Mileniumi i Trete

🎓 𝐍𝐣𝐞̈ 𝐦𝐛𝐫𝐞̈𝐦𝐣𝐞 𝐪𝐞̈ 𝐤𝐮𝐫𝐨𝐫𝐞̈𝐳𝐨𝐢 𝐫𝐫𝐮𝐠𝐞̈𝐭𝐢𝐦𝐢𝐧 𝐞 𝐆𝐣𝐞𝐧𝐞𝐫𝐚𝐭𝐞̈𝐬 𝐬𝐞̈ 𝐏𝐞𝐬𝐞̈𝐦𝐛𝐞̈𝐝𝐡𝐣𝐞𝐭𝐞̈

Në një atmosferë solemne, emocionale dhe festive, u mbajt ceremonia e diplomimit të Gjeneratës XV të shkollës “Mileniumi i Tretë”, një mbrëmje dedikuar suksesit, kujtimeve dhe hapave drejt së ardhmes.

Ceremonia mblodhi prindër, mësimdhënës, mysafirë dhe maturantë, të cilët së bashku ndanë emocionet e një prej momenteve më të rëndësishme në jetën shkollore të kësaj gjenerate. Mbrëmja u hap me performancën artistike të klasave të treta, vallëzimin “Dreamers”, për të vazhduar më pas me marshimin solemn të maturantëve dhe programin e pasur artistik e ceremonial.

Gjatë mbrëmjes u mbajtën fjalë përshëndetëse dhe motivuese, ndërsa përmes videodokumentarit të përgatitur enkas për këtë gjeneratë u rikthyen kujtime, sfida dhe arritje që shënuan rrugëtimin e tyre shumëvjeçar.

Programi artistik solli interpretime në piano, violonçel, kitarë dhe këngë, duke i dhënë ceremonisë një dimension të veçantë emocional dhe kulturor. Po ashtu, u ndanë mirënjohje për nxënësit që u dalluan në fusha të ndryshme, si në arritje akademike, art, aktivizëm, sport dhe kreativitet.

Kulmi i mbrëmjes ishte ceremonia zyrtare e diplomimit dhe ndarja e pllakëzave të arritjes për maturantët e Gjeneratës XV, të cilët simbolikisht përmbyllën një etapë të rëndësishme të jetës së tyre dhe hapën rrugën drejt sfidave të reja akademike e profesionale.

Shkolla “Mileniumi i Tretë” i uron maturantëve të saj suksese në çdo hap të së ardhmes, duke besuar se vlerat, dija dhe përvoja e fituar gjatë këtyre viteve do t’i udhëheqin drejt arritjeve të reja.

🏥 𝐍𝐣𝐞̈ 𝐯𝐢𝐳𝐢𝐭𝐞̈ 𝐞𝐝𝐮𝐤𝐚𝐭𝐢𝐯𝐞 𝐝𝐡𝐞 𝐟𝐞𝐬𝐭𝐢𝐯𝐞 𝐧𝐞̈ 𝐬𝐩𝐢𝐭𝐚𝐥

Sot, nxënësit e klasës II-4 realizuan një vizitë shumë të veçantë në repartin e Pediatrisë në ambientet e një spitali privat, me ftesën dhe mikpritjen e prindërve të nxënëses Hera Kusari.

Gjatë kësaj vizite, fëmijët patën mundësinë të njihen nga afër me ambientin spitalor, profesionet shëndetësore dhe rëndësinë e kujdesit për shëndetin e fëmijëve.

Në prag të 1 Qershorit – Ditës Ndërkombëtare të Fëmijëve, vizita u shoqërua edhe me aktivitete festive dhe maskota, të cilat sollën shumë buzëqeshje tek më të vegjlit tanë.

Falënderojmë z. Vullnet Kusari dhe znj. Teuta Jupa-Kusari për ftesën, kujdesin dhe organizimin e kësaj përvoje kaq të vlefshme për nxënësit tanë.

𝐍𝐱𝐞̈𝐧𝐞̈𝐬𝐣𝐚 𝐞 𝐒𝐡𝐤𝐨𝐥𝐥𝐞̈𝐬 “𝐌𝐢𝐥𝐞𝐧𝐢𝐮𝐦𝐢 𝐢 𝐓𝐫𝐞𝐭𝐞̈” 𝐟𝐢𝐭𝐮𝐞𝐬𝐞 𝐧𝐞̈ “𝐃𝐮𝐤𝐞̈𝐓𝐚𝐥𝐤𝐬”

Shtëpia Botuese Dukagjini në partneritet me Pearson organizuan ndarjen e çmimeve “DukëTalks”, projekt i dedikuar promovimit kreativ të gjuhës angleze.

Në kuadër të këtij projekti u vlerësuan talenti, përkushtimi dhe zhvillimi akademik i nxënësve dhe mësimdhënësve nga e gjithë Kosova, ndërsa fitues u shpallën pjesëmarrësit që u dalluan për kreativitet, komunikim dhe interpretim.

Nxënësja e shkollës “Mileniumi i Tretë”, nga klasa IV-3, Luiza Salihu arriti të zërë vendin e tretë, duke u shpërblyer me një biçikletë.

Ndërkaq, mësimdhënësja e gjuhës angleze, Liresa Nurqaj, u nderua me mirënjohje për kontributin dhe mbështetjen e dhënë gjatë përgatitjes së nxënëses.

Mësimdhënësit e nxënësve fitues do të marrin pjesë në Konferencën e Pearson që mbahet në Angli.

Me rastin e Festës së Kurban Bajramit,
Shkolla “Mileniumi i Tretë” ju uron paqe, shëndet dhe begati në familjet tuaja.

Gëzuar!

“𝐒𝐡𝐞𝐬𝐢𝐦 𝐪𝐞̈ 𝐭𝐞̈ 𝐝𝐡𝐮𝐫𝐨𝐣𝐦𝐞̈” 𝐛𝐚𝐬𝐡𝐤𝐨𝐢 𝐤𝐫𝐲𝐞𝐪𝐲𝐭𝐞𝐭𝐢𝐧 𝐧𝐞̈ 𝐟𝐫𝐲𝐦𝐞̈𝐧 𝐞 𝐬𝐨𝐥𝐢𝐝𝐚𝐫𝐢𝐭𝐞𝐭𝐢𝐭

Në Sheshin “Zahir Pajaziti” në Prishtinë u mbajt aktiviteti humanitar “Shesim që të dhurojmë”, i organizuar nga Shkolla “Mileniumi i Tretë” në partneritet me Drejtorinë për Mirëqenie Sociale të Komunës së Prishtinës dhe Koalicionin e OJQ-ve për Mbrojtjen e Fëmijëve – KOMF.

Nën moton “Fëmijët për Fëmijët”, iniciativa këtë herë u hap për publikun në zemër të kryeqytetit, duke sjellë së bashku nxënësit, prindërit, qytetarët dhe stafin e shkollës në një aktivitet me qëllim mbështetjen e fëmijëve në nevojë.

Pjesë e aktivitetit ishin nxënësit e klasave të treta, gjimnazistët dhe stafi i shkollës, të cilët përgatitën dhe sh*tën ushqime, punime artistike, byzylykë, çanta dhe produkte të ndryshme kreative, me qëllim mbledhjen e fondeve për fëmijët në nevojë.

Përveç aspektit humanitar, aktiviteti solli edhe atmosferë festive përmes pikave muzikore dhe artistike të realizuara nga Zjarr Bujari, nxënëset e shkollës Rea Sejdiu dhe Riga Mehmeti, Lekë Gjurgjiali, Ylli dhe Elioni nga Organizata Zë.

“Shesim që të dhurojmë” dëshmoi edhe një herë se kur fëmijët udhëhiqen nga empatia dhe dëshira për të ndihmuar, ata mund të bëhen shembull i fuqishëm i solidaritetit dhe përkujdesjes për komunitetin.

𝐏𝐞̈𝐫𝐟𝐮𝐧𝐝𝐨𝐢 𝐉𝐚𝐯𝐚 𝐞 𝐌𝐞̈𝐬𝐢𝐦𝐢𝐭 𝐭𝐞̈ 𝐁𝐚𝐳𝐮𝐚𝐫 𝐧𝐞̈ 𝐏𝐫𝐨𝐣𝐞𝐤𝐭𝐞

Me aktivitete kreative, punë ekipore dhe përvoja të reja mësimore, u përmbyll me sukses Java e Mësimit të Bazuar në Projekte në shkollën tonë.

Gjatë kësaj jave, nxënësit u angazhuan në projekte të ndryshme edukative, prezantime, vizita, aktivitete artistike dhe punë praktike, duke zhvilluar aftësitë e tyre në bashkëpunim, komunikim dhe mendim kritik.

Çdo ditë solli ide të reja, energji pozitive dhe momente të veçanta që e kthyen mësimin në një përvojë ndryshe dhe më afër jetës reale.

Java u mbyll me shumë kujtime të bukura, buzëqeshje dhe rezultate që treguan kreativitetin dhe përkushtimin e nxënësve tanë.

🌿 𝐕𝐢𝐳𝐢𝐭𝐞̈ 𝐧𝐞̈ 𝐏𝐲𝐥𝐥𝐢𝐧 𝐞 𝐀𝐫𝐢𝐧𝐣𝐯𝐞

Në kuadër të Javës së Projekteve, nxënësit e klasave të dyta realizuan një vizitë në Pyllin e Arinjve, ku patën mundësinë të mësojnë më shumë rreth jetës së kafshëve, natyrës dhe rëndësisë së mbrojtjes së mjedisit.

Përmes vëzhgimit, diskutimeve dhe aktiviteteve në natyrë, kjo vizitë u shndërrua në një përvojë të veçantë mësimore dhe argëtuese për nxënësit tanë.