Këshilli Studentor - Fakulteti i Arkitekturës

Fakulteti i Arkitekturës hap thirrjen për aplikim për studentët e nivelit Master që dëshirojnë të marrin pjesë në Summer School 2026, me temën “Second-hand Encounters with the Rilindja Press Palace”, e cila do të mbahet në Prishtinë nga 1 deri më 7 shtator 2026, në bashkëpunim me KU Leuven.

Shkolla verore do të eksplorojë tema që lidhen me memorien kolektive, trashëgiminë komunitare, transformimin urban dhe mënyrat se si qytetarët ndërtojnë marrëdhënie me hapësirat dhe objektet me rëndësi kulturore. Duke marrë si rast studimor Pallatin e Shtypit “Rilindja”, pjesëmarrësit do të angazhohen në hulumtim, dokumentim, vizatime dhe aktivitete në terren, në bashkëpunim me studentë dhe profesorë ndërkombëtarë.

Në kuadër të kësaj thirrjeje do të përzgjidhen 8 studentë. Përzgjedhja do të bazohet në cilësinë dhe origjinalitetin e letrës motivuese, si dhe në performancën akademike të kandidatëve gjatë studimeve, me vëmendje të veçantë ndaj lëndëve që lidhen me temën dhe objektivat e shkollës verore.

Studentët e interesuar duhet ta dërgojnë letrën e tyre motivuese në adresën elektronike [email protected], deri më 30 qershor 2026.

Pjesëmarrësit që e përfundojnë me sukses shkollën verore do të pajisen me një certifikatë të nënshkruar nga të dy institucionet organizatore.

UDS 🎓 Këshilli i Studentëve - Fakulteti i Arkitekturës

Më 16 qershor 2026, në ambientet e Ish Bibliotekës “Hivzi Sulejmani”, DYVÓLAB organizon prezantimin e publikimit “Gjetjet e Analizës Bazë mbi Hapësirat e Përbashkëta Kreative në Kosovë”.

Ky aktivitet sjell në fokus një diskutim mbi politikat kulturore, bashkëpunimin publiko-qytetar dhe rolin që hapësirat kreative luajnë në zhvillimin e komuniteteve. Publikimi do të prezantohet nga Gersi Gashi, hulumtues i analizës.

Në panelin e diskutimit do të marrin pjesë:

•Kryetari i Kryeqytetit, Përparim Rama
•Arch. Prof. Asst. Dr. Rozafa Basha
•Drejtori i Shkollës së Artit Pamor “Adem Kastrati”, Roland Masurica

Data: 16.06.2026
Ora: 10:00 - 12:00
Lokacioni: Ish Biblioteka “Hivzi Sulejmani” / CNP

Programi do të përfshijë prezantimin e gjetjeve kryesore të hulumtimit, një panel diskutimi dhe një bisedë të hapur me pjesëmarrësit.

Rezervo vendin tënd përmes linkut: shorturl.at/EMlTx

🎓Këshilli i Studentëve - Fakulteti i Arkitekturës

HAPET THIRRJA PËR BURSAT STEM

Ministria e Arsimit dhe Shkencës ka hapur thirrjen publike për ndarjen e bursave për studentet vajza dhe gra të regjistruara për herë të parë në vitin akademik 2025/2026 në programet e Shkencës, Teknologjisë, Inxhinierisë dhe Matematikës (STEM) në institucionet publike të arsimit të lartë në Kosovë.

Të drejtë aplikimi kanë studentet e nivelit baçelor që kanë dhënë së paku dy provime të semestrit të parë.

📅 Afati i aplikimit:
08 qershor 2026 - 22 qershor 2026

💻 Aplikimi realizohet online përmes platformës eKosova.

Për më shumë informata dhe për qasje në konkurs:
https://mash.rks-gov.net/alldocuments/konkurs-per-ndarjen-e-bursave-per-studentet-ne-fushat-e-shkences-teknologjise-inxhinierise-dhe-matematikes-apo-stem-te-arsimit-te-larte-ne-kosove/

UDS 🎓 Këshilli i Studentëve - Fakulteti i Arkitekturës

NJOFTIM

Ministria e Arsimit dhe Shkencës ka marrë dje vendimin për shpalljen e thirrjes publike për ndarjen e bursave për studentet vajza dhe gra të regjistruara për herë të parë në vitin akademik 2025/26 në programet për Shkencë, Teknologji, Inxhinieri dhe Matematikë (STEM) në institucionet publike të arsimit të lartë në Kosovë.

Thirrja publike do të hapet të hënën, më 8 qershor 2026, ndërsa të gjitha informatat lidhur me kushtet e aplikimit, dokumentacionin e nevojshëm dhe afatet do të publikohen në shpalljen e konkursit.

THIRRJE PËR PROTESTË

Studentët e Kosovës në mbrojtje të gjuhës shqipe

Të nderuar studentë, qytetarë, profesorë dhe të gjithë ata që besojnë në drejtësi,

Ne, studentët e Kosovës, ju ftojmë t’i bashkoheni protestës paqësore para Ambasadës së Maqedonisë së Veriut në Kosovë, për të ngritur zërin kundër cenimit të së drejtës së përdorimit të gjuhës shqipe në provimin e jurisprudencës dhe në të gjitha provimet e tjera shtetërore në Maqedoninë e Veriut.

Gjuha shqipe nuk është privilegj. Ajo është e drejtë e qindra mijëra shqiptarëve në Maqedoninë e Veriut.

Ne besojmë se arsimi, profesioni dhe e ardhmja e të rinjve nuk duhet të pengohen nga barriera gjuhësore të vendosura padrejtësisht. Prandaj, ftojmë të gjithë studentët, organizatat studentore, shoqërinë civile dhe qytetarët që të bashkohen me ne.

5 Qershor,
Para Ambasadës së Maqedonisë së Veriut në Kosovë,
Ora: 14:00

Fakulteti i Arkitekturës, UP pjesëmarrës në Forumin Ndërkombëtar të Arkitekturës SHARE Kosova 2026

Më 4 qershor 2026, në Hotel Emerald në Prishtinë, do të mbahet edicioni i pestë i Forumit Ndërkombëtar të Arkitekturës SHARE Kosova 2026, një nga ngjarjet më të rëndësishme profesionale në fushën e arkitekturës në rajon, e cila sjell së bashku arkitektë, urbanistë, akademikë dhe profesionistë të njohur vendorë dhe ndërkombëtarë.

Në ceremoninë e hapjes së forumit do të marrë pjesë edhe Dekanja e Fakultetit të Arkitekturës të Universitetit të Prishtinës, Prof. Dr. Violeta Nushi, duke konfirmuar angazhimin e Fakultetit në mbështetjen e dialogut profesional, shkëmbimit të njohurive dhe promovimit të zhvillimit bashkëkohor të arkitekturës.

SHARE Kosovo 2026 shënon pesë vjet të vazhdueshme të bashkëpunimit profesional dhe akademik, duke krijuar një platformë të rëndësishme për prezantimin e projekteve inovative, diskutimin e sfidave urbane dhe ndërtimin e partneriteteve të reja në fushën e arkitekturës dhe planifikimit.

Në këtë edicion do të prezantojnë 22 profesionistë nga studio dhe institucione prestigjioze ndërkombëtare. Pjesë e këtij forumi do të jenë gjithashtu Prof. Ass. Dr. Flaka Xerxa Beqiri, Prodekane për Bashkëpunime Ndërkombëtare dhe Cilësi në Fakultetin e Arkitekturës, si dhe Prof. Ass. Bora Kelmendi Beqiraj,

Për më shumë: https://share-architects.com/events-2026/share-kosovo-forum/

⚠️NJOFTIM

Të nderuar studentë,

Ju njoftojmë se, pas kërkesës së adresuar nga Këshilli i Studentëve, afati për paraqitjen e provimeve është rihapur dhe do të jetë i hapur deri nesër, më 31.05.2026, në ora 08:00.

Lusim studentët që nuk kanë arritur t’i paraqesin provimet brenda afatit të mëparshëm ta shfrytëzojnë këtë mundësi sa më parë, pasi pas këtij afati nuk do të ketë rihapje tjetër të paraqitjes së provimeve.

UDS 🎓 Këshilli i Studentëve - Fakulteti i Arkitekturës

🏆 Fakulteti i Arkitekturës - Universiteti i Prishtinës renditet i 8-ti në botë në Inspireli University Ranking 2024/2025

Me krenari njoftojmë se Fakulteti i Arkitekturës - Universiteti i Prishtinës është renditur në vendin e 8-të në renditjen e përgjithshme universitare të edicionit të 10-të të Inspireli Awards 2024/2025.

Ky sukses është rezultat i arritjeve të studentëve tanë në konkurset ndërkombëtare të organizuara nga Inspireli Awards, ku Fakulteti i Arkitekturës ka përfaqësuar Universitetin e Prishtinës me projekte të vlerësuara ndër vite.

Në këtë edicion, dy projekte të studentëve të vitit të parë Master u përzgjodhën finalistë në konkursin ndërkombëtar Kash*tu School Competition:

• Argeta Zekaj dhe Florian Shala
• Blerta Kaqorraj, Dafina Ahmetaj, Doruntina Sylejmani dhe Fatmir Xhaferi

Projektet janë realizuar nën mentorimin e Prof. Asoc. Dr. Vlora Navakazi dhe Asst. MSc. Marigona Rexha.

Urime studentëve, mentorëve dhe gjithë komunitetit akademik për këtë arritje të rëndësishme!

UDS 🎓 Këshilli i Studentëve - Fakulteti i Arkitekturës

Të nderuar studentë,

Ju ftojmë të plotësoni pyetësorin e mëposhtëm të një kolegeje të Fakultetit, i cili po realizohet në kuadër të temës së diplomës. Plotësimi i tij merr rreth një minutë.

🔗 https://docs.google.com/forms/d/e/1FAIpQLSeaVCzDbsfseBOXgAZO8ZCe2XT0eFBcjaByqqSyzGsrQxfOpQ/viewform?usp=publish-editor

🎓 Këshilli i Studentëve - Fakulteti i Arkitekturës

Roli i ambientit fizik në reduktimin e stresit Ky pyetësor realizohet në kuadër të një hulumtimi akademik për realizimin e temës së diplomës në nivelin Bachelor në Fakultetin e Arkitekturës. Pyetësori trajton marrëdhënien ndërmjet ambientit të ndërtuar dhe mirëqenies psikologjike. Qëllimi i tij është mbledhja e të dhënave...