SHFMU Dardania Prishtinë

Dje kemi kaluar një ditë magjike në Taukbahçe, duke shijuar një piknik të veçantë.

Mes gjelbërimit, ajrit të pastër e rrezeve të diellit kjo ditë u mbush me lojëra në natyrë, të qeshura e biseda të këndshme.

Aktivitet për nder të 1 Qershorit

Nxënësit e klasave të teta, së bashku me arsimtaren Ilirjana Nishevci, organizuan një aktivitet të veçantë për nder të 1 Qershorit – Ditës Ndërkombëtare të Fëmijëve.

Në kuadër të këtij aktiviteti, nxënësit prezantuan punime, projekte dhe krijime të ndryshme, duke shfaqur kreativitetin, talentin dhe përkushtimin e tyre në punë. Përmes prezantimeve të përgatitura me shumë kujdes, ata përcollën mesazhe të rëndësishme për fëmijërinë, të drejtat e fëmijëve, arsimin dhe vlerat njerëzore.

Ky aktivitet u zhvillua në një atmosferë të ngrohtë dhe festive, duke nxitur bashkëpunimin, shprehjen e ideve dhe zhvillimin e aftësive krijuese te nxënësit.

I përgëzojmë të gjithë nxënësit për angazhimin dhe punën e tyre të palodhshme, si dhe arsimtaren Ilirjana Nishevci për përkushtimin dhe mbështetjen e vazhdueshme në realizimin e aktiviteteve edukative. Urojmë që aktivitete të tilla të vazhdojnë edhe në të ardhmen, duke pasuruar jetën shkollore dhe duke promovuar vlerat e dijes dhe kreativitetit. 🌷📚✨

Sot sheshi u mbush me buzëqeshje, ngjyra dhe gjallëri pa fund për 1Qershorin,Ditën e fëmijëve. 🎈

Ishte një ditë fantastike e kaluar mes lojërave dhe gëzimit që vetëm fëmijët dinë të falin.

Festuam pranë më të shtrenjtëve tanë, duke kujtuar se lumturia e tyre është misioni ynë më i bukur çdo ditë.

Gëzuar festën engjëjve tanë!

Paçi gjithmonë botën plot dritë, paqe dhe ëndrra të realizuara! 🎈❤️🎉

Të nderuar nxënës, prindër, mësimdhënës dhe qytetarë,
Me rastin e festës së Kurban Bajramit, ju urojmë shëndet, paqe, harmoni dhe begati në familjet tuaja.
Qoftë kjo festë një moment gëzimi, afërsie dhe respekti mes njëri-tjetrit.
Urime Kurban Bajrami!
Drejtoria e shkollës

Sot nxënësit e klasave të III-ta patën mundësinë të vizitojnë ambientet e televizionit KTV (Kohavision).
Gjatë kësaj vizite, nxënësit zbuluan botën magjike që fshihet pas ekranit. Ata kuptuan se në televizion zhvillohet një punë e madhe ekipore.
Falënderojmë stafin e KTV-së për mikpritjen e ngrohtë, si dhe prindin Driton Mehmeti për kohën që ndau me ne.

Sot drejtori i shkollës z. Afrim Gashi priti në zyrë nxënësin Ari Lecaj, të cilin e uroi për suksesin e treguar në Garën e Diturisë “Prishtina 2026”.
Ari Lecaj zuri vendin e dytë në lëndën e historisë, duke dëshmuar përkushtim, dije dhe angazhim të vazhdueshëm. Gjithashtu, ai mori mirënjohje dhe u urua për suksese të mëtejme në rrugëtimin e tij shkollor.
Mirënjohje nga drejtori iu nda edhe mësimdhënëses Verona Jahiri për punën, përkushtimin dhe mbështetjen e vazhdueshme ndaj nxënësve. Me profesionalizmin dhe angazhimin e saj, ajo po jep një kontribut të çmuar në arritjen e rezultateve të shkëlqyera të nxënësve tanë.

Të nderuar prindër, ju njoftojmë se për regjistrimin e nxënësve në klasën e parë për vitin shkollor 2026/2027, përveç librezës së vaksinimit dhe dokumenteve të tjera të parapara, obligohen të paraqesin edhe dokumentin zyrtar – Vërtetimin mbi vaksinimin e fëmijës, të lëshuar nga QKMF/QMF.
Kjo kërkesë bëhet në përputhje me rekomandimet e institucioneve përkatëse shëndetësore dhe legjislacionin në fuqi.

Sot në shkollën tonë u organizua një test i brendshëm me nxënësit e klasave të 9-ta. Ky test i parapriu Testit të Arritshmërisë, ku nxënësve tanë, përveç vlerësimit të njohurive, iu dha mundësia të përgatiten edhe teknikisht për mënyrën e organizimit dhe zhvillimit të Testit të Arritshmërisë.

Nxënësit që do ta përfaqësojnë shkollën tonë në garat komunale.
Drejtoria e shkollës ju uron shumë suksese!
Urojmë që puna e mësimdhënësve dhe angazhimi i nxënësve të kurorëzohen me rezultate të shkëlqyera në këto gara dhe në çdo aktivitet tjetër.