Këshilli Studentor - Fakulteti i Arkitekturës

28/08/2026

Të nderuar studentë,

Ju njoftojmë se është miratuar shtyrja e afatit të diplomimit për studentët që kanë kaluar dyfishin e kohëzgjatjes së studimeve, deri më 01.03.2027.

Pra, studentët që kanë kaluar dyfishin e kohëzgjatjes së studimeve, në të gjitha njësitë akademike, kanë mundësi të përfundojnë studimet dhe të diplomojnë deri më 1 mars 2027.

Pas kësaj date nuk do të ketë mundësi për shtyrje të mëtejshme.

Suksese në përfundimin e studimeve!

11/08/2026

NJOFTIM

Të nderuar studentë,

Ju njoftojmë se SEMS-i për paraqitjen e provimeve për afatin e shtatorit 2026 do të jetë i hapur nga data 11.08.2026 deri më 20.06.2026, për të dy nivelet e studimeve.

⚠️ Luteni që t’i përmbaheni këtij intervali kohor, pasi nuk do të ketë mundësi vazhdimi të afatit për paraqitjen e provimeve.

Orari i provimeve mund të gjendet këtu:https://fa.uni-pr.edu/desk/inc/media/2A55C766-F12D-4471-9D18-DCDE87B70272.pdf

Pas paraqitjes së provimeve kontrolloni SEMS-in. Nëse keni probleme teknike, lajmëroni Administratorin e IT-së Betim Ismajli (kontakti: [email protected]) para përfundimit të këtij intervali kohor.

Suksese!

🎓 Këshilli Studentor - Fakulteti i Arkitekturës

15/07/2026

13/07/2026

NJOFTIM

Ministria e Arsimit dhe Shkencës ka publikuar rezultatet e konkursit për mbështetjen financiare të studenteve vajza/gra të regjistruara për herë të parë në programet STEM për vitin akademik 2025/2026.

Janë përzgjedhur 599 studente përfituese, ndërsa është publikuar edhe lista e aplikimeve të refuzuara me arsyet përkatëse.

Ankesat mund të parashtrohen në Komisionin për Ankesa të MASh-it brenda 7 ditëve të punës nga data e publikimit të rezultateve.

Rezultatet janë publikuar në:
https://mash.rks-gov.net/alldocuments/vendim-per-mbeshtetje-financiare-te-studenteve-perfituese-vajza-gra-te-regjistruara-per-here-te-pare-ne-vitin-akademik-2025-2026-ne-fushat-e-shkences-teknologjise-inxhinierise-dhe-matematikes-st/

🎓 Këshilli i Studentëve - Fakulteti i Arkitekturës

Lista e aplikuesve të refuzuar për mbështetje financiare për studentet vajz/gra të regjistruara përherë të parë në vitin akademik 2025/2026 në programet e fushave të Shkencës, Teknologjisë,Inxhinierisë dhe Matematikës (STEM)

13/07/2026

RIKUJTIM

Të nderuar maturantë, këto janë rezultatet e vetme preliminare të Provimit Pranues për programin Bachelor në Arkitekturë:

https://fa.uni-pr.edu/page.aspx?id=1,35,1493

Rezultatet përfundimtare do të publikohen pas përfundimit të afatit për ankesa dhe shqyrtimit të tyre. Deri atëherë, çdo listë tjetër përpos ajo e publikuara në kanalet zyrtare të Fakultetit të Arkitekturës nuk përbën rezultat zyrtar përfundimtar.

Universiteti i Prishtinës (UP) është universitet publik në Prishtinë, Kosovë. Eshte universiteti më i madh dhe më i vjeter në Kosovë.

08/07/2026

NJOFTIM

Rezultatet preliminare të Provimit Pranues, sipas Konkursit për pranimin e studentëve të rinj në programin studimor Baçelor në Arkitekturë në Fakultetin e Arkitekturës, për vitin akademik 2026/27, i gjeni të bashkëngjitura këtu:https://fa.uni-pr.edu/desk/inc/media/577E5B94-4278-4F7E-8549-66E833C4C619.pdf

Afati për paraqitjen e ankesave është me datë 09 dhe 10.07.2026, prej orës 08:00-16:00.

Shqyrtimi i ankesave do të bëhet më 13.07.2026, nga ora 13:00 deri në 14:00, në prani të kandidatëve.

07/07/2026

🗺️Katër studentët tanë, Zana Malaj, Finesa Halilaj, Blina Ajazi dhe Amar Bislimi, kanë përfunduar me sukses semestrin e studimeve përmes programit Erasmus+ në universitete partnere evropiane.

Zana Malaj dhe Finesa Halilaj zhvilluan studimet në UBI - Universidade da Beira Interior, në Covilhã, Portugali, ndërsa Blina Ajazi dhe Amar Bislimi në Fachhochschule Dortmund, në Dortmund, Gjermani.

Përmes këtij programi, ata jo vetëm që pasuruan përvojën e tyre akademike dhe profesionale, por edhe përfaqësuan me dinjitet Fakultetin e Arkitekturës dhe Universitetin e Prishtinës në një mjedis ndërkombëtar.

I përgëzojmë për këtë arritje dhe u urojmë shumë suksese në rrugëtimin e tyre të mëtejmë akademik dhe profesional!

UDS 🎓 Këshilli i Studentëve - Fakulteti i Arkitekturës

04/07/2026

Fakulteti i Arkitekturës përmbyll me sukses fazën e dytë të projektit ndërkombëtar kërkimor në Paris

Fakulteti i Arkitekturës i Universitetit të Prishtinës ka përmbyllur me sukses fazën e dytë të punëtorisë ndërkombëtare të zhvilluar në Paris, në kuadër të projektit kërkimor “Future Deployment of Small Modular Reactors for Seawater Desalination and Freshwater Security in Coastal Developments: The Green Coast Development as a Key Case Study”.

Projekti realizohet në bashkëpunim me École Spéciale des Travaux Publics (ESTP) në Paris, Fakultetin e Arkitekturës dhe Urbanistikës të Universitetit Politeknik të Tiranës dhe Fakultetin e Arkitekturës të Universitetit të Prishtinës.

Gjatë punëtorisë njëjavore, rreth 20 studentë nga universitetet partnere zhvilluan propozime inovative që ndërlidhin arkitekturën, planifikimin hapësinor, energjinë e qëndrueshme dhe sigurinë e burimeve ujore në zhvillimet bregdetare. Aktivitetet u mentoruan nga Prof. Dr. Paul-Louis Meunier, Prof. Dr. Andrea Maliqari, Prof. Dr. Violeta Nushi, Dr. Ani Tola (Panariti), Dr. Juljan Veleshnja, Asst. Dr. Arta Januzi Cana dhe Dr. Jonila Prifti.

Një nga sukseset e projektit ishte përzgjedhja e tij për prezantim në Innovation Day në ESTP, ndërsa rezultatet përfundimtare do të ekspozohen në Fakultetin e Arkitekturës dhe Urbanistikës në Tiranë.

Fakulteti i Arkitekturës falënderon studentët pjesëmarrës për përfaqësimin dinjitoz të universitetit në këtë bashkëpunim ndërkombëtar: Hippolyte Hladky, Paul Antoine Paolantoni, Diane Nguyen, Zoé Valigny, Pierre-Étienne De Cherade De Montbron, Mattia Bierer, Thibault Laierre, Suada Leka, Migena Cangu, Klejda Kotorri, Emilia Alushaj, Erisa Domazeti, Bashkim Bajrami, Krenare Zejnullahu, Rone Dermaku, Shaha Sopa dhe Valerjon Shabanhaxhaj.

Ky projekt, i planifikuar të zhvillohet përgjatë tre viteve, dëshmon angazhimin e Fakultetit të Arkitekturës për ndërkombëtarizimin e studimeve, avancimin e kërkimit shkencor dhe zgjerimin e bashkëpunimit me institucione prestigjioze ndërkombëtare.

UDS 🎓 Këshilli i Studentëve - Fakulteti i Arkitekturës