Xhamia "Pavarësia"

Të nderuar xhematë,

Nesër mund ta shfrytëzoni parkingun e shkollës fillore "Zenel Hajdini" për parkimin e veturave tuaja.

Mirë se vini, e festofshim së bashku!

🌹

Edhe në këtë festë të bekuar të Kurban Bajramit, xhamia “Pavarësia” gëzoi nxënësit e shkollës fillore “Zenel Hajdini” duke u dhuruar nga një dhuratë simbolike.

Gjatë shpërndarjes së dhuratave, fëmijët plot emocione dhe buzëqeshje uruan për festën e bekuar të Bajramit, duke shprehur kështu falënderime për dhuratat.

Edhe drejtoresha e shkollës shprehu mirënjohjen dhe falënderimin e saj për xhaminë “Pavarësia” dhe të gjithë kontribuuesit, duke vlerësuar lart kujdesin dhe mbështetjen e vazhdueshme ndaj nxënësve dhe komunitetit shkollor.

Të nderuar besimtarë,

Ju njoftojmë se nesër, e mërkurë, më 27 maj 2026, është dita e parë e Kurban Bajramit.

Namazi i sabahut në xhaminë tonë do të falet në orën 04:25.
Pas namazit, do të ketë ligjëratë kushtuar festës, të cilën do ta mbajë dr. Muhamed ef. Stublla.

Namazi i Kurban Bajramit do të falet në orën 05:40, të cilit do t’i prijë imami Nexhmi ef. Hoxha, i cili edhe do ta mbajë hytben e Bajramit.

Përgjatë programit do të ketë lexim Kurani dhe ilahi.

Me fat për të gjithë festa e Kurban Bajramit!

Departamenti i Gruas i Këshillit të Bashkësisë Islame të Kosovës, organizoi mbrëmë në xhaminë “Pavarësia” ligjëratën për gra me temën “Dhjetë ditët më të bekuara: dhulhixhe dhe Arafati”.

Programi nis me lexim Kurani, ndërsa më pas, një fjalë përshëndetëse e mbajti koordinatorja e Departamentit, znj. Kadrije Dragusha – Ademi, e cila ndër të tjera përgëzoi mualimet e xhamisë për punën dhe aktivitetin e tyre.

Më pas ligjëratën kryesore kushtuar ditëve të dhulhixhes dhe Arafatit, e mbajti mualimja Blerta Ibrahimi, e cila ndër të tjera theksoi se këto ditë janë ditët më të mira të vitit, andaj edhe duhen shfrytëzuar në mënyrën më të mirë, duke bërë ibadete dhe punë e vepra të mira.

Të enjten, nga ora 19:00, në Xhaminë "Pavarësia"

Ligjëratë dhe ndej

"Dhjetë ditët më të bekuara: dhulhixhe dhe Arafati"

Hyrja vetëm për gjininë femërore

🌹

Aktivitetet edukative të nxënësve në xhaminë “Pavarësia”.

Përveç mësimit, nxënësit tanë janë të përfshirë edhe në aktivitete të tjera, si projekte dhe vizatime të ndryshme. Ata, në një ambient edukativ, po tregojnë përkushtim dhe gatishmëri për të mësuar dhe bashkëpunuar.

📢 Të gjithë ju fëmijë të interesuar, ejani dhe bashkohuni në mësim-besim dhe në aktivitete të tjera!

📅Të shtuneve dhe të dielave.

⏱️10:30.

🌹

Pamje nga ceremonia e faljes së namazit të Fitër Bajramit në xhaminë tonë.

Ligjëratën kryesore kushtuar kësaj dite e mbajti profesori i Medresesë, prof. Jakup Çunaku, ndërsa hytben me mesazhin festiv të kësaj dite e mbajti imami Nexhmi ef. Hoxha.

🌹

Të nderuar xhematë,

Nesër mund ta shfrytëzoni parkingun e shkollës fillore "Zenel Hajdini" për parkimin e veturave tuaja.

Mirë se vini, e festofshim së bashku!