O ju njerëz

O Zoti im, më bëj të paluhatshëm në fenë Tënde, ma mbush zemrën me siguri për premtimet e Tua, më siguro në këtë botë nga sherri i vetes sime dhe nga sherri i të tjerëve, dhe më jep siguri në momentet e vdekjes dhe në Ditën e Gjykimit.

Err-Rrahman: 60

هَلْ جَزَآءُ ٱلْإِحْسَـٰنِ إِلَّا ٱلْإِحْسَـٰنُ

“A nuk është shpërblimi i veprës së mirë veçse e mira?! Atëherë, cilën të mirë të Zotit tuaj po e mohoni?” – A ka shpërblim tjetër, veç mirësive të mëdha, për ata që janë bamirës, duke kryer adhurimin ndaj Zotit dhe duke qenë të dobishëm ndaj krijesave të Zotit?! Sigurisht, këtyre u premtohet shpërblim i madh, sukses në çdo të mirë dhe ruajtje nga çdo e keqe. Ata do të kenë begati, paqe e lumturi të përjetshme.

[ Tefsiri i Sadit ]

إِنَّا جَعَلْنَا مَا عَلَى ٱلْأَرْضِ زِينَةً لَّهَا لِنَبْلُوَهُمْ أَيُّهُمْ أَحْسَنُ عَمَلًا

Çdo gjë që gjendet në Tokë, Ne e kemi bërë stoli për të, për të provuar se kush prej tyre punon më mirë.

El-Kehf : 7

Gjithnjë e më shumë po u afrohet njerëzve Dita e Llogarisë, por ata nuk i kushtojnë vëmendje dhe i shmangen.

Surja El-Enbija: 1

DUA ME KUPTIMET E EMRIT
EL-KUDDUS

Ai është EL-KUDDUS, i Pastri absolut, i lirë nga çdo mangësi, nga çdo padrejtësi, nga çdo krahasim me krijesat. Ai është i përkryer dhe i pastër në qenësinë e Tij, në cilësitë e Tij dhe në urdhrat që ka shpallur. Prej Tij vjen vetëm e vërteta e drejtë dhe e qartë, pa asnjë padrejtësi apo mangësi. Thuaj këto lutje si një njeri që e ndien gjynahun dhe kërkon një Zot të pastër, të denjë për adhurim, pa ndonjë të metë dhe pa ngjashmëri me krijesat.

— DUA —

O Allah, Ti je Mbreti, nuk ka të denjë për t’u adhuruar, përveç Teje. Ti je Zoti im e unë jam robi Yt. I kam bërë padrejtësi vetes dhe i pranoj gjynahet që kam bërë. M’i fal gjynahet, sepse askush nuk fal gjynahe, përveç Teje.

Më udhëzo për moralin e mirë, sepse askush nuk udhëzon për moralin e mirë, përveç Teje. Më largo prej moralit të keq, sepse askush nuk largon prej moralit të keq, përveç Teje.

Ty të përgjigjem dhe çdoherë jam në shërbimin Tënd. I gjithë hairi është në dorën Tënde, ndërsa e keqja nuk është prej Teje. Unë jam yti dhe fundin e kam te Ti. I patëmeta je Ti. Prej Teje kërkoj falje dhe të kthehem i penduar.

I patëmeta je Ti, o Zoti i melaikeve dhe i Xhibrilit. Distancohem nga tërë ajo që të shoqërojnë ata që bëjnë shirk. Ma bëj zemrën të pastër dhe ma mundëso që të gjitha adhurimet t’i kem të pastra vetëm për Ty. Ma bëj të pastër qëndrimin para Teje në këtë botë, që të dal faqe bardhë para Teje në Ditën e Gjykimit.

Nga libri “Ta njohim Allahun” - Enis Rama

-I patëmeta je Ti, o Zot i melaikeve dhe i Xhibrilit. Distancohem nga tërë ajo që të shoqërojnë ata që bëjnë shirk. Ma bëj zemrën të pastër dhe ma mundëso që të gjitha adhurimet t’i kem të pastra vetëm për Ty. Ma bëj të pastër qëndrimin para Teje në këtë botë, që të dal faqebardhë para Teje në Ditën e Gjykimit.

— DUA —

— O Allah, Zotëruesi i pushtetit absolut. Ti ia jep pushtetin kujt të duash dhe ia heq kujt të duash. Ti lartëson kë të duash dhe poshtëron kë të duash. Çdo e mirë është në Dorën Tënde. Ti, vërtet, je i Plotfuqishëm për çdo gjë.

— Më bëj rob Tëndin të mirë, të ngritur në këtë botë dhe në tjetrën. Bëj që çdo gjë që Ti më jep nga pushteti, furnizimi dhe pasuria, të më vijnë nëpërmjet rrugëve me të cilat Ti je i kënaqur. Më bëj të devotshëm dhe modest, dhe ma ushqe zemrën me përgjegjësi për zbatimin e kërkesave Tua.

Moskuptimi i realitetit i bind njerëzit mendjelehtë se është e tyre ajo që e kanë dhe, për pasojë, ata shfaqin fodullëk, siç shpjegon edhe Ibn Kajimi:

“Allahu i jep robit dhe kjo dhënie është interesante, sepse i jep duke i mundësuar shfrytëzim maksimal të asaj begatie. Ky shfrytëzim dhe posedim fillon t’ia ushqejë mendjen dhe zemrën se ajo është e tija. Në Ditën e Gjykimit, madje në momentin e vdekjes, njeriu e kupton se e kujt është realisht çdo gjë; e kupton se nuk do të marrë me vete asgjë.”