SHFMU "Gjergj Fishta"Prishtinë

18/08/2026

NJOFTIM PËR PRINDËRIT DHE NXËNËSIT (KLASAT VI–IX)

​Të nderuar prindër,

​Më poshtë gjeni listën e teksteve shkollore që duhet të blehen për vitin e ri shkollor 2026/2027, për klasat 6, 7, 8 dhe 9.
​
​Me respekt,
Drejtoria e Shkollës

18/08/2026

NJOFTIM PËR PRINDËR,
KLASA I- V

Të nderuar prindër,

Ju njoftojmë se më poshtë mund të gjeni listën e teksteve shkollore që duhet t’i bleni për vitin shkollor 2026–2027, për klasat 1 deri 5.

Ju lutemi që librat t’i siguroni me kohë, në mënyrë që fëmijët ta fillojnë vitin shkollor të përgatitur për një vit të ri plot dije e suksese.

Me këtë rast, ju urojmë fillim të mbarë të vitit të ri shkollor të gjithë nxënësve të ciklit I–V dhe të ciklit VI -IX🎒📚🌟

Qoftë një vit i mbushur me suksese, përkushtim, gëzim dhe shumë arritje!

Suksese dhe mbarësi për të gjithë!

Me respekt,
Drejtoria e shkollës

21/07/2026

Mundësi shumë e mirë nxënës të dashur!
Për komunitetin e zonës sonë ideale!

🏊‍♀️ NOT PËR ÇDO NXËNËS!

Drejtoria e Arsimit në Kryeqytet ka hapur aplikimet për programin falas të mësimit të notit, i dedikuar nxënësve të shkollave publike të Prishtinës.

👧👦 Mosha: 9–11 vjeç
📍 Lokacioni: Pishina e Gërmisë
📅 Periudha: 20 korrik – 21 gusht 2026

🖥️ Aplikimi online: noti.kryeqyteti.net

Ftojmë prindërit që t’i regjistrojnë fëmijët e tyre dhe të shfrytëzojnë këtë mundësi për një verë aktive, të sigurt dhe plot përvoja të reja. 🌊

12/07/2026

https://www.facebook.com/share/p/18p15FhWd5/?mibextid=wwXIfr

17/06/2026

🌟 Sukses Ndërkombëtar dhe Inovacion në Arsim: SHFMU “Gjergj Fishta” përfaqësohet në Evropë!
Jemi jashtëzakonisht krenarë të njoftojmë se shkolla jonë, SHFMU “Gjergj Fishta”, ka shënuar një arritje historike në arenën ndërkombëtare të arsimit STEAM. Mentore e këtij rrugëtimi, mësimdhënësja e fizikës dhe udhëheqësja e grupeve hulumtuese shkollore, Shqipe Hoxha Llonçari, prezantoi me dinjitet të lartë, sukses të plotë dhe një pasion të jashtëzakonshëm projektin tonë në festivalin prestigjioz “Science on Stage 2026” në Lituani , festivali më i madh dhe më i rëndësishëm i edukimit në Evropë!

Në këtë ngjarje madhështore që mblodhi 600 mësuesit më inovativë të të gjithë evropës projekti ynë i titulluar “A Clean Water Source is a Precious Treasure” doli të jetë tejet atraktiv, magnetizues dhe inovativ për audiencën evropiane.

🤖 Inovacioni i Integruar (Harta Dixhitale & Aplikacioni): Si përgjigje inovative mjedisore, u krijua aplikacioni AquaBot i integruar plotësisht në telefon, i cili funksionon i lidhur me një hartë dixhitale inteligjente të Parkut të Gërmisë. Ky sistem inteligjent mundëson pasqyrimin e parametrave dhe monitorimin e cilësisë së ujit në kohë reale. Projekti ndërton një urë të përsosur mes shkencës mjedisore dhe teknologjisë informative, duke reflektuar plotësisht filozofinë tonë STEAM dhe duke e sjellë shkencën direkt në duart e përdoruesit.

🚀 Shtylla e Suksesit Tonë – Mentorimi dhe Filozofia STEAM
Ky përfaqësim dinjitoz në skenën evropiane është rrjedhojë e një pune të palodhshme dhe të vazhdueshme që bëhet në shkollën tonë:

Mentorim në STEM/STEAM: Përmes udhëheqjes së grupeve hulumtuese dhe klubit “Astronomët e Rinj”, nxënësit tanë frymëzohen çdo ditë drejt kërkimit shkencor, kuriozitetit për gjithësinë dhe mendimit kritik.

Inovacion dhe Mjete Digjitale: Zhvillimi i aplikacioneve inteligjente na mundëson që idetë vizionare të fëmijëve t'i kthejmë në mjete teknologjike praktike për komunitetin.

Zhvillim i Qëndrueshëm: Fokusimi tek edukimi mjedisor u mëson nxënësve se si ta përdorin teknologjinë si urë lidhëse për të mbrojtur resurset tona natyrore.

🏆 Në Elitën e Inovacionit Arsimor Evropian!

💡 “Filozofia jonë është ta zhvendosim mësimnxënien përtej mureve të klasës, drejt eksplorimit në terren, duke e kthyer kuriozitetin e nxënësve në aftësi praktike dhe inovative. Përmes teknologjisë dhe kërkimit shkencor, ne i fuqizojmë ata të krijojnë zgjidhje për sfidat reale të komunitetit tonë.”
— Shqipe Hoxha Llonçari, Mentore STEM

Interesi i madh dhe vlerësimi maksimal nga ekspertët ndërkombëtarë e vendos shkollën SHFMU "Gjergj Fishta" drejt e në elitën e inovacionit arsimor evropian!

Urime të gjithë nxënësve tanë kërkimtarë dhe mentores sonë për këtë sukses të jashtëzakonshëm që lartëson emrin e shkollës sonë, kryeqytetit dhe mbarë Kosovës! 👏✨

15/06/2026

💡Në vazhdën e aktiviteteve jashtëmësimore Klubi i Debatit i shkollës sonë veç e ka krijuar një kulturë pune dhe po lë gjurmë te secili posaqërisht te nxënësit ( pra ky është qëllimi).

📌✨Me FORMATIN E DEBATIT KARL POPPER u shënua edhe aktiviteti i radhës në shkollën tonë ku nxënësit anëtarë të Klubit debatuan me argumente dhe të dhëna të bazuara nga hulumtimet që kanë bërë për temën që është përcaktuar:
“DËSHIRAT DHE KUFIJTË -SI TA GJEJMË BALANCËN E PRINDËRIMIT” ?

🖇️Qëllimi i këtij aktiviteti ka qenë- ta kultivojmë durimin që “ Të dëgjojmë njëri -tjetrin për të rritur fëmijë të lumtur dhe të suksesshëm”!

📌🧩🔗🖇️🏫Në këtë aktivitet ishin të ftuar dhe të pranishëm Këshilli i Nxënësve të Shkollës, Këshilli i Prindërve të Shkollës, palë të interesit për shkollën, mysafir të sektoreve me të cilët bashkëpunon shkolla.

👏FALËNDEROJMË në veçanti për praninë e tyre në këtë aktivitet , drejtorin e DKA-së z. Arianit Elshani, pastaj
në emër te AVOKATIT TË POPULLIT -përfaqësuesin z. Baki Gimolli - KËSHILLTAR I LARTË JURIDIK NGA DEPARTAMENTI PËR MBROJTJEN E TË DREJTAVE TË FËMIJËVE, i deleguar nga Avokati i Popullit,
- përfaqësues nga sektori i Policisë së Kosovës, prindër nga KPSh-ja, -mësimdhënës të shkollës!
- Bujar Kurtiq -ish nxënës i shkollës i cili luajti në klarinet duke e bërë më madhështore këtë ngjarje.
I përgëzojmë nxënësit për paraqitjen e tyre si debatues me një kulturë në përpunim e sipër për mendimin kritik dhe komunikimin konstruktiv! Si dhe mësimdhënësen Arlinda Neziri Blakaj si bartëse të aktivitetit!

VAZHDOJMË!…

14/06/2026

Në kuadër të aktiviteteve jashtëmësimore me klasën nëntë është realizuar edhe semimatura.
Përgëzojmë nxënësit për arritjet e tyre dhe u urojmë suksese në rrugën e maturimit të plotë!
Njëkohësisht u shprehim mirënjohje edhe stafit të mësimdhënësve për punën qe kanë bërë me nxënës gjatë këtyre 0+9 viteve✨✨✨👏👏👏!

14/06/2026

Përmbyllëm disa aktivitete me shumë profesionalizëm dhe bashkëpunim kolegial🧩🧩🧩🧩🧩🧩💡🔗🏫!
📌Pas procesit të suksesshëm të Vlerësimit të brendshëm, vazhduam me Hartimin e PZhSh -së.
📎Pas disa punëtorive në shkollë me në krye pedagogen e shkollës, grupi i ekspertëve të Fushave të Cilësisë të mbështetur nga kryetarë të Aktiveve Profesionale, prindër dhe mësimdhënës vullnetarë punuan në përpilimin e Vizionit, Misionit dhe më pas edhe me SWOT analizë nxorën disa prioritete të cilat do të përcaktohen te plani vjetor i shkollës dhe më pas në realizim te plani afatmesëm.

✨📊I përgëzojmë dhe u shfaqim mirënjohje të gjithë kolegëve që kontribuan në cilën do formë në këtë proces shumë të rëndësishëm për shkollën dhe akterët e saj!👌👏👏👏

02/06/2026