Violeta Jaha Life Coach

Mënyra më e mirë për ta bërë një kompani të suksesshme është fuqizimi i njerëzve që punojnë në atë kompani.

Me ekipin fantastik të Illyria Life ditën e filluam me sesionin e Rrotës së Jetës, mjet që perdoret në seancat e coaching, ku me anë të këtij instrumenti vizual, zbuluan fushat e jetës në të cilat janë të kënaqur dhe disa tjera që kanë nevojë për më shumë vëmendje, për t'a arritur ekuilibrin në jetë.

Gjatë punëtorisë, që ishte shumë interaktive dhe me impakt në zhvillimin personal, trajtuam tema që përbejnë një domosdoshmeri si: Komunikimi, Vetësabotimi, Vlerat, Vendosja e kufive të shëndetshëm e deri tek Lumturia.

Qëllimi i coaching nuk është të bëhesh si dikush tjetër, por të bëhesh verzioni më i mirë i vetes!

Një bravo e madhe për kompanitë që fokusohen jo vetëm në rritjen profesionale, por edhe në zhvillimin personal e mirëqenien e punonjësve, ashtu siç do duhej të ishte gjithmonë.

Ju faleminderit për ftesen dhe besimin e dhënë .ks

Pse Parashuta? Sepse mendja funksionon vetëm atëherë kur është e hapur, jam unë parashuta jote në rrugëtimin tënd për jetë më të mirë, se ti e meriton!

Gjëja më e mirë për podkastin si format është se na mundëson të gjithëve ta dëgjojmë kur të duam! Derisa ecim, hekurosim, kthehemi në shtëpi nga puna...e prej sot mund të më dëgjoni kur ju mendoni se keni nevojë dhe kohë.

Dëgjoni, komentoni dhe më shkruani për përshtypjet tuaja, poashtu edhe për temat që doni t'i dëgjoni.

Podkastin mund ta dëgjoni në:
Spotify - https://shorturl.at/oDPWZ
YouTube - https://shorturl.at/CDKMT

Sot është dita e fundit!

Dita e fundit e vitit 2023. Dhe të gjithë po përgatitemi për të festuar. Çka po festojmë?
Një fillim të ri, apo jo? Mirëpo, festa fillon edhe pse ende jemi në ditën e fundit.

Fokusi i të gjithëve është te e ardhmja. Për diçka që nuk ka ardhë ende dhe është krejtësisht e panjohur për të gjithë. Por gëzimi është aty. Sepse ka shpresë dhe besim. Se mundësitë e reja po vijnë, se do të jenë më të mira dhe më të bukura. E pse njerëzit nuk e bëjnë këtë çdo ditë? Me çdo fund? Pse nuk e shohim një fillim të ri në çdo fund? Pse nuk shohim një takim të ri në çdo ndarje? Pse nuk shohim një mundësi në çdo pengesë?
Epo, këtë ju uroj unë në vitin 2024.

Se fundin nuk e feston vetëm një herë në 365 ditë. Por, në fund të çdo dite ju festoni fillimin e së nesërmes... Sepse kur kupton jetën, kupton se çdo fund është pikërisht ai, një fillim i ri... Dhe kjo jetë të jep një arsye për të festuar çdo ditë.

GËZUAR🥂

Kërcënimi më i madh për suksesin nuk është dështimi, por mërzia.

Njerëzit shpesh ankohen se janë të mërzitur, se kanë rënë në rutinë, dhe nuk e dinë se çfarë është ajo që do t'i përmbushte.

Ndani pak kohë dhe përgjigjuni sinqerisht pytjeve dhe ndoshta mund të gjeni atë që ju mundon.
1. Me çka jeni saktësisht të kënaqur në jetë dhe çka ju frustron?
2. Çka është me të vërtetë e rëndësishme për ju në jetë?
3. Si ju shohin njerëzit e tjerë? Si kish*t pasë ju deshirë të ju shohin?
4. Çfarë lexoni/shikoni/dëgjoni kur dëshironi të relaksoheni?
5. Nëse nuk do të kish*t pasë asnjë kufizim, nëse gjithçka do të ishte e mundur, çfarë do të bënit tani?
6. Imagjinoni si duket një vit i përsosur në jetën tuaj?

Qëllimi i jetës përbëhet nga qëllimet kryesore motivuese në jetën tuaj - arsyet pse zgjoheni në mëngjes. Nëse ende nuk e keni gjetur qëllimin tuaj, do të vazhdoni të jetoni në autopilot. Jeta juaj mund të jetë e qetë në zonen e komforit, ndoshta do ndiheni mirë por rutina e mërzia janë prezente dhe ju nuk e dini arsyen.

Kjartësojani vetës qëllimin, cakun dhe arsyen pse zgjoheni në mengjes, se ndoshta një ditë mund të shikoni prapa dhe të dëshironi të kish*t përdorur kohën dhe jetuar jetën tuaj ndryshe.

Nëse keni dilema në vendosjen e qëllimeve, kjartësimin e caqeve në jetë më shkruani, jam këtu për ju.

~Unë nuk ju shes ajrin, por ju mësoi si të merrni frymë!

Të gjithë ndonjëherë kemi frikë nga ajo që kemi brenda nesh, por në të vërtetë është i vetmi vend ku do ta gjejmë atë që na nevojitet. Rahatia jonë e brendshme fillon ditën kur nuk lejojmë të manipulohemi. Kur nuk lejojmë që ndjenjat tona të kontrollohen nga besimet dhe kërkesat e të tjerëve. Kur jetojmë sipas asaj që të tjerët presin ose kërkojnë prej nesh, ne u japim përparësi dhe nuk dëgjojmë atë që kemi vërtet nevojë. Të gjithë na thonë se çfarë duhet të bëjmë dhe të gjithë e dinë çka është më e mira për ne.
Mendimi jonë është më i rëndësishëm se i dikujt tjetër.
Është koha për të kërkuar nga vetja atë që na mungon. Është koha të gjesh atë zë që kishe kur ishe një fëmijë i patrembur që dikur besonte se mund të ndryshonte botën.
Është koha për të gjetur guximin që keni pasur dikur për tu ballafaquar me rreziqet pa e pritë dikend t'iu shtyj e t'iu tregoj si duhet.
Është koha për të rizbuluar besimin që kish*t dikur se jeni të denjë për dashurinë më të madhe nga të gjitha - të mësoni si ta duani veten. Jepini përparësi dashurisë për veten sot. Flisni me veten në mënyrën më të mirë që dini.
Mësoni si ta doni veten, sepse ju meritoni të jeni të lumtur.
Nëse mund ta arrini këtë, të gjitha ato që ju thyejnë sot, do t'ju bëjnë më të fortë nesër.

Sado të bezdisshme që janë, dështimet thjesht janë ngjarje në jetën tonë, e që nuk kanë nevojë të bëhen jeta jonë. Të mëdha apo të vogla, gabimet mund të ndikojnë negativisht tek ne.
Ka shumë shkaqe dhe arsye të frikës nga dështimi
- presioni nga prindërit ose shoqëria
- kërkesa të mëdha që gjithçka të jetë perfekte
- pasiguria
- mungesa e vetëbesimit
- frika nga e ardhmja, përvojat traumatike, mbindjeshmëria etj.
Mënyra se si reagojmë ndaj gabimeve ose dështimeve ka ndikim në shëndetin tonë mendor. Mos lejoni që frika të ju mbajë peng. Mos i mendoni skenarët më të kqi, sepse ato zakonisht nuk ndodhin. Sfidoni mendimet tuaja negative dhe kritikët e brendshëm.

Ti mund të kapërcesh frikën nga dështimi.
Ti mund të arrish gjëra të mëdha në jetë, dhe të bëhesh personi që dëshiron të jesh.
Ti mund të kesh suksese në jetë.

1. Lejoni vetes për të qenë i/e papërsosur. Mundohuni të reduktoni kërkesat e larta të perfeksionizmit dhe lejoni vetes gjëra më pak të përsosura.
2. Shkruani sukseset tuaja dhe kthehuni te gjithçka që keni arritur në mënyrë që të forconi vetëbesimin tuaj dhe të hyni në situata të reja sfiduese me më shumë besim tek vetja.
3. Përqafoni dështimin. Nëse ngecni ose dështoni, përpiquni të mësoni nga gabimet tuaja dhe bëni më mirë herën tjetër. Gabimet janë pjesë e jetës sonë dhe ato janë një mundësi e shkëlqyer për rritje dhe zhvillim.
4.Flisni me njerëzit e afërt. Ndani dyshimet dhe frikën tuaj me të tjerët. Ju nuk jeni vetëm me problemin tuaj.

Përqendrohu në atë që është para teje sot, tani, në vend të shqetësimeve se çka mund te ndodh në të ardhmen.
Në fund të fundit krejt çka ka rëndesi je ti.
Nëse ke nevojë për përkrahje në rrugëtimin tënd më shkruaj, jam këtu për ty.

Mire jam!

E themi gjatë gjithë kohës. Është e shkurtër dhe e ëmbël. Por, shpesh, nuk është e vërtetë.
Por, pse gjithmonë themi "Unë jam mirë" kur nuk jemi!
Kur themi, mirë jam ose krejt është OK, i mohojmë ndjenjat dhe përvojat tona të vërteta, shpresojmë të bindim veten dhe të tjerët se gjithçka është në rregull. Të bëhesh sikur nuk ke probleme, emocione të vështira apo konflikte është një fasadë. Është imazhi që duam t'i paraqesim të tjerëve. Ne duam që të tjerët të mendojnë se gjithçka po funksionon mirë për ne, ndjejmë turp, siklet nga gjykimi, nëse njerëzit do ta dinin të vërtetën, që në jetën tonë nuk është gjithçka perfekte.
Dhe nëse ua pranojmë problemet tona të tjerëve, duhet të përballemi me to dhe t'i pranojmë vetes se nuk jemi të lumtur, se jeta jonë nuk është perfekte. Mohimi është i kuptueshëm. Duket më e lehtë të shmangësh disa probleme, kujtime traumatike dhe ndjenja të vështira. Megjithatë, ne të gjithë e dimë se shmangia nuk është një strategji e mirë afatgjate. Shpesh, sa më gjatë të përpiqemi t'i injorojmë gjërat, aq më të mëdha bëhen.

Por sa më shpejt t'ia pranoni vetes se si ndiheni vërtet aq shpejtë do largohen problemet. Dijeni se nuk jeni të vetmit që po luftoni me këto çështje dhe se ju nuk i keni shkaktuar. Megjithatë, ju jeni i vetmi që mund të filloni t'i ndryshoni ato. Të ndash me dikend se nuk je mirë mund të jetë mjaft e frikshme, se çdokush mund të thotë "Unë jam mirë" kur nuk është, e pak kush i jep vetes guxim për të ngritur dorën dhe për të thënë: kam nevojë për ndihmë.

Do të jeni më të lumtur kur ta njihni veten më mirë dhe kur të kuptoni se problemet nuk janë edhe aq të mëdha sa ju duken juve.

Pra, si jeni?"

Falja është një dhuratë që ia jepim vetes, jo personit që na ka lënduar. Kur falim, i jepim vetes paqe dhe leje të ecim përpara pa hidhërim, pa zemërim, pa asnjë ndjenjë "të keqe"!

Por, pse shumë njerëz e kanë të vështirë të falin?

Ka disa arsye:
• Është shumë e vështirë të falësh dikë që me vetëdije të ka bërë keq, sepse ata kanë dëshmuar se janë të aftë t'i japin përparësi dëshirave të tyre përpara të tuave.
• Shumë njerëz mendojnë se nëse e falin atë që i ka lënduar, ata do të mendojnë se ajo që kan bëre është në rregull, dhe duket sikur po ju japin leje që prap mund të bëjë diçka të ngjashme
• Gjithashtu, shumë njerëz mendojnë se nëse e falin, atëherë prap duhet të kenë të njëjtat marrëdhënie si më parë , sepse “kanë falur dhe nuk ka pse të jetë ndryshe”, por në fakt ata qe falin nuk e duan këtë.

Falja nuk do të thotë ti besoni dikujt pasi besimi është thyer, dhe është shumë e vështirë të fitosh besimin e dikujt, por shumë e lehtë ta humbësh atë.
Falja nuk do të thotë që ju e miratoni sjelljen e dikujt tjetër dhe as që jeni të detyruar të silleni sikur asgjë nuk ka ndodhur. Nuk është një shenjë dobësie, por një shenjë e forcës, është një zgjedhje personale që duhet bërë bazuar në vlerat dhe besimet tuaja.
Falja ka të bëjë me largimin e zemërimit , hidhërimit, pakënaqësisë dhe nevojës për hakmarrje, dhe lejimin e vetes për të tejkaluar dhe shëruar lëndimin.

Siç thotë një citim i famshëm: "Refuzimi për të falur është si të pish helm dhe të presësh që personi tjetër të vdesë". Duke u përpjekur të ndëshkoni personin tjetër me hidhërimin dhe zemërimin tuaj, ju në fund dëmtoni shëndetin dhe mirëqenien tuaj.