Shfmu "Rilindja",Keqekollë

19.06.2026

Me rastin e përfundimit të vitit shkollor 2025/2026, u mbajt mbledhja e Këshillit të Mësimdhënësve, ku u diskutuan dhe u vlerësuan aktivitetet, angazhimet dhe puna e realizuar gjatë këtij viti shkollor.

Në këtë takim u reflektua mbi sukseset dhe sfidat e përbashkëta, duke vlerësuar përkushtimin e stafit pedagogjik në edukimin dhe arsimimin e nxënësve tanë.

Në shenjë falënderimi dhe përmbylljeje të një viti të suksesshëm, stafi i shkollës vazhdoi me një drekë të përbashkët, në një atmosferë miqësore dhe bashkëpunimi.

Falënderojmë të gjithë mësimdhënësit dhe punonjësit e shkollës për punën, përkushtimin dhe kontributin e tyre gjatë gjithë vitit shkollor.

Ju urojmë pushime të këndshme verore dhe suksese në vazhdim!

Përfundimi i vitit shkollor 2025/2026

Me rastin e përfundimit të vitit shkollor 2025/2026, në shkollën tonë u zhvillua ceremonia e shpërndarjes së libreza­ve për të gjithë nxënësit, duke vlerësuar përkushtimin, punën dhe suksesin e tyre gjatë këtij viti shkollor.

Nga Këshilli i Mësimdhënësve u përzgjodhën nxënësit e dalluar për vitin shkollor 2025/2026:
Për klasat 1–5: Jara Ademi
Për klasat 6–9: Nina Deliu

Drejtoria e shkollës ndau lavdata për nxënësit e dalluar, duke vlerësuar arritjet e tyre dhe duke i inkurajuar që të vazhdojnë me të njëjtin përkushtim edhe në të ardhmen.

Falënderojmë nxënësit për angazhimin, mësimdhënësit për punën dhe përkushtimin e tyre, si dhe prindërit për mbështetjen e vazhdueshme.

Ju urojmë të gjithëve pushime të këndshme verore, plot gëzim, shëndet dhe momente të bukura!

Me respekt,
Drejtoresha e shkollës
Qamile Gashi

18.06.2026

Nxënësit kaluan momente të bukura duke marrë pjesë në lojëra ekipore dhe aktivitete rekreative, ku u zhvilluan shkathtësitë e bashkëpunimit, garës së shëndetshme dhe argëtimit.

Faleminderit të gjithë fëmijëve për energjinë dhe buzëqeshjet e tyre!

11.06.2026

Me gëzim dhe emocione, nxënësit tanë festuan sot Festën e Abetares, duke shënuar një hap të rëndësishëm në rrugëtimin e tyre drejt dijes.

Urime të gjithë nxënësve për këtë arritje të bukur! Falënderime mësueses, Leonita Dabiqaj dhe prindërve për përkushtimin dhe mbështetjen e vazhdueshme.

Sot oborri i shkollës sonë u mbush me buzëqeshje, gëzim, lojëra dhe energji pozitive, ndërsa së bashku festuam 1 Qershorin – Ditën Ndërkombëtare të Fëmijëve.

Nxënësit tanë kaluan momente të bukura argëtimi, duke dëshmuar edhe një herë se fëmijëria është periudha më e çmuar e jetës, e mbushur me ëndrra, kreativitet dhe lumturi.

Me këtë rast, u shprehim urimet më të përzemërta të gjithë nxënësve tanë. Ju urojmë të rriteni të shëndetshëm, të lumtur, të suksesshëm dhe të mos ndaloni kurrë së ëndërruari. Ju jeni krenaria e shkollës sonë dhe shpresa për një të ardhme më të mirë.

Gëzuar 1 Qershorin, të dashur nxënës!
Qofshin ditët tuaja gjithmonë të mbushura me buzëqeshje, dashuri dhe suksese!

25.06.2026

Semimatura 2026

Në një atmosferë festive, plot buzëqeshje, emocion dhe kujtime të bukura, u mbajt mbrëmja e semimaturës së nxënësve tanë, në bashkëpunim me SHFMU “Ganimete Tërbeshi” dhe SHFMU “Teuta”.

Kjo mbrëmje shënoi përmbylljen e një etape të rëndësishme në jetën shkollore të nxënësve tanë dhe fillimin e një rruge të re drejt ëndrrave dhe sukseseve të ardhshme.

Falënderojmë nxënësit, mësimdhënësit dhe prindërit për kontributin dhe bashkëpunimin e tyre në organizimin e kësaj nate të veçantë.

Nxënësve tanë u urojmë shumë suksese, shëndet dhe realizim të çdo synimi në rrugëtimin e tyre të mëtejmë!

21.05.2026

Ekskursioni 2026

Nxënësit dhe mësimdhënësit e shkollës sonë, në bashkëpunim me SHFMU “Azemi e Salihu”, organizuan një ekskursion 1-ditor me karakter edukativ dhe rekreativ.

Gjatë këtij udhëtimi u vizituan disa nga bukuritë natyrore dhe kulturore të vendit tonë:
Guri i Zi
Ura e Shenjtë
Prizren

Ky aktivitet shërbeu si një mundësi e mirë për socializim, argëtim dhe krijim të përvojave të bukura për nxënësit tanë.

Falënderojmë të gjithë organizatorët, drejtorin e Shfmu”Azemi e Salihu” Osman Hyseni, Shaip Canolli për transportin, mësimdhënësit dhe nxënësit për bashkëpunimin dhe atmosferën e mrekullueshme gjatë këtij ekskursioni.

NJOFTIM PËR REGJISTRIMIN E NXËNËSVE NË KLASËN E PARË

Të nderuar prindër,

Ju njoftojmë se ka filluar regjistrimi i nxënësve për klasën e parë për vitin shkollor 2026/2027.

Mirëpresim me kënaqësi nxënësit tanë të vegjël në fillimin e rrugëtimit të tyre shkollor!

Me respekt,
Drejtoria e shkollës

KROSI PRANVEROR 2026

Në shkollën tonë u mbajt me sukses Krosi Pranveror, ku nxënësit treguan energji, sportivitet dhe frymë garuese.

Falënderojmë të gjithë nxënësit, mësimdhënësit dhe stafin që kontribuan në realizimin e këtij aktiviteti të bukur pranveror.

Urime të gjithë fituesve dhe pjesëmarrësve të tjerë për angazhimin dhe suksesin!

Pranvera në duart tona! ☀️ Duke kombinuar riciklimin me natyrën, krijuam këto mini-vepra arti duke përdorur lule ( Luleshurdhat Margaritat) e fushës. Një aktivitet perfekt për të shijuar diellin dhe artin në të njëjtën kohë. 💛