SHFMU ''Asim Vokshi'' - Prishtinë

Në kuadër të aktiviteteve edukativo-arsimore, nxënësit e klasave VI, VII dhe VIII realizuan një ekskursion mësimor te Gurin e Zi dhe në qytetin historik të Prizrenit.

Gjatë kësaj vizite, nxënësit patën mundësinë të njihen më nga afër me vlerat natyrore, kulturore dhe historike të vendit tonë, duke pasuruar njohuritë e tyre përmes përvojave konkrete dhe mësimit jashtë klasës.

Falënderojmë nxënësit për sjelljen shembullore, mësimdhënësit për përkushtimin dhe prindërit për bashkëpunimin e vazhdueshëm.

Klubi i Energjisë i shkollës sonë, i formuar nga arsimtarja Kaltrina Metolli në bashkëpunim me organizatën TOKA, ka implementuar projektin e tij të parë me temën “Efiçienca e Energjisë”.

Nëpërmjet këtij murali, nxënësit tanë, përmes artit dhe kreativitetit të tyre, përcjellin mesazhin për rëndësinë e përdorimit të drejtë dhe efikas të energjisë elektrike, duke kontribuar në rritjen e vetëdijes për kursimin e energjisë dhe mbrojtjen e mjedisit.

📖 Revista Vjetore “Dielli” – Pasqyrë e 40 viteve të suksesit dhe kujtimeve

Me krenari prezantojmë revistën vjetore “Dielli”, të përgatitur me përkushtim nga nxënësit e Grupit Mediatik nën udhëheqjen e bibliotekistes sonë, Bedrije Bojniku.

Kjo revistë ka një rëndësi të veçantë, pasi i kushtohet jubileut të 40-vjetorit të shkollës sonë, duke pasqyruar historinë, arritjet, aktivitetet, sukseset dhe momentet më të rëndësishme që kanë shënuar rrugëtimin e shkollës ndër vite.

“Dielli” është fryt i kreativitetit, punës dhe bashkëpunimit të nxënësve tanë, të cilët përmes faqeve të saj kanë sjellë kujtime, rrëfime dhe ngjarje që dëshmojnë traditën dhe vlerat e shkollës sonë.

Copy of Revista e shkolles Check out this Magazine designed by Mire Muriqi.

40 Vjet Suksese, Traditë dhe Përkushtim

Në një atmosferë festive dhe plot emocion, shënuam Ditën e Shkollës dhe jubileun e madh – 40-vjetorin e themelimit të shkollës sonë. Ky përvjetor i rëndësishëm ishte një moment reflektimi mbi rrugëtimin, arritjet dhe kontributin e çmuar të të gjithë atyre që ndër vite kanë qenë pjesë e historisë së shkollës sonë.

Kjo ditë u bë edhe më e veçantë nga prania e miqve tanë të nderuar, drejtoreshës dhe stafit të shkollës së binjakëzuar Shkolla Jusuf Puka, përfaqësuesve të Drejtorisë së Arsimit, anëtarëve të KDSH-së, drejtorëve të shkollave, pensionistëve të shkollës sonë, prindërve, mësimdhënësve dhe nxënësve, të cilët me pjesëmarrjen e tyre i dhanë madhështi kësaj feste.

Shprehim mirënjohjen dhe falënderimin më të sinqertë për secilin që kontribuoi në organizimin dhe mbarëvajtjen e këtij jubileu të veçantë. Përkushtimi, mbështetja dhe bashkëpunimi juaj bënë që kjo ditë të mbetet një kujtim i bukur dhe krenari për të gjithë komunitetin tonë shkollor.

Faleminderit për kontributin, praninë dhe respektin tuaj. Së bashku e bëmë këtë 40-vjetor një festë të denjë për historinë dhe vlerat e shkollës sonë. 🌟📚🎉

🎓 Mbrëmja e Semimaturës 2026 🎓

Me emocione, krenari dhe kujtime të bukura, nxënësit e klasave të nënta shënuan përfundimin e një etape të rëndësishme të rrugëtimit të tyre arsimor.

Mbrëmja e Semimaturës u zhvillua në një atmosferë festive, të mbushur me buzëqeshje, miqësi dhe momente të paharrueshme. Kjo natë ishte një mundësi për të festuar sukseset, përkushtimin dhe arritjet e nxënësve tanë gjatë viteve të shkollimit.

Urojmë të gjithë semimaturantët dhe ju dëshirojmë shumë fat, shëndet dhe suksese në rrugëtimin e tyre të ardhshëm arsimor.

Në kuadër të projektit Caring 2.0, projekt i fokusuar mbi dhunën në shkolla, është mbajtur trajnimi dyditor me nxënësit, me temat "Normat shoqërore dhe gjinore" dhe "Dhuna Kibernetike".
Përmes këtij trajnimi, nxënësit eksploruan shumë anë të tyre, arritën të njohin dimensione të ndryshme të vetes si dhe kuptuan shumë rreth dy temave të lartmendura. Në fund, ata dolën me një mesazh "Nje shkollë pa dhunë është një vend ku mbizotëron respekti, mirëkuptimi dhe siguria për çdo nxënës.”
Ky aktivitet u realizua nga mësuesja mbështetëse dhe psikologia e shkollës.

Sot në shkollën tonë u promovua pilot projekti “MiLABEx”, i cili synon të lehtësojë dhe avancojë punën laboratorike në lëndët shkencore: Fizikë, Kimi dhe Biologji.

Ky projekt paraqet një hap të rëndësishëm drejt modernizimit të procesit mësimor dhe krijimit të mundësive më praktike e bashkëkohore për nxënësit tanë.

Të pranishëm ishin Drejtori i Arsimit, A***n Elshani, zyrtarja Albulena Ahmeti, si dhe zhvilluesi i programit Yll Hyseni, të cilët prezantuan rëndësinë dhe përfitimet e këtij projekti për arsimin dhe zhvillimin e aftësive praktike të nxënësve.

Shkolla jonë mbetet e përkushtuar në përkrahjen e projekteve inovative që ndikojnë pozitivisht në cilësinë e mësimdhënies dhe nxënies.

NëArsim