Vetëm për motra Muslimane

Ne nuk kemi nevoje per femra dhe gra qe mbrojne shamine ne televizione.
Ne na nevojiten gra dhe vajzat qe jane krenare per fene e tyre, qe ua percjellin fene familjareve, shoqeve dhe te afermeve tyre.
Nuk kemi pse ta mbrojme shamine apo edhe aspekte te tjera te femres myslimane para askujt, por kemi nevoje qe keto aspekte te jetosohen ne jeten e perditshme.
Jemi ne kohen qe flitet shume dhe punohet pak, aq me shume kur fjalet vijne nga gra apo vajza me kontribut te paket ne fushen e davetit dhe qe e shohin televizionin si mundesi per te shtuar lajkat ne instagram.

Hoxhë : Genc Plumbi

“Oj Hatixhe kush do të më besojë mua,?”

Kjo është një thënie e përhapur që i atribuohet Pejgamberit sal Allahu alejhi ve selem dhe që njerëzit e përcjellin me qëllim të mirë, për të treguar përhapjen e thirrjes së tij dhe numrin e madh të pasuesve të tij.

Por kjo thënie është e shpikur.

Nuk është transmetuar prej tij as në ndonjë hadith të saktë, as në ndonjë hadith të dobët.

Në të ka edhe një lloj mangësimi ndaj Pejgamberit sal Allahu alejhi ve selem, sikur ai të dyshonte në premtimin e Allahut, Allahu na ruajtë nga kjo.

Ai ishte njeriu me mendimin më të mirë për Allahun, më i madhi në bindje ndaj premtimit të Tij, në iman dhe në besim të plotë në ndihmën e Tij.

Si mund të thuhet një gjë e tillë, kur ai ka thënë: “Kjo çështje (feja) do të arrijë aty ku arrin nata dhe dita. Allahu nuk do të lërë asnjë shtëpi prej balte apo prej leshi, veçse do ta fusë në të këtë fe; me krenarinë e atij që Allahu e nderon me Islam dhe me poshtërimin e atij që Allahu e poshtëron me mosbesim.”

Pra, kuptimi është: Islami do të përhapet në çdo vend, me lejen dhe premtimin e Allahut.

Fitim Gërguri

Mentalitete të tilla si: të menduarit vetëm për veten, të mos pasur përgjegjësi për askënd, të jetuarit pa kufizime, sepse një jetë është; të manifestuara në forma të ndryshme në jetën tonë aktuale, nuk janë gjë tjetër vetëm se pjellë e një përpjekje shumëvjeçare shkatërruese të koncepteve bazë të jetës së njeriut.
E çfarë mund të presësh nga një kulturë, e cila është zhvilluar në bazë të filozofive të shumta, që i dhanë aq shumë përparësi individit, vullnetit dhe forcës së tij, saqë arritën deri aty që të mohojnë edhe ekzistencën e Zotit.
Një popull që në gjenerata të shumta është edukuar me frymën e individualizmit, ndërtimit të jetës në bazë të përfitimit vetiak dhe të arritjes së qëllimeve me çdo kusht, nuk duhet të jetë për muslimanët as referencë dhe as burim i të menduarit të tyre.
Muslimani jeton, punon dhe mendon në bazë të parimeve të fesë së tij Islame. Ai do për vëllain e tij musliman atë që do për vete; këshillon në të mirë dhe ndalon nga e keqja; ndihmon ata që kanë nevojë për ndihmë me atë që ai posedon me aq sa ka mundësi; ruan veten e tij dhe familjen e tij nga çdo gjë që kërcënon besimin e tyre; përpiqet për të bërë vepra të mira duke filluar që me fjalën e mirë, largimin e një pengese nga rruga...etj; dhe nuk bie pre e këtyre mentaliteteve, por kujdeset që të mos pasojë në mënyrë të verbër kulturat, filozofitë dhe jetën e popujve të tjerë.

Adelina Kuçana

!

Ka thënë dijetari i madh, Abdullah El Bessam -Allahu e mëshiroftë-:

"Agjërimi i DITËS SË ARAFATIT është agjërimi më i vlefshëm vullnetar me mendimin unanim të dijetarëve''.

TEIDHIJHUL AHKAM 3/201

Agjëroje edhe ty këtë ditë, agjërimi i së cilës shlyen gjunahet e dy viteve!

Shënim: Dita e Arafatit është nesër.

Dita kur Allahu mburret me robërit e Tij..!

I Dërguari i Allahut (sal-lAllahu 'alejhi ue sel-lem) ka thënë:

ما مِن يَومٍ أَكْثَرَ مِن أَنْ يُعْتِقَ اللَّهُ فيه عَبْدًا مِنَ النَّارِ، مِن يَومِ
عَرَفَةَ، وإنَّه لَيَدْنُو، ثُمَّ يُبَاهِي بهِمِ المَلَائِكَةَ، فيَقولُ: ما أَرَادَ هَؤُلَاءِ؟
"Nuk ka ditë në të cilën Allahu liron më shumë robër (njerëz) nga Xhehennemi sesa në Ditën e 'Arafatit. Ai afrohet dhe mburret para Melaikeve duke thënë: "Cfarë po dëshirojnë këta?"

📚 Sahih Muslim 1348 l

Përshtati: Egzon Osmani

Të gjithë haxhinjtë, në ditën e Arafatit, mblidhen në një vend që quhet Arafat (në periferi të Mekës), nga paraditja deri në aksham, dhe qëndrimi në Arafat është shtylla më e madhe e haxhit (duke u falur, duke lutur, duke bërë dhikër).
Kush nuk arrin të qëndrojë në Arafat nuk ka haxh (sikur që nuk plotësohet namazi pa sexhde dhe ruku).
Në këtë ditë Allahu krenohet tek engjëjt për robërit e Tij, thotë:
“Çfarë dëshiruan këta?”
Allahu premton se do t’i falë robërit e Tij në këtë ditë,
“Në asnjë ditë tjetër, Allahu nuk shpëton nga zjarri robërit e Tij, më shumë sesa në ditën e Arafatit.” (Hadith).
Për ata që nuk janë në haxh, Pejgamberi salAllahu alejhi ue selem ka ligjësuar agjërimin e kësaj dite, “Shpresoj tek Allahu që me agjërimin e kësaj dite, Ai të m’i falë mëkatet e vitit të kaluar dhe vitit të ardhshëm.”
Agjërim vullnetar, i një ditë të vetme, bëhet shkak për faljen e mëkateve të dy viteve.
Kjo tregon se sa vlerë ka tek Allahu kjo ditë dhe veprat e mira që bëhen në këto ditë e veçanërisht në ditën e Arafatit.
Andaj, është sunet të agjërohet dita e Arafatit, të bëhen lutje sa më shumë, të përmendet Allahu sa më shumë.
Pejgamberi salAllahu alejhi ue selem ka thënë:
“Lutja më e mirë është ajo që bëhet në ditën e Arafatit.
Dhe lutja më e mirë që e kam bërë unë dhe Pejgamberët para meje (në këtë ditë) është fjala
“La ilahe ilAllahu wahdehu la sherike leh, lehul mulku we lehul hamdu, we huwe ale kuli shejin kadir.”

Hoxhë Jeton Bozhlani - Transkriptim.

Gjykimi i zbardhjes dhe lyerjes së vetullave - Lexhenetud-Daimeh
Komisioni i Përhershëm për Fetva dhe Studime Shkencore

Lavdia i takon vetëm Allahut, lavdërimet dhe bekimet qofshin për atë pas të cilit nuk ka më Pejgamber, e më pas:

Komisioni i Përherëshëm për fetva dhe studime shkencore u vu në dijeni rreth asaj që i është transmetuar të nderuarit Muftiut të përgjithëshëm nga pyetësi Mubarak Salih dhe duke iu referuar Lexhnes nën kujdestarinë e përgjithëshme të Komisionit të Dijetarëve të Mëdhenj me numër (7868), më datë 19/12/1421 hixhrij, pyetësi pyet si më poshtë:

Është përhapur këto kohët e fundit në mesin e grave fenomeni i zbardhjes dhe vizatimit të vetullave (zbardhja e qimeve te vetullës me oksigjen apo lëndë tjetër dhe vizatimi i tyre me bojë kafe apo të zezë përsipër) ku zbardhja bëhet nga lart dhe nga poshtë vetullave e tillë që ngjan njësoj sikur vetullat të jenë të hequra pasi vetullat hollohen. Dhe nuk duhet fshehur se ky fenomen është imitim i Perëndimit dhe poashtu kjo lëndë që përdoret për të zbardhur qimet e vetullave është e rrezikshme nga ana mjekësore dhe dëmi i saj mbetet. Pra, cili është gjykimi Sheriatik për këtë veprim? Na jepni një fetva, qofshi të shpërblyer! Dhe duke patur parasysh po ashtu se pjesa më e madhe e grave kur këshillohen për këtë gjë kërkojnë me shkrim fetvanë e Lexhnes dhe e refuzojnë fetvanë kur është vetëm e thënë me gojë, kështu dëshirojmë - Allahu ju ruajtë - dhënien e një fetvaje dhe e lusim Allahun - 'Azze ue Xhel-le -, që kjo fetva të jetë e dobishme dhe ta ruajë fenë e këtij umeti, vërtet Ai e ka në Dorë dhe është i Plotfuqishmi për ta bërë këtë.

Pas studimit që u nga bë Lexhneja për pyetjen e bërë, ajo përgjigjet:

Zbardhja dhe vizatimi i vetullave (teshkijr) nga sipër dhe poshtë tyre ashtu siç u përmend, nuk lejohet sepse ai është ndryshim i krijimit të Allahut të Lartësuar dhe për shkak të përngjasimit me heqjen e vetullave, gjë e cila është e ndaluar me Sheriat dhe përveç kësaj, bëhet edhe më tepër e ndaluar për shkak të imitimit dhe përngjasimit me qafirat apo se përdorimi i saj mbart dëm për trupin dhe qimet. Nga thënia e Allahut të Lartësuar:

وَلاَ تُلْقُواْ بِأَيْدِيكُمْ إِلَى التَّهْلُكَةِ

“Dhe mos e çoni veten tuaj në shkatërrim me duart tuaja.” [el-Bekare, 195]

Dhe thënia e Pejgamberit, sal-lAllahu ‘alejhi ue sel-lem:

“Mos dëmtoni vetet dhe as të tjerët.”

Dhe prej Allahut vjen suksesi.

Lavdërimet dhe bekimet qofshin mbi Pejgamberin tonë Muhamedin, mbi Familjen dhe Shokët e tij.

Burimi: http://www.sahab.net/forums/index.php?showtopic=103750
Fetvaja nr: 21778, më datë: 29/12/1421 hixhri

Komisioni i Përhershëm për Fetva dhe Studime Shkencore

Përktheu: Umm 'Akil

🟢 Ka thënë Pejgamberi -paqja dhe bekimet e Allahut qofshin mbi të dhe familjen e tij- duke e këshilluar vajzën e tij, Fatimen -Allahu qoftë i kënaqur prej saj- kur ajo iu ankua për mundimin dhe lodhjen që haste dhe kërkoi një shërbëtor:

«A të të tregoj për atë që është më e mirë për ty se sa shërbëtori?
🌹 T'i bësh Tesbih Allahut (të thuash: " " i Lartësuar pa të Meta është Allahu) tridhjetë e tre herë.
🌹Ta lavdërosh Allahun (të thuash " " lavdërimi i takon Allahut) tridhjetë e tre herë.
🌹Ta madhërosh Allahun (të thuash: " " Allahu është më i madhi) tridhjetë e katër herë, kur të shkosh në shtrat për të fjetur».

📚 Transmeton imam Muslimi -Allahu e mëshiroftë-.

🔹 Dijetari i Islamit, Ibn Tejmijjete -Allahu e mëshiroftë- ka thënë:

▪️“Kushdo që është mësuar ta lartësoj Allahun para gjumit, do t'i jepet energji dhe forcë në përmbushjen e nevojave të tij dhe forcë në adhurimin e tij.”

📖 مجموع الفتاوى 7/493.

🔹Dijetarët këshillojnë që çdo natë të thuhet ky dhikër para gjumit për shkak të dobive të mëdha fetare dhe dobive të kësaj bote që ky dhikër ka.

✍️ Këshilloj veten dhe gjithë muslimanët që të punojmë me këtë dhikër.