Departamenti i Psikologjisë, UP

Shkolla verore me pjesëmarrje të studentëve dhe ligjëruesve nga Kosova, Shqipëria dhe Maqedonia e Veriut.

Mund të marrin pjesë studentët e vitit të dytë dhe tretë bachelor dhe master.

Apliko tani për pjesëmarrje, duke dërguar email në [email protected]. Numri i vendeve është i kufizuar.

Me ftesë të veçantë, Prof. Assoc. Dr. Dashamir Bërxulli, Ambasador i Psikologjisë Sociale, mori pjesë dhe prezantoi në konferencën vjetore të APS (Association of Psychological Science), që u mbajt në Barcelonë, Spanjë, në datat 28 - 30 maj 2026. Prof. Bërxulli foli për hulumtimet dhe zhvillimet në fushën e psikologjisë sociale në Ballkanin Perëndimor, me theks të veçantë në hapësirën shqiptare. Prezantimi u pasua nga një diskutim thelbësore profesional për hulumtimet në këtë fushë, bashkëpunimin ndërdisiplinar dhe rrjetëzimin më produktiv midis profesionistëve dhe shoqatave të rajonit me ato të europiane dhe amerikane.

Studentët e nivelit Master në drejtimin Psikologji Shkollore kanë përmbyllur me sukses angazhimin e tyre në kuadër të lëndës “Praktikum Këshillimi”, duke ofruar mbështetje profesionale për nxënësit dhe duke kontribuar drejtpërdrejt në promovimin e mirëqenies së tyre psikologjike. Ky intervenim u realizua nën udhëheqjen e Prof. Dr. Aliriza Arënliut dhe Ast. Dr. Linda Hoxhës.

Përmes bashkëpunimit me Asociacionin e Psikologëve Shkollorë të Kosovës të përfaqësuar nga Znj. Arbnore Ismaili - Shehu dhe Shoqatën e Terapistëve të Njohjes dhe Sjelljes përfaqësuar nga Znj. Fatlinda Nitaj - Rexhaj dhe me psikologët shkollor: Znj. Resmalie Rashica, Znj. Egzone Bulliqi, Znj.Trendelina Krasniqi, Znj.Donika Maloku, Znj.Tringa Visoka, Z. Adis Shefkiu, Znj.Liridona Aliu, Znj.Mirdita Mulliqi, Znj.Vjollca Hamiti, studentët realizuan nga 8 seanca individuale me nxënës me tendenca për sjellje përçarëse dhe agresive. Të dhënat preliminare tregojnë rezultate shumë pozitive dhe një efekt të lartë të intervenimit.

Ky është viti i tretë i zbatimit të këtij programi, i cili dëshmon vlerën e bashkëpunimit ndërinstitucional dhe të praktikës profesionale në shërbim të mirëqenies së nxënësve.

Falënderojmë partnerët tanë për mbështetjen e vazhdueshme dhe studentët për angazhimin e tyre të shkëlqyer.

Gjenerata e tretë e psikologëve të ardhshëm shkollorë në shërbim të komunitetit përmes Service Learning
——

Departamenti i Psikologjisë i Fakultetit Filozofik të Universitetit të Prishtinës me kënaqësi njofton se katërmbëdhjetë studente të programit master Psikologji Shkollore dhe Këshillim janë certifikuar për realizimin me sukses të 50 orëve të angazhimit vullnetar gjatë një semestri akademik. Pjesa dërrmuese e këtij angazhimi u realizua në Shkollën Fillore të Mesme të Ulët “Naim Frashëri” në Prishtinë, ndërsa nisma u zgjerua edhe në SHFMU “Ganimete Tërbeshi” në Ferizaj.

Ky angazhim u realizua në kuadër të service learning, një qasje pedagogjike ku shërbimi direkt në komunitet ndërthuret me reflektimin e strukturuar dhe me objektivat mësimore të lëndës. Kjo qasje është integruar si komponentë e qëndrueshme e kurrikulës së lëndës “Të nxënit dhe Motivacioni”, e udhëhequr nga Prof. Dr. Zamira Hyseni Duraku, me përkrahjen akademike të Asst. Dr. Linda Hoxha. Kjo është gjenerata e tretë radhazi që përfshihet në këtë nismë.

Certifikatat e angazhimit vullnetar iu ndanë studenteve të gjeneratës së tretë:

Albiona Kadriu, Blerta Bunjaku, Dijellza Shala, Dua Hyseni, Eriona Kabashi, Ernisa Krasniqi, Estri Përgjegjaj, Jonida Osmani, Laureta Bunjaku, Leonora Zhegrova, Melisa Dodaj, Nuela Morina, Suela Gjikokaj dhe Valëza Shamolli.

Më shumë rreth kësaj iniciative mund të lexoni në:

https://shorturl.at/Ujevh

📣 THIRRJE PËR VULLNETARË MindCheck Corner — Sunny Hill Festival 2026

Ftojmë studentët e psikologjisë t’i bashkohen ekipit të MindCheck Corner gjatë Sunny Hill Festival 2026.

Ky aktivitet organizohet në bashkëpunim mes Institutit të Psikologjisë, Qendrës për Shëndet Global (QShG), platformës shendetimendor.org dhe Festivalit Sunny Hill.

Çfarë përfshin angazhimi:

Ofrimin e ndihmës së parë psikologjike
Komunikimin me vizitorët e festivalit
Shpërndarjen e materialeve informuese dhe QR kodeve për shendetimendor.org
Mbështetjen në aktivitetet e ndryshme të tendës
Orari & ndërrimet: Tenda është e hapur nga 16:00 – 24:00, e ndarë në dy ndërrime:

16:00 – 20:00
20:00 – 24:00
Ndërrimet organizohen me rotacion.

Kohëzgjatja: Angazhimi zgjat 4 ditë — 3 ditët e festivalit dhe 1 ditë paraprake. Ofrohet kompensim modest.

Çdo vullnetar do të marrë trajnim paraprak. Kjo është një mundësi e shkëlqyer për të mësuar, shërbyer dhe argëtuar! 🎶

📧 Për të shprehur interesim, na shkruani në: [email protected]

Në kuadër të kursit të Psikologjisë Gjinore të udhëhequr nga Prof. Asoc. Dr. Kaltrina Kelmendi, na folën për punën dhe aktivitetet e Kolektivit; organizimet, protestat, aksionet në rrugë, por edhe për takimet e rregullta feministe ku diskutohen tekste teorike dhe praktika e aktivizmit. Një hapësirë ku aktiviste/ët mblidhen për të menduar, debatuar dhe vepruar bashkërisht. Në fokus ishte gjithashtu rëndësia e trajtimit të pushtetit dhe pabarazisë, si manifestohen ato në strukturat shoqërore, ekonomike dhe institucionale, duke e parë aktivizimin social si nevojë e jo opsion.

Në mbyllje të takimit, Liridona dhe Qëndresa dhuruan për departamentin vëllimet e Përkthimeve Feministe të botuara nga Kolektivi — një kontribut i vërtetë për studentet/ët tanë/e dhe për mësimdhënien tonë.

Faleminderit për vizitën dhe për gjithçka që bëni!

Në kuadër të projektit LEAD (Life Skills for Employability in the Age of Digitalization) sot filloi trajnimi Blended Intensive Program in Soft Skills & Research Skills (BIPS) në Hellenic Mediterranean University, Chania, Kretë, Greqi. Universiteti i Prishtinës po përfaqësohet në këtë trajnim nga Prof. Assoc. Dr. Dashamir Bërxulli, Koordinator i projektit për UP-në, Prof. Dr. Aliriza Arënliu dhe Ast. Dr. Linda Hoxha. LEAD është një projekt i Departamentit të Psikologjisë. Temat e trajnimi përfshijnë dixhitalizimin, çështje të inteligjencës artificiale, komunikimin, inteligjencën ndërkulturore, lidershipin dhe kreativitetin. Po ashtu, çështje të arritjes së objektivave të projektit dhe planifikimit të hapave të ardhshëm do të diskutohen në një takim të veçantë.

Trajnimi BIPS është pjesë e Javës Ndërkombëtare të Hellenic Mediterranean University, në të cilën po merr pjesë edhe Prof. Ass. Dr. Rozafa Basha, Prorektore për ndërkombëtarizim dhe shkëmbim akademik.

Projekti LEAD financohet nga BE në kuadër të skemës Erasmus+ Programme.