Departamenti i Gazetarisë - UP

08/09/2026

THIRRJE PËR APLIKIM PËR BURSA MOBILITETI

Fakulteti i Filologjisë – Universiteti i Prishtinës hap thirrjen për aplikim për bursa për mobilitet studentor për semestrin veror të vitit akademik 2026/2027, në NLA University College, Norvegji, në kuadër të programit Erasmus+ Mobility, të financuar nga Komisioni Evropian.

Lloji i mobilitetit

- Shkëmbim studentor për studime në nivelin Bachelor dhe Master, për semestrin veror të vitit akademik 2026/2027.

Kush mund të aplikojë?

Të drejtë aplikimi kanë studentët e Departamentit të Gazetarisë, Fakulteti i Filologjisë, të cilët:

- janë të regjistruar së paku në vitin e dytë të studimeve Bachelor (BA); ose
- janë të regjistruar në semestrin e parë të studimeve Master (MA).

Afati për aplikim

26 shtator 2026

Dokumentet, me titullin “NLA University College”, duhet të dërgohen të skanuara në adresën: [email protected]

Fakulteti i Filologjisë
Universiteti i Prishtinës

29/08/2026

Hapet Konkursi Plotësues për pranimin e studentëve në Fakultetin e Filologjisë

Fakulteti i Filologjisë i Universitetit të Prishtinës njofton se është hapur Konkursi Plotësues për plotësimin e vendeve të lira për pranimin e studentëve në studimet themelore – bachelor për vitin akademik 2026/2027.

Aplikimi bëhet online përmes platformës apliko.uni-pr.edu, e cila do të jetë e hapur nga 28 gusht deri më 5 shtator 2026, në orën 16:00.

Të gjithë kandidatët e interesuar ftohen të aplikojnë në programet e Fakultetit të Filologjisë ku kanë mbetur vende të lira dhe të njihen me kushtet dhe kriteret e përcaktuara në konkurs.

Konkursin e plotë mund ta gjeni në linkun e mëposhtëm:
Klikoni këtu për ta hapur Konkursin Plotësues http://apliko.uni-pr.edu

Sistemi elektronik për menaxhimin e studentëve — Universiteti i Prishtinës

13/07/2026

Në Fakultetin e Filologjisë është mbajtur mbledhje komemorative për të nderuar ish-dekanin, Prof. Dr. Nuhi Rexhepi dhe përkujtuar kontributin e tij, në fushën akademike dhe studimore.
Prof. Nuhi Rexhepi ishte një ndër figurat më të respektuara të Universitetit të Prishtinës dhe për Departamentin e Gazetarisë, ai zë një vend të veçantë në historinë e tij institucionale. Pikërisht gjatë kohës kur Prof. Rexhepi ushtronte detyrën e Dekanit të Fakultetit të Filologjisë u themelua Departamenti i Gazetarisë, proces në të cilin ai dha mbështetje dhe luajti një rol të rëndësishëm në jetësimin e këtij projekti akademik.
Departamenti i Gazetarisë u shpreh ngushëllimet më të sinqerta familjes Rexhepi, kolegëve dhe të gjithë atyre që patën privilegjin ta njohin dhe të bashkëpunojnë me të.

07/07/2026

Ligjëruesi i Departamentit të Gazetarisë, Dren Gërguri mori pjesë në konferencën vjetore të IAMCR, një nga konferencat më të mëdha ndërkombëtare në fushën e komunikimit.
IAMCR u mbajt në Galway të Irlandës dhe Gërguri prezantoi punimin “Factors Shaping Deepfake Detection and Image Authenticity”, studim i realizuar në bashkëpunim me studiuesit nga Universiteti i Teksasit në Austin, Craig Scott, Mir Rabby dhe Xiatong Liu. Bashkëpunimi i Gërgurit me profesorin Scott kishte filluar gjatë qëndrimit të tij në SHBA në kuadër të programit Fulbright.

Gërguri me punën e tij ishte pjesë edhe e konferencës vjetore ICA, një nga konferencat më prestigjioze në fushën e komunikimit, por që pjesëmarrja e tij fizike u pamundësua nga shteti organizator, Afrika e Jugut.

03/07/2026

Profesoresha e Departamentit të Gazetarisë, Remzie Shahini-Hoxhaj, ka prezantuar punimin e saj shkencor në Konferencën e 4-t Globale për Median dhe Kulturën, të mbajtur në Kastoria, Greqi.

Profesoresha Shahini-Hoxhaj, në bashkëpunim me Rok Zhupançiç nga Universiteti i Lubjanës, prezantoi hulumtimin me titull: “Kufijtë e Mendjes në Hapësirën Pas Konfliktit: Distanca Kombëtare ndërmjet të Rinjve Kosovarë”.

Studimi trajton gjetjet mbi rolin e mediave në periudhat pas konfliktit në Ballkan, proceset e socializimit shoqëror, si dhe ndikimin e mediave në formësimin e perceptimeve ndëretnike tek brezat e rinj.

Në konferencë morën pjesë studiues dhe akademikë nga universitete të ndryshme të botës, duke prezantuar kërkimet më të fundit në fushën e medias, komunikimit dhe kulturës.

02/07/2026

29/06/2026

📢 Apliko tani për studime në Departamentin e Gazetarisë të Universiteti i Prishtinës.

UP-ja ka hapur konkursin për pranimin e studentëve të rinj në studimet themelore dhe master për vitin akademik 2026-27.

Në programet e përditësuara me zhvillimet më të fundit në fushën e gazetarisë dhe komunikimit, këtë vit ofrojmë:
🎓 100 vende të lira në studimet Bachelor në programin “Gazetari”
🎓 25 vende të lira në studimet Master në programin “Gazetari dhe Marrëdhënie me Publikun”

Konkursin e plotë e gjeni në linkun në vijim:
🔗https://uni-pr.edu/page.aspx?id=1,35,3942

Suksese!
👩‍🎓🧑‍🎓

28/06/2026

🎧 Si ndikon algoritmi i TikTok-ut në mënyrën se si informohen të rinjtë?

Ky është diskutimi i episodit të radhës të , ku e ftuar e studentes Adea Mustafaj është Diana Mehmetaj.

Biseda bazohet në hulumtimin e realizuar nga studentet Diana Mehmetaj, Fortesa Shala, Rozafa Balaj dhe Zarife Demiri, mbi rolin e algoritmeve të TikTok-ut në formimin e opinionit publik dhe konsumimin e përmbajtjeve mediale nga të rinjtë.

Kjo seri e podcasteve është realizuar në kuadër të fushatës , si projekt i lëndës Edukim medial. 👩‍🎓🧑‍🎓

26/06/2026

📢 Edukimi medial dhe stereotipet gjinore në media është tema e episodit të radhës të .

Në këtë diskutim, studentët tanë trahtojnë rolin e edukimit medial në leximin kritik të përmbajtjeve mediale dhe në identifikimin e stereotipeve gjinore.

Ky diskutim bazohet në hulumtimin e realizuar nga studentet Xheneta Terholli dhe Luljeta Salihu, ndërsa nikoqire është studentja Adea Mustafaj.

Kjo seri e podkasteve po realizohet në kuadër të fushatës , si projekt i lëndës Edukim medial. 👩‍🎓🧑‍🎓

23/06/2026

Në Fakultetin e Filologjisë u zhvillua diskutimi publik me temën “Zëri i të Rinjve për Evropën”, një temë që nxiti debat dhe reflektim mes të pranishmëve lidhur me mundësitë që integrimi i Kosovës në Bashkimin Evropian sjell për të rinjtë.

Profesori i Departamentit të Gazetarisë, njëherësh drejtor i Institutit të Medias, Gezim Qerimi, theksoi rëndësinë e rinisë për zhvillimin e vendit. Ai foli gjithashtu për mobilitetin akademik në vendet evropiane dhe më gjerë, si dhe për rëndësinë e përvetësimit dhe zbatimit të metodave bashkëkohore të mësimdhënies në Kosovë.

Në anën tjetër, koordinatorja e Zyrës Erasmus+ në Kosovë, Mimika Dobroshi, gjatë fjalës së saj informoi rreth mobiliteteve akademik në kuadër të programit Erasmus+, sfidat me të cilat përballen të rinjtë, si dhe mundësitë e reja që u ofrohen studentëve për studime dhe shkëmbime jashtë vendit.

Pjesë e panelit ishte edhe studentja e Departamentit të Gazetarisë, Diana Mehmetaj, e cila vuri në pah se integrimi i Kosovës në BE sjell përfitime të shumta për të rinjtë, duke përfshirë arsim më cilësor, njohjen e diplomave, gjithëpërfshirjen dhe mundësi më të mëdha punësimi.

Ky diskutim u organizua nga Europe House Kosovo në bashkëpunim me Universitetin e Prishtinës dhe Institutin e Medias. 👩‍🎓🧑‍🎓

📸 Europe House Kosovo