New York School of Science in Kosova

04/09/2026

Shkolla New York School of Science in Kosova ju fton të aplikoni për regjistrim për vitin e ardhshëm shkollor 2027/2028.

Me program sipas modeleve të shkollave elitare të New York-ut; me mbështetje të partnerëve elitarë; me mësimdhënës cilësorë e me përvojë si dhe me libra e materiale mësimore cilësore, shkolla NYSS është unike në vend dhe e vetmja në Kosovë që i shërben me profesionalizëm nxënësve me potenciale në shkencë, teknologji, inxhinieri dhe matematikë (STEM).

Nga viti shkollor 2027/2028 do të ketë transport të organizuar nga Gjilani, Ferizaji dhe Mitrovica.

Shkolla NYSS tashmë ka mbledhur nxënësit më të talentuar e me më perspektivë që ka Kosova prandaj nxitoni të jeni pjesë e gjeneratës së re të shkencëtarëve të ardhshëm të Kosovës!

Aplikoni për regjistrim për klasat 6, 7, 8, 9 dhe klasën 10.

Linku oë aplikim: https://forms.gle/4w7KrVQeTiMwLj7J9

Shkolla NYSS është themeluar dhe është në pronësi të organizatës joqeveritare - OJQ STEM.

01/09/2026

Sot, me shumë dashuri, gëzim dhe entuziazëm, New York School of Science in Kosova mirëpriti gjeneratën e re të shkencëtarëve të ardhshëm, duke shënuar fillimin e vitit shkollor 2026/2027.

Të gjithë nxënësve u uruam mirëseardhje dhe shumë suksese, veçanërisht atyre që këtë vit iu bashkuan për herë të parë familjes së NYSS-it.

Përpara nesh është një rrugëtim plot sfida, mundësi të reja dhe përvoja të vlefshme. Jemi të bindur se, me punë, përkushtim dhe mbështetje të vazhdueshme, secili nxënës do ta zhvillojë potencialin e tij dhe do të arrijë rezultate të shkëlqyera.

Së bashku do ta shndërrojmë talentin, kureshtjen dhe pasionin e këtyre të rinjve në dije, suksese dhe arritje të jashtëzakonshme.

Le të jetë ky vit shkollor i mbushur me mbarësi, frymëzim dhe suksese për të gjithë nxënësit, mësimdhënësit dhe prindërit!

Mirë se vini në shkollën elitare NYSS dhe na priftë e mbara!

25/08/2026

Me kënaqësi ju njoftojmë se duke filluar nga ky vit shkollor, Njomza Tmava do t’i bashkohet stafit të New York School of Science in Kosova (NYSS), ku do të ligjërojë lëndën zgjedhore “Të Folurit Publik dhe Mendim Kritik” për nxënësit e klasave 10, 11 dhe 12.

Njomza Tmava ka përfunduar studimet Bachelor në Aktrim në Fakultetin e Arteve të Universitetit të Prishtinës. Ajo ka qenë pjesë e një numri produksionesh teatrore në disa prej teatrove më të njohura në Kosovë, përfshirë Teatrin Kombëtar të Kosovës, Teatrin Dodona dhe Teatrin “Muharrem Qena”.

Që nga viti 2014, Njomza ka marrë pjesë në gara formale të debatit në formatet Karl Popper dhe British Parliamentary, duke fituar disa medalje në nivel kombëtar.

Prej vitit 2019, ajo punon si trajnere e debatit, me fokus në debatin formal, mendimin kritik dhe të folurit publik, si dhe ka qenë e angazhuar në projekte të realizuara nga organizata kombëtare dhe ndërkombëtare.

Përmes kësaj lënde, nxënësit e NYSS do të kenë mundësi të zhvillojnë aftësitë e tyre në komunikim publik, argumentim, debat, analizë, mendim kritik dhe prezantim të ideve, kompetenca këto gjithnjë e më të rëndësishme për suksesin akademik dhe profesional.

I urojmë Njomzës mirëseardhje në familjen e shkollës elitare NYSS dhe shumë suksese në punën me nxënësit tanë!

20/08/2026

Shtyhet afati për aplikim për NYSS MATH CIRCLE

Klubi i matematikës për nxënësit e klasave V dhe VI

New York School of Science in Kosova hap regjistrimet për NYSS Math Circle, një program të veçantë për nxënësit e klasave V dhe VI që kanë interes, talent dhe pasion për matematikën.

Pjesëmarrja është e hapur për të gjithë nxënësit e klasave V dhe VI nga të gjitha shkollat, publike dhe private. Pjesëmarrësit nuk është e nevojshme të jenë nxënës të shkollës NYSS. Pjesëmarrja është papagesë.

Gjatë programit, pjesëmarrësit do të:

- marrin çdo javë probleme interesante dhe sfiduese matematikore
- zhvillojnë aftësitë e tyre në logjikë, arsyetim dhe zgjidhje kreative të problemeve

- punojnë në mënyrë të pavarur dhe dorëzojnë zgjidhjet e tyre

- takohen një herë në muaj me mentorët dhe pjesëmarrësit e tjerë

- prezantojnë dhe diskutojnë metoda të ndryshme të zgjidhjes.

Problemet do të përshtaten me nivelin e nxënësve të klasave V dhe VI dhe do të përfshijnë tema nga: aritmetika dhe teoria e numrave; gjeometria dhe logjika; kombinatorika dhe probabiliteti dhe probleme të olimpiadave.

Kohëzgjatja e projektit: Shtator 2026 – Gusht 2027.

Afati i aplikimit der më: 5 shtator 2026

Linku për aplikim: https://forms.gle/RwhE6XBuKwk5spgUA

15/08/2026

Nxënësja e shkollës elitare të shkencës New York School of Science in Kosova (NYSS), Aria Belegu, do ta vazhdojë klasën e 12-të në Shtetet e Bashkuara të Amerikës, në Montverde Academy në Florida, ku do të vazhdojë njëkohësisht zhvillimin e saj akademik dhe sportiv.

Montverde Academy, e vendosur në Florida, në zonën e Orlando-s, njihet për standarde të larta akademike dhe për programe jashtëzakonisht të zhvilluara sportive.

Veçanërisht i njohur është programi i saj i basketbollit, i cili ndër vite ka prodhuar sportistë që kanë vazhduar karrierën në nivelet më të larta universitare dhe profesionale. Programet sportive të Montverde Academy numërojnë 21 tituj kombëtarë dhe 14 tituj shtetërorë, ndërsa një numër i madh i ish-nxënësve të saj kanë vazhduar në sportin profesionist. Ekipi i basketbollit për vajza, ku do të zhvillohet edhe Aria, ka qenë gjithashtu ndër programet dominuese në SHBA, duke fituar tre kampionate kombëtare radhazi deri në vitin 2024. Nga programi i saj kanë dalë yje të NBA-së si Cooper Flagg, Cade Cunningham, Ben Simmons, Scottie Barnes, RJ Barrett etj.

Montverde Academy e ka prezantuar publikisht Aria Belegun si pjesë të programit të saj të basketbollit për vajza, duke e identifikuar si 6'5” Center.

Për A***n, ky është një hap i rëndësishëm drejt zhvillimit të mëtejshëm në një mjedis shumë konkurrues ndërkombëtar dhe një mundësi për të kombinuar arsimin cilësor me basketbollin e nivelit të lartë, në prag të studimeve universitare në Shtetet e Bashkuara.

Në NYSS, jemi krenarë që nxënësit tanë vazhdojnë të hapin dyer drejt institucioneve të njohura ndërkombëtare.

Urime Aria! Të dëshirojmë shumë suksese në klasën e 12-të dhe në kapitullin e ri të rrugëtimit tënd në Shtetet e Bashkuara të Amerikës!

07/08/2026

Entela Mirena fiton Medalje të Bronztë në Olimpiadën Ndërkombëtare të Inteligjencës Artificiale – IOAI 2026

Nxënësja e shkollës elitare të shkencës New York School of Science in Kosova, Entela Mirena, ka fituar Medalje të Bronztë në Olimpiadën Ndërkombëtare të Inteligjencës Artificiale – IOAI 2026, të zhvilluar në Astana të Kazakistanit.

IOAI është një nga olimpiadat ndërkombëtare më prestigjioze në fushat STEM, ku marrin pjesë nxënësit më të talentuar nga mbi 100 shtete, të përzgjedhur përmes olimpiadave dhe proceseve kombëtare të përzgjedhjes. Fakti që kjo olimpiadë zhvillohet nën patronazhin e UNESCO-s ia shton edhe më shumë rëndësinë këtij suksesi të Kosovës.

Entela është një nga talentet më të mira që ka pasur Kosova në fushat STEM. Vetëm gjatë vitit 2026, ajo ka përfaqësuar Kosovën në Olimpiadën Evropiane të Matematikës për Vajza – EGMO 2026, Olimpiadën Ndërkombëtare të Matematikës – IMO 2026, Olimpiadën Evropiane të Informatikës për Vajza – EGOI 2026 dhe Olimpiadën Ndërkombëtare të Inteligjencës Artificiale – IOAI 2026, ku fitoi Medalje të Bronztë.

Entela është pranuar për të vazhduar studimet në Shkenca Kompjuterike në Universitetin Rice, një nga universitetet më prestigjioze në Shtetet e Bashkuara të Amerikës dhe në botë.

Urime Entela për këtë sukses të jashtëzakonshëm dhe për përfaqësimin dinjitoz të Kosovës në arenën ndërkombëtare!

06/08/2026

KONKURS PUNE

New York School of Science in Kosova shpall konkurs pune për pozitat:

- Mësimdhënës për Informatikë/Shkencë kompjuterike
- Mësimdhënës për Gjeografi
- Mësimdhënës për Kimi

Kandidatët që dëshirojnë të aplikojnë duhet të plotësojnë këto kritere:

🎓 Të kenë përfunduar studimet universitare, sipas UA të MASh nr. 06/15.

⏳ Të kenë përvojë pune.

🇺🇸 Të kenë njohuri dhe aftësi të konsoliduara të gjuhës angleze.

Dokumentacioni i nevojshëm:

📜 Kopjen e noterizuar të diplomës universitare.

🌐 Nostrifikimin e diplomës nëse aplikanti ka përfunduar studimet jashtë Kosovës.

⚖️ Certifikatën nga gjykata përkatëse se kandidati nuk është denuar dhe nuk është nën hetime për ndonjë vepër penale.

📂 Vërtetim për përvojën e punës.

💼 CV.

🗓️ Afati për të aplikuar: Aplikimet do të pranohen deri më 20 gusht 2026.

📧 Thirrja është e hapur dhe aplikimet mund të dërgohen në adresën e elektronike: [email protected].

Shkolla NYSS është themeluar dhe është në pronësi të organizatës joqeveritare - OJQ STEM.

04/08/2026

Gjenerata e dytë e artë e shkollës elitare të shkencës NYSS!

01/08/2026

KONKURS PUNE

New York School of Science in Kosova shpall konkurs pune për pozitën:

- Mësimdhënës për Informatikë/Shkencë kompjuterike

Kandidatët që dëshirojnë të aplikojnë duhet të plotësojnë këto kritere:

🎓 Të kenë përfunduar studimet universitare, sipas UA të MASh nr. 06/15.

⏳ Të kenë përvojë pune.

🇺🇸 Të kenë njohuri dhe aftësi të konsoliduara të gjuhës angleze.

Dokumentacioni i nevojshëm:

📜 Kopjen e noterizuar të diplomës universitare.

🌐 Nostrifikimin e diplomës nëse aplikanti ka përfunduar studimet jashtë Kosovës.

⚖️ Certifikatën nga gjykata përkatëse se kandidati nuk është denuar dhe nuk është
nën hetime për ndonjë vepër penale.

📂 Vërtetim për përvojën e punës.

💼 CV.

🗓️ Afati për të aplikuar: Aplikimet do të pranohen deri më 10 shtator 2026.

📧 Thirrja është e hapur dhe aplikimet mund të dërgohen në adresën e elektronike:
[email protected].

31/07/2026

Eni dhe Ani Kosumi i bashkohen shkollës elitare të shkencës – New York School of Science in Kosova!

Binjakët Eni dhe Ani Kosumi janë ndër talentet më premtuese të gjeneratës së tyre në matematikë. Në Olimpiadën e Matematike të Kosovës – OMK 2026, Eni fitoi vendin e parë, ndërsa Ani vendin e dytë.

Sukseset e tyre vazhduan edhe në Olimpiadën Matematike Kosovë–Shqipëri – KAMO 2026, ku Eni fitoi Medaljen e Artë, ndërsa Ani Medaljen e Argjendtë.

Në New York School of Science in Kosova, Eni dhe Ani do të vazhdojnë klasën e tetë, duke iu bashkuar nxënësve të tjerë më të talentuar dhe me potencialin më të lartë intelektual në vend.

New York School of Science in Kosova i ka dyert e hapura për të gjithë nxënësit e talentuar dhe mbetet vendi ku të rinjtë që synojnë majat e suksesit mund të zhvillohen, të përparojnë dhe të realizojnë potencialin e tyre në mënyrë të jashtëzakonshme.

Mirë se erdhët, Eni dhe Ani!