Qendra Profesionale për Gjithëpërfshirje - QPGJ

Thank You for your profesional cooperation OCN London, UK!

𝐂𝐞𝐫𝐞𝐦𝐨𝐧𝐢𝐚 𝐞 𝐈𝐧𝐚𝐠𝐮𝐫𝐢𝐦𝐢𝐭 𝐭𝐞̈ 𝐊𝐮𝐚𝐥𝐢𝐟𝐢𝐤𝐢𝐦𝐢𝐭 𝐭𝐞̈ 𝐍𝐢𝐯𝐞𝐥𝐢𝐭 𝐭𝐞̈ 𝐕-𝐭𝐞̈ 𝐏𝐨𝐬𝐭-𝐒𝐞𝐤𝐨𝐧𝐝𝐚𝐫 𝐩𝐞̈𝐫 𝐀𝐬𝐢𝐬𝐭𝐞𝐧𝐭 𝐩𝐞̈𝐫 𝐍𝐱𝐞̈𝐧𝐞̈𝐬 𝐦𝐞 𝐍𝐞𝐯𝐨𝐣𝐚 𝐭𝐞̈ 𝐕𝐞𝐜̧𝐚𝐧𝐭𝐚 𝐀𝐫𝐬𝐢𝐦𝐨𝐫𝐞 - 𝐐𝐏𝐆𝐉 - 𝐎𝐂𝐍 𝐋𝐨𝐧𝐝𝐨𝐧

Falënderojmë të gjithë kandidatët gjeneratës së re të Kualifikimit të Nivelit të V-të Post-Sekondar për Asistent për Nxënës me Nevoja të Veçanta Arsimore - QPGJ - OCN London për besimin dhe për përkushtimin e tyre në avancimin e njohurive dhe kompetencave profesionale në fushën e arsimit gjithëpërfshirës.

Po ashtu, shprehim mirënjohjen tonë për partnerët dhe bashkëpunëtorët vendorë e ndërkombëtarë, institucionet qeveritare dhe organizatat joqeveritare, për mbështetjen e vazhdueshme në fuqizimin e praktikave të arsimit gjithëpërfshirës dhe zhvillimin e kapaciteteve profesionale në Republikën e Kosovës.

Së bashku po kontribuojmë në përgatitjen dhe fuqizimin e Asistentëve për Nxënës me Nevoja të Veçanta Arsimore, të cilët luajnë një rol të rëndësishëm në mbështetjen e nxënësve, promovimin e pjesëmarrjes së tyre aktive në procesin mësimor dhe avancimin e arsimit gjithëpërfshirës. Përmes këtij angazhimi të përbashkët, po ndërtojmë një sistem arsimor më të qasshëm, më mbështetës dhe më gjithëpërfshirës për të gjithë. 🇽🇰📚🤝

Ceremonia e Inaugurimit të Kualifikimit të Nivelit të V-të Post-Sekondar për Asistent për Nxënës me Nevoja të Veçanta Arsimore – QPGJ – OCN London shënoi fillimin e rrugëtimit të një gjenerate të re profesionistësh të përkushtuar ndaj arsimit gjithëpërfshirës në Republikën e Kosovës.

Faleminderit Kryeministrit të Republikës së Kosovës, z. Albin Kurti, Ministrit të Arsimit dhe Shkencës, z. Hajrulla Çeku, si dhe bashkëpunëtorëve dhe partnerëve tanë kombëtarë e ndërkombëtarë për mbështetjen dhe angazhimin e vazhdueshëm në fuqizimin e praktikave të arsimit gjithëpërfshirës dhe zhvillimin e kapaciteteve profesionale në Kosovë. 🇽🇰📚🤝

𝐂𝐞𝐫𝐞𝐦𝐨𝐧𝐢𝐚 𝐞 𝐃𝐢𝐩𝐥𝐨𝐦𝐢𝐦𝐢𝐭 – 𝐀𝐬𝐢𝐬𝐭𝐞𝐧𝐭 𝐩𝐞̈𝐫 𝐍𝐱𝐞̈𝐧𝐞̈𝐬 𝐦𝐞 𝐍𝐞𝐯𝐨𝐣𝐚 𝐭𝐞̈ 𝐕𝐞𝐜̧𝐚𝐧𝐭𝐚 𝐀𝐫𝐬𝐢𝐦𝐨𝐫𝐞 (𝐍𝐕𝐀) 🎓

U mbajt Ceremonia e Diplomimit e pjesëmarrësve të Kualifikimit të Nivelit të V-të Post-Sekondar për Asistent për Nxënës me Nevoja të Veçanta Arsimore – QPGJ – OCN London, duke shënuar përfundimin me sukses të një tjetër gjenerate të këtij kualifikimi profesional ndërkombëtar.

Ceremonia u zhvillua në prani të përfaqësuesve të institucioneve publike e private, partnerëve vendorë dhe ndërkombëtarë, DKA-ve, profesionistëve të arsimit, familjarëve dhe mysafirëve të shumtë.

Në emër të MASh, ceremoninë e nderoi me praninë dhe fjalën përshëndetëse z. Hajrulla Çeku, i cili përgëzoi të diplomuarit dhe vlerësoi rëndësinë e zhvillimit të kapaciteteve profesionale në mbështetje të arsimit gjithëpërfshirës në Kosovë.

Në këtë ngjarje morën pjesë edhe përfaqësuesit e OCN London nga Mbretëria e Bashkuar, të cilët po qëndrojnë në Kosovë në kuadër të procesit të Sigurimit të Jashtëm të Cilësisë (External Quality Assurance – EQA).

Falënderojmë MASh, DKA-të, partnerët institucionalë, organizatat partnere dhe të gjithë bashkëpunëtorët për mbështetjen dhe bashkëpunimin e vazhdueshëm në zhvillimin e programeve profesionale dhe avancimin e standardeve të cilësisë.

Një falënderim i veçantë shkon për të gjithë të diplomuarit dhe familjarët e tyre për besimin, përkushtimin dhe angazhimin e treguar gjatë këtij rrugëtimi.

👏 Urime të gjithë të diplomuarve për këtë arritje të rëndësishme!

🇬🇧🤝🇽🇰 Qendra Profesionale për Gjithëpërfshirje (QPGJ) ka kënaqësinë të mirëpresë në Prishtinë përfaqësuesit e OCN London nga Mbretëria e Bashkuar, të cilët po zhvillojnë një vizitë zyrtare pune në kuadër të procesit të Sigurimit të Jashtëm të Cilësisë (External Quality Assurance – EQA) të kualifikimit ndërkombëtare që ofrohen nga QPGJ - OCN London - Kualifikimi i Nivelit të Vtë Post-sekondar për Asistent për Nxënës me Nevoja te Vecanta Arsimore.

Gjatë kësaj vizite po zhvillohen takime profesionale dhe aktivitete monitoruese me fokus në standardet e cilësisë, proceset e vlerësimit, verifikimin e dokumentacionit, si dhe përputhshmërinë e programeve me kërkesat dhe standardet ndërkombëtare.

Ky proces kontribuon në forcimin e cilësisë së kualifikimeve profesionale dhe demonstron përkushtimin e përbashkët për ofrimin e programeve që përmbushin standardet ndërkombëtare të arsimit dhe edukimit profesional.

Mirë se vini në Kosovë! 🇽🇰🇬🇧

🧠 “Ndikimi i Asistentëve për Nxënës me Nevoja të Veçanta në Mirëqenien dhe Zhvillimin e Fëmijëve”

Kjo ishte tema e prezantuar nga Dr. Erëblir Kadriu dhe Dr. Natyra Agani-Destani, psikologë dhe bashkëthemelues të Qendrës Profesionale për Gjithëpërfshirje (QPGJ), në Konferencën e Nëntë për Shëndetin, Mirëqenien, Edukimin dhe të Drejtat e Fëmijëve, organizuar nga Qendra për Hulumtime Psiko-Sociale dhe Mjekësore.

📚 Prezantimi ofroi një sintezë të hulumtimeve shkencore të realizuara gjatë periudhës 2024–2026, të cilat kanë shqyrtuar përvojat e asistentëve për nxënës me nevoja të veçanta, mësimdhënësve, prindërve dhe kujdestarëve, vëllezërve dhe motrave, psikologëve shkollorë dhe drejtorëve të shkollave në kontekstin e arsimit gjithëpërfshirës.

🔍 Gjetjet treguan se asistentët për nxënës me nevoja të veçanta luajnë një rol të rëndësishëm në mirëqenien emocionale, përfshirjen sociale dhe zhvillimin akademik të fëmijëve, duke kontribuar gjithashtu në forcimin e bashkëpunimit ndërmjet familjes, shkollës dhe profesionistëve mbështetës.

Hulumtimet theksuan se arsimi gjithëpërfshirës është më efektiv kur mbështetet nga bashkëpunimi i të gjithë aktorëve të përfshirë dhe kur nxënësi vendoset në qendër të procesit edukativo-arsimor.