SHFMU "Meto Bajraktari" - Prishtinë

Përmbyllja e vitit shkollor 2025/2026

Sot, në mbledhjen e Këshillit të Mësimdhënësve, bëmë një analizë të detajuar të punës së realizuar gjatë vitit shkollor 2025/2026, duke prezantuar statistikat, arritjet, projektet, trajnimet dhe objektivat tona për vitin e ardhshëm.

Viti që lamë pas ka qenë një ndër vitet më të suksesshme për shkollën tonë.

Me përkushtim, profesionalizëm dhe bashkëpunim të vazhdueshëm, kemi arritur rezultate të shkëlqyera në nivel komunal dhe kombëtar.
Jemi krenarë që shkolla jonë është renditur në mesin e tre shkollave më të mira në Komunën e Prishtinës në garat komunale, duke dëshmuar cilësinë e punës dhe angazhimin e të gjithëve.

Gjatë këtij viti janë realizuar me sukses projekte të shumta kombëtare dhe ndërkombëtare, janë ndjekur trajnime profesionale dhe janë krijuar mundësi të reja zhvillimi për nxënësit dhe stafin tonë. Këto rezultate janë fryt i një pune të përbashkët dhe i një vizioni të qartë për avancimin e vazhdueshëm të shkollës sonë.
Falënderojmë nga zemra mësimdhënësit për përkushtimin dhe profesionalizmin e tyre, nxënësit për angazhimin dhe sukseset e arritura, si dhe prindërit për besimin dhe bashkëpunimin e vazhdueshëm.

Me krenari për arritjet e këtij viti dhe me motivim për sfidat e reja, shikojmë drejt vitit që na pret, të bindur se së bashku do të vazhdojmë të ndërtojmë histori suksesi.
Ju urojmë të gjithëve pushime të mbara, shëndet dhe energji për një vit të ri shkollor edhe më të suksesshëm! 🌟📚👏

🎓✨ Ceremonia e Përfundimit të Klasës së Pestë dhe Shpërndarjes së Dëftesave ✨🎓

Me emocione, krenari dhe gëzim u mbajt ceremonia e përfundimit të arsimit fillor dhe shpërndarjes së dëftesave për nxënësit e klasave të pesta.

Kjo ditë e veçantë shënoi përmbylljen e një etape të rëndësishme në jetën shkollore të nxënësve tanë, një rrugëtim i mbushur me dije, përkushtim, miqësi, buzëqeshje dhe kujtime të paharrueshme.

Atmosferën festive e zbukuruan pikat artistike të përgatitura me shumë dashuri nga nxënësit, të cilët shfaqën talentin, kreativitetin dhe gëzimin e tyre përmes valleve dhe këngës së përbashkët. Çdo performancë u shoqërua me duartrokitje të ngrohta dhe emocione të veçanta.

Një nga momentet më të rëndësishme të ceremonisë ishte shpërndarja e dëftesave, si simbol i punës, përkushtimit dhe sukseseve të arritura gjatë arsimit fillor. Gëzimi i nxënësve u kurorëzua më pas me hedhjen simbolike të kapelave, prerjen e tortës festive dhe fotografitë e përbashkëta, duke krijuar kujtime që do të mbeten gjatë në zemrat e të gjithëve.

Falënderojmë prindërit për mbështetjen e vazhdueshme, mësimdhënësit për përkushtimin e tyre dhe nxënësit tanë të dashur për çdo sukses, buzëqeshje dhe moment të bukur që ndamë së bashku.

Urime të gjithë nxënësve për përfundimin e klasës së pestë! Ju urojmë shumë suksese, ëndrra të realizuara dhe një rrugëtim të mbarë në etapën e re të shkollimit. ❤️📚🌟

🌿 Përmbyllja e Projektit eTwinning “Në Kërkim të Stinëve” 🌿
Me shumë gëzim dhe krenari përmbyllëm me sukses projektin tonë të dytë eTwinning, “Në Kërkim të Stinëve”. Gjatë këtij rrugëtimi të pasur me aktivitete, nxënësit dhe mësueset mësuan, krijuan dhe bashkëpunuan duke eksploruar bukurinë e katër stinëve dhe duke ndarë përvoja të vlefshme me partnerë nga vende të ndryshme.
Ky sukses erdhi falë punës dhe përkushtimit të mësueseve Gresa Salihu, Shkëndije Jashari, Ibadete Syla-Gashi dhe Aferdita Prokshi, si dhe bashkëpunimit të shkëlqyer me bashkëthemeluesen e projektit, Teuta Bilçari nga Berati.
Falënderojmë përzemërsisht menaxhmentin e shkollës për mbështetjen e vazhdueshme, Habibe Buzukun nga Ministria e Arsimit për pjesëmarrjen e saj, si dhe të gjithë prindërit që na qëndruan pranë gjatë realizimit të aktiviteteve.
Mirënjohje të veçantë për donatorët dhe mbështetësit tanë: kompaninë DEA, kompaninë Frutex , restorantin Batllava Premium për darkën e organizuar.
Në përmbyllje te projektit per nderë të vizitës që na e bëri mesuesja nga Berati Teuta Bilçari ne si grup punues i mësueseve e nderuam mësuesen në fjalë duke e dërguar te Kompleksi Adem Jashari dhe në disa vende të Kosovës.
Ky projekt na solli njohuri të reja, miqësi të bukura dhe kujtime të paharrueshme. Faleminderit të gjithëve që ish*t pjesë e këtij projekti.

Programi "Lamtumirë Parashkollor"

Pas një viti të mbushur me lojë, mësim, buzëqeshje dhe kujtime të bukura, fëmijët tanë janë gati të hedhin hapin e radhës drejt rrugëtimit të tyre shkollor.

Ju falënderojmë prindër të nderuar për bashkëpunimin, besimin dhe mbështetjen tuaj gjatë gjithë këtij rrugëtimi.

Falënderojmë gjithashtu fëmijët tanë të mrekullueshëm që çdo ditë e mbushën klasën me gëzim, energji dhe dashuri.

Ju urojmë suksese të pafundme në kapitullin e ri që ju pret. Le të vazhdojnë miqësitë e bukura dhe kujtimet e paharrueshme që krijuam së bashku.

Me dashuri, Mësueset Sadije dhe Mirgeta 🌸

Sukses i Jashtëzakonshëm në Garat e Diturisë Prishtina 2026!

Shkolla jonë është nderuar me mirënjohje nga Drejtoria Komunale e Arsimit e Komunës së Prishtinës për suksesin e arritur në Garat e Diturisë Prishtina 2026.

Ky rezultat i shkëlqyer është dëshmi e punës së palodhshme, përkushtimit dhe bashkëpunimit të vazhdueshëm ndërmjet nxënësve, mësimdhënësve dhe prindërve tanë.

Angazhimi i secilit ka kontribuar në arritjen e këtij suksesi, i cili na motivon të vazhdojmë me të njëjtin përkushtim edhe në të ardhmen.

Falënderojmë të gjithë nxënësit, mësimdhënësit dhe prindërit për kontributin e tyre të çmuar në këtë sukses të përbashkët.

Doklean Gjocaj

Yll Gojnovci

Anik Hyseni

Matematikë

Anisa Ahmeti

Trim Abazi

Elsa Zakuti

Butrina Cenaj

Nejla Kelmendi

Urime të gjithëve për këtë arritje të rëndësishme! 🏆🎉

*Rezultatet e garës për esenë më të mirë të vitit*

Në garën e organizuar për përzgjedhjen e esesë më të mirë të vitit, nxënësit e klasave të shtata dhe të nënta dëshmuan nivel të lartë përkushtimi, kreativiteti dhe aftësish në të shkruar. Punimet e tyre u vlerësuan mbi bazën e katër kritereve kryesore:
- Shtjellimit të idesë,
- Organizimit të përmbajtjes,
- Stilit të të shkruarit dhe
- Saktësisë gjuhësore.

Pas vlerësimit të bërë nga mësimdhënëset e gjuhës angleze, Drita Ajeti dhe Vjollca Tahiri, rezultatet përfundimtare janë:

*Klasat e VII-ta*
🥇 Vendi i parë: Buna Musa
🥈 Vendi i dytë: Geat Zeneli
🥉 Vendi i tretë: Enea Berisha

*Klasat e IX-ta*
🥇 Vendi i parë: Elsa Zakuti
🥈 Vendi i dytë: Leon S**a
🥉 Vendi i tretë: Yll Gojnovci

I përgëzojmë të gjithë nxënësit që morën pjesë në këtë aktivitet, duke treguar talent, përkushtim dhe dashuri për të shkruarit. Fituesve u urojmë suksese të mëtejshme, ndërsa të gjithë nxënësve shëndet dhe arritje të vazhdueshme në rrugëtimin e tyre drejt dijes dhe suksesit. 🎉📚🏆

Endri Lushtaku, nxënës i klasës 5/2, është dalluar me një sukses në fushën e muzikës klasike, duke fituar tri çmime të para në gara prestigjioze.

Në garën “Prishtina Talent” (31.05.2026), ai u vlerësua me vendin e parë në piano, duke grumbulluar 95 pikë.

Ndërsa në “Mitrovica International Classical Competition” (06.06.2026), Endriu arriti një tjetër sukses të madh, duke fituar:
– Vendin e parë në piano me 95 pikë
– Çmimin absolut në solfezh me 100 pikë

Këto arritje dëshmojnë përkushtimin, talentin dhe punën e palodhur të Endrit në muzikë. .

Po ashtu nxënësi i klasës V/3, Mal Berisha, u nderua me vendin e dytë në garat artistike ndërkombëtare "Prishtina Talent", në kategorinë për piano duke treguar një performancë të jashtëzakonshme në fushën e muzikës. I lumtë Malit për suksesin e merituar dhe suksese tutje!

Po ashtu me krenari përgëzojmë nxënësen tonë Nina Rrahmani, e klasës V/4, e cila në garën Prishtina Talent fitoi vendin e dytë në piano. 🎹🏆

Ky sukses pasqyron talentin, përkushtimin dhe dashurinë e saj për muzikën. Nina na bëri krenarë me paraqitjen e saj të mrekullueshme në një konkurrencë të fortë artistike.