13/01/2024
DEPARTAMENTI I TË RINJVË- KBI PODUJEVË
Raport për aktivitetet gjatë vitit 2023.
Ndër aktivitetet më të rëndësishme ishin kurset e mësim besimit me grupmosha të ndryshme.
Kursin e rregullt të mësim- besimit e kemi filluar me 25.03.2023 dhe kemi mbajtur çdo jave përveç ndonjë urgjence, apo pamundësie për të mbajtur mësim.
Rreth 33-35 javë- orë mësimi, deri me datën 12 Janar 2024 kur edhe përfunduam ciklin e parë të mësimit.
Në kursin e rregullt kanë prezentuar deri 25 nxënës, prej tyre më të rregullt rreth 15 nxënës.
Gjate stinës verore, kemi mbajtur edhe kursin intensiv.
Nga 17.07.2023 deri 17.08.2023
18 ditë mësimi, me dy grupe, grupin fillestar dhe atë të avancuar. Numri i pjesmarrësve në kursin intensiv ka arritur deri 35. Më të rregullt nga ta ishin rreth 20 prej tyre.
* Kemi mbajtur disa teste-provime, me të gjitha grupet.
* Kemi marrë pjesë në garat e diturisë, me grupin e rregullt të mësim-besimit
* Kemi mbajtur aktivitete rekreative të ndryshme me nxënësit.
* Nxënësit kanë pasur planprogramin ditor të tyre, në të cilin kanë mbajtur evidenc për mësimet dhe adhurimet e tyre.
Niveli i nxënësve ka qenë i ndryshëm, kanë prezantuar nxënës nga mosha 7 vjeç deri në moshën 16 vjeç.
Ka pasur nga ata që kursin kanë filluar duke mos ditur as shehadetin, ndërsa shumë të tjerë kanë ditur sure më pak se gishtat e dorës.
Elhamdulilah niveli i tyre është përmisuar dukshëm.
Secili nxënës ka pasur avancim, ngritje të dijes së tyre. Duke filluar nga ata që mësonin më pak rreth 40%, deri tek pjesa më e madhe e nxënësve që kanë përvetsuar rreth 95% të planprogramit për nivelin e parë.
Koncentrimi ynë maksimal ka qenë në mësimin e edukatës dhe përmisimin e sjelljeve të secilit nxënës, duke i pregaditur ata që të jenë të gatshëm për sfidat jetësore të tyre.
Gjatë muajit Ramazan kemi pasur edhe grupin e të rriturve ku kemi mbajtur gati çdo ditë mësim të shkronjave dhe rregullave për leximin e Kuranit.
Numri i nxënësve të cilët kanë përfunduar elifin, dhe kanë filluar leximin e Kuranit, kalon numrin 5.
Duke theksuar se po aq janë në fazën e fundit për të filluar leximin e Kuranit.
Si departament i të Rinjve në kordinim me departamentin e gruas, kemi organizuar garat e dituris në nivelin lokal, për xhamitë e Podujevës. Pjesmarrja ishte dukshëm më e madhe se sa garat e viteve të kaluara. Një gara shumë e ngjeshur, me pregaditje të madhe nga të gjitha grupet.
Si departament i të Rinjve, përveç angazhimit maksimal me grupet e ndryshme të mësim besimit, kemi pasur edhe aktivitetin e dhuratës së Kurban Bajramit, në bashkpunim me shoqatën Bereqeti- dega Podujevë, ku kemi pajisur gati çdo nxënës të mësim besimit në xhamit e Llapit me dhurata.
Poashtu për nder të festës së Kurban Bajramit, së bashku me Shoqatën Humanitare "Tradita" organizuam një aktivitet festiv;
ku në sheshin e qytetit të Podujevës u bë shpërndarje e bakllavas, ujit dhe fletushka për vlerën e ditës më të mirë të vitit - ditës së Arafatit -.
Kurora e të gjithë aktiviteteve është përpilimi- shkrimi i një libërthi- doracaku, për faljen e namazit, ku në të nxënësi do të gjejë njohuri elementare të fesë Islame, do ta mësoj abdesin, si dhe në formë të detajuar faljen e namazit, i cili është në procedurat përfundimtare të shtypjes- botimit.
Falenderim të veqant për të gjithë ata që na përkrahën në çfarëdo mënyre në aktivitetet tona.
Falenderim të veqant për kryetarin e KBI - Podujevë, Mr. Mensur ef. Hoti, i cili ishte ndër përkrahësit më të mëdhenj për aktivitetet tona...
Duke mos u mjaftuar me atë që kemi bërë deri tani, viti 2024 me lejen e Allahut do të jetë vitë i angazhimeve dhe aktiviteteve të ndryshme me të rinjtë e qytetit të Podujevës. In sha Allah.
Me respekt dhe dashuri:
Florent Restelica
Përgjegjës për Departamentin e të Rinjve - KBI Podujevë
13.01.2024