SHFMU ''Ismail Qemali'' Prishtinë

Sot, më 17.06.2026, nxënësit e klasave të VIII-ta të shkollës sonë patën kënaqësinë të vizitojnë Panairin e Librit. Gjatë kësaj vizite, ata u shoqëruan nga mësimdhënëset Vjollca Veliu dhe Engjellusha Klaiqi.

Nxënësit patën mundësinë të njihen nga afër me botime dhe libra të ndryshëm, si dhe me një numër të madh shtëpish botuese. Kjo vizitë ishte veçanërisht e rëndësishme për dashamirësit e leximit, pasi u ofroi atyre mundësinë të prekin, shfletojnë dhe zgjedhin librat që i tërheqin më së shumti.

Shumë prej nxënësve tanë e duan dhe e vlerësojnë librin dhe leximin. Disa prej tyre shfrytëzuan rastin për të blerë librat e tyre të preferuar, ndërsa të gjithë u larguan shumë të kënaqur dhe të frymëzuar nga kjo përvojë.

Shpresojmë që edhe në të ardhmen të kemi më shumë aktivitete dhe panaire të këtij lloji, të cilat nxisin kulturën e leximit dhe dashurinë për librin.

Me respekt,
Drejtoria e shkollës

Të nderuar prindër, mësimdhënës dhe të dashur nxënës

Sipas Kalendarit të Vitit Shkollor 2025/2026, dita e premte, më 12 qershor 2026, është ditë pushimi.

12 Qershori – Dita e Paqes!

Ju urojmë pushim të këndshëm.

Me respekt,
Mimoza Krasniqi!

Sot, Drejtoria e Arsimit e Komunës së Prishtinës, nën udhëheqjen e z. Arianit Elshani, ndau mirënjohje për shkollat e tri vendeve të para, nxënësit fitues të Garave të Diturisë – Prishtina 2026 si dhe nxënësve fitues të Olimpiadës së Gjuhës Shqipe.

Me krenari dhe gëzim ndajmë sukseset dhe arritjet e jashtëzakonshme të nxënësve tanë gjatë këtij vitit shkollor 2025/2026.
Nxënësit tanë kanë arritur:

🏆 Vendin e Parë në Garat e Diturisë – Prishtina 2026

1.Gjuhë shqipe - Erda Ejupi, klasa IX/3

2. Gjuhë angleze - Bleta Beqir, klasa IX/6

3. Matematikë- Enes Bislimi, klasa IX/7

4. Kimi - Buna Bylykbashi, lklasa IX/8

5. Gjeografi -Diell Havolli, klasa IX/5

6. Histori - Dorian Nela, klasa IX/9

7. Fizikë - Parta Elshani, IX/9

8. Biologji - Mrika Bajraktari, IX/8

Ndërsa nxënësit të cilët arritën në tri vendet e para në Olimpiadën e Gjuhës Shqipe nga klasat e IX-ta në fazën e dytë, në nivel Komunal ishin:

1. Erda Ejupi, klasa IX-3
2. Luisa Hoxha, klasa IX-3
3. Morea Gjonbalaj, klasa IX-
4. Mira Aliu, klasa IX-
5. Olta Grabovci,klasa IX-
6. Anela Franca, klasa IX-4
7. Merisa Zeqiri, klasa IX-4
8. Yll Zjaça, klasa IX-

Gjithashtu përgzojmë mësimdhënësit të cilët janë angazhuar me nxënësit me shumë përkushtim.
Mësimdhënëset: Sofije Gagica - Gjuhe shqipe, Asrije Azemi- Gjuhë angleze, Rozeta Dedaj- Matematikë, Florije Hebibi- Kimi, Albulena Jashari -.Gjeografi, Sofije Beqiri - Histori dhe Nasibe Gerqari- Fizikë.

Këto suksese janë dëshmi e përkushtimit, punës së palodhshme dhe talentit të nxënësve tanë. Ato janë gjithashtu rezultat i angazhimit profesional të mësimdhënësve, bashkëpunimit të vazhdueshëm me prindërit dhe mbështetjes së pakursyer të drejtorisë së shkollës.

Urime të gjithë nxënësve, mësimdhënësve dhe prindërve për këto arritje të merituara!

Le të vazhdojmë së bashku drejt sfidave të reja, sukseseve dhe fitoreve edhe më të mëdha në të ardhmen.

Me respekt,
Drejtoria e Shkollës

Njoftim!

Nxënësja e shkollës tonë, Embla Ramabaja, klasa I/1 me rastin e festës së Abetares , publikoi këngën e saj të parë.

Shumë suksese për Emblen!

Embla Ramabaja - Abetare ‪‬ http://smarturl.it/ONIMAËmbla Ramabaja - Abetare Pro...

Sot u mbajt Semimatura e nxënësve tanë, një mbrëmje e veçantë e mbushur me emocione, gëzim dhe kujtime të paharrueshme.

Nxënësit shkëlqyen me energjinë, buzëqeshjet dhe entuziazmin e tyre, duke festuar përfundimin e një etape të rëndësishme të rrugëtimit shkollor.
Në këtë mbrëmje të bukur, pranë tyre ishin mësimdhënësit, të cilët me përkushtim i kanë udhëhequr ndër vite, si dhe prindërit, mbështetja më e madhe e fëmijëve të tyre.

Bashkëpunimi dhe përkrahja e vazhdueshme e prindërve dhe mësimdhënësve kanë qenë shtyllë e rëndësishme në sukseset e nxënësve tanë.

Qoftë kjo mbrëmje një kujtim i bukur që do t’i shoqërojë gjatë gjithë jetës.

Me respekt
Drejtoria e shkolles

1 Qershori – Dita Ndërkombëtare e Fëmijëve

Më 1 Qershor, në mbarë botën festohet Dita Ndërkombëtare e Fëmijëve, një ditë e veçantë kushtuar gëzimit, lumturisë dhe të drejtave të fëmijëve.

Edhe në shkollën tonë kjo ditë u shënua me aktivitete të ndryshme të organizuara nga mësueset e klasave të pesta.

Qëllimi i këtyre aktiviteteve ishte të krijohej një atmosferë e gëzueshme dhe të theksohej rëndësia e fëmijërisë si periudha më e bukur e jetës. Fëmijët shfaqën talentet, kreativitetin dhe energjinë e tyre pozitive, duke e bërë këtë ditë të paharrueshme për të gjithë.

Dita e Fëmijëve na kujton se çdo fëmijë meriton dashuri, kujdes, arsimim dhe mundësi për t’u zhvilluar në një mjedis të sigurt e të lumtur.

Gëzuar 1 Qershorin të gjithë fëmijëve!

Sot përfundoi pjesa e dytë e Festës së Abetares, një ngjarje e veçantë që kurorëzon mundin, përkushtimin dhe suksesin e nxënësve të klasave të para në hapat e tyre të parë drejt dijes.
Festa e Abetares shënon përfundimin e mësimit të shkronjave dhe fillimin e një rrugëtimi të ri në botën e leximit.
Në këtë festë morën pjesë:
1. Klasa I-6, mësuese Arjeta Çavdarbasha
2. Klasa I-7, mësuese Teuta Gashi
3. Klasa I-8, mësuese Lendita Sherifi
4. Klasa I-5, mësuese Mirishahe Sadiku
5. Klasa I-1, mësuese Ardiana Ulaj

Përmes këngëve, recitimeve, valleve dhe aktiviteteve të ndryshme artistike, nxënësit shpalosën talentin, gëzimin dhe njohuritë e fituara gjatë këtij viti shkollor.
Me emocion dhe krenari, ata dëshmuan se kanë hedhur me sukses hapat e parë në rrugën e arsimit.

Urime të gjithë nxënësve për këtë arritje të rëndësishme, mësueseve për përkushtimin e tyre të palodhur dhe prindërve për mbështetjen e vazhdueshme.
Ju dëshirojmë suksese të mëtejshme në rrugëtimin tuaj drejt dijes!

Me respekt,
Drejtoria e shkollës!

Shumë urime për nxënësen e shkollës tonë, Hana Veseli!🎾🇽🇰

Ky vit ka qenë i jashtëzakonshëm për të.
Hana doli kampione në tri gara brenda Kosovës dhe rajonit, duke treguar përkushtim, disiplinë dhe pasion në çdo ndeshje.

Një hap i rëndësishëm është edhe pjesëmarrja në Tennis Europe, ku fitoi pikë të vlefshme për rankimin e saj. Aktualisht renditet e 260-ta në Evropë, një arritje e madhe që e vendos atë mes lojtareve më premtuese të moshës së saj.

Falënderojmë drejtorinë e shkollës dhe mësimdhënësit për përkrahjen e vazhdueshme, mirëkuptimin dhe nxitjen që i japin Hanës për të balancuar sportin dhe mësimet.

Jemi krenarë për ty, Hana! Vazhdo kështu, rruga jote sapo ka filluar 💪🏆

Sot, më 23 maj 2026 në ambientet e shkollës sonë u festua pjesa e parë e Festës së Abetares, një nga aktivitetet më të veçanta dhe më emocionuese për nxënësit e klasave të para, prindërit dhe mësimdhënësit.

Kjo festë shënon një hap shumë të rëndësishëm në rrugëtimin arsimor të fëmijëve tanë, pasi përmes saj nxënësit prezantojnë njohuritë e fituara gjatë mësimit të shkronjave, leximit dhe shkrimit.

Me recitime, këngë, valle dhe aktivitete të ndryshme artistike, ata treguan përkushtimin, talentin dhe gëzimin për botën e dijes.

Pjesë e kësaj feste ishin:

Klasa I-2 – mësuesja Merita Zhitia

Klasa I-3 – mësuesja Nezaqete Konjuhi

Klasa I-4 – mësuesja Dafina Nela

Klasa I-9- mësuesja Lindita Berisha

Falënderojmë mësueset për punën, përkushtimin dhe angazhimin e vazhdueshëm me nxënësit, si dhe prindërit për bashkëpunimin dhe mbështetjen e tyre.

Urime nxënësve dhe suksese të mëtejshme në rrugën e dijes!

Me respekt,
Drejtoria e shkollës