Institute for Development Policy (INDEP)

11/09/2026

Instituti për Politika Zhvillimore (INDEP), në bashkëpunim me Konrad-Adenauer-Stiftung Kosovo, organizoi tryezën e diskutimit dhe prezantoi raportin me temën: ‘’Ndikimi përmes edukimit: Universitetet dhe shkathtësitë për zhvillim të qëndrueshëm.

Kjo tryezë mblodhi përfaqësues nga institucione të tjera relevante, si dhe partnerë të ndryshëm, prania e të cilëve e pasuroi diskutimin dhe kontribuan në një qasje më gjithëpërfshirëse.

INDEP falenderon të gjithë pjesëmarrësit për kontributin dhe përkushtimin e tyre, me mirënjohje të veçantë për panelistet:

Z. Lah Nitaj - Drejtor i Departamentit te Arsimit dhe Aftesimit profesional
Z. Enver Bajrami - Zyrtar i Arsimit- Komuna e Vushtrrisë

Për të lexuar raportin e plotë, ju ftojmë të klikoni në linkun më poshtë: https: https://indep.info/ndikimi-permes-edukimit-universitetet-dhe-shkathtesite-per-zhvillim-te-qendrueshem/

10/09/2026

A është fatura e ulët gjithmonë dëshmi se energjia është e përballueshme?

Prishtinë, 10 shtator 2026

Instituti për Politika Zhvillimore (INDEP) publikon Qarkoren e Energjisë: “Fatura e ulët që fsheh varfërinë – Si vetëkufizimi i konsumit i bën familjet e varfra të padukshme për politikat publike”.

Ky publikim i radhës trajton një formë më pak të dukshme të varfërisë energjetike - raster kur një pjesë e familjeve e mbajnë faturën të ulët duke ngrohur vetëm një dhomë, duke kufizuar ndriçimin, gatimin apo përdorimin e pajisjeve dhe duke hequr dorë nga shërbimet energjetike që u nevojiten.

Analiza shqyrton mangësitë në mënyrën se si Kosova e identifikon dhe e mat varfërinë energjetike, kriterin prej 250 kWh të përdorur nga Fondi i Kosovës për Efiçiencë të Energjisë, mungesën e një treguesi për nënkonsumin dhe përputhjen me standardet e Bashkimit Evropian dhe të Komunitetit të Energjisë.

Qarkorja argumenton se fatura e ulët nuk duhet të interpretohet automatikisht si mirëqenie apo efiçiencë. Pa të dhëna për temperaturën e banesës, numrin e dhomave të ngrohura, gjendjen e ndërtesës, të ardhurat dhe nevojat e familjes, vetëkufizimi mund të mbetet i padukshëm për politikat publike.

Lexojeni Qarkoren e plotë:

https://indep.info/fatura-e-ulet-qe-fsheh-varferine-si-vetekufizimi-i-konsumit-i-ben-familjet-e-varfra-te-padukshme-per-politikat-publike/

Kjo Qarkore është publikuar me mbështetjen e Heinrich Böll Stiftung përmes projektit “Prosper+III: Governing Energy Poverty in Kosovo”. Përmbajtja e këtij punimi është përgjegjësi vetëm e Institutit për Politika Zhvillimore (INDEP) dhe nuk pasqyron domosdoshmërisht pikëpamjet e Heinrich Böll Stiftung (HBS).

03/09/2026

THIRRJE E HAPUR | Media & Outreach Content Creation Support – Kosovo

Instituti për Politika Zhvillimore (INDEP), në kuadër të projektit “Green Schools Initiative (GSI)”, të financuar nga Bashkimi Evropian përmes Programit IPA III për Bashkëpunim Ndërkufitar Kosovë–Maqedoni e Veriut, shpall thirrje të hapur për:

Media & Outreach Content Creation Support – Kosovo Component

Shërbimet përfshijnë krijimin e përmbajtjes digjitale dhe grafike, fotografi dhe videografi profesionale, përmbajtje për rrjete sociale, si dhe mbështetje për komunikim dhe media.

Operatorët ekonomikë dhe personat fizikë të kualifikuar ftohen të kërkojnë dosjen e plotë të tenderit përmes emailit:

📩 [email protected]

📅 Afati i fundit për kërkesa për sqarime: 9 shtator 2026, ora 16:00 CEST
📅 Afati i fundit për dorëzimin e ofertave: 16 shtator 2026, ora 16:00 CEST

Ofertat duhet të dorëzohen në [email protected], në përputhje me kërkesat e përcaktuara në dosjen e tenderit.

Linku i thirrjes: https://indep.info/thirrje-e-hapur-media-outreach-content-creation-support-kosovo/

Referenca e prokurimit: GSI/INDEP/SER/01/2026

----------------------------------------------------------------------------------

OPEN CALL | Media & Outreach Content Creation Support – Kosovo

The Institute for Development Policy (INDEP), within the framework of the “Green Schools Initiative (GSI)”, funded by the European Union under the IPA III Cross-Border Cooperation Programme Kosovo–North Macedonia, is launching an open call for:

Media & Outreach Content Creation Support – Kosovo Component

The assignment includes digital and graphic content creation, professional photography and videography, social-media content, and press/media outreach support.

Eligible economic operators and qualified natural persons are invited to request the complete tender dossier via:

📩 [email protected]

📅 Deadline for requests for clarification: 9 September 2026, 16:00 CEST
📅 Deadline for submission of tenders: 16 September 2026, 16:00 CEST

Tenders must be submitted to [email protected] in accordance with the requirements set out in the tender dossier.

Link for the open call: https://indep.info/thirrje-e-hapur-media-outreach-content-creation-support-kosovo/

Procurement reference: GSI/INDEP/SER/01/2026

01/09/2026

Derisa bllokada institucionale vazhdon, tranzicioni energjetik i Kosovës nuk mund të presë.

Indeksi i Tranzicionit të Energjisë në Kosovë 2026, i hartuar nga INDEP, tregon se vendi ka bërë hapa të rëndësishëm në ndërtimin e kornizës së tranzicionit, por ende mbetet larg ndryshimit strukturor që kërkohet deri në vitin 2031.

Me rezultatin e përgjithshëm 39/100, Kosova mbetet në kategorinë e tranzicionit të vonuar. Progresi i limituar në ankande, vetë-konsum, treg dhe planifikim është i rëndësishëm, por nuk mjafton përderisa prodhimi vazhdon të dominohet nga linjiti, rrjeti mbetet i kufizuar, investimet në fleksibilitet vonohen dhe mbrojtja sociale e konsumatorëve nuk është ende e plotë.

Tranzicioni energjeti është çështje e furnizimit, përballueshmërisë, ajrit të pastër, investimeve, drejtësisë sociale dhe zhvillimit ekonomik.

Për Kosovën, sfida kryesore është zbatimi në ritëm, koordinim dhe përgjegjësi publike.

Ky publikim është përgatitur nga INDEP me mbështetjen e Rockefeller Brothers Fund.

24/08/2026

Sa kushton pambrojtja e konsumatorit të energjisë?

Prishtinë, 24 gusht 2026

Instituti për Politika Zhvillimore (INDEP) publikon Qarkoren e Energjisë: “Çmimi i pambrojtjes: Si faturat e gabuara, ankesat e vonuara, kompensimi që nuk zbatohet dhe tarifat e shkyçjes e thellojnë varfërinë energjetike”.

Qarkorja analizon boshllëqet ndërmjet legjislacionit për mbrojtjen e konsumatorit, rregullave të Zyrës së Rregullatorit për Energji dhe zbatimit të tyre në praktikë. Vetëm gjatë vitit 2025, KESCO pranoi 14,610 ankesa të reja, 26% më shumë se në vitin 2024. Rreth 74% e tyre lidheshin me faturimin ose leximin e njehsorit.

Analiza trajton gjithashtu afatet e gjata për shqyrtimin e ankesave, mekanizmin jofunksional të kompensimit dhe tarifën prej 35.40 eurosh për ciklin e shkyçjes dhe rikyçjes. Për familjet me të ardhura të ulëta, këto mund ta kthejnë një faturë të gabuar në borxh, borxhin në shkyçje dhe shkyçjen në përjashtim nga furnizimi esencial me energji.

Qarkorja propozon masa konkrete për harmonizimin e rregullave me Ligjin për Mbrojtjen e Konsumatorit, kompensimin automatik, mbrojtjen e konsumatorëve të cenueshëm dhe matjen e rregullt të varfërisë energjetike.

Kjo Qarkore është publikuar me mbështetjen e Heinrich Böll Stiftung përmes projektit “Prosper+III: Governing Energy Poverty in Kosovo”. Përmbajtja e këtij punimi është përgjegjësi vetëm e Institutit për Politika Zhvillimore (INDEP) dhe nuk pasqyron domosdoshmërisht pikëpamjet e Heinrich Böll Stiftung (HBS).

10/08/2026

Subvencioni e lehtëson faturën për një muaj. Panelet solare me investime përcjellëse mund ta ulin atë për 25 vjet.

Në këtë pjesë nga podkasti me eksperten Zafina Kabashi, flasim për një mënyrë më të qëndrueshme të mbështetjes së familjeve të cenueshme: në vend të subvencionimit të vazhdueshëm të faturave, shteti mund të investojë në panele solare dhe sisteme për ruajtjen e energjisë në shtëpitë e tyre.

Kështu, ndihma shndërrohet në investim afatgjatë që ul faturat, rrit sigurinë energjetike dhe u mundëson familjeve të prodhojnë energji nga kulmi i tyre për dekada.

06/08/2026

Kosova nuk mund dhe nuk duhet të funksionojë si "ishull energjetik".

Në këtë pjesë nga podkasti me ekspertën Zafina Kabashi, flasim për rëndësinë e bashkëpunimit rajonal, veçanërisht me Shqipërinë, dhe se si lidhja e rrjeteve tona krijon një sistem më të sigurt dhe më të qëndrueshëm për të gjithë.

Integrimi rajonal ndihmon në balancimin e prodhimit, ul nevojën për importet e shtrenjta gjatë dimrit dhe mbron familjet nga varfëria energjetike përmes furnizimit më të besueshëm dhe çmimeve më të përballueshme.

03/08/2026

Në këtë pjesë të shkurtër nga podkasti me ekspertën Zafina Kabashi, ndajmë 3 përfitimet kryesore të energjisë së ripërtëritshme që prekin direkt jetën tonë në Kosovë:
1️⃣ Siguri dhe burime vendore (pa pasur nevojë të importojmë me çmime marramendëse).
2️⃣ Ndikim direkt në shëndetin tonë dhe ajrin që thithim.
3️⃣ Përfitim i pastër ekonomik—sepse dielli dhe era nuk na dërgojnë fatura për lëndë djegëse.

30/07/2026

INDEPth Podkast #2

INDEP publikon episodin e dytë të serisë “INDEPth Podkast”, i cili trajton rolin e energjisë së ripërtëritshme në zhvillimin dhe transformimin e sistemit energjetik të Kosovës.

E ftuar në këtë episod është Zanfina Kabashi, eksperte e energjisë dhe zhvilluese e projekteve, ndërsa diskutimi moderohet nga Burim Ejupi, Drejtor Ekzekutiv i INDEP.

Diskutimi përqendrohet në mënyrën se si burimet e ripërtëritshme mund të integrohen në sistemin energjetik, në kushtet teknike dhe institucionale që kërkon ky proces, si dhe në rëndësinë e planifikimit të kapaciteteve të reja në përputhje me sigurinë e furnizimit dhe funksionimin e qëndrueshëm të rrjetit.

Zhvillimi i energjisë diellore dhe të erës duhet të trajtohet në kuadër të funksionimit të përgjithshëm të sistemit energjetik. Rritja e prodhimit nga këto burime kërkon avancimin e rrjetit, kapacitete për ruajtjen dhe balancimin e energjisë, lidhje më të fuqishme me tregun rajonal dhe politika të qëndrueshme që krijojnë siguri për investimet.

Përmes këtij episodi, “INDEPth Podkast” sjell një diskutim mbi mundësitë, sfidat dhe vendimet që do të përcaktojnë drejtimin e tranzicionit energjetik në Kosovë.

🎙️ Ndiqeni episodin e dytë të “INDEPth Podkast” dhe bëhuni pjesë e diskutimit për të ardhmen energjetike të vendit.

Ky podkast është realizuar në kuadër të projektit “PROSPER Plus III”, me mbështetjen e Heinrich-Böll-Stiftung (HBS).

Përmbajtja e këtij podkasti është përgjegjësi e INDEP dhe nuk pasqyron domosdoshmërisht qëndrimet e Heinrich-Böll-Stiftung.

Enjoy the videos and music you love, upload original content, and share it all with friends, family, and the world on YouTube.

08/07/2026

INDEP pjesë aktive e konsultimit publik mbi Udhërrëfyesin për Tranzicion të Drejtë

Prishtinë, 8 korrik, 2026

INDEP ka marrë pjesë në konsultimin publik për Udhërrëfyesin për Tranzicion të Drejtë të Republikës së Kosovës, duke dorëzuar analizën dhe komentet e tij mbi dokumentin.

Në analizën e tij, INDEP ka vënë në dukje se dokumenti, në formën aktuale, nuk e përmbush standardin e një udhërrëfyesi të mirëfilltë për tranzicion të drejtë. Ai trajton më gjerësisht tranzicionin energjetik, por nuk ofron përgjigje të mjaftueshme për ndikimet sociale, territoriale, ekonomike dhe institucionale të këtij procesi.

Për këtë arsye, INDEP ka kërkuar që dokumenti të mos procedohet tutje në formën aktuale, por të kthehet për rishikim dhe rishkrim të plotë. Një Udhërrëfyes për Tranzicion të Drejtë duhet të tregojë qartë kush preket, ku preket, si preket, cilat masa do të ndërmerren, sa do të kushtojnë ato dhe kush do të mbajë përgjegjësi për zbatimin.

INDEP ka theksuar nevojën për analizë të plotë territoriale dhe socio-ekonomike, profilizim të punëtorëve të prekur, plan financiar të kalkuluar, trajtim serioz të varfërisë energjetike, përfshirje reale të komunave, sindikatave dhe komuniteteve, si dhe Plan Veprimi me masa, afate, kosto dhe indikatorë të matshëm.

Udhërrëfyesi, në formën aktuale, është jo serioz ndaj një prej proceseve më të rëndësishme zhvillimore për Kosovën. Mundësitë janë të shumta: burimet e ripërtëritshme, efiçienca e energjisë, komunitetet e energjisë, punësimi i gjelbër, rehabilitimi mjedisor dhe zhvillimi ekonomik lokal mund të shndërrohen në instrumente reale të drejtësisë sociale.

INDEP do të vazhdojë të luajë rol proaktiv dhe të mbajë qëndrime të argumentuara e profesionale për të siguruar që tranzicioni energjetik në Kosovë të jetë i drejtë, i financuar, gjithëpërfshirës dhe demokratik.

Dokumentin me analizën dhe komentet e INDEP e gjeni në vegzën në vazhdim: https://indep.info/11060-2/