Kolegji ILIRIA

📣 EIGHT PROJECTS PROPOSED FOR FINANCING UNDER THE KCF 📣

🔔 We are happy to announce that eight successful projects are proposed for financing after the ➡️ KCF Second Call:
➡️ Kolegji Universum
➡️ SHME "Kadri Kusari" Gjakovë faqja zyrtare
➡️ Kolegji Heimerer
➡️ SH.M.E "Hasan Prishtina" - Mitrovicё
➡️ Kolegji ILIRIA
➡️ Shkolla e Mesme Ekonomike "Faik Konica"
➡️ SHMT Pjeter Bogdani
➡️ Shmlp Anton Çetta Skenderaj

Visit this link ➡️ https://bit.ly/46gagdA to find out more.

We congratulate all winning consortia and wish them a successful project implementation.

"DITËT E FALËNDERIMIT TË KOSOVËS PËR SHTETET E BASHKUARA TË AMERIKËS 2020"

Në Kolegjin ILIRIA u organizua manifestimi tradicional “Ditët e falënderimit të Kosovës për SHBA-të 2020”, ku për të 15-in vit me radhë Kolegji ILIRIA dhe Rinia Studentore e Kosovës, shprehën respektin dhe dashurinë ndaj SHBA-ve dhe popullit amerikan, duke spikatur rolin e përhershëm, esencial dhe të pazëvendësueshëm të SHBA në pavarësimin dhe shtetëndërtimin e Kosovës. Manifestimi u hap me Himnin Shtetëror, atë Amerikan dhe Kombëtar.
Presidenti i Kolegjit ILIRIA, Prof.Dr. Mixhait Reçi, në hapje theksoi se Kolegji ILIRIA është shumë krenar që për 15-të vite me radhë, bashkë me Rininë Studentore, organizojnë manifestimin “Ditët e falënderimit të Kosovës për SHBA-të”, ku foli më shumë për rolin e SHBA-ve në shtetndërtimin e Kosovës, duke theksuar se populli i Kosovës do të jetë përjetësisht mirënjohës SHBA-ve për mbështetjen që i ka dhënë popullit tonë në momentet më kritike për ekzistencën e tij.
Rektori i Kolegjit ILIRIA Prof. Dr. Ahmet Maloku në fjalën e tij të rastit theksoi se roli i SHBA-ve për Kosovën është dhe do të jetë i përhershëm dhe i pazëvendësueshëm. Duke falenderuar Shtetet e Bashkuara të Amerikësë, ne falenderojmë të gjitha shtetet demokratike që morën pjesë në krijimin dhe shtetndërtimin e Kosovë. Ndërkaq Prorektori për Mbështetje të Studentëve Msc. Arbër Reçi në fjalën e tij të rastit theks të veçantë u dha studentëve, duke treguar që ky manifestim 15 vite më parë filloi si iniciativë e studentëve të Kolegjit ILIRIA. Ai më pas theksoi se iniciativa e studentëve të Kolegjit ILIRIA është që përmes këtyre aktiviteteve tradicionale dhe shumë dimensionale të të shprehin respektin, dashurinë dhe falenderimin për popullin amerikan.
Tradicionalisht këtë manifestim e kanë begatuar shumë aktivitete kulturore dhe artistike, këtë vit ky manifestim u begatua me hapjen e ekspozitës së pikturave të Kolegjit ILIRIA, si dhe ekspozitën e pikturave nga Galeria “Omer Kaleshi”.
Mbyllja e manifestimit u bë nga presidenti i Kolegjit ILIRIA Prof. Dr. Mixhait Reçi, ku ndër tjerash theksoi se sot derisa amerikanët festojnë Thanksgiving Days, për të mirat dhe begatitë, shqiptarët falenderojnë popullin dhe qeverinë amerikane për përkrahjen e dhënë në ditët më të vështira të ekzistencës së tyre. Ne këtë kurrë nuk duhet ta harrojmë.
Në fund presidenti i Kolegjit ILIRIA njoftoi se për arsye të gjendjes aktuale pandemike të krijuar për shkak të Covid19, ky manifestim këtë vit oganizohet në mënyrë modeste dhe nuk do të vazhdoj ditëve në vijim, siç është mbajtur tradicionalisht viteve të kaluara.

ISMAIL KADARE NDEROHET ME ÇMIMIN SHKENCOR NDËRKOMBËTAR "ALEKSANDËR STIPÇEVIQ" PËR VITIN 2020 NGA KOLEGJI ILIRIA

AKADEMIK ISMAIL KADARE, shkrimtar shqiptar me famë botërore, Anëtar i Akademisë së Shkencave të Shqipërisë, nderohet me ÇMIMIN SHKENCOR NDËRKOMBËTAR ALEKSANDËR STIPÇEVIQ 2020.

Me këtë çmim janë nderuar:
Akademik Idriz Ajeti (2017),
Akademik Myzafer Korkuti (2018) dhe
Akademik Rexhep Qosja (2019).

Çmimi prestigjioz Shkencor Ndërkombëtar, që mban emrin e Akademik Aleksandër Stipçeviqit, ilirologut më të shquar shqiptar me famë botërore, i është dorëzuar Ismail Kadaresë më 10 tetor 2020.

Në pritjen e organizuar në Durrës nga shkrimtari Ismail Kadare dhe zonja Helena Kadare, në emër të Kolegjit ILIRIA çmimin e dorëzoi Prof. Dr. Isak Shema kryetar i Këshillit Drejtues të Kolegjit.

Shkrimtari Ismail Kadare e ka pranuar Çmimin me kënaqësi dhe është falënderuar për konsideratën dhe vlerësimin e Kolegjit ILIRIA.

Ligjeratë e hapur:
Me qendër në Prishtinë, Londër dhe Nju Jork,
SONNECTO – Histori e suksesit e të bërit biznes në Kosovë.

Një kompani me një rritje të madhe të tregut dhe teknologji të specializuar në ofrimin e shërbimeve për klientët dhe zgjidhjeve softwerike.

Ju ftojmë ti bashkangjiteni ligjeratës me z. Fatos Ahmeti - CEO në SONNECTO.

Tema: Arritja e Suksesit
E Premte, 29 Maj 2020, Ora: 17:00

Ligjërata realizohet online përmes Google meet. Për të qenë pjesë e ligjëratës mund të klikoni në këtë link: https://meet.google.com/tmy-krro-dgo

Kjo ligjëratë është mundësuar nga projekti EPIC i financuar nga Zyra e Bashkimit Evropian në Kosovë.
Sonnecto

Ligjeratë e hapur online nga Prof. Dr. habil. Bajram Berisha,
profesor i mirënjohur në Kosovë, Gjermani dhe qarqet shkencore ndërkombëtare

Tema: Vlerësimi i rezultateve shkencore dhe krahasimi i shkencëtarëve, bazuar në indikatorët bibliometrik bashkëkohorë.

E Enjte, 30 Prill 2020, ora 11:00

Linku per live-streaming: https://stream.meet.google.com/stream/c588aa25-830a-405c-8bc0-14ddd53282ed

Njoftim për ligjerata online ne Kolegjin ILIRIA

Te nderuar studentë,

Kolegji ILIRIA ka filluar të aplikojë sistemin Online të mbajtjes së ligjeratave.

Ju lusim që të hapni llogarinë tuaj në SIS Web përmes linkut: sis.uiliria.org , me ç'rast do të gjeni udhëzimet se si të regjistroheni

Kolegji Iliria fton të interesuarit që të aplikojnë për studime të doktoratës në Swiss UMEF University

Studentët kosovarë që duan t’i nisin studimet e doktoratës në Zvicër, tani e kanë këtë mundësi përmes marrëveshjes ndërmjet Kolegjit Iliria dhe Swiss UMEF University.

Mundësia e aplikimit është e hapur për të gjithë studentët nga Kosova, me kushtin që të kenë të përfunduar ciklin e studimeve Master.

Procesi i aplikimit bëhet vetëm përmes Kolegjit Iliria, në linkun: https://www.uiliria.org/doktorate

Afati i fundit për aplikim është data 30 mars 2020.