08/07/2022
Tashmë NEED ka marrë rolin e facilituesit të programit Shkollarët Globalë/Global Scholars për Kosovë. Shkollarët Globalë mundësohet nga Global Cities e cila, si pjesë e Filantropisë Bloomberg, është një organizatë jofitimprurëse e dedikuar për lidhjen e qyteteve në mbarë botën. Ky program u jep mundësi nxënësve të moshave 10 deri në 13 vjeç të komunikojnë drejtpërdrejt përmes klasave elektronike me bashkëmoshatarët anembanë globit. Ky mjedis arsimor, i fuqizuar përmes komunikimit multimedial, krijon mundësi për studentët që të krijojnë kompetenca të rëndësishme globale dhe të të nxënit të përgjithshëm. Postimet dhe projektet e moshatarëve ndërkombëtarë janë tekstet kryesore përmes të cilëve ata mësojnë rreth qyteteve të tjera, temës së përbashkët globale që po studiojnë dhe aftësive të nevojshme për të zgjidhur një problem global. Mësuesit e Shkollarëve Globalë marrin pjesë në zhvillim profesional të bazuar në kurrikulën interaktive përmes video-konferencave gjatë gjithë vitit programor. Në vitin shkollor 2021-2022 ky program po lidh më shumë se 13,600 studentë në 49 qytete. Në Kosovë aktualisht ky program funksionon vetëm në Prishtinë dhe shkollat pjesëmarrëse janë: Naim Frashëri, Qamil Batalli, Faik Konica, Iliria, Gjergj Fishta, Shkolla e Gjelbër, Elena Gjika dhe Hasan Prishtina.
