Qendra për Avancimin e Performancës së Arsimit - QAPA

13/03/2026

Trajnime për mësimdhënës

THIRRJE - TRAJNIME PËR MËSIMDHËNËS

Ftohen të gjithë mësimdhënësit e arsimit parauniversitar të marrin pjesë në programet e trajnimit profesional të ofroara nga EDUMEN –K dhe të akredituara nga MASHTI,e të cilat janë valide për procesin e licencimit dhe rilicencimit të mësimdhënësve.

Ofertë speciale:
Pakoja përfshin tre programe trajnimi për mësimdhënës dhe ofrohet me zbritje deri në 30% për pjesëmarrësit që regjistrohen në të tre programet e trajnimit.

Datat e organizimit dhe programet e trajnimit që ofrohen janë:
1. 16 – 18.03.2026 : “Qasja dhe mësimdhënia e diferencuar“(Akreditimi nr.73/2025 )

2. 21 – 22.03.2026 : “Zhvillimi i të menduarit kritik dhe kreativ tek nxënësit " - (Akreditimi nr 114/2024)

3. 23 – 24.03.2026 : “Planifikimi sipas nevojave të nxënësit, hartimi i planit individual PIA” – (Akreditimi nr.115/2024)

Këto programe synojnë të avancojnë kompetencat profesionale të mësimdhënësve, të përmirësojnë praktikat bashkëkohore të mësimdhënies dhe të mbështesin zhvillimin e një mjedisi gjithëpërfshirës dhe stimulues për nxënësit.

Programet janë të akredituara nga MASHTI dhe njihen për nevojat e zhvillimit profesional të mësimdhënësve në kuadër të licencimit dhe rilicencimit.

Përfitimet për pjesëmarrësit:

· Trajnime të akredituara dhe të njohura institucionalisht

· Zhvillim i kompetencave profesionale në mësimdhënie

· Certifikatë përfundimi për secilin program

· Mundësi për shkëmbim përvojash dhe praktikash të mira

Pjesëmarrës:
Të gjithë mësimdhënësit e arsimit parauniversitar.

Për informata shtesë dhe regjistrim, të interesuarit mund të kontaktojnë organizatorin:

tel: 048 750 751 ( Viber, Whatsap, Msn);

email: [email protected].

25/02/2026

Trajnime pêr mësimdhënës

TRAJNIME PËR MËSIMDHËNËS

Të dashur mësimdhënës!
Vazhdojmë me trajnimet e radhës .
EDUMEN – K ka hartuar orarin e ri të trajnimeve në programet :

1. “Qasja dhe mësimdhënia e diferencuar“(Akreditimi nr.73/2025)
Data: 28.02 - 01-02.03.2026
Nr i orëve: 32
Forma e organizimit: Online

2. "Zhvillimi i të menduarit kritik dhe kreativ tek nxënësit " - ( Akreditimi nr 114/2024)
Data: 03 - 04.03.2026
Nr i orëve: 16
Forma e organizimit: Online

3. “Planifikimi sipas nevojave të nxënësit, hartimi i planit individual PIA” – (Akreditimi nr.115/2024).
Data: 05 - 06.03.2026
Nr i orëve: 16
Forma e organizimit: Online

Të gjitha programet janë të akredituara nga MASHTI dhe janë valide për licencimin apo rilicencimin e mësimdhënësve.

Për të gjitha informacionet e nevojshme, kandidatët e interesuar mund ta kontaktojnë direkt në tel: 048 750 751 ( Viber, Whatsap, Msn); email: [email protected].

Ju mirëpresim!

28/11/2025

24/11/2025

Londra feston shqip
Me rastin e 117 Vjetorit të Alfabetit të Gjuhës Shqipe dhe 113 Vjetorit të Shpalljes së Pavarësisë së Shqipërisë, Shoqata ARDHMËRIA organizoi manifestim të mrekullueshëm në Londër.
Në këtë festë me karakter kombëtar morën pjesë qindra nxënês, prindër dhe afarist shqiptar që jetojnë e veprojnë në Angli. Gjithashtu, pjesëmarrês ishin edhe ambasadori i Republikës së Shqipërisë dhe ai i Republikës së Kosovës, ish Zëvendësministri i arsimit të Republikës së Kosovës njëherit drejtori i tanishëm i Qendrës për Avancimin e Performances së Arsimit Z.Nehat Mustafa dhe intelektual të shumtë shqiptar e veprimtarë të çeshtjes kombëtare.
Fillimisht pjesëmarrësit u përshëndetën nga Z.Lad Krashi - Kryetar i Bordit Drejtues, për të vazhduar pastaj me fjalët përshëndetëse të dy ambasadorëve. Të gjithë njëzëri potencuan punën e madhe të bërë nga mësuesit shqiptar të Shkollës Shqipe Mësimi Plotësues dhe supermenaxhimit të bërë nga ana Drejtorit të Pêrgjithshêm Z.Lutfi Vata, i cili tanimë është bërë personifikim i Shkollës Shqipe në Londër e më gjërë.
Në fjalën e tij, drejtori i QAPA Z.Nehat Mustafa pasi shprehu mirënjohjen e tij për mësuesit e Shkollês Shqipe, donatorët dhe prindërit , ndër të tjera theksoi:"Po rikthehem në Londër pas 16 viteve si mysafir i Shoqatês Ardhmëria dhe jam i fascionuar me sukseset që ka arritur kjo shoqatë. 16 vite më parë në kuadër të kêsaj shoqate vepronin 7 shkolla me rreth 400 nxënës, kurse tani veprojnë 27 shkolla me rreth 1300 nxënës. Kjo rritje ne sasi e cilësi është treguesi më mirë se sa i madh është roli i drejtuesit në një institusion, siç është në këtë rast suksesi që ka arritur Z.Lutfi Vata.
Pra, në kohën kur pothuaj në çdo shtet kemi vështirësi e zvoglim të numrit të nxënësve shqiptar që ndjekin mësimin plotësues , e kundërta po ndodh në Londër ku fal punës Bordit Drejtues, mësuesve dhe mbi të gjitha e Z
VATA numri i shkollave dhe nxënësve ka shënuar rritje progresive ".
Në vazhdim të fjalës së tij, Z.Mustafa apeloi tek të dy amabasadorët , komuniteti dhe ekspertët që të gjithë ta ndihmojmë Shkollën Shqipe Mësimi Plotësues : "Të nderuar ambasadorë, tanimë është koha që qeverit tona, së bashku me komunitetin dhe ekspertêt e arsimit ta ndihmojmë më seriozisht shkollën shqipe në diaspor. Fëmijët që shohim sot në skenë, nesër mund të jenë amabasadorêt më të mirë të shqiptarisë si në shkencë, sport, kulturë, ekonomi, etj, e pse jo edhe në politikë. Prandaj, përkrahja për shkollën shqipe më shumë se obligim ligjor e moral, parasegjithash është mision që duhet përmbushur dhe se qendra QAPA do të ofroj kontributin e saj në fushën e arsimit, respektivisht zhvillimit profesional të mësimdhënësve".
Sigurisht që pjesa më e mirë e manifestimit ishin performancat e shumta të nxënësve të përgaditura me shumë përkushtim nga mësueset e respektuara.

22/11/2025

Drejtori i QAPA Z.Nehat Mustafa po qëndron për vizitë pune në Londër

Me ftesë të Shoqatës Ardhmëria me seli në Londër, Drejtori i Qendrës për Avancimin e Performancês së Arsimit Z.Nehat Mustafa po qëndron për vizitë pune në Londër.
Në ditën e parë të vizitës, Z.Mustafa i shoqëruar nga Kryetari i Lidhjes së Mësuesve Shqiptar në Britaninë e madhe, respektivisht Drejtori i Shoqatës Ardhmëria , Z. LUTFI VATA vizituan Shkollat Shqipe Mësimi Plotësues në Rajonin Westminster dhe në Zonën Lewisham të cilat menaxhohen nga Shoqata Ardhmëria.
Gjatë këtyre takimeve me nxënës e mësues të shkollave përkatëse, mësueset Anita Toçi dhe Anila Kadija ( që ushtron edhe detyrën e zëvendësdrejtores së shoqatës) njoftuan mysafirët për sfidat e organizimit të mësimit, sukseset dhe bashkpunimin me prindërit, duke potencuar në mënyrë veçantë rolin dhe kontributin e Bordit Drejtues të shoqatës dhe drejtorit të saj Z.Vata në krijimin e kushteve sa më të mira për nxënës e mësimdhënës.
Në kuadër të Shoqatës Ardhmëria funksionojnë 27 shkolla me mbi 1200 nxënës.
Po ashtu, Z.Mustafa takoi edhe Bordin Drejtues të Shoqatës Ardhmëria me të cilët diskutuan për sukseset e deritanishme të shoqatës dhe premtoi gadishmërinë e organizatës QAPA për të ofruar ndihmën profesionale pedagogjike, me theks të veçant në ofrimin e trajnimeve për mësues në fushën e Zhvillimit Profesional të Mësimdhënësve.
Gjatë ditës së sotme, Z.Mustafa prezentoi edhe në një takim të përbashkët të Bordit Drejtues me një grup afaristësh shqiptar të prirë nga Agim Arra e të cilët shprehën dëshirën e tyre për ta ndihmuar me donacione Shoqatën Ardhmëria.