Fakulteti i Ekonomisë - UP

🎓 Profesori i Fakultetit të Ekonomisë, pjesëmarrës në Eberswalde University for Sustainable Development, Gjermani, në kuadër të programit Erasmus+

Me kënaqësi njoftojmë se profesori i Fakultetit të Ekonomisë të Universitetit të Prishtinës, Prof. Asst. Genc Zhushi, mori pjesë në programin Erasmus+ Staff Mobility for Training në Eberswalde University for Sustainable Development, Gjermani. 🇩🇪

Gjatë këtij mobiliteti, Prof. Zhushi mori pjesë në modulin “Designing Future Economies”, ku pati mundësinë të:
🔹 shkëmbejë përvoja akademike dhe profesionale;
🔹 zhvillojë njohuri të reja mbi ekonomitë e së ardhmes;
🔹 diskutojë mbi zhvillimin e qëndrueshëm dhe inovacionin;
🔹 krijojë kontakte të reja me profesorë dhe pjesëmarrës ndërkombëtarë. 🌍🤝📈

🤝 Bashkëpunimi dhe shkëmbimi i ideve me profesorët dhe pjesëmarrësit ndërkombëtarë e bënë këtë përvojë veçanërisht të vlefshme në aspektin akademik, profesional dhe kulturor.

Mobilitete të tilla kontribuojnë në: avancimin profesional të stafit akademik, ndërkombëtarizimin e Universitetit të Prishtinës, forcimin e bashkëpunimit me universitetet evropiane, sjelljen e përvojave dhe ideve të reja në mësimdhënie dhe kërkim shkencor.

👏 E përgëzojmë profesorin Genc Zhushi për përfundimin me sukses të këtij mobiliteti dhe i dëshirojmë shumë suksese në angazhimet e tij të ardhshme akademike dhe profesionale!

📍 Profesori i Fakultetit të Ekonomisë prezanton kërkimin shkencor në Konferencën Evropiane të FMA 2026 në Portugali

Profesori i Fakultetit të Ekonomisë të Universitetit të Prishtinës, Prof. Assoc. Dr. Veton Zeqiraj, mori pjesë në Konferencën Evropiane 2026 të Financial Management Association International (FMA), një nga organizatat më prestigjioze në botë në fushën e financave, bankave dhe institucioneve financiare. Konferenca u mbajt në qytetin e Braga, Portugali, dhe mblodhi studiues e ekspertë të njohur nga mbarë bota.

Programi shkencor përfshiu ligjërata nga personalitete të shquara të financave, si Victoria Ivashina dhe Alex Edmans, si dhe panele akademike mbi financat e qëndrueshme dhe tranzicionin e gjelbër me pjesëmarrjen e Ian Appel, Philipp Krueger dhe Pedro Matos.

Gjatë konferencës, Prof. Zeqiraj prezantoi punimin shkencor me titull “Do Good, Perform Better? Investigating the CSR–Performance Link in Western Balkan Banks”, i cili analizon ndikimin e përgjegjësisë sociale të korporatave në performancën e bankave në vendet e Ballkanit Perëndimor.

Përveç prezantimit të punimit, Prof. Zeqiraj u angazhua edhe në rolin e Chair-it të Sesionit 52 – Financial Intermediation: Insurance, duke përfaqësuar me profesionalizëm dhe dinjitet Fakultetin e Ekonomisë dhe Universitetin e Prishtinës në një nga ngjarjet më të rëndësishme akademike ndërkombëtare në fushën e financave.

Pjesëmarrja në konferenca të këtij niveli kontribuon në promovimin e veprimtarisë kërkimore-shkencore të Fakultetit të Ekonomisë, shkëmbimin e njohurive, zgjerimin e bashkëpunimeve ndërkombëtare dhe forcimin e lidhjeve me komunitetin global akademik.

🌍 Profesorë nga Instituti i Kontabilitetit dhe Administrimit i Portos vizituan Fakultetin e Ekonomisë

🎓 Fakulteti i Ekonomisë pati kënaqësinë të mirëpresë profesorë nga Instituti i Kontabilitetit dhe Administrimit i Portos (ISCAP), Universiteti Politeknik i Portos, Portugali, në kuadër të partneritetit dhe mobilitetit akademik Erasmus+. 🇵🇹🇽🇰

💼 Gjatë takimit me menaxhmentin e Fakultetit të Ekonomisë u diskutuan mundësitë për thellimin dhe zgjerimin e bashkëpunimit ndërinstitucional. Diskutimet rezultuan me dy propozime konkrete për aplikime të përbashkëta në projekte ndërkombëtare, duke forcuar më tej partneritetin mes dy institucioneve.

🧑‍🏫 Në kuadër të vizitës, profesorët nga Portugalia, të udhëhequr nga Paulo Botelho Pires, mbajtën një ligjëratë për studentët e Fakultetit të Ekonomisë me temën “Veglat e Inteligjencës Artificiale për Mbështetjen e Produktivitetit Akademik”.

💡 Ligjërata ofroi njohuri praktike mbi përdorimin e teknologjive të inteligjencës artificiale në procesin e të nxënit, hulumtimit dhe punës akademike, duke nxitur diskutime mbi rolin e AI në arsimin e lartë dhe zhvillimin profesional.

🌐 Fakulteti i Ekonomisë mbetet i përkushtuar në forcimin e bashkëpunimit ndërkombëtar dhe krijimin e mundësive të reja për studentët dhe stafin akademik përmes programeve evropiane të mobilitetit dhe projekteve të përbashkëta.

📢 Fakulteti i Ekonomisë përfaqësohet në konferencën ndërkombëtare ISCBE 2026

Profesoresha e Fakultetit të Ekonomisë të Universitetit të Prishtinës, Prof. Asst. Vjosa Fejza Ademi, mori pjesë në 9th International Scientific Conference on Business and Economics (ISCBE 2026), e cila u mbajt në Universidad Europea Valencia, Spanjë. 🇪🇸

Në kuadër të tematikës së konferencës “Future-Ready Economies: Innovation, Entrepreneurship, and Digital Competitiveness”, Prof. Asst. Fejza Ademi prezantoi punimin e saj shkencor me titull “The Effects of Social Media Usage on Increasing Awareness of Organic Cosmetic Products in Kosova”, duke prezantuar rezultatet e hulumtimit të saj para studiuesve dhe ekspertëve nga vende të ndryshme të botës.

Fakulteti i Ekonomisë i uron Prof. Asst. Fejza Ademit suksese të mëtejshme në veprimtarinë e saj shkencore dhe akademike.

Pjesëmarrja në këtë konferencë u mundësua me mbështetjen e Universitetit të Prishtinës, i cili vazhdon të përkrahë angazhimin shkencor dhe ndërkombëtarizimin e stafit akademik.

📢 Thirrje për Punime Shkencore konferencën e Fakultetit të Ekonomisë

Fakulteti i Ekonomisë i Universitetit të Prishtinës organizon më 13 tetor 2026 konferencën shkencore me temën:

“Puna e Kujdesit, Barazia Gjinore dhe Qëndrueshmëria Shoqërore”

Ftojmë studiuesit, akademikët, studentët e studimeve pasuniversitare dhe profesionistët e fushës të dorëzojnë abstraktet dhe punimet e tyre shkencore mbi tema që lidhen me:
🔹 punën e papaguar të kujdesit,
🔹 pabarazitë gjinore në tregun e punës,
🔹 varfërinë e kohës dhe ndikimin e saj te gratë,
🔹 si dhe tema të tjera të ngjashme që trajtojnë dimensionet ekonomike dhe shoqërore të barazisë gjinore.

🗓️ Afati për dorëzimin e abstrakteve: 10 gusht 2026
🗓️ Publikimi i rezultateve të vlerësimit: 30 gusht 2026

Konferenca bashkorganizohet nga Fakulteti i Ekonomisë i Universitetit të Prishtinës, Agjencia për Barazi Gjinore, Friedrich Ebert Stiftung dhe UN Women.

📌 Të gjitha informatat lidhur me konferencën dhe thirrjen për punime shkencore i gjeni në posterin e bashkangjitur.

Ju mirëpresim të kontribuoni me punimet tuaja dhe të bëheni pjesë e diskutimeve për një shoqëri më të barabartë dhe më të qëndrueshme. #️⃣

📌 Stabiliteti financiar global dhe sfidat e sektorit financiar në fokus të ligjëratës publike në Fakultetin e Ekonomisë

Në Fakultetin e Ekonomisë të Universitetit të Prishtinës u mbajt ligjërata publike me temën “Vlerësimi i Stabilitetit Financiar Global: Ku qëndrojmë?”, e organizuar nga Banka Qendrore e Republikës së Kosovës (BQK) në bashkëpunim me Fakultetin e Ekonomisë.

🎓 Aktiviteti u hap nga Prodekanja e Fakultetit të Ekonomisë, Prof. Asoc. Vlora Prenaj, e cila përshëndeti të pranishmit dhe theksoi rëndësinë e bashkëpunimit ndërinstitucional ndërmjet Fakultetit të Ekonomisë dhe BQK-së në promovimin e debatit akademik dhe profesional mbi çështjet aktuale të ekonomisë dhe financave.

👥 Ligjërata solli para studentëve, stafit akademik dhe profesionistëve të sektorit financiar dy personalitete të shquara të fushës: z. Tobias Adrian, Krye-Këshilltar Financiar dhe Drejtor i Departamentit për Tregje Monetare dhe të Kapitalit në Fondin Monetar Ndërkombëtar (FMN), dhe z. Ahmet Ismaili, Guvernator i Bankës Qendrore të Republikës së Kosovës.

💡 Gjatë diskutimit, vëmendje e veçantë iu kushtua zhvillimeve strukturore që po e transformojnë sektorin financiar, përfshirë pagesat dhe financën digjitale, inteligjencën artificiale, rreziqet kibernetike, kripto-asetet dhe paranë digjitale. Në këtë drejtim, u theksua nevoja për korniza rregullatore dhe mbikëqyrëse që mundësojnë inovacion të sigurt, duke ruajtur njëkohësisht stabilitetin financiar, integritetin e tregut dhe mbrojtjen e konsumatorëve.

🗣️ Aktiviteti u karakterizua nga një bashkëbisedim interaktiv me studentë, profesorë, përfaqësues të institucioneve dhe pjesëmarrës të tjerë. Në këtë pjesë u adresuan pyetje dhe komente lidhur me zhvillimet në stabilitetin financiar global, sfidat e reja rregullatore dhe rolin e bankave qendrore në një mjedis financiar gjithnjë e më kompleks.

🤝 Fakulteti i Ekonomisë falënderon Bankën Qendrore të Republikës së Kosovës për bashkëpunimin e vazhdueshëm institucional dhe kontributin e saj në realizimin e aktiviteteve me rëndësi për studentët, stafin akademik dhe komunitetin profesional.

🌍 Ligjëratë e Hapur me Dr. Michal Rutkowski: Diskutim mbi Rolin e Sektorit Privat në Zhvillimin Njerëzor

Fakulteti i Ekonomisë i Universitetit të Prishtinës organizoi një ligjëratë të hapur me Dr. Michal Rutkowski, Drejtor Rajonal i Bankës Botërore për Zhvillimin Njerëzor për rajonin e Evropës dhe Azisë Qendrore, me temën: “Roli i sektorit privat në zhvillimin njerëzor: arsimi, shëndetësia dhe politika sociale”.

👥 Aktiviteti mblodhi stafin akademik, studentë dhe mysafirë të tjerë të interesuar, të cilët patën mundësinë të dëgjojnë nga afër perspektivat dhe përvojën ndërkombëtare të Dr. Rutkowski lidhur me rolin e sektorit privat në avancimin e zhvillimit njerëzor dhe reformave sociale.

🎤 Në hapje të aktivitetit, pjesëmarrësit i përshëndeti Dekani i Fakultetit të Ekonomisë, Prof. Driton Balaj, i cili theksoi rëndësinë e organizimit të aktiviteteve akademike me personalitete të njohura ndërkombëtare dhe bashkëpunimit me institucione si Banka Botërore në trajtimin e temave me interes të veçantë për zhvillimin ekonomik dhe social.

🤝 Në këtë aktivitet mori pjesë edhe znj. Carole Megevand, Drejtoreshë e Bankës Botërore për Kosovën dhe Maqedoninë e Veriut, praninë e së cilës Fakulteti i Ekonomisë e vlerëson si një mbështetje të rëndësishme për forcimin e bashkëpunimit ndërinstitucional dhe zhvillimin e iniciativave akademike.

📚 Fakulteti i Ekonomisë mbetet i përkushtuar në organizimin e aktiviteteve akademike që kontribuojnë në shkëmbimin e njohurive, diskutimeve profesionale dhe forcimin e lidhjeve me institucione ndërkombëtare.

🏆 Datathon Challenge 2026: Studentët shndërrojnë të dhënat në njohuri dhe zgjidhje për sfidat e shoqërisë

Datathon Challenge 2026, i organizuar nga Fakulteti i Ekonomisë i Universitetit të Prishtinës në kuadër të projektit 4InnoPipe2, dëshmoi se si të dhënat mund të shndërrohen në histori të fuqishme që na ndihmojnë të kuptojmë më mirë realitetet ekonomike dhe shoqërore të Kosovës dhe rajonit të Ballkanit Perëndimor. 🌍

Gara mblodhi 13 ekipe dhe rreth 40 studentë, të cilët eksploruan të dhënat e platformës Datasphere, identifikuan modele dhe trende domethënëse dhe i prezantuan gjetjet e tyre përmes analizave dhe tregimeve të bazuara në evidencë. Gjatë gjithë procesit, studentët u mentoruan nga Prof. Asoc. Albulena Shala dhe Prof. Asoc. Mjellma Carabregu Vokshi.

Temat e trajtuara përfshinë disa nga çështjet më të rëndësishme ekonomike dhe shoqërore të kohës sonë, si: remitancat, barazia gjinore, korrupsioni, sipërmarrja, migrimi i të rinjve, tranzicioni i gjelbër, punësimi, inteligjenca artificiale në arsim, përputhja ndërmjet akademisë dhe tregut të punës, inflacioni dhe zhvillimi makroekonomik. 📉🌱

Përmes kombinimit të analizës së të dhënave, mendimit kritik, kreativitetit dhe aftësive prezantuese, ekipet studentore transformuan të dhëna komplekse në njohuri dhe rekomandime të vlefshme për shoqërinë dhe ekonominë. 📚

👏 Një falënderim i veçantë për anëtarët ndërkombëtarë të jurisë: Titta Pirkola, But Dedaj, Dubravka Kovačević, Monika Sonta dhe Lyubomyr Matskeh, të cilët me ekspertizën e tyre pasuruan përvojën e pjesëmarrësve.

🏆 Ekipet fituese të Datathon Challenge 2026:

🥇 Zgjidhja më kreative (Most Creative Solution)
📌 “Bridging the Gap: Aligning Academia with the Modern Labor Market”
👥 Anjeza Rrustolli, Melosa Malushi dhe Mendim Smajli

🥇 Analiza statistikore më e thelluar (Deepest Statistical Analysis)
📌 “An Analysis of Control of Corruption Indicators”
👥 Aurora Berisha dhe Arbreshe Mazreku

🥇 Aplikimi ekonomik më praktik (Most Practical Economic Application)
📌 “The Shrinking Basket: Inflation vs. The Kitchen Tables of Kosovo”
👥 Alba Surdulli dhe Liza Koliqi

🎉 Urime të gjithë studentëve pjesëmarrës për angazhimin, profesionalizmin dhe kreativitetin e treguar gjatë garës!

📊🚀 E ardhmja u përket jo vetëm atyre që dinë të mbledhin të dhëna, por edhe atyre që janë në gjendje t’i shndërrojnë ato në njohuri dhe njohuritë në ndikim konkret për shoqërinë.

📈🎓🌍

🎓📚 Pse të studioni në Universitetin e Prishtinës dhe në Fakultetin e Ekonomisë?

Sepse aty nis suksesi. 🚀✨

Dëgjojeni përvojën frymëzuese të alumnit tonë, Drin Govori, dhe zbuloni se si studimet në Fakultetin e Ekonomisë kanë ndikuar në rrugëtimin e tij profesional. 🎯📈

🌟 Zgjedh cilësinë.
📖 Ndërto dijen.
🤝 Krijo rrjetin tënd profesional.
🏆 Arrij suksesin.

🎓

https://www.instagram.com/reel/DY9ssqusaR0/?igsh=ZGY0ZWVrMDZnanM5

"Kur don diçka, nuk ka sfidë që të ndal, mbërrin ku do në botë" – Drin Govori me mesazh për të rinjtë!

🎓 Maturantët e Shkollës së Mesme Profesionale “Ismail Dumoshi” vizituan Fakultetin e Ekonomisë

Maturantët e Shkollës së Mesme Profesionale “Ismail Dumoshi” nga Obiliqi, të shoqëruar nga profesoreshat Shqiponja Rama dhe Nora Hasani Morina, realizuan një vizitë në Fakultetin e Ekonomisë të Universitetit të Prishtinës. 🏛️

Gjatë kësaj vizite, nxënësit u mirëpritën nga menaxhmenti i fakultetit, të cilët i informuan ata për programet studimore 🎓, mundësitë që ofron Fakulteti i Ekonomisë 📚, si dhe aktivitetet akademike dhe profesionale që zhvillohen aty.

Po ashtu, maturantët patën mundësinë të njihen nga afër me ambientet e fakultetit 🏫, sallat mësimore, bibliotekën dhe hapësirat tjera që janë në shërbim të studentëve.

Kjo vizitë ishte një përvojë e vlefshme për maturantët ✨, duke i ndihmuar ata të orientohen më mirë drejt zgjedhjes së studimeve të ardhshme dhe planifikimit të karrierës së tyre profesionale.