Akademia e Hifzit Elita

03/05/2026

Në Akademinë e Hifzit, mësimi i Kuranit gërshetohet me kënaqësi shpirtërore, edukim dhe përjetime të bukura për fëmijët tanë.

Përveç mësimit në klasë, fëmijët mbajnë orë të hapura edhe në natyrë, ku shijojnë bukuritë që Allahu ka krijuar dhe reflektojnë mbi madhështinë e Tij. Në mes të gjelbërimit, ajrit të pastër dhe qetësisë, ata mësojnë ajetet e Kuranit me zemër të hapur dhe shpirt të qetë.

Kështu, hifzi bëhet një udhëtim i bukur mes dijes, natyrës dhe dashurisë për Fjalën e Allahut. 🌿📖✨

01/05/2026

Një ditë mësimi në natyrë me studentët e Hifzit 🌿

Në një ambient të qetë dhe të mbushur me bukuritë e krijimit të Allahut, studentët e Hifzit kaluan një ditë të veçantë mësimi në natyrë. Mes ajrit të pastër dhe atmosferës relaksuese, u përsëritën ajete kuranore, u forcuan njohuritë dhe u përjetuan momente të bukura së bashku.

Mësimi në natyrë sjell freski në mendje, qetësi në zemër dhe motivim për rrugëtimin me Librin e Allahut. 🌱📖

30/04/2026

Mbrëmje me Hafizet ✨

Një mbrëmje e veçantë, e mbushur me emocione, dije dhe atmosferë të ngrohtë, u realizua mbrëmë nga Akademia e Hifzit Elita.

Programi nisi me recitimin e disa ajeteve kuranore nga Hfz. Suhejla Franca, duke i dhënë mbrëmjes një fillim të bekuar dhe prekës.

Të pranishmet i përshëndeti drejtoresha e Akademisë, znj. Valbone Bytyqi, e cila foli për qëllimin e këtij organizimi dhe ndau një historik të shkurtër të rrugëtimit të Akademisë së Hifzit Elita.

Mbrëmjen e nderoi me ligjëratën e saj znj. Merita Rexha, me temën frymëzuese: “Zemrat që e mbajnë Kuranin”.

Një moment i veçantë ishte edhe pjesëmarrja aktive e musafireve, të cilat lanë nga një porosi të bukur me shkrim, të lexuara më pas nga moderatorja Mimoza Lohaj.

Në fund, të gjitha të pranishmet u nderuan me dhurata simbolike dhe një koktej rasti.

🤍 Falënderojmë të gjitha pjesëmarrëset që e bënë këtë mbrëmje kaq të bukur dhe kuptimplotë.

19/04/2026

Tri pjesëmarrje, dy vende fituese 🏆

Në Garat Ballkanike të memorizimit të Kuranit të organizuara nga Bashkësia Islame e Kosovës, Akademia e Hifzit Elita u përfaqësua me tre garues, duke arritur rezultate të shkëlqyera.

Nga programi i Hifzit për të rritur, Hfz. Suhejla Franca u rendit në vendin e dytë në kategorinë 10 xhuza, njëkohësisht edhe mësuese në akademi. Ndërsa Erva Durguti fitoi vendin e tretë në kategorinë 5 xhuza. Në këto gara mori pjesë edhe nxënësi Jahja Maxhuni nga programi i Hifzit për fëmijë.

Një përfaqësim dinjitoz që dëshmon përkushtimin dhe punën e palodhshme në Akademinë e Hifzit Elita.

15/04/2026

𝐆𝐑𝐔𝐏𝐈 𝐈 𝐈 𝐑𝐈 𝐈 𝐇𝐈𝐅𝐙𝐈𝐓 𝐍Ë 𝐀𝐊𝐀𝐃𝐄𝐌𝐈𝐀 𝐄 𝐇𝐈𝐅𝐙𝐈𝐓 𝐄𝐋𝐈𝐓𝐀

Fillo rrugëtimin e Hifzit!

Me hafizen 𝐇𝐚𝐝𝐢𝐱𝐡𝐞 𝐊𝐚𝐝𝐫𝐢𝐮 tashmë hapet grupi i ri i Hifzit për fëmijë.

Ky program ofron:
• Mësimin e drejtë të leximit të Kuranit me Texhvid
• Hifzin e tërë Kuranit me metodologji të strukturuar
• Program të përshtatur për djem dhe vajza
• Moshat: 8–14 vjeç
• Numër i kufizuar: 15 nxënës për grup

Një mundësi e vlefshme për edukim shpirtëror dhe disiplinë të qëndrueshme në mësim.

📩 Regjistrimet janë të hapura!
📞 +383 49 665 404
📍 Rr. Jashar Salihu,
Mahalla e Muhaxherëve (në ambientet e STEM Academy)

23/03/2026

20/03/2026

Iftari i fundit me nxënësit e hifzit ishte një përmbyllje e denjë e një rrugëtimi të mbushur me përkushtim, durim dhe dashuri për Librin e Allahut. 🌙

Në një atmosferë të ngrohtë e plot shpirt, u mblodhëm së bashku për të ndarë jo vetëm iftarin, por edhe emocionet e një muaji të bekuar, ku çdo ditë u shënua me mësim, adhurim dhe afrimitet me Kuranin. Buzëqeshjet e fëmijëve, lutjet e tyre të sinqerta dhe përkushtimi i tyre janë shpresa dhe krenaria jonë.

Lusim Allahun që t’ua pranojë mundin, t’i begatojë me dituri dhe t’i bëjë prej atyre që e jetojnë dhe e përçojnë Kuranin në çdo hap të jetës së tyre. 🤲

Mirënjohje të sinqertë për të gjithë ata që kontribuan dhe i bënë të mundura këto mbrëmje kaq të veçanta.

Allahu ju shpërbleftë të gjithëve! ✨

12/03/2026

Kush më mirë se nxënësit tanë të hifzit e përjeton madhështinë e muajit të bekuar të Ramazanit?

Ditët e tyre mbushen me agjërim dhe përkushtim, ndërsa zemrat ndriçohen me memorimin e Fjalës së Allahut. Mes leximit të Kuranit, lutjeve të sinqerta dhe atmosferës së bukur të iftarit së bashku, Ramazani merr një kuptim edhe më të thellë.

Është një harmoni e rrallë: agjërimi që pastron shpirtin, Kurani që ushqen zemrën dhe shoqëria e mirë që e zbukuron çdo moment.

Sa madhështore është të shohësh këta fëmijë duke u rritur me dashurinë për Kuranin dhe me bukurinë e Ramazanit në zemrat e tyre. 🌙📖✨

Akademia e Hifzit Elita

11/03/2026

Një mbrëmje e mbushur me dritë dhe qetësi në iftarin me studentet e Akademisë së Hifzit Elita 🌙

Sofra e përbashkët na bashkoi në dashuri, respekt dhe përkushtim për hir të Fjalës së Allahut.
Momente të tilla forcojnë zemrat, lidhin shpirtërat dhe na kujtojnë bukurinë e rrugës së Kur’anit.

Allahu i bekoftë studentet tona dhe ua lehtësoftë rrugën drejt ruajtjes së Librit të Tij.

05/03/2026

Iftari me nxënësit e hifzit
Programi i hifzit për fëmijë në Akademia e Hifzit Elita