ShFMU "Faik Konica"

Dita Botërore e Mjedisit, 5 qershor 2026

"Frymëzuar nga Natyra. Për Klimën. Për të Ardhmen Tonë."

Për nder të kësaj dite në oborrin e shkollës "Faik Konica" u vendos një instalacion me materiale të riciklueshme.

Ky projekt u përkrah nga Ministria Federale e Gjermanisë për Bashkëpunim Ekonomik dhe Zhvillim (BMZ) dhe Shoqëria Gjermane për Bashkëpunim Ndërkombëtar GIZ. Shkolla i falënderon përzemërsisht donatorët.

Ne mbesim të përkushtuar për një të ardhme më të gjelbër.

🌳

Me emocion, krenari dhe gëzim, nxënësit e klasave të para të shkollës sonë kremtuan Festën e Abetares, duke shënuar me sukses përfundimin e mësimit të shkronjave dhe hapin e parë drejt botës së dijes.

Këtë vit, për herë të parë, pesë paralelet e klasave të para e shënuan së bashku këtë ngjarje të rëndësishme, me një program festiv që pasqyroi punën, talentin dhe përgatitjen e nxënësve tanë.

Falënderim i veçantë për prindërit për bashkëpunimin dhe mbështetjen gjatë gjithë vitit, si dhe mirënjohje të sinqertë për mësueset Shpresa Maxhuni Gecaj, Naime Bunjaku, Bukurije Nuhiu, Shkëndije Preniqi, Blerta Berisha dhe Fatime Sylejmani, për përkushtimin, dashurinë dhe profesionalizmin e treguar.

Urojmë që kjo ditë të mbetet kujtim i bukur për çdo nxënës dhe nxitje për suksese të reja.

Urime Festa e Abetares!

Sot jemi një rreth miqësie, ndërsa nesër do të mbetemi kujtime në zemrat e njëri-tjetrit. Faleminderit për çdo buzëqeshje, çdo çast të bukur dhe çdo kujtim të paharruar që kemi ndarë së bashku.

Gëzuar 1 Qershorin – Ditën Ndërkombëtare të Fëmijëve!

Me dashuri,
Klubi i Çështjeve Sociale ❤️🌟