Klinika Retorika

03/06/2026

Aty ku çdo fjalë ka vlerë!
Në Klinikën Retorika, prej më shumë se 10 vitesh ofrojmë mbështetje profesionale në logopedi, psikologji dhe psikoterapi, me përkushtim dhe qasje të individualizuar për çdo klient.

Vlerësim psikologjik dhe logopedik
Terapi e gjuhës dhe e të folurit
Terapi e sjelljes
Seanca stimulimi
Këshillim për prindërit
Mbështetje për fëmijë, adoleshentë dhe të rritur

Synimi ynë është të ndihmojmë çdo individ të zhvillojë potencialin e tij në një ambient të sigurt, profesional dhe konfidencial.

📍 Banesa 2, Hyrja 49, Murat Mehmeti, Prishtinë
📞 +383 44 862 406
📧 [email protected]

📅 Rezervoni termin tuaj sot dhe filloni rrugëtimin drejt komunikimit më të mirë dhe mirëqenies emocionale.

Probleme të të folurit dhe probleme psikologjike

10/05/2026

Njihuni me Dritën 🤍

Drita Kamberi është logopede e licensuar. Ajo ka përfunduar studimet bachelor pranë Kolegjit Heimerer, në drejtimin Logopedi, ndërsa aktualisht është studente e nivelit master në drejtimin Menaxhimi i Institucioneve dhe Shërbimeve Spitalore në të njëjtin institucion arsimor.

Gjatë studimeve dhe pas tyre, Drita ka punuar në kopshte dhe shkolla të shumta në disa qytete të Kosovës, me fëmijë të moshave dhe nevojave të ndryshme. Më pas, ajo ka qenë pjesë e Qendrës Multidisiplinare Heimerer, ku ka ofruar terapi logopedike për diagnoza dhe vështirësi të ndryshme në sferën e komunikimit.

Angazhimi i saj profesional përfshin pjesëmarrje të vazhdueshme në trajnime dhe konferenca, përmes të cilave synon zhvillim të vazhdueshëm mbi qasjet bashkëkohore dhe trajtimin e personalizuara për secilin klient.

Të gjitha këto përvoja e kanë mësuar Dritën se:
“Ndonjëherë progresi më i madh fillon me një buzëqeshje të vogël, pak durim dhe shumë dashuri.”

Për konsulta dhe seanca, caktoni terminin tuaj në: +383 (44) 862 406

04/05/2026

Njihuni me Aurelën 🤍

Aurela Gerguri është logopede e licencuar në Klinikën Retorika, me përvojë profesionale në Kosovë dhe Gjermani. Ajo ofron shërbime të specializuara në vlerësimin dhe trajtimin e vështirësive në komunikim, në gjuhën shqipe dhe gjermane.

Aurela ka përfunduar studimet Bachelor në Logopedi në Kolegjin Heimer dhe ka vazhduar zhvillimin e saj profesional përmes trajnimeve të ndryshme në fushën e çrregullimeve të komunikimit. Qasja e saj terapeutike ka në fokus ndërtimin e planeve individuale të trajtimit në përputhje me nevojat dhe potencialin unik të çdo fëmije. Për ta arritur këtë, Aurela ndërthur evidencën shkencore me empatinë, përkushtimin dhe bashkëpunimin me prindërit. Seancat e saj bazohen në lojë terapeutike dhe aktivitete të strukturuara, duke e bërë procesin e komunikimit të natyrshëm dhe motivues për fëmijën.

Për Aurelën: Në një mjedis teraputik ku fëmija ndihet i pranuar dhe i sigurt, komunikimi nuk mësohet me presion, por lind natyrshëm përmes lojës dhe besimit.

Për konsulta dhe seanca, caktoni terminin tuaj në: +383 (44) 862 406

03/05/2026

Me pak ndihmë - dhe mbi të gjitha, me ndihmën e duhur – çdo fëmijë mund të gjejë zërin dhe rrugën e tij.

Me mbështetje profesionale psikologjike dhe logopedike, ne i ndihmojmë fëmijët të zhvillojnë komunikimin, vetëbesimin dhe potencialin e tyre.

Sepse çdo fëmijë meriton të dëgjohet.

Na kontaktoni për vlerësim dhe konsultë: +383 (44) 862 406

20/04/2026

Njihuni me Anduenën 🤍

Anduena Shtavica është psikologe e licensuar me një përvojë të gjatë dhe të gjerë në ofrimin e shërbimeve psikologjike. Ajo ka përfunduar studimet Bachelor dhe Master në Psikologji të Përgjithshme në Kolegjin Universitar “FAMA” dhe trajnime të shumta në fushën e intervenimeve psikologjike.

Me një përvojë të pasur dhe të larmishme, Anduena ofron terapi të sjelljes dhe seanca stimulimi për fëmijët, si dhe mbështetje psikosociale për të rriturit. Përvoja e saj si psikologe shkolle i ka dhënë asaj një vështrim unik mbi zhvillimin emocional dhe social të nxënësve në mjediset arsimore.

Përveç anës klinike, Anduena shërben edhe si Eksperte Gjyqësore e licencuar, ku ofron ndihmë profesionale dhe intervenime specifike në rastet e proceseve ligjore që kërkojnë vlerësimin e mirëfilltë psikologjik.

Për Anduenën: "Çdo fëmijë është një enigmë që nuk kërkon shpejtësi, por durim për t'u kuptuar dhe dashuri për t'u rritur." ✨
Për konsulta dhe seanca, caktoni terminin tuaj në: +383 (44) 862 406

19/04/2026

Njihuni me Fatmiren 🤍

Me një përvojë mbi dhjetëvjeçare, Fatmirja është një emër i dashur dhe profesioniste e përkushtuar në fushën e logopedisë. Në vitin 2017, ajo hapi njërën ndër ordinancat e para logopedike të licencuara “Retorika”, duke krijuar një hapësirë ku çdo moshë gjen mbështetjen e nevojshme për sfidat në komunikim.

Rrugëtimi i saj akademik përfshin dy tituj Master: në Logopedi pranë Universitetit të Mjekësisë në Tiranë dhe në Pedagogji të Specializuar Sociale në Fakultetin e Shkencave Sociale, Universiteti i Tiranës. Përkushtimi i saj vazhdon përmes trajnimeve të shumta, duke sjellë gjithmonë teknikat më të reja në punën e saj të përditshme përkrahë përkushtimit të pakursyer.
Për Fatmiren komunikimi nuk është thjesht shqiptim fjalësh, por ura që lidh botën tonë të brendshme me të tjerët.

"Zëri i një fëmije është shprehja më e bukur e një mendimit; ne thjesht duhet t'i japim hapësirën dhe besimin që ai të dëgjohet plotësisht."

Për konsulta dhe seanca, caktoni terminin tuaj në: + 383 (44) 862 406

02/04/2026

02/04/2026

Botë të ndryshme, të bashkuara nga dashuria. 🧩✨

Në Ditën Botërore të Autizmit, ne në Klinikën Retorika nuk festojmë thjesht "ndërgjegjësimin", por pranimin dhe potencialin.

Autizmi nuk është një "puzzle" që duhet zgjidhur, por një gjuhë e veçantë që duhet mësuar. Është një mënyrë tjetër e të parit të botës—shpesh më e pastër, më e detajuar dhe me një sinqeritet që na mrekullon çdo ditë.

Detyra jonë? Të ndërtojmë ura, jo mure. Të dëgjojmë atë që thuhet pa fjalë dhe të mbështesim çdo hap drejt pavarësisë dhe shprehjes së vetvetes.

Sot dhe çdo ditë, jemi pranë familjeve që me guxim e kthejnë çdo sfidë në një fitore të vogël por të madhe. 💙

20/03/2026

Të dashur prindër dhe fëmijë,
Të nderuar klientë,
Me fat Fitër Bajrami! Paqja,shëndeti, mirësia, lumturia e begatia qofshin përjetë me Ju dhe familjet Tuaja!

16/03/2026

Ambient i ri dhe shërbime të reja💚

Të motivuar nga besimi juaj i vazhdueshëm dhe dëshira jonë për t’ju ofruar kushte sa më komode dhe dinjitoze, klinika “Retorika” hap dyert në një ambient të ri dhe me shërbime të reja. Çdo hapësirë është dizajnuar me kujdes dhe përkushtim për t’ju ofruar një mjedis të ngrohtë, të qetë dhe me privatësi të plotë.

Përveç hapësirës së re, jemi të lumtur të ndajmë me ju se kemi zgjeruar edhe ekipin tonë profesional. Tashmë, përveç shërbimeve logopedike, ofrojmë edhe shërbime psikologjike, duke ju qëndruar më pranë kërkesave tuaja.

Ajo çfarë mbetet e njëjtë është përkushtimi ynë në rrugëtimin e përbashkët drejt mirëqenies dhe shëndetit tuaj. Prandaj, ju falënderojmë secilin prej jush që jeni pjesë e rritjes sonë dhe që na lejoni të jemi mbështetja juaj profesionale në çdo hap!