09/07/2026
THIRRJE PËR TRAJNIME
Të dashur mësimdhënës
Zhvillimi profesional i mësimdhënësve është një nga parakushtet themelore për ngritjen e cilësisë në arsim. Prandaj, EDUMEN –K lanson kampanjën e trajnimeve “VERA 2026 - pusho me trajnime”. Kjo kampanjë e trajnimeve organizohet me kërkesën e shumë mësimdhënësve të cilët kanë shprehur interesimin e tyre për të ndjekur trajnime gjatë periudhë së pushimeve verore.
Në shumë vende të botës, mësimdhënësit shfrytëzojnë periudhën e pushimeve për ngritjen e tyre profesionale. Sipas hulumtimeve të shumta, përvetësimi i njohurive të reja gjatë trajnimeve të organizuara në periudhën e pushimeve është shumë herë më produktiv se sa ato që organizohen gjatë periudhës sa ata janë të angazhuar në procesin e rregullt të mësimdhënies . Mbase kjo ndodhë edhe për faktin se mësimdhënësit janë të liruar nga rutina e obligimeve ditore në mësimdhënie apo në çështjet e tjera administrative.
Duke përfilluar kërkesën e shumë mësimdhënësve, EDUMEN – K ka hartuar orarin e trajnimeve të cilat do të organizohen gjatë muajit korrik 2026 , në programet :
1. “Zhvillimi i të menduarit kritik dhe kreativ tek nxënësit “ (Akreditimi nr.75/2024)
Data:15 – 16.07.2026
Nr i orëve: 16
Forma e organizimit: Online
2. “Qasja dhe mësimdhënia e diferencuar“(Akreditimi nr.114/2025)
Data: 20 – 22.07.2026
Nr i orëve: 32
Forma e organizimit: Online
3. “Planifikimi sipas nevojave të nxënësit, Hartimi i Planit Individual - PIA “ (Akreditimi nr.115/2024)
Data:27 – 28.07.2026
Nr i orëve: 16
Forma e organizimit: Online
Të gjitha programet janë të akredituara nga MASHTI dhe janë valide për licencimin apo rilicencimin e mësimdhënësve.
Për të gjitha informacionet e nevojshme, kandidatët e interesuar mund ta kontaktojnë direkt në tel: 048 750 751 ( Viber, Whatsap, Msn); email: [email protected].
Ju mirëpresi!
