Unioni i Studentëve të Kosovës

Me 10 Qershor mbahen zgjedhjet studentore ne Universitetin e Prishtines.
Ju keni veç nje adrese ajo eshte UPSK.

Koronavirusi po vazhdon të kërcënojë shëndetin publik, por ne po bëjmë çdo gjë të mundur që të mbrojmë veten dhe më të dashurit tanë.

Le të shfaqim kreativitetin dhe të ngrisim vetëdijen duke bërë foto e video të shkurtra për konkursin tonë.

Tri vendet e para do të fitojnë iPhone.

Detajet këtu: osce.org/files/f/documents/8/9/470379_0.pdf

Reagim

Unioni i Studenteve te Kosoves eshte i tronditur nga lajmi i ndarjes nga jeta te studentit A.Z, lajm i cili solli zi ne tere Kosoven.

Vdekja e studentit, A.M, eshte tej mase shqetesuese per ne si USK, sic eshte dhe duhet te jete per te gjithe. Nje rast i tille duhet medoemos te shqyrtohet e te zbardhet.

Ngushellime familjareve te studentit A.M. Dhimbja juaj eshte dhimbje e jona!

Me respekt,
Unioni i Studenteve te Kosoves

Enigma e vdekjes së 26 vjecarit në Qendrën e Stidentëve - Gazeta Express Enigma e vdekjes së 26 vjecarit në Qendrën e Stidentëve

Drejtuar studenteve te Kosoves,

Unioni i Studenteve te Kosoves shpreh gatishmerine e plote per t'iu pergjigjuar kerkesave te juaja lidhur me situaten e krijuar nga pandemia Covid-19. Cdo kerkese apo pakenaqesie shkaktuar nga rrethanat aktuale lidhur me jeten studentore USK eshte ne dispozicion per t'iu pergjigjur e gjetur zgjidhje ne raste nevoje.

Nderkohe, Unioni i Studenteve te Kosoves eshte tashme i angazhuar kundrejt nje hulumtimi ku parashihet analizimi i mbajtjes se procesit mesimor online, permes se ciles do te kontaktohen studentet e te gjitha universiteteve te Kosoves publike dhe atyre private.

Deri ne permiresim te situates e rikthimit ne normalitet, Unioni i Studenteve te Kosoves ju ben thirrje studenteve te rrini ne shtepi e te kontribuojme per njeri-tjetrin ne keto kohe kur me se shumti kemi nevoje.

Qofshi shendetplote!

Me respekt,

Krenare Cerkini
Kryetare e Unionit te Studenteve te Kosoves

Kerkese drejtuar Qeverise se Kosoves per mbylljen e kafeneve,

Unioni i Studenteve te Kosoves e mirepret vendimin e marre nga Qeveria e Kosoves per mbylljen institucioneve arsimore pergjate ketij afati dy javor. Gjithsesi, duke qene te vetdijshem kundrejt situates se krijuar globale qe ka afektuar edhe Kosoven, shkak virusi COV-19, i bejme thirrje Qeverise qe te mbyllin edhe kafenete ne te gjitha qytetet e Kosoves.

Duke qene se nje nder sygjerimet me qenesore qe duhet praktikuar keto dite eshte evitimi i tubimeve, krahas mbajtjes se higjienes, ne po adresojme kete kerkese te mbylljes se kafeneve duke e pare vazhdimesine e frekuentimit te tyre, sidomos nga te rinjte e Kosoves.

Kjo kerkese nuk ka baze panike dhe as nuk e perqon nje mesazh te tille. Eshte kerkese, realizimi i te ciles besojme qe do i kontribuoje ne evitimin e pakenaqesive te mundura.

Pa panike, por shume kujdes per veten e per te afermit tane!

Me respekt,

Unioni i Studenteve te Kosoves

Unioni i Studentëve të Kosovës përshëndet vendimin e Qeverisë së Kosovës lidhur me pezullimin e procesit mësimor në të gjitha nivelet, si masë preventive për përhapjen enorme që po merr Corona Virusi.

Më poshtë gjeni vendimin e plotë të Qeverisë:

MASAT E REJA TË QEVERISË SË KOSOVËS LIDHUR ME COVID-19

11 mars, 2020

1. Ndërprerja e procesit edukativo arsimor në institucione arsimore publike dhe private në të gjitha nivelet deri 27 mars 2020. Me rekomandim që të lirohet njëri prind nga puna (kjo masë nuk vlenë për puntorët shëndetësor dhe për puntorët në sektorin e sigurisë);

2. Pezullimi i përkohshëm i linjave të udhëtimit ajror dhe tokësor nga vendet me risk të lartë dhe të mesëm (deri në një një vendim tjetër);

3. Kontroll i obliguar i udhtarëve nga ekipet mjekësore të QKMF-ve në të gjitha hyrje daljet e Kosovës me mbështetjen e Policisë së Kosovës të të gjithë qytetarëve që vijnë nga zonat epidemike, për detektimin e rasteve me COVID-19 dhe ndërmarrjen e masave parandaluese;

4. Vetëkarantinim i detyruar për të gjithë qytetarët që hyjnë në Republikën e Kosovës nga zonat epidemike me rrezik të lartë dhe të mesëm, në përputhje me udhëzimet e OBSH-së (moszbatimi i dënueshëm sipas Ligjit për Parandalimin e Sëmundjeve Ngjitëse). Në rast se personat e caktuar nuk mund të vetëkarantinohen rekomandohen të vendosen në karantinat e përbashkëta të caktuara nga Qeveria e Republikës së Kosovës;

5. Aktivitetet publike dhe jopublike mund të zhvillohen të mbyllura/pa praninë e publikut si: ngjarje/tubime sportive, tubime, koncerte, konferenca, tryeza të rrumbullakëta deri në një vendim tjetër;

6. Të ndalohet veprimtaria e restoranteve, klubeve të natës, palestrave, pishinave pas orës 23:00;

7. Të ndalohet eksporti i pajisjeve, materialeve dhe medikamenteve mjekësore nga ana e operatorëve ekonomik dhe prodhuesve, përveç me Vendim të Qeverisë;

8. Të gjitha institucionet qeveritare, si dhe ndërmarrjet publike dhe private detyrohen të ndërmarrin masa për mbrojtje dhe dezinfektim në të gjitha institucionet sipas udhëzimeve nga Ministria e Shëndetësisë, të cilat kanë të bëjnë me masat e përforcuara higjienike.

9. Të gjitha ndërmarrjet publike dhe kompanitë private që kryejnë transport publik të udhëtarëve, obligohen të bëjnë dezinfektim të rregullt të mjeteve transportuese.

10. Të ndalohet transporti i organizuar ndërkombëtar (autobus, minibus dhe të ngjashme) drejt vendeve me rrezik të lartë dhe anasjelltas.

11. Personat fizik dhe juridik të cilët nuk i respektojnë dhe i shkelin rekomandimet do të ndëshkohen në përputhje me legjislacionin në fuqi.

Varësisht nga zhvillimet e situatës Vendimet mund të plotësohen dhe ndryshohen në kohë reale dhe do të njoftohen qytetarët e Republikës së Kosovës.

Në 5, 6 dhe 7 Marsin e lavdisë së vitit 1998, kujtojmë sakrificën historike e të pashoq të familjes 55 anëtarëshe flijuese për lirinë që e gëzojmë e vlerësojmë sot!

Përjetësisht të përulur ndaj familjes Jashari! 🇦🇱

Me respekt,
Unioni i Studentëve të Kosovës!

Të nderuar kolegë, miq dhe familjarë

Unioni i Studentëve të Kosovës ka përcjellur me plot dhimbje lajmet për tërmetet e njëpasnjëshme në Shqipëri.

Ne, si Union i Studentëve bashkëndjejmë këtë gjendje tronditëse për viktimat që mbetën nën rrënojat e shtëpive të shembura!
Shprehim gatishmërinë për ndihmë të çdo familjeje që ka nevojë për strehim dhe gjëra materiale.

Lutemi që numri i viktimave të mos rritet, ndërsa atyre që luftojnë me jetë shërim sa më të shpejtë!

Koha për solidaritet është evidente më shumë se kurrë!
Të ndihmojmë e të lutemi për Nënën Shqipëri!

Me respekt,
Unioni i Studentëve të Kosovës!

Informim rreth zgjedhjeve te reja studentore per studentet e Kolegjit AAB,

-
ZGJEDHJET STUDENTORE 2019/20

Të nderuar studentë,
Unioni i Pavarur i Studentëve të Kolegjit AAB ka shpallur zgjedhjet e lira për përbërjen e re të Unionit.
Secili student i cili arrin të mbledhë 50 nënshkrime nga kolegët ka të drejtë të paraqesë kandidaturën e tij për të qenë përfaqësues i fakultetit në përbërjen e re të Parlamentit Studentor.
Afati i mbledhjes së nënshkrimeve fillon nga 24.11.2019-29.11.2019.
Rregullat e hollësishme bazuar në Statutin e Unionit Studentor, i gjeni në vazhdim.

Suksese!
-
Per me shume informata referojuni faqes Kolegji AAB

Me respekt,
Unioni i Studenteve te Kosoves

Its happening!

+

Unioni i Studenteve te Kosoves morri pjese ne tryezen e organizuar nga OSBE, Misioni ne Kosove,

Kjo tryeze u udhehoq nga disa paneliste, si:

- shefi i departamentit per qeverisje dhe demokratizim te OSBE-se, z. Peter Welling
-zyrtarja e larte e departamentit per qeverisje dhe demokratizim, znj. Francesca Damiani,
-Kryetar i Komisionit për Arsim, z. Ismajl Kurteshi,
-Drejtor i Departamentit të Rinisë nga Ministria e
Kulturës, Rinisë dhe Sportit, z. Fehim Hoxha – dhe
- Kryetarja e Unionit te Studenteve te Kosoves, znjsh. Krenare Çerkini

Gjate ketij takimi, kryetarja znjsh.Cerkini, prezantoi punen e vjecarit te fundit te Unionit te Studenteve te Kosoves, duke i vene theks sukseseve te arritura si ne nivel vendi ashtu edhe nivel nderkombtar.

Ky angazhim e ky sukses u mikprit jashtezakonisht mire nga pjesemarresit e tjere, e vecanerisht nga z.Welling, i cili se bashku me znj.Damiani, eshte nder suportuesit me te medhenje te USK-se duke mbeshtetur realizimin e cdo projekti te realizuar tashme me OSBE-ne ( punetorite, konferencat, seminaret, kampanjat informuese...)

Nder te tjerash, ne kete tryeze u diskutua edhe per plotesim ndryshimin e ligjit per Fuqizimin dhe Pjesemarrjen e Rinise dhe Udhezimit Administrativ per pune vullnetare. Arsyeja e plotesim ndryshimeve te ketyre akteve ligjore dhe nenligjore vjen si pasoje e hasjes ne pengesa per zbatushmerine e ketyre akteve.

Unioni i Studenteve te Kosoves u zotua qe do te dhuroje kontributin e duhur e te vazhdueshëm per avokimin e çdo te drejte qe nderlidhet me te studentet e Kosoves.

Vlen te ceket qe Unioni i Studenteve te Kosoves nga fundi i muajit shtator do te filloje procedurat konform ligjit per Nismat Ligjore per ligjin per Pune Praktike me pagese per te gjithe studentet qe perfundojne studimet themelore.

Unioni i Studenteve te Kosoves vazhdon te shenoje hapa te suksesshem!

Me respekt,
Unioni i Studenteve te Kosoves

photocredits: Arjan Bytyqi

Delegacioni i përfaqësuesve të studentëve austriakë, për herë të parë vizitojnë Kosovën

Pas vizitës që Unioni i Studentëve të Kosovës i bëri muaj më parë Unionit të Studentëve të Salzbugut (ÖH Uni Salzburg), këta të fundit erdhën në Kosovë me ftesë të USK-së për ta thelluar edhe më tej bashkëpunimin në mes të dy Unioneve.

Në këtë takim u diskutua për projektet e përbashkëta që do të realizohen, të cilat në qendër do ta kenë përmirësimin e jetës studentore në të dy shtetet.
Ndër tjerash në këtë takim u shkëmbyen përvojat dhe praktikat e ndryshme të përfaqësuesve nga Austria dhe delegatëve të USK-së, me qëllim të aritjes së zgjidhjes sa më të lehtë të problemeve që i preukupojnë studentët.

ÖH Uni Salzburg shprehu gatishmërinë që të mbështesë edhe iniciativa tjera të Unionit të Studentëve të Kosovës, duke vlerësuar kështu lartë punën që po bëhet nga ne në përfaqësimin vendor dhe ndërkombëtar të studentëve.

Me respekt, Unioni i Studentëve të Kosovës.

PhotoCredits: Arjan Bytyqi