10/06/2026
Sot, fëmijët e grupit parashkollor realizuan një vizitë të veçantë në Shkollën Fillore “Hilmi Rakovica”, ku shumica prej tyre do të fillojnë rrugëtimin e ri shkollor në klasën e parë.
Gjatë vizitës, fëmijët patën mundësinë të njihen me ambientet e shkollës, klasën,si dhe me atmosferën që i pret në vitin e ardhshëm shkollor. Një përvojë e veçantë ishte edhe vizita në bibliotekën e shkollës, ku fëmijët u pritën me shumë dashuri dhe dëgjuan me kënaqësi një përrallë të shkurtër, duke përjetuar magjinë e librit dhe leximit.Kjo përvojë ishte shumë e rëndësishme për t’i përgatitur ata për kalimin nga parashkollori në shkollë.
Shprehim mirënjohjen dhe falënderimet tona të sinqerta për drejtorin dhe stafin e Shkollës “Hilmi Rakovica” për mikpritjen e ngrohtë, organizimin e shkëlqyer dhe kujdesin e treguar ndaj fëmijëve tanë. Bashkëpunimi dhe përkushtimi juaj kontribuojnë në krijimin e një tranzicioni sa më të lehtë dhe të suksesshëm për nxënësit e ardhshëm.
