Departamenti i Psikologjisë, UP

Departamenti i Psikologjisë, UP Departamenti i Psikologjisë është një nga departamentet në Fakultetin Filozofik të Universitetit të Prishtinës "Hasan Prishtina".

Departamenti i Psikologjisë ofron programin bachelor dhe atë master "Psikologji Shkollore dhe e Këshillimit".

Me fillimin e vitit të ri akademik, profesorati i Departamentit të Psikologjisë pati kënaqësinë të mirëpresë studentët e...
15/09/2026

Me fillimin e vitit të ri akademik, profesorati i Departamentit të Psikologjisë pati kënaqësinë të mirëpresë studentët e vitit të parë të studimeve Bachelor, duke shënuar kështu fillimin e një etape të re në rrugëtimin e tyre akademik.

Gjatë takimit mirëseardhës, studentët patën mundësinë të njihen me profesorët e Departamentit, programin e studimeve dhe mundësitë që do t’i shoqërojnë gjatë viteve të tyre të studimit. U diskutua gjithashtu për rëndësinë e angazhimit aktiv, bashkëpunimit dhe zhvillimit të vazhdueshëm akademik e profesional.

Të dashur studentë, ju urojmë një fillim të mbarë, shumë suksese dhe një rrugëtim të pasur me dije, përvoja dhe arritje të reja.

Mirë se vini në komunitetin e Departamentit të Psikologjisë, Universiteti i Prishtinës!

“Psikologjia në Veprim: Avancimi i Përfshirjes përmes të Mësuarit në Shërbim dhe Angazhimit në Komunitet”Më 15 shtator 2...
15/09/2026

“Psikologjia në Veprim: Avancimi i Përfshirjes përmes të Mësuarit në Shërbim dhe Angazhimit në Komunitet”
Më 15 shtator 2026, Ast. Dr. Linda Hoxha, PhD, Sekretare e Departamentit të Psikologjisë, prezantoi punën dhe përvojat e Departamentit të Psikologjisë të Universitetit të Prishtinës “Hasan Prishtina” në seminarin “Forcimi i Dimensionit Social të Arsimit të Lartë”, organizuar nga Zyra Erasmus+ në Kosovë, në kuadër të Misionit të Asistencës Teknike.
Në prezantimin me temë “Psikologjia në Veprim: Avancimi i Përfshirjes përmes të Mësuarit në Shërbim dhe Angazhimit në Komunitet”, u prezantuan disa nga përvojat dhe aktivitetet e Departamentit në ndërlidhjen e arsimit universitar me nevojat e komunitetit.
Veçanërisht u prezantuan:
🔹 Të mësuarit në shërbim (Service Learning) si një mënyrë për të lidhur teorinë me praktikën dhe për të zhvilluar kompetencat profesionale të studentëve;
🔹 iniciativa në mbështetje dhe përfshirje të fëmijëve dhe të rinjve me aftësi të kufizuara;
🔹 aktivitete dhe angazhime që promovojnë përfshirjen, mirëqenien dhe të drejtat e komunitetit LGBTQI+;
🔹 bashkëpunimi me organizata dhe aktorë të ndryshëm të komunitetit;
🔹 roli i psikologjisë dhe i institucioneve të arsimit të lartë në adresimin e sfidave dhe nevojave shoqërore.
Ky prezantim ishte një mundësi e rëndësishme për të ndarë përvojat e Departamentit dhe për të theksuar rëndësinë e një arsimi të lartë që nuk kufizohet vetëm në auditor, por kontribuon aktivisht në komunitet dhe në ndërtimin e një shoqërie më gjithëpërfshirëse.
🤝 Psikologjia në Veprim – të mësuarit, përfshirja dhe komuniteti.

Mirë se vini në Departamentin e Psikologjisë!Ftohen studentët e vitit të parë të programit BA në Psikologji në takimin e...
10/09/2026

Mirë se vini në Departamentin e Psikologjisë!
Ftohen studentët e vitit të parë të programit BA në Psikologji në takimin e mirëseardhjes, ku do të kenë mundësi të njihen me stafin akademik dhe administrativ, si dhe të informohen më afër rreth programit të studimeve BA në Psikologji.

📅 E martë, 15 shtator
🕚 Ora 11:00
📍 Salla 014
Ju mirëpresim!

Në kuadër të marrëveshjes së Departamentit të Psikologjisë dhe organizatës "People in Need" nga Republika Çeke, studentj...
05/08/2026

Në kuadër të marrëveshjes së Departamentit të Psikologjisë dhe organizatës "People in Need" nga Republika Çeke, studentja Eriola Ismajlaj, mori pjesë në një vizitë studimore në Kroaci.

Pas zhvillimit të një serie ligjëratash ndërgjegjësuese me studentët, të realizuara nga alumni i Departamentit të Psikologjisë, Kërkesa Zogjani, përmes metodologjisë One World in Schools, tre studentë janë përzgjedhur për të marrë pjesë në vizita studimore ndërkombëtare.

Gjatë vizitës në Kroaci, studentja Eriola Ismajlaj pati mundësinë të marrë pjesë në diskutime me përfaqësues nga Franca, Gjermania, Serbia, Turqia, Bosnja dhe Hercegovina, dhe Kosova, duke shkëmbyer përvoja dhe perspektiva mbi të drejtat e njeriut, barazinë dhe përfshirjen sociale. Ajo mori pjesë në një takim me deputetin z. Kajtazi, ku vizitoi muzeun dhe bibliotekën e tij personale, si dhe pati nderin të takojë ish-Presidentin e Kroacisë, Ivo Josipović.
Një nga momentet më domethënëse të vizitës ishte pjesëmarrja në ceremoninë përkujtimore në memorialin e Ušticës, kushtuar viktimave rome, ku pjesëmarrësit nderuan kujtimin e viktimave dhe reflektuan mbi rëndësinë e ruajtjes së kujtesës historike, mbrojtjes së të drejtave të njeriut dhe luftës kundër diskriminimit.

Departamenti i Psikologjisë mbetet i përkushtuar në krijimin e mundësive për përfshirjen e studentëve në iniciativa me ndikim në nivel ndërkombëtar.

📢 Publikim i ri shkencorArtikulli “Executive control, academic achievement, and aggressive behavior in adolescents: evid...
04/08/2026

📢 Publikim i ri shkencor

Artikulli “Executive control, academic achievement, and aggressive behavior in adolescents: evidence from a Go/No-Go task”, i realizuar nga mësimdhënësit e Departamentit të Psikologjisë, Dr. Linda Hoxha, PhD. C. Jon Konjufca dhe Prof. Dr. Aliriza Arënliu, është publikuar në revistën shkencore International Journal of Adolescence and Youth.

Studimi shqyrton ndërlidhjen ndërmjet kontrollit ekzekutiv, arritjeve akademike dhe sjelljes agresive tek adoleshentët. Kontrolli frenues u vlerësua përmes detyrës njohëse Go/No-Go, ndërsa sjelljet e adoleshentëve u matën përmes Child Behavior Checklist (CBCL), së bashku me masa të tjera relevante.

Gjetjet kanë rëndësi të veçantë për psikologjinë kognitive, pasi tregojnë se proceset e kontrollit ekzekutiv dhe të vëmendjes lidhen me funksionimin akademik dhe rregullimin e sjelljes. Studimi thekson gjithashtu rëndësinë e kombinimit të detyrave objektive kognitive me instrumentet e standardizuara të vlerësimit, për të kuptuar më plotësisht dallimet individuale në vetërregullimin e adoleshentëve.

Përmes evidencës së mbledhur në kontekstin e Kosovës, artikulli kontribuon në literaturën ndërkombëtare mbi zhvillimin kognitiv dhe sjellor gjatë adoleshencës.

🔗 Artikullin mund ta lexoni këtu:https://doi.org/10.1080/02673843.2026.2713483

📘 Ndoshta jemi më të fortë sesa mendojmë.Departamenti i Psikologjisë sjell në vëmendje librin “Stronger Than You Think” ...
29/07/2026

📘 Ndoshta jemi më të fortë sesa mendojmë.

Departamenti i Psikologjisë sjell në vëmendje librin “Stronger Than You Think” nga hulumtuesja amerikane Sherry Hamby—një libër që na fton ta kuptojmë reziliencën jo si mungesë të vështirësive, por si aftësi për të gjetur burimet që na ndihmojnë të ecim përpara.

Libri përfshin gjetje nga hulumtimet e realizuara në Kosovë, në bashkëpunim me Dr. Kaltrina Kelmendi dhe alumni të Departamentit të Psikologjisë. Disa prej jush do ta kujtojnë Dr. Hamby nga dy vizitat e saj në Prishtinë gjatë vitit 2022.

✨ Lexo. Reflekto. Zbulo forcën tënde.

Libri tani mund të gjendet në Kosovë, në Librarinë Dukagjini.

Hulumtimi Kosova

🎉 Sukses i jashtëzakonshëm i studentëve të Departamentit të Psikologjisë!Me krenari ndajmë suksesin e katër studentëve t...
25/07/2026

🎉 Sukses i jashtëzakonshëm i studentëve të Departamentit të Psikologjisë!

Me krenari ndajmë suksesin e katër studentëve të Departamentit të Psikologjisë, Fakulteti Filozofik – Universiteti i Prishtinës, të cilët po përfaqësojnë Kosovën në garën ndërkombëtare të debatit “Botta & Riposta World Cup”, të organizuar nga Universiteti i Padovës, Itali.

Studentët Jona Olloni, Dardan Bytyqi, Eraa Morina dhe Flandra Hasani kanë arritur një rezultat të jashtëzakonshëm duke u kualifikuar në gjysmëfinale, ndër 16 ekipe universitare nga vende të ndryshme të botës.

Në fazën e grupeve, ekipi ynë regjistroi tri fitore radhazi, duke mposhtur ekipet e Francës, Sllovakisë dhe ekipin e kombinuar Indonezi–Indi.

Sukseset individuale janë po aq mbresëlënëse:
🏆 Jona Olloni u vlerësua si debatuesja më e mirë në prolog gjatë fazës së grupeve.
🏆 Flandra Hasani u shpall tri herë rradhazi oratore e debatit.
🏆 Ekipi i Kosovës u vlerësua si ekipi më i mirë në fazën e grupeve.

Në gjysmëfinale, ekipi ynë do të përballet me ekipin e Italisë.

Ky rezultat është dëshmi e përkushtimit, profesionalizmit dhe potencialit të jashtëzakonshëm të studentëve tanë. Departamenti i Psikologjisë u uron shumë suksese në vazhdim dhe është krenar për përfaqësimin dinjitoz që po i bëjnë universitetit dhe Kosovës në arenën ndërkombëtare.

👏 Urime dhe suksese në gjysmëfinale!

Prof. Ast. Dr. Fitim Uka nga Departamenti i Psikologjisë është zgjedhur anëtar i Bordit Editorial të revistës shkencore ...
15/07/2026

Prof. Ast. Dr. Fitim Uka nga Departamenti i Psikologjisë është zgjedhur anëtar i Bordit Editorial të revistës shkencore Discover Psychology, pjesë e shtëpisë botuese Springer Nature dhe e indeksuar në Scopus. Ky emërim përfaqëson një vlerësim të rëndësishëm ndërkombëtar të kontributit shkencor dhe profesional të Prof. Ass. Dr. Fitim Ukës në fushën e psikologjisë. Prof. Uka është gjithashtu anëtar i Bordit Editorial të revistës ndërkombëtare Review of General Psychology ebotuar nga Sage, një nga revistat e njohura në fushën e psikologjisë së përgjithshme. Pjesëmarrja në bordet editoriale të këtyre revistave ndërkombëtare nga profesorët e departamentit të psikologjisë dëshmon kontributin e veçant në avancimin e standardeve të kërkimit dhe publikimit shkencor në nivel global.

Dr. Ereblir Kadriu dhe Dr. Kaltrina Kelmendi nga Departamenti i Psikologjisë, Fakulteti Filozofik, Universiteti i Prisht...
13/07/2026

Dr. Ereblir Kadriu dhe Dr. Kaltrina Kelmendi nga Departamenti i Psikologjisë, Fakulteti Filozofik, Universiteti i Prishtinës, kanë publikuar artikulli shkencor me titull:”Individualism or Collectivism: The Role of Private and Public Education in Cultural Orientation in Kosovo”, në revistën ndërkombëtare International Journal of Comparative Education and Development (Emerald Publishing).
Studimi eksploron orientimet kulturore të individualizmit dhe kolektivizmit në Kosovë, duke analizuar nëse ekzistojnë dallime ndërmjet studentëve të institucioneve publike dhe private të arsimit. Hulumtimi është realizuar me 849 pjesëmarrës dhe paraqet një ndër studimet e para në vitet e fundit në Kosovë që trajton në mënyrë empirike ndryshimet dhe orientimet kulturore në shoqëri. Gjetjet kontribuojnë në zgjerimin e literaturës ndërkombëtare mbi marrëdhënien ndërmjet kulturës dhe arsimit në kontekste jo-perëndimore, duke ofruar evidencë të re mbi transformimet kulturore dhe faktorët që ndikojnë në formësimin e vlerave shoqërore.
Artikulli mund ta lexoni në platformën Emerald Insight: 🔗 https://doi.org/10.1108/IJCED-07-2025-0101

A je student/e i/e nivelit Bachelor?• Apliko pë Bursën “LULËZOJNË” 2026/27, një mundësi që mbështet rrugëtimin tënd akad...
08/07/2026

A je student/e i/e nivelit Bachelor?
• Apliko pë Bursën “LULËZOJNË” 2026/27, një mundësi që mbështet rrugëtimin tënd akademik, profesional dhe personal!

Kush mund të aplikojë?

• Të rinj 18+ nga e gjithë Kosova të grupeve të margjinalizuara (vajza, të rinj nga zona rurale me të ardhura të ulëta, studentë të brezit të parë, etj.)
• Të regjistruar në nivelin Bachelor nga viti i dytë e tutje
• Me sukses të kënaqshëm (nota mesatare mbi 8.0)
• Me angazhim të dëshmuar në komunitet, dhe të motivuar për kontribut komunitar në të ardhmen
TOKA ofron mbështetje deri në 1,000€ (duke përfshirë taksat e të ardhurave personale)
për:
• Pagesa semestrale
• Qera, ushqim, transport
• Libra, teknologji
• Kujdes shëndetësor
Afati: 2 gusht 2026, ora 23:59

Apliko këtu: https://toka-ks.org/koha-qe-te-lulezosh-ka-ardhur-serish-apliko-per-bursen-lulezojne-2026-27/

Address

Pristina

Website

Alerts

Be the first to know and let us send you an email when Departamenti i Psikologjisë, UP posts news and promotions. Your email address will not be used for any other purpose, and you can unsubscribe at any time.

Shortcuts

Share

Category