Departamenti i Antropologjisë / UP

👏👏

🎙️ Ju ftojmë të ndiqni intervistën e kolegut tonë, Prof. Ass. Tahir Latifi, mbi ndryshimet që po përjeton familja në shoqërinë bashkëkohore.

Intervista trajton tema të rëndësishme si ndryshimet në familje, ndryshimet demografike - rënia e shkallës së natalitetit, migrimi, kujdesi ndaj të moshuarve...

📺 Ju ftojmë ta ndiqni dhe të njiheni me perspektivën antropologjike mbi këto zhvillime që po ndikojnë drejtpërdrejt në jetën tonë të përditshme.

🎥 Ju ftojmë ta ndiqni intervistën e Prof. Britney Kyle nga University of Northern Colorado 🇺🇸, e cila qëndroi për pesë javë në Institutin e Antropologjisë të Universitetit të Prishtinës (IAUP), në kuadër të Programit Fulbright Specialist.

🎙️ Në këtë intervistë, të realizuar nga RTV Dukagjini, Prof. Kyle flet më në detaje për marrëdhëniet ndërmjet ilirëve dhe kolonëve grekë në Apoloni dhe zonat përreth saj, duke ofruar një këndvështrim të bazuar në kërkimet bashkëkohore. Gjithashtu, ajo shpjegon konceptet themelore të antropologjisë biologjike, rëndësinë e kësaj disipline në studimin e së kaluarës njerëzore dhe potencialin për zhvillimin e saj edhe në Kosovë.

📺 Ju ftojmë ta ndiqni intervistën në linkun e bashkëngjitur! 👇

E vërteta shkencore për Ilirët dhe kolonët grekë - Dosja Historike E vërteta shkencore për Ilirët dhe kolonët grekë - Dosja Historike...

Pjesëmarrje në punëtorinë në European University Viadrina

Gjatë kësaj jave, në kuadër të programit për shkëmbim ERASMUS+, profesorët e Departamentit të Antropologjisë, Arsim Canolli, Lumnije Kadriu, Zanita Halimi dhe Tahir Latifi, bashkë me kolegë nga Departamenti i Sociologjisë, studiues nga universitete dhe institute të ndryshme evropiane, prezantuan studimet e tyre në punëtorinë me temë "Uneven temporalities in Kosova and beyond: Waiting, moving, and future-making at Europe’s semi-periphery," në Euoropean University Viadrina, Frankfurt Oder, Gjermani

Prof. Canolli prezantoi temën - Waiting for Justice, Remembering the Massacred Dead, Making the Future: Uneven Temporalities in Post-War Kosova
Prof. Kadriu - Return Migration, Temporality, and (Non-)Agency among Rural Women in Kosova
Prof. Halimi - A1 or B2: Learning the German Language as a Project for the Future in Kosova - An Anthropological Analysis of Temporality
Prof. Latifi - Caring in Transition: Temporality of Moral Expectations vs. Lived Realities in Post-War Kosova

Falënderojmë gjithë kolegët për kontributet shumë të rëndësishme në prezantimet e studimeve të tyre, diskutimet dhe komentet mjaft produktive në punëtorisë!
Një falënderim i veçantë për kolegen tonë, prof. Carolin Leutloff-Grandits, nikoqire dhe organizatore e punëtorisë!

🌄 Ekspedita e Departamentit të Antropologjisë 🥾
🏔️ Maja e Oshlakut (2.213 m), Malet e Sharrit 🌿✨

Kosova Anthropologica 👏👏

Revista Kosova Anthropologica avancon në ruajtjen ndërkombëtare digjitale të përmbajtjes shkencore

Kosova Anthropologica është konfiguruar plotësisht në DOAJ për të filluar ruajtjen afatgjate të përmbajtjes së saj përmes CLOCKSS, në kuadër të iniciativës ndërkombëtare JASPER.

Ky është një hap i rëndësishëm për forcimin e cilësisë, qëndrueshmërisë dhe dukshmërisë ndërkombëtare të botimeve shkencore të Universitetit të Prishtinës. Ruajtja digjitale nëpërmjet CLOCKSS siguron që artikujt dhe përmbajtja shkencore e revistës të arkivohen në mënyrë të sigurt dhe të mbeten të qasshme për studiuesit, studentët dhe publikun edhe në të ardhmen.

„Ky zhvillim e afron më tej Kosova Anthropologica me standardet ndërkombëtare të botimit me qasje të hapur (Diamond Open Access) dhe përforcon përkushtimin e Universitetit të Prishtinës për zhvillimin e botimeve akademike cilësore, të qëndrueshme dhe të integruara në infrastrukturat globale të dijes”, tha kryeredaktori i revistës, prof. Arsim Canolli.

Universiteti i Prishtinës falënderon DOAJ-in dhe JASPER-in për mbështetjen në këtë proces, si dhe ekipin editorial të Kosova Anthropologica për punën e vazhdueshme në ngritjen e standardeve të revistës.

Kosova Anthopologica që nga themelimi është përfshirë në rrjete të shumta evropiane dhe botërore të revistave me qasje të hapur, duke rritur praninë ndërkombëtare dhe rrjetëzimin.

https://uni-pr.edu/page.aspx?id=1,38,3916

Dear students and colleagues,

The Department of Anthropology has published the Student Handbook 2026-2028, where you can read about the Department, the BA and MA study programmes, projects, research and academic exchange opportunities, and other relevant information.

This handbook is intended as an orientation point for new students, but also as a useful resource for all our students throughout their university journey.

📎 You can find the handbook here:

https://filozofiku.uni-pr.edu/desk/inc/media/88929674-EE9A-4FFC-8E80-9EB1B6324EEF.pdf

Best wishes
DA

Të dashur studentë,

Departamenti i Antropologjisë ka nxjerrë doracakun apo udhëzuesin për studentë, ku mund të lexoni për Departamentin, programet e studimit BA dhe MA, për projektet, mundësitë e hulumtimit dhe shkëmbimit akademik dhe informacione të tjera relevante.

Ky doracak është menduar si një pikë orientimi për studentët e rinj, por edhe si një burim i dobishëm për të gjithë studentët tanë gjatë rrugëtimit të tyre universitar.

📎 Doracakun mund ta gjeni këtu:

https://filozofiku.uni-pr.edu/desk/inc/media/C9505686-9192-4B85-9D91-CF0E909442B3.pdf

Mirë se vini në Departamentin e Antropologjisë dhe suksese në studime!

Një intervistë e prof. Ukë Xhemajt, i cili ka qenë profesor në Departamentin e Antropologjisë që nga themelimi 2001, deri në vitin 2019.

Ukë Xhemaj | PRIZMA me Dritan Dragushën | T7 Ukë Xhemaj | PRIZMA me Dritan Dragushën | T7Facebook: https://www...

Sot, Fakulteti Filozofik, salla 127, 16:00-17:00h.

Ligjërata është e hapur. Ju mirëpresim!

Seminari i Antropologjisë

"Rrëfime të përditshmërisë: Kujtesa e humbjes së fëmijëve të zhdukur në Kosovën e pasluftës" - kjo është tema e ligjëratës së radhës në kuadër të Seminarit të Antropologjisë.
Kjo temë do të prezantohet nga Dr. Rozafa Berisha, ligjëruese në Departamentin e Antropologjisë, Fakulteti Filozofik, Universiteti i Prishtinës, si dhe hulumtuese në Universitetin e Utrecht-it.

Ligjërata do të mbahet më 28.05.2026
Vendi: Fakulteti Filozofik, salla 127
Ora: 16:00-17:00
Ligjërata është e hapur. Ju mirëpresim!