Vehbi Zeqiri - Fondacioni për Lidership dhe Avancim Personal

05/11/2025

🎨 ‘Nëse dëshiron punëtorë KREATIVË, jepu mjaftueshëm kohë për të LUAJTUR.’ – John Cleese

Krijimtaria nuk lind nën presion, e as në orare të ngurta.

Ajo shfaqet kur mendja ndihet e lirë, kur njeriu lejohet të mendojë ndryshe, të eksperimentojë, të gabojë, dhe të qeshë me veten dhe procesin.

Punonjësit më kreativë nuk janë ata që punojnë më gjatë, por ata që kanë:
* hapësirë për frymëzim,
* kohë për reflektim, dhe
* mjedis ku ideja nuk gjykohet, por ushqehet.

‘Koha për të luajtur’ nuk do të thotë dembelizëm..., do të thotë:
* kohë për të menduar ‘jashtë kutisë’,
* për të rigjeneruar energjinë,
* për të parë botën me sy të freskët, etj.

Prandaj, nëse je lider, menaxher apo drejtues:

👉 Jepu punonjësve hapësirë për të qenë kreativ!

Kjo është rruga që çon drejt ideve të mëdha, inovacionit dhe lumturisë në punë.

Mesazhi.com Vehbi Zeqiri Tëvë

03/11/2025

🌿 Gjëja më e rëndësishme në komunikim është t’i dëgjosh ato që nuk thuhen. ✨

Kjo thënie nënkupton:

Komunikimi i vërtetë nuk qëndron vetëm në fjalë..., ..por në kuptimin, emocionin dhe ndjenjën që fshihet pas tyre

Të dëgjosh me zemër, jo vetëm me veshë..., kjo është urtësia e vërtetë

Mesazhi.com Vehbi Zeqiri

08/10/2025

✅ Flisni ashtu që të tjerët të dëshirojnë t’ju dëgjojnë

🎤 Fjala ka fuqi..., vetëm kur thuhet me art dhe vetëbesim

Nëse dëshiron të zhvillosh aftësinë për të folur me ndikim, për të frymëzuar audiencën tënde apo për ta përdorur zërin si mjet lidershipi, mund të më shkruash (mesazh privat apo email)

📢 Jam i hapur për trajnime, sesione praktike dhe fjalime motivuese që ndihmojnë individët, mësuesit, liderët, dhe organizatat të komunikojnë me ndikim dhe vetëbesim.

Të flasësh bukur nuk është talent, është aftësi që mund të mësohet. ✨
Nëse dëshiron të mësosh artin e të folurit me ndikim, je në vendin e duhur.

👉 Zëri yt ka fuqi, mëso si ta përdorësh për të frymëzuar të tjerët. 🎤

Mesazhi.com Vehbi Zeqiri

29/07/2025

🎙️ Një bisedë pozitive dhe ndryshe në ekran!
Fola për tema që na prekin të gjithëve – me sinqeritet, qartësi dhe shpresë.

📺 Shikoni paraqitjen time në RTV Dukagjini dhe bëhuni pjesë e këtij bashkëbisedimi përmes komenteve, sugjerimeve, dhe shpërndarjes me të tjerët që ngjall vetëdije dhe frymëzim.

Mesazhi.com

Të menduarit pozitivisht sa ndikon në marrjen e vendimeve?

05/07/2025

PLANETI po nxehet, por ZEMRAT po ftohen...

Ngrohja globale po rritet me ritme alarmante por, në të njëjtën kohë, po ftohet diçka më e rëndësishme – Marrëdhëniet Njerëzore.

Po kujdesemi për klimën e planetit (që është në rregull), por kemi harruar klimën mes nesh..., klimën e ZEMRËS, të SHPIRTIT dhe të LIDHJES me njëri-tjetrin.

Jemi bërë më të ndjeshëm ndaj motit ekstrem, por më të pandjeshëm ndaj ftohtësisë emocionale që përhapet në heshtje mes njerëzve.

Natyra po kërkon gjelbërim, por edhe zemra kërkon ngrohtësi, mirësi dhe afërsi.

Le ta mbrojmë natyrën njerëzore, me po aq përkushtim sa përpiqemi të mbrojmë planetin.

Sepse një botë e shëndetshme ka kuptim vetëm kur brenda saj jetojnë njerëz të shëndetshëm emocionalisht, të afërt dhe të kujdesshëm ndaj njëri-tjetrit.

Ta rikthejmë ngrohtësinë mes nesh, dhe ta freskojmë planetin që na mban. Ti dhe unë së bashku!

Mesazhi.com Tëvë Vehbi Zeqiri

30/06/2025

Liderët mund të lindin me disa predispozita, por bëhen liderë të vërtetë gjatë jetës.

Ja si ndahen të dyja anët:

Disa njerëz vijnë në jetë me:

* Karakter të fortë dhe vetëbesim të lindur
* Karizëm natyror
* Aftësi për të ndikuar të tjerët që në moshë të re
* Kuriozitet dhe iniciativë të lartë

Këto janë tipare që ndihmojnë për të qenë lider, por nuk mjaftojnë.

Lidershipi i vërtetë formohet:

* Përmes përvojës
* Përmes mësimit nga gabimet
* Përmes trajnimeve dhe zhvillimit personal
* Përmes sfidave që kërkojnë vendimmarrje dhe përgjegjësi

Studimet e fundit në neuro-shkencë dhe psikologji tregojnë se:
Aftësitë e lidershipit janë të zhvillueshme... si muskujt, sa më shumë të ushtrohen, aq më shumë forcohen.

Prandaj:
Lidershipi është një kombinim i asaj që ke me vete dhe asaj që ndërton mbi veten.

23/06/2025

‘ASETI’ më i çmuar i Familjes, Biznesit, dhe Vetes tënde..., je TI!

Kur fuqizon veten, fuqizon gjithçka rreth teje!
Prandaj kujdesu mirë për këtë ‘ASET’ të çmuar.

Në çdo familje që funksionon mirë, në çdo biznes që rritet me vlerë dhe në çdo jetë që ecën drejt përmbushjes, ka një element kyç: vetëdija, energjia dhe përkushtimi i individit.

Mos e nënvlerëso asnjëherë rolin tënd…, sepse TI je baza, shtylla, dhe pasuria më e madhe.

Investo në vetvete…, sepse nga TI nisin ndryshimet më të mëdha.

Investimi në vetvete është ‘tregti’ me fitim të sigurt.
Nëse nuk beson, pyete dikë që e ka provuar!

26/05/2025

🗣️ Të flasësh në publik është ART që buron nga ZEMRA… dhe prek zemrat.

Çdo fjalë që del nga goja jote mund:
✔️ të ngjallë shpresë,
✔️ të nxisë veprim,
✔️ të zgjojë vetëdijen, etj.

🎤 Fjalimi yt mund të jetë shkëndija që i ndryshon dikujt jetën.

Por për ta ndezur publikun..., së pari duhet të digjesh vetë nga pasioni!
🧡 Fol me shpirt.
🎯 Fol me qëllim.
🤍 Fol për t’i dhënë kuptim heshtjes së të tjerëve.
________________________________________
A je gati të bëhesh një zë që frymëzon dhe udhëheq?

📩 Më kontakto përmes email-it që e gjen te informacionet në Facebook — ose shkruaj një mesazh direkt.

Vehbi Zeqiri

24/05/2025

Katër fushat e jetës...

* Raportet tona me vetveten
* Raportet tona me të tjerët
* Të arriturat tona Profesionale
* Gjendja jonë Shpirtërore/ Spirituale

Angazhohu në të gjitha këto fusha gjatë jetës. Vetëm në këtë mënyrë do të jesh i përmbushur...

Mesazhi.com Tëvëvideo Vehbi Zeqiri

23/05/2025

‘Mos xhelozo për suksesin apo dashurinë që s’të takon. Mos ia shkakto vetes këtë dhimbje’

Xhelozia është një plagë që njeriu ia hap vetes!
Ajo lind kur zemra refuzon të pranojë REALITETIN.

Në fakt, nuk është suksesi i tjetrit që të lëndon, por është mungesa e PAQES me veten tënde.

Kur ti e kupton që çdo gjë që ‘nuk të takon’ është një barrë që nuk të përket..., atëherë fillon të lirohesh prej saj.

Ktheje FOKUSIN brenda vetes dhe jeto i lirë nga KRAHASIMI
Çfarë është e jotja, do të të gjejë..., kur je gati, por jo kur je xheloz

E di që ti që sapo e lexove e kupton shumë mirë këtë, përndryshe nuk do ta lexoje fare.

Të lumtë,

Mesazhi.com Tëvëvideo Vehbi Zeqiri