Shkolla e gjuhës arabe "Fener"

AJETI MË SHPRESËDHËNËS NË KUR'AN!

"قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ" (الزمر: ٥٣)

"Thuaj: 'O robërit e Mi të cilët tepruan ndaj vetes së tyre!' Mos u zhgënjeni prej mëshirës së Allahut! Vërtet Allahu i fal të gjitha mëkatet. Vërtet Ai është Falësi, Mëshiruesi". (Ez-Zumer: 53)

UJI I FTOHTË - ILAÇ!

Allahu i Lartësuar e porosit Ejubin alejhisselam me fjalët:

"ارْكُضْ بِرِجْلِكَ ۖ هَٰذَا مُغْتَسَلٌ بَارِدٌ وَشَرَابٌ" (ص: ٤٢)

"Godit me këmbën tënde! Ky është ujë për pastrim, i ftohtë dhe pirje!" (Sad: 42)

Shkencërisht është vërtetu se uji i ftohtë ka disa efekte reale fiziologjike që mund të jenë të dobishme në situata të caktuara.
Disa përfitime që kanë mbështetje shkencore:
~Ul inflamacionin dhe ënjtjen pas lëndimeve apo stërvitjes intensive;
~Mund të ndihmojë në rikuperimin muskulor;
~Aktivizon sistemin nervor dhe rrit vigjilencën;
~Tek disa njerëz përmirëson humorin dhe ndjesinë e energjisë;
~Ekspozimi gradual ndaj të ftohtit mund të përmirësojë tolerancën ndaj stresit fizik;
Për shembull, dushi i ftohtë ose zhytja në ujë të ftohtë përdoret shpesh nga atletët për rikuperim.
Në mjekësi ekziston edhe terapia me të ftohtë (“cryotherapy”).

Mes dy ekstremeve "hiç gramatikë" dhe "shumë gramatikë", e vërteta është dajma "mesi i artë", mu në mes të mesit ekstrem.
Talebet e mi e dinë shumë mirë këtë llaf sepse jua çaj kryt nonstop kur ju tham se: "Gramatika është ni mjet i cilli t'çon tek qëllimi".
Apo "ajo është argat shumë i mirë, por shef shumë i keq".
Edhe skip munesh me ia ba.
Patjetër!
Ti je boss edhe e ke n'dorë këtë vendim.
Ama, dhimtat e trupit i ndjen ma vonë.
Sagllam, dost!
Pra, si përmbledhje:
"Është tepër, tepër gabim i madh kur mjeti shndërrohet në qëllim n'vete.
Këtu e hup udhën n'aborr!"

"Pitaj ga koji je mez'heb"/"Pyete çfarë medhhebi është", e dëgjova nëpërmjet telefonit një vëlla boshnjak i cili po i thoshte kushës tim me ma bë këtë pyetje, ndërkohë që po i shijoja rrezet e diellit në mëngjesin e xhumasë së kaluar pranë liqenit të bukur suedez në qytetin Jönköping.
Pasi e përfundoi bisedën me vëllaçkon boshnjak, ia sqarova me pak fjalë kushës tim "muhabetin e medhhebeve".
Nuk e zgjata shumë.
2-3 minuta.
Ata që m'njohin, e dinë shumë mirë se këto tema fort t'nxehta t'cilat ne kemi shumë qef me "ua shti fitilin", unë fort pëlqej me ua qit kapakun.

Edhe ma parë, herë-herë, m'kanë pyet edhe vazhdojnë me m'pyet se cilit medhheb i përkas unë.
Jam përgjigj shumë shkurt "El-Haxh: 78".
Vëllaçkoja boshnjak me pyetjen e tij veç e ka përforcu përzgjedhjen e temës sime për hutbe të xhumasë së kaluar:
"Ai ju quajti muslimanë" (El-Haxh: 78)

E kam parasysh që muslimanët në shqiptari ndjekin medhhebin hanefi, në Saudi - hanbeli, e gjetiu maliki e shafi'i.
E di vëllaçko, e di fort mirë që shejh Feuzanin e kanë pyet për emërtimin "selefi", që dikush me e quajt veten sot kështu dhe e konfirmu se një gjë e tillë është në rregull.
E di, shumë mirë e di edhe librin e Ibn Rexhebit, ku argumenton bindshëm ndjekjen e njërit nga katër medhhebet, duke i kritikuar fort jomedhhebistët.
(Librin madje kam nis me e përkthy në shqip).

Këto nuk janë tema trajtimi e diskutimi, kështu që kurseji gishtat nga komentimi!

Hutbeja ime e xhumasë së kaluar kishte të bënte me nevojën tonë shumë të madhe për lidhjen me Kur'an dhe bashkimin rreth konceptit "islam/muslimanë".
Në Kur'an ka plot ajete të cilat janë vetvetiu të qarta, krejt të drejtpërdrejta.
E një ajet i tillë është edhe ajeti i fundit i sures el-Haxh:

"وَجَاهِدُوا فِي اللَّهِ حَقَّ جِهَادِهِ ۚ هُوَ اجْتَبَاكُمْ وَمَا جَعَلَ عَلَيْكُمْ فِي الدِّينِ مِنْ حَرَجٍ ۚ مِّلَّةَ أَبِيكُمْ إِبْرَاهِيمَ ۚ هُوَ سَمَّاكُمُ الْمُسْلِمِينَ مِن قَبْلُ وَفِي هَٰذَا لِيَكُونَ الرَّسُولُ شَهِيدًا عَلَيْكُمْ وَتَكُونُوا شُهَدَاءَ عَلَى النَّاسِ ۚ فَأَقِيمُوا الصَّلَاةَ وَآتُوا الزَّكَاةَ وَاعْتَصِمُوا بِاللَّهِ هُوَ مَوْلَاكُمْ ۖ فَنِعْمَ الْمَوْلَىٰ وَنِعْمَ النَّصِيرُ" (الحج: ٧٨)

~Dhe përpiquni fort për Kauzën e Allahut, me hak.
~Ai ju ka zgjedhur dhe nuk ju ka vënë asnjë barrë në fenë tuaj, fenë e babait tuaj, Ibrahimit.
~Ai ju ka quajtur juve muslimanë qysh më parë dhe në këtë (Kur'an), me qëllim që i dërguari të jetë dëshmitar mbi ju dhe që ju të jeni dëshmitarë mbi njerëzit e tjerë.
~Prandaj, përsoseni namazin, jepni zeqatin dhe mbështetuni tek Allahu!
~Ai është Mbrojtësi juaj.
~E sa Mbrojtës dhe Ndihmës i mrekullueshëm është Ai!
(El-Haxh: 78)

Porositë e hutbes:

1. "Ai ju quajti MUSLIMANË" - jo suni, hanefi, selefi, hanbeli, sufi ...
Si ia lejoni vetes që Allahu zgjodhi për ju emërtimin "muslimanë", ndërkohë që ju ia ngjisni vetes llojlloj emrash...

2. Islami nuk është feja më e re, sikurse mendohet gabimisht.
Ibrahimi alejhisselam ishte musliman
(Ali Imran: 67)
Musa alejhisselam ishte musliman (Junus: 84)
Jusufi alejhisselam ishte musliman (Jusuf: 101)
Të gjithë pejgamberët, pa përjashtim, ishin muslimanë:
إن الدين عند الله الإسلام (آل عمران: ١٩)
"Vërtet, feja tek Allahu është Islami" (Ali Imran: 19)

3. Në kohën aktuale, fatkeqësisht jemi dëshmitarë të grupimeve dhe ndasive të llojllojshme të vëllezërve muslimanë me emërtime të ndryshme.
Thirrje e sinqertë për të gjithë që të dalin nga këneta e grupimeve/ndasive të ngushta, përndryshe do ta humbim veten dhe davetin tonë!

4. Islami thërret në organizim të thirrjes, jo në thirrje të organizimit.
Uji i pijshëm është ai i cili nuk ka as shije, as ngjyrë dhe as erë. Po kështu, edhe besimtari i mençur e vigjilent duhet të largohet gjithmonë nga çdolloj turbullire dhe të qëndrojë në pastërti/kthjelltësi.

5. Ne, muslimanë, kemi 95% elemente të përbashkëta mes vete, ndërsa vetëm 5% elemente të divergjencave në çështje të vogla dhe vazhdojmë të kapemi "për fyt" rreth pesëpërqindësh*t.
Fetë e tjera kanë vetëm 5% elemente të përbashkëta mes tyre, ndërsa 95% - elemente të divergjencave të mëdha dhe çuditërisht janë të bashkuar rreth pesëpërqindësh*t, duke i lënë anash mospajtimet mes tyre, pasi që caku është i njëjtë - "shembja e Islamit".

6. Diagnoza jonë vazhdon me qenë e njëjtë: "Largimi ynë nga Kur'ani" dhe ilaçi ynë vazhdon me qenë i njëjtë: "Kthimi ynë te Kur'ani".

Allahu na forcoftë në fenë e Tij të drejtë, meqë jetojmë në kohëra fitnesh të mëdha🤲

“Pasha Allahun, ai (Kur'ani) ka një ëmbëlsi, e mbi të ka një hijeshi; maja e tij është plot bereqet, kurse fundi i tij ka shumë lezet; ai (Kur'ani) lartësohet dhe atë s'ka gjë që e tejkalon”.

Me këto fjalë e ka përshkruar gjuhën e Kur'anit mushriku/idhujtari el-Velid ibnul-Mugire.

https://t.me/Gjuha_e_Kuranit

Këtë t'premte dhe gjatë vikendit, ditë e shtunë dhe diel do t'jem inshaAllah për disa derse n'Suedi/Jönköping.

Me shumë kënaqësi, do t'ju takoja t'gjithë ju që jeni andej❤️

Do t'flasim për disa tema t'cilat prekin përditshmërinë tonë, për nevojën tonë t'lidhjes me Kur'anin, për përmbushjen shpirtërore dhe përkujtimin se ilaçi është po ai i njëjti sa herë që ne sëmuremi.
~Ajeti i fundit i sures Haxh na përkujton se ne jemi muslimanë, prandaj t'i lëmë përfundimisht etiketat e tjera t'cilat na i kanë ngjit të tjerët apo ne ia ngjisim pavetëdijshëm vetes sonë.
~Ajeti 90 i sures Nahl, t'cilin e dëgjojmë çdo t'premte, na thërret t'i përmbahemi fort tri urdhëresave dhe tri ndalesave.
Është ajet më përmbledhës në Kur'an, siç thotë Ibn Mes'udi radijallahu anhu.
~Secili prind do të duhej të ndajë pak minuta të jetës së tij dhe t'ia përcjell porositë shumë të çmuara evladit të tij, sikurse ia ka përcjell Llukmani evladit t'vet (Llukman, 13-19).

Për më shumë llafe, shihemi atje!

PEJGAMBERI BËN TEFSIR!

Allahu i Lartësuar në ajetin 26 të sures Junus, thotë:

"لِّلَّذِينَ أَحْسَنُوا الْحُسْنَىٰ وَزِيَادَةٌ ۖ"

"Ata të cilët bëjnë vepra të mira do të kenë shpërblim të mirë, e edhe shtesë!"

Pejgamberi i Allahut alejhissalatu uesselam thotë:
"Fjala الحسنى është xheneti, kurse الزيادة është shikimi në Fytyrën e Allahut Bujar".

~E shënon Muslimi

~E pse usta, në gjuhën arabe gjithnjë fillon prej "ai, në vetën e tretë?"

~Sepse folja në gjuhën arabe, rrënja e saj është në vetën e tretë, njëjës, koha e kryer, gjinia mashkullore.

~Këtë e di, po pse?
~Sepse "ai" - baza në vetën e tretë është Ademi alejhisselam, njeriu i parë.
Prandaj edhe gjatë zgjedhimit të foljes në gjuhën arabe, shpesh hasim:

قال - ai tha
قالت - ajo tha
آمن - ai ka besu
آمنت - ajo ka besu
كفر - ai ka mohu
كفرت - ajo ka mohu

Sepse "ajo" del prej "ai" apo ma shqip "Ajo (Hava) ka dalë prej Ai (Ademi)".

Jo, shoq, nuk e kam lexu askund!
E kam nxjerr nga slowly meditation🙃