AKADEMIA EVOLUCION - DIZAJN I ENTERIERIT
Akademia EVOLUCION është themeluar në vitin 2005, nga një grup profesionistësh, të mbledhur rreth idesë së avansimit të edukimit dhe ofrimit të studimeve cilësore për studentët, përmes qasjes inovative. Që nga dita e themelimit, objektivat e Akademise EVOLUCION kanë qenë të qarta, duke u profilizuar ne fushat ku më së shumti ka kompetencë dhe ekspertizë profesionale. Është institucion I specializuar vetëm në drejtimet e dizajnit dhe arteve aplikative. Ka të themeluara 3 departamente:
Dizajnin e MODES
Dizajnin e ENTERIERIT
Dizajnin e KOMUNIKIMIT (Grafik)
Studimet e Dizajnit të Enterierit ne nivelin Bachelor, janë të parat të licencuara nga Ministria e Arsimit, Shkencës dhe Teknologjisë në Republikën e Kosovës - si titull dhe drejtim i specializuar vetëm në Enterier. Programi studimor, është hartuar me kujdes nga profesionistë vendor dhe ndërkombëtar të fushave përkatëse – prej dizajnit deri në menaxhim e marketing. Ky program përmban në vete të gjitha atributet që duhet ti marrë një student, për tu transformuar në profesionist të Dizajnit të Enterierit. Kur studioni hapësirën e brendshme në Akademinë EVOLUCION, do t’i mësoni të gjitha aspektet dhe komponentet e dizajnit të enterierit, që janë qenësore për trajtimin dhe formësimin e duhur të hapësirave të brendshme. Do të merrni dijen e njohuritë e duhura lidhur me historikun e zhvillimit të profesionit dhe të ardhmen e tij; pjesën praktike të implementimit të projekteve përmes vizitave studimore në terrën, njohjes së materialeve, organizimit të punishtes dhe përcjelljes së fazave të punës. Kujdes i veçantë do t'i kushtohet edhe aspektit shpirtëror të përjetimit të hapësirave të dizajnuara, përtej estetikës dhe krijimit të projekteve të bukura. Trajtimi i hapësirave të brendshme, varet shumë edhe nga funksioni primar i tyre, prandaj jemi kujdesur që të merrni njohuri për dizajnimin e të gjitha llojeve të hapësirave te brendshme, prej banimit deri në qendra tregtare. Të gjitha këto njohuri, do të transmetohen te ju nga një staf akademik i përkushtuar, të gatshëm ta bëjnë rrugëtimin tuaj akademik një përvojë unike të paharrueshme. Ju presim në Akademinë Evolucion, ku do të transformoheni në profesionistë të Dizajnit të Enterierit.
