Klubi i Etikës

14/05/2026

📢 Thirrje për aplikim: Workshop & Ligjëratë mbi Etikën Digjitale dhe Sigurinë Kibernetike!
Klubi i Etikës, në kuadër të projektit “Etika Digjitale dhe Qytetaria Aktive: Fuqizimi i të Rinjve në Sigurinë Kibernetike dhe Proceset Vendimmarrëse”, organizon aktivitetin interaktiv: “Etika Digjitale dhe Siguria Kibernetike” 🛡️💻

Ky aktivitet synon të rrisë vetëdijen e studentëve mbi rëndësinë e etikës digjitale dhe përdorimit të sigurt të teknologjisë. Gjatë këtij sesioni, do të trajtohen çështje kyçe si sjellja e përgjegjshme në hapësirat online, mbrojtja e privatësisë dhe të dhënave, si dhe rreziqet kibernetike që vijnë nga mungesa e vetëdijes digjitale.

Përmes diskutimeve të moderuara dhe analizës së rasteve konkrete nga praktika, studentët do të kenë mundësi të reflektojnë mbi sjelljet e tyre në hapësirën digjitale dhe të zhvillojnë një qasje më kritike e të përgjegjshme ndaj mjedisit virtual.

📅 Data: 21 Maj 2026
👤 Ligjëruese: Donikë Qerimi
👥 Pjesëmarrja: Numri i pjesëmarrësve është i kufizuar.

Aplikimi është i hapur për të gjithë studentët e interesuar. Ju lutemi keni parasysh se vetëm kandidatët e përzgjedhur do të kontaktohen.

https://www.klubietikes.com/activities/thirrje-per-aplikim-workshop-ligjerate-mbi-etiken-digjitale-dhe-sigurine-kibernetike

🔗 Linku për aplikim:
https://docs.google.com/forms/d/10sg5UY2N-JNNdzmSCKQ5t5FMKWuq08DIs2OrlL_vZ3A/edit?usp=drivesdk&ouid=111140290845968992752&chromeless=1

Thirrje për studentë për workshop dhe ligjëratë mbi etikën digjitale, sigurinë kibernetike dhe përdorimin e përgjegjshëm të teknologjisë.

29/04/2026

Gjatë ditës së martë u mbajt me sukses workshopi me temë "Menaxhimi i Stresit Akademik", i organizuar nga Klubi i Etikës në kuadër të projektit “Mirëqenia dhe Zëri i Studentëve: Menaxhimi i Stresit Akademik përmes Aktivizmit dhe Pjesëmarrjes”.

Ky aktivitet u realizua me qëllim mbështetjen e studentëve në përballimin e sfidave të jetës universitare. Gjatë këtij workshopi, pjesëmarrësit patën mundësinë të përfshihen në diskutime mbi identifikimin e shkaqeve kryesore të stresit, sfidat personale në prag të afateve dhe teknikat praktike për përmirësimin e performancës akademike.

Atmosfera bashkëpunuese dhe ndarja e përvojave mes studentëve krijuan një ambient motivues për reflektim. Përveç pjesës teorike, sesioni u fokusua në gjetjen e zgjidhjeve konkrete për të ruajtur ekuilibrin mes studimeve dhe shëndetit mendor, duke nxitur frymën e përkrahjes reciproke.

Falënderojmë të gjithë pjesëmarrësit për angazhimin, sinqeritetin dhe kontributin e tyre aktiv në këtë diskutim. Ky projekt vazhdon të mbështesë rritjen e cilësisë dhe integritetit studentor përmes aktiviteteve që fuqizojnë studentët tanë në çdo hap.

https://www.klubietikes.com/activities/workshopi-menaxhimi-i-stresit-akademik

23/04/2026

Klubi i Etikës, në kuadër të projektit “Mirëqenia dhe Zëri i Studentëve: Menaxhimi i StresitAkademik përmes Aktivizmit dhe Pjesëmarrjes”, organizon workshop-in interaktiv: “Stresi Akademik & Teknikat Praktike”

Ky aktivitet trajton stresin akademik si një ndër sfidat më të përhapura në jetën studentore, duke e analizuar atë si në aspektin individual, ashtu edhe në raport me funksionimin e komunitetit universitar dhe përfshirjen e studentëve.

Përmes diskutimeve dhe bashkëpunimit, pjesëmarrësit do të kenë mundësi të ndajnë përvojat e tyre, të diskutojnë mbi rolin e aktivizmit studentor në mirëqenie dhe të kontribuojnë me ide për një ambient universitar më mbështetës dhe gjithëpërfshirës.

Data: 28 Prill
Ora: 11:30
Vendi: Salla D3 – Fakulteti Juridik

https://www.klubietikes.com/activities/workshop-interaktiv-stresi-akademik-teknikat-praktike

Aplikimi është i hapur për studentët e Universitetit të Prishtinës.

Linku për aplikim; https://forms.gle/xhMjxzYL4g4nmcsVA

Klubi i Etikës organizon workshop-in “Stresi Akademik & Teknikat Praktike” në kuadër të projektit mbi mirëqenien studentore.

09/04/2026

Me rastin e shënimit të Ditës së Kushtetutës së Republikës së Kosovës, Klubi i Etikës realizoi një tryezë diskutimi me fokus në rolin e Kushtetutës në ndërtimin e shtetit të së drejtës dhe zhvillimet demokratike në vend.

Panelist në këtë aktivitet ishte Arsim Bajrami, profesor dhe një ndër hartuesit e Kushtetutës së Republikës së Kosovës, i cili ofroi një perspektivë të thelluar mbi procesin kushtetues, sfidat aktuale dhe rëndësinë e funksionimit të institucioneve demokratike.

Tryeza u karakterizua nga një diskutim konstruktiv dhe ndërveprues, ku pjesëmarrësit kontribuan me pyetje dhe qëndrime kritike, duke e pasuruar debatin dhe duke forcuar kulturën e dialogut akademik.

Klubi i Etikës do të vazhdojë të angazhohet në organizimin e aktiviteteve që promovojnë mendimin kritik, dialogun dhe vetëdijen qytetare.

https://www.klubietikes.com/activities/tryeze-diskutimi-ne-nder-te-dites-se-kushtetutes-se-republikes-se-kosoves

06/04/2026

Tryezë Diskutimi | Dita e Kushtetutës së Republikës së Kosovës

Klubi i Etikës organizon një tryezë diskutimi me studentë, me rastin e shënimit të Ditës së Kushtetutës së Republikës së Kosovës.

Në këtë aktivitet do të marrë pjesë si i ftuar special Arsim Bajrami, i cili do të kontribuojë në diskutim për çështje të rëndësishme kushtetuese dhe zhvillimet demokratike në vend.

Data: 8 Prill
Ora: 12:00
Vendi: Salla e Senatit – Rektorati i Universitetit të Prishtinës

Temat e diskutimit:
-Roli i Kushtetutës në ndërtimin dhe funksionimin e shtetit të së drejtës
- Zhvillimet kushtetuese në Republikën e Kosovës
- Sfidat aktuale dhe perspektivat e demokracisë

Aktiviteti synon të krijojë një hapësirë të hapur dhe interaktive për shkëmbim idesh ndërmjet studentëve dhe ekspertëve.

Aktiviteti është i hapur për të gjithë studentët dhe të interesuarit.

https://www.klubietikes.com/activities/tryeze-diskutimi-dita-e-kushtetutes-se-republikes-se-kosoves

Linku për aplikim: https://forms.gle/FrhNsAL5s5f4bq3u8

Tryezë diskutimi për Ditën e Kushtetutës me studentë dhe ekspertë për çështje kushtetuese dhe demokracinë

18/12/2025

📌 Më datë 17.12.2025, Klubi i Etikës ka zhvilluar me sukses procesin e intervistimit për përzgjedhjen e anëtarëve të rinj.

Gjatë kësaj dite janë intervistuar studentë nga fakultete të ndryshme të Universitetit të Prishtinës, të cilët kanë shprehur interesim dhe motivim për t’u bërë pjesë e Klubit të Etikës, duke kontribuar në promovimin e integritetit, etikës akademike dhe përgjegjësisë në jetën universitare.

Procesi i intervistimit u karakterizua nga diskutime konstruktive, ide të vlefshme dhe angazhim serioz nga ana e kandidatëve, çka dëshmon interesimin në rritje të studentëve për çështjet që lidhen me cilësinë në arsim, luftimin e dukurive negative dhe forcimin e vlerave akademike.

Klubi i Etikës falënderon të gjithë aplikantët për pjesëmarrjen, kohën dhe përkushtimin e treguar gjatë këtij procesi. Rezultatet e përzgjedhjes do të komunikohen në ditët në vijim.

🧩 Së bashku po kontribuojmë në ndërtimin e një kulture akademike të bazuar në integritet, transparencë dhe etikë.

12/12/2025

Vizitë studimore në Gjykatën Kushtetuese – Klubi i Etikës
10 dhjetor 2025

Klubi i Etikës realizoi një vizitë studimore në Gjykatën Kushtetuese të Republikës së Kosovës, në kuadër të aktivitetit “Dita e Gjykatës së Hapur”, organizuar me rastin e Ditës Ndërkombëtare të të Drejtave të Njeriut. Në këtë vizitë morën pjesë studentë të ndarë në tri grupe.

Studentët u pritën nga Kryetari i Gjykatës Kushtetuese, z. Nexhmi Rexhepi, gjyqtarja znj. Remzije Istrefi-Peci, juriskonsultja znj. Suzana Krasniqi dhe këshilltari kushtetues-juridik, z. Bardh Bokshi.

Gjatë vizitës, pjesëmarrësit u informuan më gjerësisht rreth rëndësisë së Ditës Ndërkombëtare të të Drejtave të Njeriut, historikut dhe funksionimit të Gjykatës Kushtetuese, procesit të përzgjedhjes së gjyqtarëve kushtetues, palëve të autorizuara për parashtrimin e kërkesave, si dhe zbatimit të praktikës së Gjykatës Evropiane për të Drejtat e Njeriut në vendimet e Gjykatës Kushtetuese.

Studentët shprehën interesim të veçantë për të drejtën e individëve për t’iu drejtuar Gjykatës Kushtetuese, për rolin dhe mandatin e gjyqtarëve kushtetues dhe për dallimet midis Gjykatës Kushtetuese dhe gjykatave të tjera në vend.

Klubi i Etikës mbetet i përkushtuar në ofrimin e përvojave praktike dhe mundësive profesionale për studentët e Fakultetit Juridik.

25/11/2025

Sot u realizua vizita studimore në Kuvendin e Republikës së Kosovës, një aktivitet me rëndësi të veçantë për studentët që dëshirojnë të kuptojnë më nga afër funksionimin e institucioneve shtetërore dhe proceset ligjbërëse.

Gjatë vizitës, studentët u njohën me strukturën organizative të Kuvendit, hapësirat ku zhvillohen seancat dhe komisionet, si edhe me rolin që ky institucion ka në garantimin e transparencës dhe qeverisjes demokratike.

Një përvojë e vlefshme, që i afron studentët edhe më shumë me institucionet vendimmarrëse të vendit.

Falënderojmë stafin e Kuvendit për mikpritjen dhe bashkëpunimin si edhe studentët për pjesëmarrjen dhe angazhimin e tyre.

Klubi i Etikës do të vazhdojë të zhvillojë aktivitete dhe vizita të tjera me qëllim të krijimit të mundësive të reja për zhvillim akademik dhe profesional për studentët.

14/11/2025

THIRRJE PËR APLIKIM – VIZITË NË KUVENDIN E REPUBLIKËS SË KOSOVËS

Më 25 nëntor, nga ora 10:00 – 11:00, studentët e Universitetit të Prishtinës kanë mundësinë të njihen nga afër me funksionimin e Kuvendit, rolin e tij në proceset demokratike dhe punën që kryhet brenda institucionit më të lartë ligjvënës të vendit.

Kjo vizitë ka për qëllim të ofrojë njohuri të drejtpërdrejta mbi funksionimin e Kuvendit, rolin e tij në proceset demokratike dhe rëndësinë që ky institucion ka në jetën parlamentare të vendit.

Thirrja është e hapur deri më 20 nëntor.
Numri i pjesëmarrësve është i limituar.
Vlen vetëm për studentët e Universitetit të Prishtinës “Hasan Prishtina”.

📄 Apliko përmes formularit:
https://forms.gle/RP7oNoT9D2hNsKxw5

11/11/2025

📢 THIRRJE PËR APLIKIM – VIZITË STUDIMORE NË GJYKATËN KUSHTETUESE

Klubi i Etikës fton studentët e Universitetit të Prishtinës të aplikojnë për pjesëmarrje në një vizitë studimore në Gjykatën Kushtetuese të Republikës së Kosovës, që do të mbahet më 10 dhjetor 2025 në Prishtinë.

Kjo vizitë ka për qëllim të ofrojë një përvojë të drejtpërdrejtë mbi funksionimin e Gjykatës Kushtetuese dhe rëndësinë që ajo ka në ruajtjen e rendit kushtetues, interpretimin e ligjeve dhe mbrojtjen e të drejtave themelore të njeriut.
Studentët pjesëmarrës do të kenë mundësi të njihen nga afër me proceset e punës, organizimin institucional dhe rolin që ky institucion luan në forcimin e shtetit të së drejtës në Kosovë.

📅 Thirrja është e hapur deri më 30 nëntor 2025.

🔗 Apliko përmes formularit: https://docs.google.com/forms/d/1wGol7LIhazuFuw8Q0i65mcWdXKVFAO6KzO7GfuCyIm0/edit

📩 Pjesëmarrësit e përzgjedhur do të njoftohen përmes emailit.
Numri i pjesëmarrësve është i limituar.