin e Kopshtit “Shkronjat”.
Së bashku me fëmijët, prindërit dhe stafin, festuam një dekadë përkushtimi ndaj edukimit, zhvillimit dhe mirëqenies së fëmijëve. Ky përvjetor ishte një moment i veçantë për të reflektuar mbi rrugëtimin tonë, sfidat e tejkaluara dhe sukseset e arritura së bashku.
Falënderojmë nga zemra të gjithë prindërit për besimin, mbështetjen dhe partneritetin e vazhdueshëm ndër vite. Mirënjohje të veçantë për stafin tonë, të kaluar dhe aktual, i cili me profesionalizëm, përkushtim dhe dashuri ka krijuar çdo ditë një mjedis të sigurt, të ngrohtë dhe frymëzues për fëmijët.
Falënderojmë themeluesit e Institucionit për vizionin dhe guximin për të nisur këtë rrugëtim, Mirënjohje të veçantë shprehim për të gjithë prindërit që ndër vite, përmes Këshillit të Prindërve dhe organeve drejtuese, kanë kontribuar vullnetarisht në zhvillimin dhe fuqizimin e institucionit tonë.
Mirënjohje për partnerët, bashkëpunëtorët dhe institucionet që kanë qenë pjesë e këtij rrugëtimi, veçanërisht Komunën e Prishtinës dhe Drejtorinë Komunale të Arsimit për mbështetjen e vazhdueshme.
Krenarë për atë që kemi ndërtuar së bashku gjatë këtyre 10 viteve dhe të motivuar për rrugëtimin që na pret, ju falënderojmë që jeni pjesë e historisë sonë.
Gëzuar 10-vjetorin! ❤️🎉

📸 Fotografitë janë realizuar nga: Gentiana & Rinor Berisha

Projekti "Unë në natyrë" i realizuar me grup moshën 5-6 vjeç 👧👦🪴🪾🍁

Online Flipbook Created with the Heyzine flipbook maker

Rezultatet e konkursit për regjistrimin e fëmijëve në IP. ''Shkronjat'' për vitin 2026/2027

Të publikuar gjeni:
-Listën e fëmijëve të pranuar në grup moshën 09-2 vjeç.
Listën e fëmijëve të pranuar në grup moshën 3-4 vjeç
-Listat e pritjes për secilën grupmoshë.
-Listën e përgjithshme të fëmijëve aplikantë

Prindërit e fëmijëve të pranuar, ditëve në vijim do të njoftohen përmes emailit për procedurat e regjistrimit.

IP. ''Shkronjat''

Gjenerata 2025-2026 🎓

Në fëmijërinë e hershme, njohja me profesionet fillon përmes lojës, eksplorimit dhe përvojave të përditshme që i ndihmojnë fëmijët të kuptojnë botën që i rrethon. Përmes role-play, vizitave, bashkëpunimit me prindër dhe aktiviteteve tematike, fëmijët zbulojnë profesione të ndryshme si mjeku, zjarrfikësi, kuzhinieri, polici, artisti apo edukatori, duke kuptuar rolin dhe rëndësinë e secilit në komunitet.
Projekti “Në botën e profesioneve” shërben si një urë lidhëse mes lojës dhe të nxënit, duke i ndihmuar fëmijët të kuptojnë se çdo profesion ka vlerë dhe se secili prej tyre mund të kontribuojë në shoqëri në mënyrën e vet.
Shfleto dokumentimin ⬇️

Online Flipbook Created with the Heyzine flipbook maker