Math Kangaroo Contest - Kosovo

TË PËRZGJEDHURIT E GARËS KANGAROO 2026

Instituti ATOMI për herë të dhjetë ka organizuar Garën Ndërkombëtare të Matematikës Kangaroo në Kosovë, e cila është mbajtur më 21 mars 2026, me autorizimin e “Asociacionit Kangourou Sans Frontières (AKSF)”.

Në Garën Kangaroo në Kosovë këtë vit kanë marrë pjesë rreth 2000 nxënës të të gjitha niveleve të arsimit parauniversitar nga mbarë Kosova dhe Instituti ATOMI e ka shfrytëzuar këtë garë për të identifikuar talentët e rinj në fushën e matematikës në Kosovë, në mënyrë që të ofrojë aktivitete dhe shërbime të ndryshme përkrahëse për këta të fundit, posaçërisht kurse të avancuara të matematikës, në funksion të zhvillimit dhe avancimit maksimal të talentit, njohurisë dhe kompetencës së tyre në fushën e matematikës.

Instituti ATOMI dhe MKC-K kanë vendosur që të gjithë nxënësit që kanë arritur rezultat së paku 65% e sipër (nxënësit e Kategorisë 1 dhe 2 së paku 63 pikë nga totali 96 pikë, ndërsa nxënësit e Kategorisë 3 deri 6 së paku 78 pikë nga totali 120 pikë) përzgjidhen si nxënësit më të suksesshëm të Garës Ndërkombëtare të Matematikës Kangaroo – 2026. Këtë kriter e kanë plotësuar gjithsej 38 nxënës (lista e mëposhtme në link).

Për nxënësit e përzgjedhur do të organizohet një ceremoni solemne, me rastin e së cilës do të shpërndahen certifikatat e pjesëmarrjes për të gjithë të përzgjedhurit, çmimet për më të suksesshmit e Garës Kangaroo për secilën kategori dhe më të suksesshmin në nivel vendi, të cilët do të fitojnë medalje dhe certifikata të suksesit.

Për datën, kohën dhe vendin e mbajtjes së Ceremonisë, nxënësit apo prindërit e tyre do të njoftohen përmes telefonit apo e-mailit.

Vërejtje: Renditja në këtë listë është sipas radhës së klasës.

https://kangaroo-ks.org/gara-nderkombetare-e-matematikes-kangaroo-ne-kosove-2026-mkc-k-te-perzgjedhurit-e-gares-kangaroo-2026/

Instituti ATOMI ju uron suksese të gjithë këtyre talenteve të matematikës në Kosovë dhe mbetet maksimalisht i përkushtuar në përmbushjen e misionit të vet për identifikimin dhe përkrahjen e nxënësve me inteligjencë të jashtëzakonshme, me dhunti e talente në Kosovë.

Math Kangaroo Contest – Kosovo

KOMUNIKIMI I REZULTATEVE TË GARËS NDËRKOMBËTARE TË MATEMATIKËS "KANGAROO 2026"

Njoftohen të gjithë nxënësit pjesëmarrës në Garën Ndërkombëtare të Matematikës “Kangaroo 2026” se rezultatet së bashku me certifikatat e pjesëmarrjes (në zarfa të mbyllur) do të jenë të gatshme për të gjithë pjesëmarrësit sipas orareve të specifikuara për qendrat e testimit. Rezultatet e nxënësve nuk do të shpallen publikisht, por do t’ju komunikohen nxënësve (prindërve) individualisht.

Për formën, formatin dhe mënyrën e komunikimit të rezultateve individuale të testimit shihni specifikat varësisht prej qendrave të testimit në linkun në vijim:

https://kangaroo-ks.org/rezultatet-2026/

ORARI I TESTIMIT PËR "KANGAROO" 2026

Në linkun në vijim mund t'i shikoni ose shkarkoni të dhënat për vendin dhe orarin e mbajtjes së Garës Ndërkombëtare të Matematikës Kangaroo 2026, e cila mbahet të shtunën, më 28 mars 2026 në mbarë Kosovën.

Vërejtje: Të gjithë ata/ato që brenda afatit të konkursit e kanë bërë pagesën e participimit ose i kanë dorëzuar vërtetimet që i lirojnë nga pagesa, por nuk janë në këtë listë për arsye se nuk e kanë dorëzuar formularin e aplikimit ose për ndonjë arsye teknike (lëshim teknik), mund të vijnë për testim në terminin e fundit të rregullt në qendrat përkatëse të testimit.

Luten të gjithë aplikuesit që t'i lexojnë të gjitha sqarimet dhe udhëzimet e ofruara në link.

Math Kangaroo Contest – Kosovo Aplikimi 2026 – Listat ORARI I TESTIMIT PËR “KANGAROO” 2026 Në linkun në vijim mund t’i shikoni ose shkarkoni të dhënat për vendin dhe orarin e mbajtjes së Garës Ndërkombëtare të Matematikës Kangaroo 2026, e cila mbahet të shtunën, më 28 mars 2026 në mbarë Kosovën. Vërejtj...

Ju njoftojmë se testimi për Kangaroo 2026 do të zhvillohet më 28 mars 2026. Për orarin dhe vendin e testimit do të njoftoheni gjatë javës vijuese.

Edhe sot dhe nesër pranohen aplikimet për regjistrim në Garën Ndërkombëtare të Matematikës Kamgaroo 2026.

Linku për aplikim: https://kangaroo-ks.org/aplikimi2026/

Njoftim – shtyhet afati për aplikim në Garën Ndërkombëtare të Matematikës “Kangaroo 2026”

Njoftohen të gjithë nxënësit e interesuar për aplikim në Garën Ndërkombëtare të Matematikës “Kangaroo” se afati për aplikim shtyhet deri me datën 15 mars 2026. Vendimi për shtyerje ka ardhur pas kërkesave të shumta të prindërve, nxënësve dhe mësimdhënësve.

Pas datës 15 mars 2026 nuk do të pranohet asnjë aplikim!

Në lokalet e Institutit ATOMI janë duke u mbajtur ligjëratat e javës së dytë në kuadër të shkollës Kangaroo + me të përzgjedhurit e garës Kangaroo 2025.

Hapet konkursi për Garën Ndërkombëtare të Matematikës "Kangaroo 2026" në Kosovë

KUSH MUND TË APLIKOJË – NOMINOHET?

Të gjithë nxënësit e Republikës së Kosovës prej klasës II deri XII nga të gjitha shkollat, pa marrë parasysh suksesin e tyre nga matematika.

Të gjithë të interesuarit për të aplikuar apo për të nominuar dikë, në linkun në vijim i gjeni të gjitha informatat e nevojshme:

https://kangaroo-ks.org/aplikimi2026/