British Gymnasium of Technology

Turniri i Futbollit – Klasët e X-ta dhe XI-ta

Kjo javë solli një atmosferë të jashtëzakonshme sportive në BGT, ku katër fituesit e klasave të 10-ta dhe 11-ta u përballën në një turnir futbolli të mbushur me garë dhe punë ekipore.

Pas ndeshjeve të shkëlqyera, klasa XI-1 u shpall fituese e turnirit, duke treguar përkushtim dhe bashkëpunim gjatë gjithë garës.

NEXT GEN LAB Conference 2026

Këtë të shtunë u mbajt me sukses konferenca NEXTGENLAB, ku nxënësit tanë prezantuan projektet e tyre para publikut, mentorëve, prindërve dhe partnerëve tanë.

Gjatë 6 muajve të fundit, 200 nxënës kanë punuar në 50 projekte reale, duke zhvilluar ide inovative, zgjidhje praktike në fushën e teknologjisë.

Një falënderim i veçantë shkon për Gjirafa, si sponsor i këtij edicioni, për mbështetjen dhe kontributin e tyre në fuqizimin e të rinjve në fushën e teknologjisë.

Poashtu, falënderojmë mentorët tanë, të cilët kanë bërë një punë fantastike gjatë gjithë procesit të mentorimit.

NEXTGENLAB është dëshmi se kur të rinjtë mbështeten dhe udhëhiqen drejt, ata mund të krijojnë zgjidhje të vërteta për sfida reale.

Studentët e NextGen Lab prezantojnë projektet e tyre live.

Demostrim i punës së tyre dhe ekspozim i posterëve të punuar nga vet nxenësit.

Ejani dhe shihni çfarë kanë punuar inovatorët tanë të rinj.

📍British Gymnasium of Technology, Zonë Industriale
🕙 10:30 – 14:10

Sponzorizuar nga iGjirafa Mono Apple Store | Student Club by Gjirafa 🙌

NEXTGENLAB Conference 2026 – E ardhmja prezantohet nga nxënësit tanë!

Më 6 qershor 2026, në ora 11:00, British Gymnasium of Technology organizon konferencën e parë NextGenLab, ku nxënësit tanë do të prezantojnë projektet inovative dhe punimet që kanë zhvilluar gjatë 6 muajve të fundit.

Kjo konferencë është një mundësi për të parë nga afër kreativitetin, aftësitë teknologjike dhe përkushtimin e nxënësve tanë, të cilët do të ndajnë rezultatet e punës së tyre përmes prezantimeve dhe posterëve profesionalë.

Ftojmë prindërit, nxënësit, partnerët dhe të gjithë të interesuarit të na bashkohen për të mbështetur të rinjtë tanë dhe për të festuar arritjet e tyre.

📅 Data: 6 Qershor 2026
🕚 Ora: 11:00
📍 Lokacioni: Zona Industriale, Fushë Kosovë
📍 Google Maps: https://maps.app.goo.gl/DiHgqhtJ5GRZuwxg9

Turniri i Futbollit – Klasat e X-ta

Java e kaluar solli një atmosferë të jashtëzakonshme sportive në BGT, ku katër paralelet e klasave të 10-ta u përballën në një turnir futbolli të mbushur me garë dhe punë ekipore.

Pas ndeshjeve të shkëlqyera, klasa X-4 u shpall fituese e turnirit, duke treguar përkushtim dhe bashkëpunim gjatë gjithë garës.

Jemi krenarë të ndajmë një tjetër storie suksesi nga British Gymnasium of Technology.

Nxënësi ynë, Drin Rexhepi, është pranuar në FH Upper Austria, një universitet i njohur ndërkombëtarisht për programet e avancuara në Artificial Intelligence dhe teknologji.

Për këtë program kishte vetëm 33 vende për studentë nga e gjithë bota, me një proces pranimi tejet konkurrues, ku kandidatët kaluan nëpër 2 teste dhe 1 intervistë për të dëshmuar aftësitë e tyre akademike dhe motivimin.

Një nga aspektet më të veçanta të këtij aplikimi ishte fakti që diplomat Pearson ishin diplomat e vetme të kërkuara për pranim, duke dëshmuar edhe një herë vlerën dhe njohjen ndërkombëtare të sistemit Pearson që ndjekin nxënësit tanë në BGT.