Kopshti i Fëmijëve "Kids Planet"

🍒🌿 Grupi “Bleta” 🐝

Sot fëmijët e grupit “Bleta” realizuan një aktivitet kreativ duke modeluar qershi me fletë me ngjyra. Përmes këtij aktiviteti ata zhvilluan kreativitetin, koordinimin sy-dorë dhe aftësitë e tyre motorike të imëta.

Gjatë bisedës mësuam se pranvera është stina kur natyra gjallërohet dhe fillojnë të piqen frutat e para, ndër to edhe qersh*të e shijshme. 🍒🌸

Duke mësuar dhe krijuar, fëmijët zgjeruan njohuritë e tyre për stinët dhe frytet që na dhuron natyra.

Grupi parashkollor u njoh me shkronjën V, duke mësuar tingullin, formën dhe fjalët që fillojnë me këtë shkronjë. Përmes aktiviteteve edukative, fëmijët pasuruan fjalorin, zhvilluan aftësitë e komunikimit dhe ushtruan koordinimin e tyre.

Në kuadër të mësimit, ata gjithashtu modeluan dhe zbukuruan një vazo me lule, duke lidhur shkronjën e ditës me një fjalë konkrete. Ky aktivitet ndihmoi në zhvillimin e kreativitetit, motorikës së imët dhe të shprehjes artistike të fëmijëve. 🌸🎨✨

Mësimi përmes lojës dhe krijimtarisë vazhdon të jetë mënyra më e bukur për të mësuar! 💙

🎈🎉 Gëzuar 1 Qershorin – Ditën Ndërkombëtare të Fëmijëve! 🎉🎈

Sot oborri ynë u mbush me buzëqeshje, ngjyra, lojëra dhe momente të paharrueshme. Fëmijët festuan ditën e tyre me aktivitete kreative, piktura, argëtim dhe një piknik të këndshëm së bashku me shokët e shoqet e tyre. 🌈🎨🧺

Përmes lojës, bashkëpunimit dhe gëzimit, ata krijuan kujtime të bukura që do t’i mbajnë mend gjatë. Lumturia në sytë e tyre ishte dhurata më e bukur e kësaj dite të veçantë. ❤️

Urojmë që çdo fëmijë të rritet i lumtur, i dashur dhe i rrethuar me kujdes e dashuri. Gëzuar festën e fëmijëve! 🥰🌟👧🧒 💛

🌈 “Le të ruajmë magjinë e fëmijërisë në çdo zemër të vogël.”