SHFMU “Emin Duraku” Prishtinë

31/08/2026

Viti i ri shkollor 2026/2027 – Një fillim i ri, një vizion i përbashkët

NESËR FILLON NJË TJETËR KAPITULL I HISTORISË SONË.

Pas një vere me shumë punë, përgatitje, sfida, ndryshime dhe përgjegjësi, nesër dyert e SHFMU “Emin Duraku” hapen përsëri për ata për të cilët ekziston kjo shkollë nxënësit tanë.

Ky nuk është thjesht fillimi i një viti të ri shkollor.
Është vazhdimi i një rrugëtimi të gjatë, në të cilin kemi mësuar se suksesi nuk vjen rastësisht ai ndërtohet me punë, përkushtim dhe besim.

Vitet e fundit na kanë sjellë shumë sfida. Kemi kaluar nëpër ndryshime, reforma, bashkime dhe riorganizime të mëdha. Kemi menaxhuar procese të ndërlikuara, kemi përballuar vështirësi dhe kemi marrë përgjegjësi që nuk kanë qenë gjithmonë të lehta.

Por, në vend që sfidat të na ndalnin, ato na bënë më të fortë.

Dhe rezultatet janë aty.

🏆 Suksese të nxënësve tanë në gara e olimpiada.
🏆 Arritje në sport, teknologji, matematikë dhe fusha të ndryshme.
🏫 Përmirësime të vazhdueshme në mjediset dhe kushtet e shkollës.
💻 Më shumë teknologji, pajisje dhe mundësi të reja për nxënësit.
🤝 Partneritete, donacione dhe mbështetje nga institucione, organizata, biznese dhe njerëz që besojnë te shkolla jonë.
❤️ Dhe mbi të gjitha, një komunitet shkollor që ka dëshmuar se kur bashkohemi, mund të bëjmë shumë.

Kemi kaluar edhe nëpër një reformë të madhe organizative, duke marrë përsipër një përgjegjësi edhe më të gjerë. Kjo ka sjellë sfida të reja, por edhe një mundësi të jashtëzakonshme për të ndërtuar një shkollë më të organizuar, më moderne dhe më gjithëpërfshirëse.

Por rrugëtimi ynë nuk përfundon këtu.

Përkundrazi.

Nesër fillojmë përsëri.
Me objektiva të reja.
Me përgjegjësi të reja.
Me ide të reja.
Me sfida të reja.
Dhe, mbi të gjitha, me besimin se mund të bëjmë edhe më shumë.

🙏Për nxënësit që nesër hyjnë për herë të parë në klasat tona – mirë se vini!

🙏Për nxënësit tanë që rikthehen – mirë se u gjetëm përsëri!

🙏Për mësimdhënësit tanë – ju uroj një vit me energji, durim dhe shumë suksese.

👏Për prindërit faleminderit për besimin dhe bashkëpunimin. Shkolla dhe familja janë më të fuqishme kur ecin në të njëjtin drejtim.

E ndërsa nesër në mëngjes zërat e fëmijëve do t’i rikthehen korridoreve tona, le ta kujtojmë një gjë:

Ne nuk hapim vetëm dyert e një shkolle.
Ne hapim dyert e mundësive.
Ne nuk ndërtojmë vetëm një vit shkollor.
Ne ndërtojmë të ardhmen e fëmijëve tanë.

Viti i ri shkollor 2026/2027 – le të jetë viti i punës, dijes, suksesit dhe një tjetër kapitulli të bukur për Shkollën tonë“Emin Duraku”.

Mirë se vini në shtëpinë e dijes!
Mirë se vini në shkollën tuaj❤️

28/08/2026

NJOFTIM PËR PRINDËR

Të nderuar prindër,

Ju njoftojmë se ka filluar procesi i daljes së mjeteve për blerjen e teksteve shkollore për vitin shkollor 2026/2027.

Për lehtësimin e procesit, po e ritheksojmë listën e librave për secilën klasë, të cilën ua kemi përcjellë edhe më herët në grupet e prindërve.

Ju lutemi ta konsultoni listën dhe të siguroheni që blerja e teksteve të bëhet sipas saj.

Nga Drejtoria e Shkollës

18/08/2026

SHFMU “Emin Duraku” Prishtinë

17/08/2026

🎶 Talenti ynë që po shkëlqen!

Në këto ditë pushimi vere, le t’i japim pak hapësirë një zëri që na bën krenarë. ❤️

🎤 Jana Plana, nxënësja jonë, ka publikuar këngën e saj të re., Ju ftojmë ta dëgjoni, ta përkrahni dhe ta duartrokasim së bashku talentin e saj! 👏🎶

Suksese Jana! Shkolla është krenare me ty! ❤️

Jana Pllana - SonteMUSIC & PRODUCED: BIGDEAL RECORDSMIX & MASTER:...

28/07/2026

Hapet aplikimi për subvencionimin e teksteve dhe materialeve shkollore

Nga sot, më 27 korrik, hapet aplikimi për subvencionimin e teksteve dhe materialeve shkollore për nxënësit e arsimit fillor të ulët dhe të mesëm të ulët (klasat 1–9).

Ministria e Arsimit dhe Shkencës njofton të gjithë prindërit dhe kujdestarët se aplikimi do të realizohet përmes platformës eKosova dhe do të jetë i hapur për një periudhë prej dy javësh: 27 korrik – 9 gusht 2026.

Subvencionimi përfshin blerjen e teksteve dhe materialeve shkollore për nxënësit e arsimit fillor të ulët dhe të mesëm të ulët (klasat 1–9).

Mjetet financiare do të transferohen drejtpërdrejt në xhirollogarinë bankare të prindit/aplikuesit.

Para se të aplikoni, ju lutemi sigurohuni që:
– xhirollogaria juaj bankare është aktive dhe e saktë;
– të dhënat tuaja në eKosova janë të përditësuara.

Aplikimi do t’u mundësohet edhe shtetasve të huaj me leje qëndrimi të përkohshme ose të përhershme në Republikën e Kosovës, fëmijët e të cilëve vijojnë mësimin në institucionet arsimore të Republikës së Kosovës.

Për shtetasit e huaj që ende nuk posedojnë leje qëndrimi, por kanë fëmijë të regjistruar në shkolla të Republikës së Kosovës, MASH do t’ia dorëzojë ASHI-së listën e këtyre rasteve me qëllim të krijimit të qasjes në eKosova për aplikim.

Dokumentet për këtë kategori do të dorëzohen me email në adresën: [email protected]

Linku për aplikim:
1. https://rks-gov.net/469 – APLIKIM – (Klasat 1 deri 5)
2. https://rks-gov.net/471 – APLIKIM – (Klasat 6 deri 9)

Shënim i rëndësishëm: Në përputhje me Udhëzimin Administrativ të MASH-it nr. 13/2016 për pajisjen e nxënësve me tekste shkollore, përdorimin dhe ruajtjen e tyre, nxënësit dhe prindërit janë përgjegjës për ruajtjen e teksteve shkollore. Në përfundim të vitit mësimor, tekstet duhet të kthehen në shkollë në gjendje të rregullt.

Në rast se tekstet dëmtohen me dashje, nga pakujdesia ose humbin, prindi është i obliguar t’i zëvendësojë ose t’i kompensojë ato. Dorëzimi i teksteve bëhet te kujdestari i klasës në fund të vitit mësimor.

Të gjitha aplikimet do të verifikohen nga shkollat përkatëse përmes koordinatorëve të autorizuar.

Për çdo paqartësi lidhur me aplikimin, të interesuarit mund të drejtohen në adresën e emailit ose në numrin e telefonit të paraqitur më poshtë:

[email protected]
Tel: +383 (0) 38 200 65 049

I urojmë të gjithë nxënësve një vit të mbarë shkollor dhe shumë suksese në mësime!

___________________________________

Otvoreno prijavljivanje za subvencionisanje udžbenika i školskog materijala

Od danas, 27. jula, otvara se prijavljivanje za subvencionisanje udžbenika i školskog materijala za učenike nižeg osnovnog i nižeg srednjeg obrazovanja (1–9. razred).

Ministarstvo obrazovanja i nauke obaveštava sve roditelje i staratelje da će se prijavljivanje vršiti putem platforme eKosova i da će biti otvoreno u periodu od dve nedelje: 27. jul – 9. avgust 2026. godine.

Subvencionisanje obuhvata kupovinu udžbenika i školskog materijala za učenike nižeg osnovnog i nižeg srednjeg obrazovanja (1–9. razred).

Finansijska sredstva biće prebačena direktno na bankovni račun roditelja/podnosioca prijave.

Pre nego što se prijavite, molimo vas da se uverite:

da je vaš bankovni račun aktivan i tačan;
da su vaši podaci na eKosova ažurirani.
Prijavljivanje će biti omogućeno i stranim državljanima sa privremenom ili stalnom dozvolom boravka u Republici Kosovo, čija deca pohađaju nastavu u obrazovnim ustanovama Republike Kosovo.

Za strane državljane koji još uvek nemaju dozvolu boravka, ali imaju decu upisanu u škole u Republici Kosovo, MON će dostaviti ASI-ju (Agenciji za informaciono društvo) listu ovih slučajeva kako bi im se omogućio pristup platformi eKosova za prijavu.

Dokumenti za ovu kategoriju šalju se imejlom na adresu: [email protected]

Link za prijavu:

https://rks-gov.net/469 – PRIJAVA – (1. do 5. razred)
https://rks-gov.net/471 – PRIJAVA – (6. do 9. razred)

Važna napomena: U skladu sa Administrativnim uputstvom MON-a br. 13/2016 o opremanju učenika udžbenicima, njihovoj upotrebi i čuvanju, učenici i roditelji su odgovorni za čuvanje udžbenika. Na kraju školske godine, udžbenici se moraju vratiti u školu u urednom stanju.

U slučaju da se udžbenici namerno ili iz nepažnje oštete ili izgube, roditelj je dužan da ih zameni ili nadoknadi. Predaja udžbenika vrši se kod razrednog starešine na kraju školske godine.

Sve prijave će verifikovati nadležne škole preko ovlašćenih koordinatora.

Za sve nedoumice u vezi sa prijavom, zainteresovani se mogu obratiti na imejl adresu ili broj telefona naveden u nastavku:

[email protected]

Tel: +383 (0) 38 200 65 049

Želimo svim učenicima uspešnu školsku godinu i mnogo uspeha u učenju!

___________________________________

Applications Open for the Subsidization of School Textbooks and Materials

Starting today, July 27, applications are open for the subsidization of textbooks and school materials for students in primary and lower secondary education (grades 1–9).

The Ministry of Education and Science informs all parents and guardians that applications will be submitted through the eKosova platform and will remain open for a period of two weeks, from July 27 to August 9, 2026.

The subsidy covers the purchase of textbooks and school materials for students in primary and lower secondary education (grades 1–9).

The financial assistance will be transferred directly to the parent’s/applicant’s bank account.

Before applying, please make sure that:

Your bank account is active and the information provided is correct;
Your personal information on eKosova is up to date.
Applications will also be available to foreign citizens holding temporary or permanent residence permits in the Republic of Kosovo, whose children attend educational institutions in the Republic of Kosovo.

or foreign citizens who do not yet have a residence permit but have children enrolled in schools in the Republic of Kosovo, the Ministry of Education and Science (MASH) will submit a list of these cases to the Agency for Information Society (ASHI) in order to enable access to eKosova for the purpose of applying.

Documents for this category should be submitted by email to: [email protected]

Application links:

https://rks-gov.net/469 – APPLICATION – (Grades 1 to 5)
https://rks-gov.net/471 – APPLICATION – (Grades 6 to 9)

Important note: In accordance with MASH Administrative Instruction No. 13/2016 on the provision, use, and preservation of school textbooks, students and parents are responsible for taking proper care of the textbooks. At the end of the school year, textbooks must be returned to the school in good condition.

If textbooks are intentionally damaged, damaged due to negligence, or lost, the parent is obliged to replace or compensate for them. Textbooks should be returned to the class teacher at the end of the school year.

All applications will be verified by the respective schools through authorized coordinators.

For any questions or concerns regarding the application process, interested parties may contact the following email address or telephone number:

Email: [email protected]
Tel: +383 (0) 38 200 65 049

We wish all students a successful school year and much success in their studies!

07/07/2026

NJË GJENERATË E ARTË, NJË SHKOLLË QË PO RRITET, NJË MBRËMJE QË DO TË MBAHET MEND!

Ka mbrëmje që nuk përshkruhen me fotografi,Ka momente që nuk maten me numrin e të pranishmëve. Ka ngjarje që tregojnë se puna e palodhshme, vizioni dhe përkushtimi ndërtojnë diçka shumë më të madhe se një ceremoni.

Mbrëm, oborri i SHFMU “Emin Duraku” u mbush me semimaturantë, prindër, familjarë, qytetarë dhe miq të shkollës sonë, duke e shndërruar ceremoninë solemne të diplomimit në një festë të të gjithë komunitetit.

Prania e jashtëzakonshme e qytetarëve ishte dëshmia më e bukur se puna e bërë me përkushtim vlerësohet dhe se shkolla jonë vazhdon të jetë një nga institucionet arsimore më të vlerësuara në kryeqytet.

Në këtë mbrëmje të veçantë, semimaturantëve iu drejtuan me fjalë frymëzuese Drejtori i shkollës, Visar Osmani, Koordinatori i Cilësisë, Nuhi Dema, Kryetari i Këshillit të Arsimtarëve, Sadik Vitia, ndërsa mesazhe urimi përcollën edhe Kryetari i Komunës së Prishtinës, Përparim Rama, si dhe Drejtoria Komunale e Arsimit.

Në fjalët e tyre u vlerësuan rrugëtimi i shkollës, sfidat e përballuara, rezultatet e arritura dhe puna e jashtëzakonshme e mësimdhënësve, nxënësve dhe prindërve.
U theksua se çdo sukses është fryt i bashkëpunimit, përkushtimit dhe përgjegjësisë së përbashkët.

Në fjalën e tij, Drejtori i shkollës ritheksoi zotimin se SHFMU “Emin Duraku” nuk do të ndalet këtu.
Ai prezantoi vizionin për projekte të reja, risi në procesin mësimor, investime të mëtejshme dhe synimin që rezultatet e nxënësve tanë të jenë edhe më të larta në vitet që vijnë.

Ky vit dëshmoi se SHFMU “Emin Duraku” po rritet çdo ditë. Jo vetëm në numër, por mbi të gjitha në cilësi, organizim dhe rezultate.
Në një kohë shumë të shkurtër kemi treguar se jemi të gatshëm të përballemi me çdo sfidë dhe ta shndërrojmë atë në një mundësi për zhvillim.

Rezultatet në mësim, sport, kulturë, teknologji, partneritetet me institucionet dhe bashkëpunimi i shkëlqyer me prindërit dëshmojnë se rruga që kemi zgjedhur është rruga e suksesit.

Kjo është Gjenerata e Artë e SHFMU “Emin Duraku”.

Një gjeneratë që do të kujtohet për sukseset, disiplinën, karakterin dhe vlerat që përfaqëson.
Ju jeni krenaria jonë dhe ambasadorët më të mirë të shkollës sonë.

Një falënderim i veçantë shkon për çdo mësimdhënës, kujdestar klase, punëtor administrativ dhe teknik. Me profesionalizmin, përkushtimin dhe sakrificën tuaj, keni ndërtuar një histori suksesi që sot e gëzojnë të gjithë.

Mirënjohje të sinqertë edhe për prindërit, të cilët kanë qenë partnerët tanë më të rëndësishëm në edukimin dhe formimin e fëmijëve.

Falenderime të veqanta Kryeqyteti Prishtina dheDrejtoria e Arsimit për përkrahje té vazhdueshme!

Interesimi gjithnjë e më i madh për t’u bërë pjesë e SHFMU “Emin Duraku” është nder dhe motivim për të vazhduar të punojmë edhe më shumë.

Ne nuk matemi me premtime.

Ne matemi me punë, me përgjegjësi dhe me rezultate.

Dhe mbrëm, Prishtina dha një mesazh të qartë: kur një shkollë udhëhiqet me vizion, mbështetet nga një staf i jashtëzakonshëm dhe ndërton partneritet të sinqertë me familjet, ajo bëhet një pikë referimi për arsimin.

❤️ Faleminderit të gjithë atyre që ishin pjesë e kësaj mbrëmjeje të paharrueshme.

🎓 Urime Gjeneratës së Artë 2026! Rrugëtimi juaj sapo ka filluar dhe SHFMU “Emin Duraku” do të mbetet gjithmonë shtëpia juaj e dijes.

28/06/2026

🏫✨ Me sukses u përmbyll sesioni i fundit në kuadër të implementimit të metodologjisë “Lëvizje, Lojëra, Sport dhe Kreativitet” në shkollën tonë.

🤸‍♀️⚽ Gjatë javëve të fundit, nxënësit e klasës së 6-të morën pjesë me shumë entuziazëm në një sërë aktivitetesh të bazuara në lojë, lëvizje, kreativitet dhe bashkëpunim, të udhëhequra nga mësimdhënësja e Edukatës Fizike, Diellza Dragusha.

-Aktivitetet u realizuan sipas metodologjisë së përfituar nga trajnimi i organizatës Terre des Hommes, në kuadër të projektit “Unity in Care”, bashkëfinancuar nga 🇪🇺 Bashkimi Evropian. Përmes tyre, nxënësit zhvilluan aftësi sociale, komunikim, punë në ekip dhe forcuan mirëqenien e tyre mendore dhe psikosociale përmes lëvizjes dhe kreativitetit.

🤝Ky sesion shënon përmbylljen me sukses të ciklit të aktiviteteve të realizuara në partneritet me Terre des Hommes, një bashkëpunim i vlefshëm që vazhdon të japë ndikim pozitiv në zhvillimin dhe mirëqenien e fëmijëve tanë.

📸 Ju sjellim disa momente nga sesioni përmbyllës, ku buzëqeshja, energjia dhe bashkëpunimi i nxënësve dëshmojnë më së miri suksesin e këtij projekti.

🌟 Fakti që shkolla jonë është vazhdimisht pjesë e projekteve të rëndësishme vendore dhe ndërkombëtare nuk është rastësi. Ai është rezultat i seriozitetit, përkushtimit, zbatimit me përgjegjësi të çdo aktiviteti dhe qëndrueshmërisë që kemi dëshmuar ndër vite. Pikërisht ky besim i ndërtuar me partnerët tanë na mundëson të vazhdojmë të sjellim mundësi të reja dhe përvoja të vlefshme për nxënësit tanë.
SHFMU “Emin Duraku” Prishtinë

22/06/2026

🥈 Vendi i Dytë në nivel komunal!

Me rastin e manifestimit “Në Ritmin e Prishtinës”, ekipi i vajzave të shkollës sonë u rendit në vendin e dytë në Turneun Komunal të Futbollit, të organizuar nga Komuna e Prishtinës përmes Drejtorisë së Kulturës dhe Sportit.

Urime të gjitha vajzave për angazhimin, disiplinën dhe shpirtin garues që treguan gjatë gjithë turneut. Ju na bëtë krenarë me paraqitjen dhe suksesin tuaj.

Një falënderim i veçantë shkon për mësimdhënësen e Edukatës Fizike, Diellza Dragusha, për përkushtimin, punën dhe mbështetjen e vazhdueshme ndaj nxënëseve tona.

Vazhdojmë të promovojmë sportin, talentin dhe suksesin e të rinjve tanë! ⚽🏆👏

16/06/2026

🇺🇸 Gjithmonë pranë miqve tanë nga SHBA!

Nxënësit e shkollës sonë zhvilluan një vizitë të veçantë në American Corner Pristina, duke marrë pjesë në aktivitetet e “Americana Fest 2026 – Experience America”.

Gjatë tri ditëve, ata patën mundësinë të njihen nga afër me inovacionin, teknologjinë, kulturën dhe mundësitë arsimore që ofron Amerika. Nga sesioni interaktiv “American Innovation: From NASA to AI”, ku ndërtuan raketa letre dhe eksploruan botën e inovacionit, te panairi me aktivitete STEM, këshillim arsimor, punëtori krijuese dhe takime me pjesëmarrës të programit Fulbright, çdo aktivitet ishte një përvojë e vlefshme mësimore.

Vizita u përmbyll me punëtorinë e dizajnit dhe printimit 3D, ku nxënësit shfaqën kreativitetin e tyre duke realizuar projekte të frymëzuara nga simbolet dhe kultura amerikane.

Ky bashkëpunim i shkëlqyer vjen si rezultat i angazhimit shembullor dhe përkushtimit të vazhdueshëm të mësimdhënëses sonë të gjuhës angleze, Krenare Basha, e cila po krijon ura të fuqishme bashkëpunimi dhe mundësi të reja zhvillimi për nxënësit tanë.

Falënderojmë American Corner Pristina për mikpritjen dhe mundësinë që nxënësit tanë të mësojnë, të krijojnë dhe të frymëzohen përmes përvojave moderne dhe bashkëkohore, duke forcuar edhe më tej lidhjet e shkollës sonë me partnerët dhe miqtë tanë nga Shtetet e Bashkuara të Amerikës. 🇺🇸