Fakulteti i Ekonomisë - UP

Fakulteti i Ekonomisë - UP Contact information, map and directions, contact form, opening hours, services, ratings, photos, videos and announcements from Fakulteti i Ekonomisë - UP, College & University, Agim Ramadani, Pristina.

Fakulteti i Ekonomisë është institucion i përkushtuar në përgatitjen e individëve të shquar për marrjen e roleve udhëheqëse në komunitet përmes mësimit, kërkimit dhe praktikës në fushën e ekonomisë.

🎓 Fakulteti i Ekonomisë mirëpriti studentët e rinj për vitin akademik 2026/2027Sot, në Fakultetin e Ekonomisë të Univers...
15/09/2026

🎓 Fakulteti i Ekonomisë mirëpriti studentët e rinj për vitin akademik 2026/2027

Sot, në Fakultetin e Ekonomisë të Universitetit të Prishtinës, u organizua pritja e studentëve të rinj me rastin e fillimit të vitit akademik 2026/2027, nga stafi akademik dhe administrativ i Fakultetit.

🎤 Studentët e rinj i përshëndetën Prof. Driton Balaj, Dekan i Fakultetit të Ekonomisë, Prof. Majlinda Gjelaj, Prorektore e Universitetit të Prishtinës, dhe Blerim Islami, Kryetar i Këshillit Studentor, të cilët u uruan mirëseardhje dhe shumë suksese në fillimin e rrugëtimit të tyre universitar.

Gjithashtu, studentët e rinj u mirëpritën nga z. Altin Sahiti, Kryesues i Këshillit Drejtues të Universitetit të Prishtinës.

Studentët patën mundësinë të njihen më nga afër me Fakultetin, stafin akademik dhe administrativ, si dhe me kolegët e tyre, duke shënuar kështu fillimin e një kapitulli të ri në jetën e tyre akademike. 🎓📚

Gjatë aktivitetit u theksua rëndësia e angazhimit, përkushtimit dhe shfrytëzimit të mundësive akademike e profesionale që ofron Fakulteti, me synim përgatitjen e tyre për sfidat e së ardhmes.

✨ Fakulteti i Ekonomisë u uron të gjithë studentëve të rinj mirëseardhje, suksese dhe një fillim të mbarë të studimeve!

📚 Mirë se vini në Fakultetin e Ekonomisë – Universiteti i Prishtinës!

🎓 Tryezë shkencore: “Arsimi i lartë dhe tregu i punës: mes (sh)përputhjes dhe (bashkë)veprimit”🏛️ Instituti për Kërkime ...
15/09/2026

🎓 Tryezë shkencore: “Arsimi i lartë dhe tregu i punës: mes (sh)përputhjes dhe (bashkë)veprimit”

🏛️ Instituti për Kërkime Ekonomike i Fakulteti i Ekonomisë i Universitetit të Prishtinës organizuan tryezën shkencore me temë “Arsimi i lartë dhe tregu i punës: mes (sh)përputhjes dhe (bashkë)veprimit”. Tryeza, e udhëhequr nga Dr. Neshat Podvorica, mblodhi përfaqësues të fakulteteve të ekonomisë nga universitetet publike të Kosovës, me qëllim të diskutimit të sfidave dhe mundësive për forcimin e lidhjes ndërmjet arsimit të lartë dhe tregut të punës.

🎤 Në hapje të ngjarjes, fjalën e morën Prof. Driton Balaj, Dekan i Fakultetit të Ekonomisë, Prof. Berim Ramosaj, Drejtor i Institutit për Kërkime Ekonomike, dhe Prof. Avni Hajdari, Prorektor në Universitetin e Prishtinës, të cilët theksuan rëndësinë e bashkëpunimit akademik dhe institucional në përballjen me ndryshimet e vazhdueshme në tregun e punës.

📊 Gjatë tryezës u prezantua raporti i përgatitur nga Instituti për Kërkime Ekonomike, i cili shërbeu si bazë për diskutimet mbi përputhjen ndërmjet programeve të arsimit të lartë, kompetencave të të diplomuarve dhe kërkesave të tregut të punës.

🎓 Në kuadër të programit, u prezantuan edhe kumtesa nga përfaqësues të fakulteteve të ekonomisë të universiteteve publike të Kosovës:

- Prof. Dr. Avdullah Hoti, Fakulteti i Ekonomisë, Universiteti i Prishtinës;
- Prof. Asoc. Vlora Berisha, Fakulteti i Ekonomisë, Universiteti Haxhi Zeka;
- Prof. Asst. Lulzim Rash*ti, Fakulteti i Ekonomisë, Universiteti Kadri Zeka;
- Dr. Leonora Sopaj, Fakulteti i Ekonomisë, Universiteti Ukshin Hoti;
- Prof. Asoc. Ajtene Avdullahi, Fakulteti i Ekonomisë, Universiteti Isa Boletini;
- Prof. Asoc. Bashkim Mustafa, Fakulteti i Ekonomisë, Universiteti i Shkencave të Aplikuara në Ferizaj;
- Prof. Asoc. Vlora Prenaj, Prodekane për Kërkime Shkencore dhe Bashkëpunim Ndërkombëtar, Fakulteti i Ekonomisë, Universiteti i Prishtinës.

💬 Një pjesë e rëndësishme e aktivitetit ishte diskutimi i hapur, gjatë të cilit pjesëmarrësit shkëmbyen ide dhe përvoja lidhur me mënyrat se si institucionet e arsimit të lartë mund t’u përgjigjen më mirë ndryshimeve të shpejta në tregun e punës, duke ruajtur njëkohësisht cilësinë akademike dhe standardet e akreditimit.

🎓 Tryezë Shkencore | Arsimi i lartë dhe tregu i punësInstituti për Kërkime Ekonomike dhe Fakulteti i Ekonomisë i Univers...
13/09/2026

🎓 Tryezë Shkencore | Arsimi i lartë dhe tregu i punës

Instituti për Kërkime Ekonomike dhe Fakulteti i Ekonomisë i Universitetit të Prishtinës organizojnë tryezën shkencore me temë:

“ARSIMI I LARTË DHE TREGU I PUNËS: MES (SH)PËRPUTHJES DHE (BASHKË)VEPRIMIT”

📅 14 shtator 2026
📍 Salla e Profesorëve, Fakulteti i Ekonomisë, Universiteti i Prishtinës

Në kuadër të aktivitetit do të prezantohet raporti i përgatitur nga Instituti për Kërkime Ekonomike, do të mbahen kumtesa nga përfaqësues të fakulteteve ekonomike të universiteteve publike të Kosovës dhe do të zhvillohet një diskutim i hapur mbi sfidat dhe mundësitë për një lidhje më të fortë ndërmjet arsimit të lartë dhe tregut të punës.

🤝 Tryeza synon të nxisë dialogun, bashkëpunimin dhe shkëmbimin e përvojave ndërmjet institucioneve akademike dhe aktorëve të tregut të punës.

🎓 Mirë se vini, studentë të rinj!Me rastin e fillimit të vitit akademik 2026/2027, Fakulteti i Ekonomisë ka kënaqësinë t...
12/09/2026

🎓 Mirë se vini, studentë të rinj!

Me rastin e fillimit të vitit akademik 2026/2027, Fakulteti i Ekonomisë ka kënaqësinë t’ju mirëpresë në ditën tuaj të parë si pjesë e komunitetit tonë akademik.

📅 15 shtator 2026
⏰ 12:00
📍 Amfiteatri i Madh

Pritja solemne do të jetë një mundësi për të marrë informacionet e para rreth Fakultetit, studimeve dhe rrugëtimit tuaj universitar, si dhe për t’u orientuar në hapat e parë të jetës akademike.

🥂 Pas pritjes solemne, ju ftojmë në një koktej, një moment i veçantë për të bashkëbiseduar në një atmosferë më të relaksuar, për të krijuar miqësi të reja dhe për t’u afruar me profesorët, stafin administrativ dhe studentët e tjerë.

Universiteti nuk është vetëm vendi ku mësoni, është vendi ku rriteni, krijoni lidhje, ndani ide dhe ndërtoni të ardhmen tuaj. 🌟

Ju ftojmë të jeni pjesë e kësaj dite të veçantë dhe ta nisim së bashku këtë kapitull të ri!

💙 Mirë se vini në Fakultetin e Ekonomisë!

🎓 Hapet thirrja për bursa në Programin Erasmus+ në Mykolas Romeris të Lituanisë 🇱🇹Fakulteti i Ekonomisë hap thirrjen për...
08/09/2026

🎓 Hapet thirrja për bursa në Programin Erasmus+ në Mykolas Romeris të Lituanisë 🇱🇹

Fakulteti i Ekonomisë hap thirrjen për aplikim për dy bursa për studentë për semestrin veror 2026/2027 për mobilitet në Mykolas Romeris University, në kuadër të programit Erasmus+.

Llojet e mobilitetit përfshijnë:
- Shkëmbimin e studentëve për studime: Bachelor
- Kohëzgjatja e mobilitetit: 1 semestër

Niveli i mobilitetit për studentët:
🎓 Bachelor: studentët duhet të jenë të regjistruar në një program studimi në Universitetin e Prishtinës, të ngjashëm me programin, në të cilin aplikojnë.

🌐 Për më shumë informacione luteni që ta vizitoni webfaqen:
https://www.mruni.eu/en/

Programet e studimit që ofrohen për studentët janë:
• Communication and Digital Marketing (in English)
• Global Business and Modern Marketing
• Business Management and Startup Building

📄 Dokumentet e nevojshme për aplikim për studentët e nivelit BA janë:
• CV (në gjuhën angleze);
• Certifikata e notave/transkripta (rekomandohet në gjuhën angleze);
• Kopje e pasaportës (faqja që përmban emrin tuaj, foton dhe të dhënat personale)
ose letërnjoftimit;
• Një letër motivimi (në gjuhën angleze);
• Vërtetim (i lëshuar nga fakulteti juaj, që konfirmon nivelin tuaj të studimeve dhe
vitin akademik, jo më të vjetër se 15 ditë nga data e aplikimit);
• Certifikata e gjuhës angleze (minimum niveli B2).

📩 Për të aplikuar në këtë thirrje luteni që dokumentet e kërkuara, si një fajll i vetëm pdf, t’i dërgoni në emailin: [email protected], më së largu deri më 20 Shtator 2026.

⚠️Vetëm dokumentet e kompletuara do të merren në konsideratë.

Për më shumë informacion mbi bursat mund të kontaktoni me prodekanën Vlora Prenaj në adresën elektronike: .

🎓 Fakulteti i Ekonomisë ju uron suksese në aplikimin tuaj!

Fakulteti i Ekonomisë organizoi me sukses provimin pranues – afati i dytë për vitin akademik 2026/2027Sot, më 8 shtator ...
08/09/2026

Fakulteti i Ekonomisë organizoi me sukses provimin pranues – afati i dytë për vitin akademik 2026/2027

Sot, më 8 shtator 2026, në Fakultetin e Ekonomisë të Universitetit të Prishtinës u mbajt me sukses provimi pranues – afati i dytë, për regjistrimin e studentëve të rinj në vitin akademik 2026/2027.

Provimit pranues iu nënshtruan kandidatët që kanë aplikuar për programet e studimit Banka dhe Financa, Menaxhment dhe Ekonomiks.

Të gjithë kandidatëve u urojmë suksese dhe rezultate sa më të mira, me shpresën që së shpejti t’i mirëpresim si pjesë të komunitetit akademik të Fakultetit të Ekonomisë të Universitetit të Prishtinës.

Suksese të gjithë aplikantëve dhe mbarësi në rrugëtimin e tyre të ri akademik! 🎓

🎓 Përvoja Erasmus+ e studentës sonë, Blerta Zullufi 🌍✈️Blerta Zullufi, studente e programit Marketing në Fakultetin e Ek...
08/09/2026

🎓 Përvoja Erasmus+ e studentës sonë, Blerta Zullufi 🌍✈️

Blerta Zullufi, studente e programit Marketing në Fakultetin e Ekonomisë, ndau përvojën e saj nga pjesëmarrja në ASTRA 2026 në Romanian-American University.

“Pjesëmarrja në ASTRA 2026 ishte një përvojë shumë interesante, sidomos për mundësinë për të mësuar më shumë rreth AI Agents dhe mënyrës se si mund të përdoren në fusha të ndryshme, nga neuroshkenca deri te aktivitetet e përditshme. Më bëri përshtypje edhe fakti se mund të krijosh dhe përdorësh AI Agents pa pasur domosdoshmërisht njohuri të avancuara teknike.

Një nga gjërat që do ta mbaj mend më shumë është ambienti shumëkulturor. Të punosh me studentë nga vende të ndryshme të jep mundësinë të njohësh mënyra të tjera të të menduarit dhe të kuptosh se, edhe pse vijmë nga vende dhe kultura të ndryshme, kemi shumë më tepër të përbashkëta sesa duket.

Ishte një përvojë ndryshe dhe një mundësi shumë e mirë për të mësuar, bashkëpunuar dhe njohur njerëz të rinj.”

✨ Erasmus+ një mundësi për të mësuar, bashkëpunuar dhe krijuar përvoja të paharrueshme!

🎓 Përvoja me Erasmus+ e studentës sonë Migena Kastrati 🌍✈️Migena Kastrati, studente e programit Marketing në Fakultetin ...
08/09/2026

🎓 Përvoja me Erasmus+ e studentës sonë Migena Kastrati 🌍✈️

Migena Kastrati, studente e programit Marketing në Fakultetin e Ekonomisë, ndau përvojën e saj gjatë mobilitetit Erasmus+ në Romanian-American University.

“Pjesëmarrja ime në Romanian-American University përmes programit Erasmus+ ka qenë një përvojë shumë e rëndësishme dhe motivuese. Një nga pjesët më të veçanta ishte mundësia për të njohur studentë nga vende të ndryshme, për të shkëmbyer ide, përvoja dhe perspektiva, duke e bërë këtë eksperiencë edhe më të pasur dhe të vlefshme.

Kjo përvojë më kujtoi se universiteti nuk është vetëm një hapësirë për të fituar njohuri profesionale, por edhe një vend ku krijohen lidhje, miqësi dhe mundësi që zgjasin përtej një programi të shkurtër. Erasmus+ më dha një perspektivë më të gjerë mbi rëndësinë e bashkëpunimit ndërkombëtar dhe më motivoi të vazhdoj të shfrytëzoj mundësitë që kontribuojnë në zhvillimin tim akademik, personal dhe profesional.”

✨ Erasmus+ më shumë se një mobilitet, një përvojë që të pasuron për gjithë jetën!

📢 THIRRJE PËR PRAKTIKË PROFESIONALE NË KOSTT Sh.A. 🎓💼Fakulteti i Ekonomisë ju njofton se KOSTT Sh.A. ka hapur thirrjen p...
24/08/2026

📢 THIRRJE PËR PRAKTIKË PROFESIONALE NË KOSTT Sh.A. 🎓💼

Fakulteti i Ekonomisë ju njofton se KOSTT Sh.A. ka hapur thirrjen për aplikim për pjesëmarrje në Programin Hibrid të Zhvillimit të Talentëve, i dedikuar për të diplomuarit e rinj dhe absolventët.

💰 Për fushën Ekonomi dhe Financa:

🌟 Programi ofron:
- praktikë profesionale të strukturuar në KOSTT;
- mentorim dhe plan individual të zhvillimit;
- angazhim në detyra profesionale;
- monitorim dhe vlerësim të progresit;
- Bursë mujore në nivel prej 75% të pagës minimale në fuqi;
- mundësi për të zhvilluar produkte konkrete profesionale dhe përvojë të vlefshme pune.

👩‍🎓 Kush mund të aplikojë?
Të diplomuarit e rinj që kanë diplomuar në vitet akademike 2024/2025 dhe 2025/2026, si dhe absolventët që kanë përfunduar studimet/ligjëratat brenda afateve të rregullta, në fushën e ekonomisë dhe financave.

📅 Afati i aplikimit: deri më 04.09.2026, ora 23:59
📧 Aplikimi bëhet vetëm në mënyrë elektronike:
[email protected]

Në subjektin e email-it duhet të shënohet:
“Aplikim – Programi Hibrid – Ekonomi/Financa”

Kandidati duhet të dorëzojë:
1. Formularin e aplikimit për Programin Hibrid të Zhvillimit të Talentëve;
2. CV-në;
3. letrën motivuese;
4. dëshminë për përfundimin e studimeve ose dëshminë për statusin e absolventit;
5. dokumentin që dëshmon fushën/drejtimin e studimeve;
6. dëshminë se studimet, respektivisht ligjëratat, janë përfunduar brenda afateve të rregullta.
Referenca/rekomandimi nga fakulteti mund të bashkëngjitet në mënyrë opsionale.

Mos e humbni këtë mundësi për të fituar përvojë profesionale, për t’u zhvilluar në një mjedis profesional dhe për të ndërtuar kompetenca të reja!

🎓📈

🎓 Fakulteti i Ekonomisë i Universitetit të Prishtinës pjesë e Prishtina International Summer University (PISU) 2026📍 Në ...
20/07/2026

🎓 Fakulteti i Ekonomisë i Universitetit të Prishtinës pjesë e Prishtina International Summer University (PISU) 2026

📍 Në kuadër të Prishtina International Summer University (PISU) 2026, Fakulteti i Ekonomisë i Universitetit të Prishtinës organizoi me sukses lëndën ndërkombëtare “Bayesian Methods for Financial Technology and Risk Analysis”, e cila u zhvillua nga 6 deri më 17 korrik 2026.

🎓 Lënda mblodhi studentë nga vende të ndryshme të botës, duke ofruar një mjedis ndërkombëtar dhe ndërdisiplinor për zhvillimin e njohurive në fushën e teknologjive financiare (FinTech), analizës së rrezikut dhe metodave moderne statistikore.

👩‍🏫 Lënda u ligjërua nga Prof. Dr. Claudia Tarantola, Fakulteti i Ekonomisë, Menaxhimit dhe Metodave Kuantitative, University of Milan (Itali), në bashkëpunim me Prof. Asoc. Albulena Shala të Fakultetit të Ekonomisë të Universitetit të Prishtinës.

📊 Përmes ligjëratave interaktive, ushtrimeve praktike dhe analizës së rasteve studimore, studentët u njohën me metodat bayesiane dhe aplikimin e tyre në analizën financiare, modelimin e pasigurisë, menaxhimin e rrezikut, teknologjitë financiare (FinTech) dhe mbështetjen e vendimmarrjes në mjedise komplekse.

💡 Qëllimi i lëndës ishte t'u ofrojë studentëve njohuri të avancuara mbi qasjet bashkëkohore të analizës statistikore dhe modelimit probabilistik, duke zhvilluar aftësitë e tyre për të përdorur metodat bayesiane në zgjidhjen e problemeve reale në financë, menaxhimin e rrezikut dhe ekonominë digjitale.

🌍 Atmosfera ndërkombëtare e krijuar në kuadër të PISU 2026 u mundësoi studentëve të shkëmbejnë ide dhe përvoja me profesorë dhe kolegë nga vende të ndryshme, duke forcuar kompetencat e tyre akademike, profesionale dhe ndërkulturore.

Address

Agim Ramadani
Pristina
10000

Telephone

+38338221895

Website

Alerts

Be the first to know and let us send you an email when Fakulteti i Ekonomisë - UP posts news and promotions. Your email address will not be used for any other purpose, and you can unsubscribe at any time.

Contact The School

Send a message to Fakulteti i Ekonomisë - UP:

Shortcuts

Share

Category