Regji filmi dhe tv UP

18/09/2026

Universiteti i Prishtinës (UP) është universitet publik në Prishtinë, Kosovë. Eshte universiteti më i madh dhe më i vjeter në Kosovë.

14/09/2026

Sot, Dita Shaqiri diplomoi në profilin Regji Filmi dhe Televizioni në Fakultetin e Arteve të Universitetit të Prishtinës, duke shfaqur filmin e saj të diplomës, “The Underdog”, me Arta Selimin në rolin kryesor.
Me skenar dhe regji nga Dita, filmi ndjek Laurën, një grua 32-vjeçare që, pas humbjes së punës, përballet me pasigurinë financiare, pritshmëritë shoqërore dhe ëndrrën për t’u bërë shkrimtare. Përmes rrugëtimit të saj, filmi trajton presionin për të qenë vazhdimisht produktiv e i suksesshëm dhe guximin për të gjetur rrugën personale përtej këtyre pritshmërive.
Dita përfundoi studimet në klasën e prof. Ismet Sijarinës, mentor i punimit të saj të diplomës dhe ass. Hana Bucalija. Prezantimi u zhvillua para komisionit në përbërje: prof. assoc. A***n Krasniqi, prof. assoc. Zeni Ballazhi, prof. ass. Arbër Krasniqi.
Urime diplomimi, Dita! Suksese në rrugëtimin tënd krijues dhe në historitë e reja që do të sjellësh në ekran! 🎓🎥

07/09/2026

Universiteti i Prishtinës (UP) është universitet publik në Prishtinë, Kosovë. Eshte universiteti më i madh dhe më i vjeter në Kosovë.

19/08/2026

“Prej 6-ve në 5” u shfaq në Konferencën Hapëse të Akademive Rajonale në kuadër të Festivalit të Filmit në Sarajevë.
Filmi studentor, me skenar dhe regji nga studentja Erlisë Beqiri, producent dhe drejtor fotografie Ardian Dubova, dhe kostumografi e skenografi Fjolla Mani, përfaqësoi Universitetin e Prishtinës në kuadër të Talents Sarajevo.

04/08/2026

Fakulteti i Arteve i Universitetit të Prishtinës në bashkëpunim me Female Film Club

Fakulteti i Arteve i Universitetit të Prishtinës ka kënaqësinë të njoftojë fillimin e bashkëpunimit me Female Film Club (FFC), një organizatë ndërkombëtare që mbështet kineastet gra dhe personat jo-binarë përmes fondeve, mentorimit, edukimit dhe rrjetëzimit profesional. Female Film Club bashkëpunon me profesionistë dhe institucione të njohura të industrisë së filmit, përfshirë edhe Festivalin e Filmit në Kanë (Festival de Cannes).

Në kuadër të këtij bashkëpunimi, kemi kënaqësinë të ndajmë me studentët dhe alumnët tanë një mundësi të rëndësishme ndërkombëtare.

FFC Global Short Film Fund ofron një paketë mbështetëse me vlerë 33.000 €, e cila përfshin:

* Grant prej 10.000 € për prodhimin e filmit;
* Mbështetje në post-produksion me vlerë 15.000 €;
* Mbështetje për produksion virtual me vlerë 8.000 €;
* Mentorim, mjete kreative dhe qasje në komunitetin ndërkombëtar të Female Film Club.

Informacione të plota dhe aplikimi:
https://femalefilmclub.com/film-fund

Studentët e Universitetit të Prishtinës mund të përfitojnë 70% zbritje duke përdorur kodin:

FFCSTUDENT

Gjithashtu, më 5 gusht do të organizohet një sesion informues online, ku do të prezantohet fondi, do të demonstrohet platforma IMGN dhe do të jepen përgjigje për pyetjet lidhur me procesin e aplikimit.

Regjistrimi për workshop:
https://www.eventbrite.co.uk/e/inside-imgn-a-live-demo-every-filmmaker-should-see-tickets-1995476138848?keep_tld=true

Ftojmë të gjithë studentët dhe të diplomuarit e interesuar që ta shfrytëzojnë këtë mundësi për të zhvilluar projektet e tyre filmike, për të krijuar lidhje me profesionistë të industrisë dhe për t’u bërë pjesë e një komuniteti ndërkombëtar të kineastëve.

04/08/2026

30/07/2026

13/07/2026

13/07/2026

🤝 Fakulteti i Arteve dhe Tirana Film Institute nënshkruajnë memorandum pesëvjeçar bashkëpunimi

Dekani i Fakultetit të Arteve të Universitetit të Prishtinës, Prof. Dr. Hazir Haziri, dhe Drejtori Ekzekutiv i Tirana Film Institute dhe Tirana International Film Festival – TIFF, Agron Domi, nënshkruan një memorandum bashkëpunimi pesëvjeçar, me qëllim krijimin e një partneriteti të qëndrueshëm në fushën e edukimit filmik, promovimit dhe zhvillimit profesional të studentëve.

Marrëveshja parasheh përfshirjen e filmave studentorë të Fakultetit të Arteve në programin StudentTIFF, organizimin e paneleve, trajnimeve dhe aktiviteteve profesionale, pjesëmarrjen e studentëve në proceset e përzgjedhjes dhe jurive të festivalit, si dhe krijimin e mundësive të reja për zhvillimin dhe promovimin ndërkombëtar të punës së tyre.

Ky memorandum shënon një hap të rëndësishëm në forcimin e bashkëpunimit ndërmjet arsimit artistik dhe industrisë së filmit, duke krijuar një platformë konkrete për përvoja profesionale, shkëmbim njohurish dhe mbështetje të talenteve të reja.