Shfmu "Azemi e Salihu"

19/06/2026

Një kapitull përfundon, një rrugëtim i ri fillon! 🎓

Sot nxënësit e klasës së pestë përmbyllën një etapë të rëndësishme të rrugëtimit të tyre shkollor dhe u përshëndetën me mësuesen e tyre znj. Mirvete Thaqi, e cila për pesë vite me radhë i udhëhoqi me përkushtim, dashuri dhe profesionalizëm.

Me shumë emocione, kujtime të bukura dhe mirënjohje të thellë, nxënësit falënderuan mësuesen për çdo mësim, këshillë dhe mbështetje të dhënë gjatë këtyre viteve.

Ju urojmë nxënësve shumë suksese në rrugëtimin e tyre të mëtejmë, ndërsa mësueses i shprehim falënderimet më të sinqerta për kontributin e çmuar në edukimin dhe formimin e tyre!

Suksese dhe vetëm suksese në hapat tuaj të ardhshëm! 🌹📚

21/05/2026

12/05/2026

NJOFTIM MORTOR

Me pikëllim të thellë morëm lajmin për ndarjen nga jeta të mësimdhënëses sonë të dashur, Sevdije Isufi.

Kontributi, përkushtimi dhe dashuria që ajo dha ndër vite në edukimin dhe formimin e shumë gjeneratave do të mbeten gjithmonë pjesë e kujtesës sonë. Ajo ishte shembull i urtësisë, profesionalizmit dhe humanizmit, duke lënë gjurmë të pashlyeshme te nxënësit, kolegët dhe gjithë komuniteti shkollor.

Në këto momente të vështira, shprehim ngushëllimet më të sinqerta për familjen Isufi, të afërmit, miqtë dhe të gjithë ata që e njohën dhe e deshën.

Qoftë i përhershëm kujtimi për të! 🕊️

09/05/2026

Nxënësit e shkollës sonë morën pjesë në një aktivitet vetëdijesues, të organizuar nga KFOR-i Italian, së bashku me nxënësit e SHFMU Dardania.

Ky aktivitet kishte për qëllim promovimin e bashkëpunimit, vetëdijesimit dhe fuqizimit të rolit të të rinjve në ndërtimin e një shoqërie më të ndërgjegjshme dhe më të sigurt. Nxënësit tanë patën mundësinë të marrin pjesë në aktivitete edukative, sociale dhe bashkëpunuese me bashkëmoshatarët e tyre.

Falënderojmë sinqerisht KFOR-i Italian për organizimin dhe përkushtimin në realizimin e këtij aktiviteti të vlefshëm si dhe për mbështetjen e vazhdueshme për nxënësit tonë.

Mirënjohje dhe falënderim të veçantë për drejtorin e SHFMU Dardania, Afrim Gashi, për bashkëpunimin, mikpritjen dhe kontributin në këtë aktivitet të përbashkët.

Një falënderim i veçantë shkon edhe për Organizata Bereqeti për dhuratat e ofruara për nxënësit tanë, duke sjellë gëzim dhe motivim për ta.

Aktivitete të tilla janë dëshmi e rëndësisë së bashkëpunimit dhe përkujdesjes ndaj nxënësve tanë dhe komunitetit.

07/05/2026

Prezantimi i Punimeve Projektuese në Lëndën e Biologjisë

Në kuadër të aktiviteteve mësimore dhe zhvillimit të njohurive shkencore, nxënësit e klasës së VI-të kanë realizuar me përkushtim dy punime projektuese me tematika të rëndësishme nga fusha e biologjisë:

• Biocenoza dhe ndarja e saj në katëzime;
• Ndryshimet klimatike – Ngrohja globale (Efekti serrë).

Këto punime janë përgatitur nga nxënësit Arsa dhe Rigon Hasimi, të cilët përmes angazhimit dhe kreativitetit të tyre kanë dëshmuar nivel të lartë të të kuptuarit të koncepteve biologjike dhe ndërgjegjësim për çështje mjedisore aktuale.

Është kënaqësi dhe privilegj për institucionin tonë arsimor të promovojë iniciativa të tilla, ku nxënësit shprehin aftësitë e tyre intelektuale, zhvillojnë mendimin kritik dhe zbatojnë njohuritë e fituara në mënyrë praktike dhe kreative.

Mësimdhënësja Ganimete Dobratiqi është e përkushtuar në nxitjen e dijes, inovacionit dhe edukimit cilësor, duke krijuar mundësi për zhvillimin e gjithanshëm të nxënësve.

29/04/2026

Në kuadër të organizimit “Java e Dyerve të Hapura”, nxënësit e klasës së IX-të të shkollës sonë zhvilluan një vizitë në dy shkolla të mesme, Gjin Gazulli dhe Shtjefën Gjeçovi, ku patën mundësinë të njihen nga afër me ambientet, drejtimet mësimore si dhe aktivitetet që ato ofrojnë.

Kjo vizitë u shërbeu nxënësve si një mundësi e vlefshme për orientim profesional dhe akademik, duke i ndihmuar në marrjen e vendimeve për hapat e tyre të ardhshëm në rrugëtimin arsimor.

29/04/2026

Në shkollën tonë u realizua një vizitë rutinore nga përfaqësues të KFOR-it italian.

Gjatë kësaj vizite, përfaqësuesit e KFOR-it zhvilluan një takim me drejtorin e shkollës, ku u diskutua për çështje që lidhen me sigurinë dhe bashkëpunimin institucional.

Shkolla jonë vlerëson bashkëpunimin dhe mbështetjen e vazhdueshme të KFOR-it në krijimin e një ambienti të sigurt për nxënësit dhe stafin.

Falënderojmë KFOR-in italian për vizitën!

27/04/2026

Në kuadër të shënimit të Ditës së Shkollës,

Drejtori i shkollës, së bashku me nxënësit dhe mësimdhënësit, realizuan homazhe pranë varrezave të dëshmorëve Azem Babiqi dhe Sali Matoshi.

Me këtë aktivitet përkujtimor, nderuam sakrificën dhe kontributin e tyre për lirinë e vendit tonë. Emrin e tyre shkolla jonë e mban me krenari, duke e ruajtur dhe përcjellë ndër breza frymën e atdhedashurisë dhe respektit për historinë tonë.

23/04/2026

Nxënësit e klasës së IX-të së bashku me mësimdhënësen Ganimete Dobratiqi, morën pjesë në Panairin e Edukimit 2026, ku patën mundësinë të informohen nga afër për drejtimet dhe mundësitë e shkollimit të mëtejmë.

Ky aktivitet ishte një përvojë e vlefshme për ta, duke i ndihmuar në orientimin e tyre profesional dhe në zgjedhjen e hapave të ardhshëm drejt suksesit.

22/04/2026

🌍 Shënimi i Ditës së Tokës në shkollën tonë

Sot, në kuadër të Dita e Tokës, në shkollën tonë u organizuan ligjërata vetëdijësuese me nxënësit, me qëllim rritjen e ndërgjegjësimit për mbrojtjen e mjedisit dhe rëndësinë e kujdesit ndaj planetit tonë.

Nxënësit patën mundësinë të informohen më shumë për sfidat mjedisore, si ndotja, ndryshimet klimatike dhe mënyrat konkrete se si secili prej nesh mund të kontribuojë për një mjedis më të pastër dhe më të shëndetshëm.

Falënderojmë mësimdhënësit dhe nxënësit për angazhimin dhe pjesëmarrjen aktive në këtë ditë të rëndësishme.

🌱 Të kujdesemi për Tokën – është shtëpia jonë e përbashkët!