Fakulteti i Arteve - Dramaturgji

Të dashur studentë,

Ju ftojmë të bëheni pjesë e një punëtorie tre-ditore mbi kritikën artistike, që do të mbahet më 24–26 prill 2025, në Hanin e 2 Robertëve, Prishtinë.

Nën udhëheqjen e filozofit dhe kritikut Shkëlzen Maliqi, do të eksplorojmë qasjet bashkëkohore të kritikës artistike përmes ligjëratave, diskutimeve dhe ushtrimeve praktike.

Punëtoria është e hapur për studentë, artistë të rinj, krijues, gazetarë dhe profesionistë të rinj të kulturës.

Mos e humb këtë mundësi për të mprehur mendimin kritik dhe për të ndërtuar ura mes artit dhe ideve.

📍 Afati i fundit për aplikim: 22 prill 2025
📧 Apliko tani: https://shorturl.at/gIejd

Pjesëmarrja është falas & vendet janë të kufizuara!

Suksese!

Premiera e Shfaqjes “I Huaji”

19. 02 . 25 | Ora 19:00

Ju mirëpresim!

Sot u mbajtën leximet skenike të vitit lll “Në këtë shtëpi veç hallakam bëhet” nga Drenusha Mehmeti dhe “Kush Kujt?” nga Euron Kadriu.

Prezantohen dy komeditë "Në këtë shtëpi gjithçka ndodhë" dhe "Kush kujt" Facebook: https://www.fb.com/teve1.officialInstagram: https://www.instagram.com/teve.officialYouTube: https://www.youtube.com/© 2024 TËVË1

Me datën 23 dhe 24 Maj, do te lexohen veprat e studentëve të vitit të II dhe III me mentor Prof. dr. Emin Emini dhe Prof. ass. Dituri Neziraj.

Me datën 23 Maj, do të lexohen veprat:

“KASAPHANE” dramatizim nga Valza Gashi , duke filluar nga ora 12:00;

“I HUAJI” dramatizim nga Elita Shala, duke filluar nga ora 13:00;

Kurse me datën 24 Maj, do të lexohen veprat:

“NË KËTË SHTËPI VEÇ HALLAKAMË BËHET” komedi autoriale nga Drenusha Mehmeti, duke filluar nga ora 12:00;

“KUSH KUJT?” komedi autoriale nga Euron Kadriu, duke filluar nga ora 13:00.

Veprat e studentëve do të lexohen në Teatrin e Fakultetit të Arteve.

Ju mirëpresim!

Me datën 16 dhe 17 Maj, do te lexohen veprat e studentëve të vitit të IV, me mentore Prof. dr. Seadet Beqiri.

Të Enjten, me datë 16 Maj do lexohen veprat:

“Agim në Muzg” nga Eneida Gjonbalaj, duke filluar nga ora 19:00;

“Në veturën e nusës nuk ka vend për të” nga Shkumbin Haxha, duke filluar nga ora 19:45.

Kurse të Premtën, me datë 17 Maj do lexohen veprat:

“Marrëveshja e fundit” nga Liridona Sopjani, duke filluar nga ora 19:00;

“Treqind e shtatë” nga Albin Kushnini, duke filluar nga ora 19:45.

Veprat e autorëve te ri do të lexohen në Teatrin e Fakultetit të Arteve.

Ju mirëpresim!

Të nderuar studentë,

Po e fillojmë vitin e ri akademik 2023/24.
Për këtë vit, bashkangjitur mund të gjeni vegëzen e orarit të ligjeratave.

Ju dëshirojmë shumë suksese!

https://docs.google.com/spreadsheets/u/2/d/1d4Y4xrOAfSM38jUvFMEGBFhNXQ9A9jY4/htmlview #

Orari ligjeratave (viti III) 2023 _ver 2.xlsx - Google Drive

Për profesorin - dramaturgun Haqif Mulliqi

1960 - 2023

Katedra e dramaturgjisë dje (më 25 Korrik 2023) humbi profesorin, dramaturgun, gazetarin dhe regjisorin e nderuar dhe shumë të dashur Prof. Dr. Haqif Mulliqi.

Prof. Dr. Haqif Mulliqi lindi në Pejë më 1960. Shkollimin fillor, të mesëm dhe studimet themelore i ka kryer në Prishtinë. Studimet mbi psikologjinë, me temë “Psikologjia e karaktereve në veprat ‘Hamleti’, ‘Makbethi’ dhe ‘Mbreti Lir’ të Uilliam Shekspirit” i ka kryer në Tiranë. Ka magistruar në Tetovë, në Fakultetin e Filologjisë të UShT-së, me temë “Tipa të dramës në Evropë dhe në Amerikë - nga Ibseni deri te klasikët e modernizmit, Beket dhe Jonesko”. Ka doktoruar në Qendren e Studimeve Albanologjike në Tiranë për antropologji të dramës dhe të teatrit me temë “Identiteti kombëtar në Kosovë përmes dramës dhe teatrit”.
Ishte profesor i rregullt në Universitetin e Prishtinës në Fakultetin e Arteve, ndërsa disa vite kishte punuar profesor në Universitetin e Arteve në Tiranë si dhe Universitetin Shtetëror të Tetovës, në të cilin kishte bashkëthemeluar disa katedra.
Prof. Mulliqi për shumë dekada ka qenë gazetar dhe botues gazetash, ka shkruar mbi 300 kritika, analiza, recenzione e punime te tjera teorike për dramën, filmin dhe teatrin. Ai ka inskenuar rreth 25 vepra dramatike në teatrot më te njohur shqiptarë dhe ka mare pjese, si autor dhe si regjisorë, në mbi 70 festivale të ndryshëm kombëtare dhe ndërkombëtare, në Edinburg (Skoci), Katmandu (Nepal) e deri në Kajro (Egjipt), ku dhe ka fituar shumë çmime.
Ka botuar më shumë se 20 drama, te cilat janë punuar në teatro të ndryshëm të botës. Dramat e tij janë përkthyer në, së paku, 12 gjuhë dhe për to janë shkruar shumë kritika dhe analiza nga kritikët më të shquar botërorë të dramës dhe teatrit.

Prof. Mulliqi la pas vetës krijimtari të gjerë, dramaturgji, gazetari e publicistikë, krijimtaria e pasur e Prof. Mulliqit, mbetet si udhërrëfyes për gjeneratat e ardhme. Prof. Mulliqi do të jetojë ndër ne përmes krijimtarisë së tij artistike, në veprat e tij të stërmbushura me momente, emocione dhe kujtime.

Mbledhja komemorative për nder të prof. Haqif Mulliqit do të mbahet të enjten, më 27 korrik 2023 në Bibliotekën Kombëtare nga ora 13:00, ndërsa ceremonia e varrimit do bëhet të njejtën ditë, nga ora 15:00 në varrezat e kryeqytetit.

Me dhimbje të madhe shprehim ngushëllimet më të sinqerta për familjen, kolegët, miqtë, studentët e gjithë dashamirët!

Pusho i qetë profesor!

Nesër nisin provimet pranuese në Universitetin e Prishtinës. 📝 Po i ndajmë me ju orarët e ditës së nesërme.

Suksese! 🤗

Fotografitë nga leximet skenike të vitit të tretë!

Me datë 11 Maj 2023, me fillim nga ora 18:00 deri me 20:00, në teatrin e Fakultetit të Arteve, janë shfaqur veprat e shkruara nga:

Albin Kushnini - “Kush e vrau kë?”,
Eneida Gjonbalaj - “Gjurmë” dhe
Shkumbin Haxha - “Varrmihësi”.

Punimet e studentëve të vitit të tretë me mentore Prof. Dr. Seadet Beqiri, të krijuara përgjatë vitit akademik 2022/23, janë shfaqur në skenë në formatin e leximit skenik.

Studentët e vitit të tretë, u vlerësuan nga profesorët prezent, gjithashtu edhe nga regjisorë, aktorë, pedagogë e studentë të fushës.