Kopshti Cicërimat

08/09/2026

Një vizitë e veçantë në Kopshtin Cicërimat!

Pas ceremonisë së diplomimit të edukatoreve tona në metodologjinë Montessori, patëm kënaqësinë të mirëpresim në Kopshtin Cicërimat delegacionin nga Gjermania, nga Montessori-Bildungszentrum Wiesbaden .
Gjatë vizitës, delegacioni hospitoi në të gjitha grupmoshat e fëmijëve dhe nga afër u njoh me punën e edukatoreve tona në praktikimin e metodologjisë Montessori.
Pas qëndrimit në grupe, ndanë me ne rekomandime të vlefshme për organizimin e klasave, strukturimin e mjedisit dhe prezantimin e materialeve Montessori. Njëkohësisht, përgëzuan punën dhe angazhimin tonë në zbatimin e kësaj metodologjie.
Kopshti Cicërimat vlerëson lartë këtë vizitë dhe bashkëpunimin me:
Rainer Völkel – Kryetar Nderi i Qendrës Arsimore Montessori, Wiesbaden, Gjermani
Andrea Donath – Drejtore Ekzekutive e Shoqatës Gjermane Montessori, Berlin, Gjermani
Mandy Sengeboden – Drejtoreshë e Qendrës Montessori Interhause, Wiesbaden, Gjermani
Një falënderim i veçantë për bashkëatdhetarin tonë Shaban Miftaein, udhërrëfyesin e kësaj ure lidhëse të filozofisë Montessori edhe në Kosovë.
Kjo vizitë ishte një mundësi e çmuar për të mësuar, për të shkëmbyer përvoja dhe për të vazhduar me përkushtim rrugëtimin tonë drejt një edukimi cilësor për fëmijët.

Faleminderit për besimin, mbështetjen dhe frymëzimin!

07/09/2026

Një arritje e veçantë për Kopshtin Cicërimat!

Me shumë krenari ndajmë lajmin se disa prej edukatoreve nga Kopshti Cicërimat përfunduan me sukses trajnimin profesional “Metodologjia Montessori për edukimin në fëmijërinë e hershme (0–6 vjeç)” dhe u pajisën me certifikatat përkatëse.
Ky trajnim, i cili nisi në dhjetor të vitit 2024, përfshiu 240 orë trajnim në 7 module teorike dhe praktike, përgjatë gati dy viteve.
Për ne, ky sukses është dëshmi e përkushtimit për zhvillimin profesional të edukatoreve dhe për përmirësimin e cilësisë së edukimit që u ofrojmë fëmijëve.
Falënderojmë partnerët mbështtës të këtij trajnim; Montessori Kosova, Fakulteti I Edukimit Prishtine , Montessori-Bildungszentrum Wiesbaden.

Urime edukatoreve tona për këtë arritje të merituar! Jemi krenarë për ju!

01/06/2026

Mirënjohje dhe Falënderim

Kopshti me Bazë në Komunitet “Cicërimat” shpreh falënderimet më të sinqerta për Shoqatën Montessori Kosova ,nën udhëheqjen e drejtoreshës Arbenita Xhelili Basha, si dhe për Montessori-Bildungszentrum Wiesbaden, për donacionin e materialeve Montessori që i kanë dhuruar institucionit tonë.
Ky kontribut vjen në një moment shumë të rëndësishëm për ne, pasi edukatoret e kopshtit tonë janë në përfundim të trajnimit për metodologjinë Montessori. Materialet e pranuara do të jenë një mbështetje e çmuar në zbatimin praktik të kësaj metodologjie dhe në krijimin e mundësive më të mira për zhvillimin dhe të nxënit e fëmijëve tanë.
Faleminderit për besimin, mbështetjen dhe përkushtimin tuaj ndaj edukimit cilësor të fëmijëve. Bashkë po ndërtojmë mjedise më të pasura dhe më frymëzuese për brezat e ardhshëm. ❤️

22/04/2026

Vizitë studimore në Gjermani në kuadër të trajnimit Montessori 🇩🇪
Në kuadër të trajnimit të organizuar nga Montessori Kosova, në partneritet Montessori-Bildungszentrum Wiesbaden Wiesbaden dhe Fakultetin e Edukimit, stafi i kopshtit Cicërimat pati mundësinë të zhvillojë një vizitë studimore në Wiesbaden, Gjermani.
Për 5 ditë radhazi, edukatoret tona ndoqën nga afër punën praktike në kopshtet Montessori, duke përfituar përvoja shumë të vlefshme profesionale. Gjatë kësaj periudhe u realizua një shkëmbim i pasur përvojash dhe praktikash bashkëkohore, të cilat do të implementohen drejtpërdrejt në punën tonë të përditshme me fëmijët.
Kopshti Cicërimat shpreh mirënjohje të veçantë për Montessori- Bildungszentrum për mikpritjen dhe organizimin e kësaj përvoje kaq të rëndësishme për edukimin në fëmijërinë e hershme.
Për mbështetjen dhe organizimin e praktikës, vlerësojmë lartë angazhimin e bashkëatdhetarit Shaban Miftari, i cili si pjesë e stafit të atyre kopshteve ka qenë udhërrëfyes i pandashëm i edukatoreve tona.
Mbështetjen financiare për realizimin e kësaj vizite e mundësoi kompania Lajthiza Kosovë, me iniciativën e prindërve të kopshtit Artë dhe Torvioll Ukëhaxha. Mirënjohje përherë!

💛 Investimi në zhvillimin profesional të edukatoreve është investim në të ardhmen e fëmijëve tanë.

13/04/2026

Me shumë kënaqësi ndajmë me ju lajmin se edukatoret e Kopshtit “Cicerimat” kanë filluar praktikën e tyre profesionale në qendrën Montessori-Bildungszentrum Wiesbaden në Gjermani, në kuadër të trajnimit për metodologjinë Montessori, të organizuar nga Montesori Kosova në Bashkëpunim me Fakultetin e Edukimit.
Përvojat dhe njohuritë që ato do të fitojnë gjatë kësaj praktike do të jenë shumë të vlefshme dhe të mirëseardhura për zbatimin dhe avancimin e metodologjisë Montessori në kopshtin tonë.

Falënderojmë përzemërsisht qendrën Montessori në Wiesbaden për mundësinë e ofruar dhe mbështetjen e vazhdueshme në zhvillimin profesional të stafit tonë.

Heute Start in die Hospitationwoche von 20 Teilnehmerinnen des aktuellen Montessori-Kurs im Kosovo 😊

01/04/2026

Sot Grupi “Trekëndëshi” vizitoi Kompanin Rajonale Ujësjellësi me seli në Shkabaj. Kjo vizitë u realizua në bashkëpunim me prindërit e Ema Aliut , ku znj. Teuta Aliu Ukshini u angazhua në organizimin e saj në kuadër të aktiviteteve me prindër.
Gjatë vizitës, fëmijët patën mundësinë të njihen nga afër me laboratorin e ujit, analizat që i bëhen ujërave, përbërësit e tij si dhe rëndësinë e ruajtjes së ujit si një burim jetik. 💧
Falënderojmë znj. Teuta për angazhimin dhe kontributin në realizimin e kësaj vizite të vlefshme për fëmijët tanë. 🙏

01/04/2026

NJOFTIM

Të nderuar prindër të Kopshtit Cicërimat,

Ju njoftojmë se në bazë të kalendarit të Festave Zyrtare në Republikën e Kosovës, datat e mëposhtme do të jenë ditë pushimi:

06.04.2026 (e hënë) - Pashkët Katolike

09.04.2026 (e enjte) - Dita e Kushtetutës

13.04.2026 ( e hënë) - Pashkët Ortodokse

Urime festat!

17/02/2026

🇽🇰 Gëzuar 17 Shkurti – Dita e Pavarësisë së Kosovës! 🇽🇰
Në Kopshtin Cicërimat, me zemra të mbushura me krenari dhe gëzim, festuam Ditën e Pavarësisë së Republikës së Kosovës.
Fëmijët tanë të vegjël, përmes aktiviteteve kreative, vizatimeve, punimeve artistike dhe këngëve patriotike, shprehën dashurinë për atdheun dhe respektin për këtë ditë të shënuar të historisë sonë. ❤️
Përmes lojës dhe mësimit, ata po rriten me ndjenjën e përkatësisë, respektit dhe vlerave kombëtare – sepse edukimi fillon që në hapat e parë.
Le të vazhdojmë së bashku të ndërtojmë një të ardhme të ndritur për fëmijët tanë, në një Kosovë të lirë, të pavarur dhe plot shpresë. 🌟

Me respekt stafi
Ip" Cicërimat"

27/11/2025

🇦🇱 Gëzuar 28 Nëntori!
Në Kopshtin “Cicerimat” sot festojmë me zemër të gëzuar historinë dhe identitetin tonë kombëtar.
Le të rriten fëmijët tanë me dashuri, paqe dhe krenari për rrënjët e tyre. ❤️

Po ashtu të nderuar prindër,
Ju njoftojmë se ditën e premte, më 28 nëntor, Kopshti “Cicerimat” do të jetë pushim, me rastin e Festës së Flamurit .

Urime Festa
Sftafi IP Cicërimat

23/10/2025

🌾 Eksperiencë në natyrë për grupin “Dielli” 🌞

Kopshti me Bazë në Komunitet “Cicerimat” realizon planprogramin edukativ duke përfshirë aktivisht prindërit në shumë tema dhe aktivitete të ndryshme, me qëllim që fëmijët të fitojnë njohuri përmes përvojave konkrete dhe argëtuese.
Sot, prindërit e Lir Gjatës — Erleta dhe Pleurati — organizuan një vizitë të veçantë në ambient të hapur për fëmijët e grupit “Dielli”.
Fëmijët patën mundësinë të vizitojnë fermën me dele dhe lopë të gjyshërve të Lirit në fshatin Negroc, ku mësuan për jetën në fermë, kujdesin ndaj kafshëve dhe rëndësinë e punës bujqësore.
🌿 Përveç njohurive të reja, ata u kënaqën duke luajtur dhe ngjyrosur në natyrë, rrethuar nga ngjyrat magjepëse të vjeshtës që kishte veshur fshatin.
Një falënderim i veçantë për prindërit e Lirit për përkushtimin dhe organizimin e kësaj vizite edukative dhe plot gëzim për fëmijët tanë! 💚