Qendra Profesionale për Gjithëpërfshirje - QPGJ

03/08/2026

🤝 Qendra Profesionale për Gjithëpërfshirje (QPGJ) vazhdon bashkëpunimin me Drejtoritë Komunale të Arsimit në të gjitha komunat e Republikës së Kosovës

QPGJ vazhdon të zgjerojë bashkëpunimin institucional me Drejtoritë Komunale të Arsimit nga komuna të ndryshme në të gjithë Republikën e Kosovës, përmes nënshkrimit të Marrëveshjeve të Bashkëpunimit Profesional.

Këto marrëveshje synojnë forcimin e partneritetit ndërinstitucional, mbështetjen e zhvillimit profesional në fushën e arsimit gjithëpërfshirës, shkëmbimin e përvojave dhe promovimin e standardeve profesionale për asistentët e fëmijëve dhe nxënësve me nevoja të veçanta arsimore.

Së fundmi, një marrëveshje e tillë është nënshkruar edhe me Drejtorinë Komunale të Arsimit të Komunës së Istogut, duke iu bashkuar një numri gjithnjë e më të madh të Drejtorive Komunale të Arsimit në mbarë vendin që kanë vendosur të bashkëpunojnë me QPGJ në zhvillimin dhe promovimin e arsimit gjithëpërfshirës.

📌 Kualifikimi i Nivelit V – Asistent për Fëmijë/Nxënës me Nevoja të Veçanta Arsimore, i realizuar nga Qendra Profesionale për Gjithëpërfshirje (QPGJ) – OCN London, mbështetet nga aktet zyrtare të Ministrisë së Arsimit dhe Shkencës:

✅ Vendimi i MASH nr. 01-2568, datë 15.06.2026, përcakton masat kalimtare për validimin e kualifikimit dhe akreditimin e institucioneve që ofrojnë programin Niveli V – Asistent për Fëmijë/Nxënës me Nevoja të Veçanta Arsimore.

✅ Konfirmimi zyrtar i MAShTI-së, Prot. Nr. 2337, datë 08.08.2024, konfirmon se programi profesional i realizuar nga QPGJ – OCN London është në përputhje me Standardin e Profesionit, është i barasvlershëm me programin përkatës në Republikën e Kosovës dhe u mundëson të diplomuarve ushtrimin e profesionit të Asistentit për Fëmijë/Nxënës me Nevoja të Veçanta Arsimore.

✅ Udhëzimi Administrativ (MAShTI) nr. 05/2021 përcakton se kriteri për këtë pozitë është posedimi i kualifikimit profesional të Nivelit V për profilin përkatës dhe nuk e kushtëzon vlefshmërinë e diplomës me institucionin ofertues.

QPGJ mbetet e përkushtuar në zgjerimin e bashkëpunimit me Drejtoritë Komunale të Arsimit në të gjithë Republikën e Kosovës, me qëllim fuqizimin e arsimit gjithëpërfshirës dhe zhvillimin e kapaciteteve profesionale në nivel lokal dhe kombëtar.

20/07/2026

🌸 "𝐒𝐇𝐊𝐎𝐋𝐋𝐀 𝐄 𝐍𝐄̈𝐍𝐀𝐕𝐄": 𝐅𝐮𝐪𝐢𝐳𝐢𝐦𝐢 𝐢 𝐅𝐚𝐦𝐢𝐥𝐣𝐞𝐯𝐞 𝐩𝐞̈𝐫 𝐧𝐣𝐞̈ 𝐀𝐫𝐬𝐢𝐦 𝐆𝐣𝐢𝐭𝐡𝐞̈𝐩𝐞̈𝐫𝐟𝐬𝐡𝐢𝐫𝐞̈𝐬 💙🤝

✨ Për herë të parë në Kosovë, u organizua "Shkolla e Nënave", një iniciativë unike dhe inovative që vendos familjen në qendër të arsimit gjithëpërfshirës. Ky program u zhvillua në kuadër të Shkollës Verore Gjithëpërfshirëse 2026, nga Qendra Profesionale për Gjithëpërfshirje - QPGJ, në bashkëpunim me Olimpiadën Speciale të Kosovës - OSK dhe QBMK "Përparimi" – Prishtinë.

Në mbarë botën, gjithnjë e më shumë po pranohet se suksesi i arsimit gjithëpërfshirës nuk varet vetëm nga shkolla, por edhe nga përfshirja aktive e familjes. Pikërisht mbi këtë filozofi u ndërtua Shkolla e Nënave, një program që synon të fuqizojë prindërit me njohuri, aftësi dhe mbështetje profesionale, duke i bërë ata partnerë aktivë në zhvillimin dhe edukimin e fëmijëve të tyre.

💙 Në Qendrën Profesionale për Gjithëpërfshirje, besojmë se familja është partneri më i rëndësishëm i shkollës. Kur prindërit informohen, mbështeten dhe fuqizohen, krijohen mundësi më të mëdha për zhvillimin, mirëqenien dhe suksesin e çdo fëmije.

Gjatë këtij programi, nënat:
📚 përfituan njohuri dhe strategji praktike të bazuara në evidencë;
🧠 diskutuan sfidat dhe zgjidhjet me profesionistë të fushës;
🤝 ndërtuan një rrjet mbështetës me prindër të tjerë;
🌱 u fuqizuan për të qenë pjesë aktive e vendimmarrjes dhe procesit edukativ të fëmijëve të tyre.

Kjo iniciativë shënon një moment të rëndësishëm në zhvillimin e praktikave të arsimit gjithëpërfshirës në Kosovë, duke promovuar një model ku familja nuk shihet si përfituese e shërbimeve, por si bashkëkrijuese e suksesit të fëmijës.

🙏 Falënderojmë të gjitha nënat për besimin dhe pjesëmarrjen, si dhe partnerët tanë për mbështetjen në realizimin e kësaj nisme.

Në Qendrën Profesionale për Gjithëpërfshirje, ne do të vazhdojmë të zhvillojmë iniciativa që fuqizojnë familjet, sepse besojmë se një arsim gjithëpërfshirës i qëndrueshëm fillon me një familje të fuqizuar. 💙

17/07/2026

🌞 𝐃𝐢𝐭𝐚 𝐞 𝟓-𝐭𝐞̈ 𝐝𝐡𝐞 𝐏𝐞̈𝐫𝐦𝐛𝐲𝐥𝐥𝐣𝐚 𝐞 𝐒𝐡𝐤𝐨𝐥𝐥𝐞̈𝐬 𝐕𝐞𝐫𝐨𝐫𝐞 𝐆𝐣𝐢𝐭𝐡𝐞̈𝐩𝐞̈𝐫𝐟𝐬𝐡𝐢𝐫𝐞̈𝐬𝐞 𝟐𝟎𝟐𝟔 🌞

Pesë ditë të mbushura me buzëqeshje, miqësi, kreativitet, mësim, lëvizje dhe përvoja të paharrueshme u përmbyllën me sukses në Shkollën Verore Gjithëpërfshirëse 2026.

Dita e fundit u karakterizua nga aktivitete artistike, rekreative dhe bashkëpunuese, ku fëmijët shfaqën talentin, kreativitetin dhe aftësitë e tyre. Një nga momentet më të veçanta ishte ekspozita e punimeve, ku prindërit dhe familjarët patën mundësinë të shohin krijimet e realizuara gjatë gjithë javës, duke dëshmuar zhvillimin, përkushtimin dhe potencialin e jashtëzakonshëm të secilit fëmijë.

Programi u përmbyll me ndarjen e Certifikatave të Pjesëmarrjes dhe Mirënjohjeje, si një simbol vlerësimi për angazhimin, pjesëmarrjen aktive dhe përvojën e fituar gjatë kësaj jave.

💙 Me mirënjohje të thellë falënderojmë Znj. Drita Dushi-Parduzi, Drejtoreshë e Q.B.M.K. "Përparimi" dhe Drejtoreshë Ekzekutive e Olimpiadës Speciale të Kosovës, për bashkëpunimin e vazhdueshëm, profesionalizmin dhe mbështetjen e pakursyer. Përkushtimi i saj ndaj fëmijëve dhe arsimit gjithëpërfshirës është frymëzim dhe dëshmi se e ardhmja e fëmijëve që ndjekin Q.B.M.K. "Përparimi", por edhe e arsimit gjithëpërfshirës në Kosovë, bëhet më e mirë falë njerëzve me vizion dhe zemër të madhe.

💙 Falënderojmë Znj. Kimete Bekaj, Drejtoreshë Sportive në Olimpiadën Speciale të Kosovës, për energjinë, profesionalizmin dhe bashkëpunimin e vazhdueshëm, si dhe Z. Flamur Rrahmani, President i Olimpiadës Speciale të Kosovës, për praninë dhe mbështetjen në ceremoninë përmbyllëse.

💙 Falënderojmë Znj. Fikrete Miftari për realizimin e aktiviteteve artistike, vallëzuese dhe motorike, të cilat sollën kreativitet, lëvizje, argëtim dhe shumë buzëqeshje tek fëmijët.

💙 Një falënderim i veçantë për Këshillin Drejtues të Prindërve të Q.B.M.K. "Përparimi", për bashkëpunimin shembullor, profesionalizmin dhe mbështetjen e vazhdueshme gjatë organizimit të këtij programi.

💙 Një falënderim i veçantë për të gjithë kandidatët e Kualifikimit të Nivelit V – Asistent për Nxënës me Nevoja të Veçanta Arsimore, Qendra Profesionale për Gjithëpërfshirje (QPGJ) – OCN London, të cilët me përkushtim, profesionalizëm dhe kujdes të jashtëzakonshëm ofruan mbështetje individuale për secilin fëmijë gjatë gjithë Shkollës Verore. Angazhimi i tyre dëshmoi vlerat e profesionit dhe rëndësinë e mbështetjes cilësore në arsimin gjithëpërfshirës.

💙 Falënderojmë të gjithë partnerët dhe bashkëpunëtorët tanë profesionalë, të cilët besuan në këtë iniciativë dhe kontribuuan në realizimin me sukses të saj.

🌈 Shkolla Verore Gjithëpërfshirëse 2026 nuk ishte vetëm një program veror. Ajo ishte një hap i rëndësishëm drejt ndërtimit të një shoqërie më gjithëpërfshirëse, ku çdo fëmijë ka mundësi të mësojë, të luajë, të krijojë dhe të zhvillohet në një mjedis që e pranon dhe e vlerëson.

Ky program mbetet një iniciativë unike në Kosovë, që bashkon profesionistë, institucione, prindër dhe komunitetin rreth një qëllimi të përbashkët – promovimit të arsimit gjithëpërfshirës dhe krijimit të mundësive të barabarta për çdo fëmijë. Çdo buzëqeshje, çdo hap përpara dhe çdo sukses i fëmijëve tanë na kujton se kjo nuk është thjesht një punë, por një mision dhe një përgjegjësi e përbashkët.

❤️ Faleminderit fëmijëve tanë të mrekullueshëm për energjinë, buzëqeshjet dhe besimin. Faleminderit prindërve për mbështetjen dhe partneritetin. Faleminderit çdo profesionisti, bashkëpunëtori dhe vullnetari që u bë pjesë e kësaj historie të bukur.

🌟 Shihemi në Shkollën Verore Gjithëpërfshirëse 2027! Së bashku vazhdojmë të ndërtojmë një Kosovë më gjithëpërfshirëse, ku çdo fëmijë ka mundësinë të arrijë potencialin e tij të plotë.

16/07/2026

🌈 𝑺𝒉𝒌𝒐𝒍𝒍𝒂 𝑽𝒆𝒓𝒐𝒓𝒆 𝒑𝒆̈𝒓 𝑭𝒆̈𝒎𝒊𝒋𝒆̈𝒕 𝒅𝒉𝒆 𝑺𝒉𝒌𝒐𝒍𝒍𝒂 𝒆 𝑵𝒆̈𝒏𝒂𝒗𝒆 – 𝑫𝒚 𝑷𝒓𝒐𝒈𝒓𝒂𝒎𝒆, 𝑵𝒋𝒆̈ 𝑴𝒊𝒔𝒊𝒐𝒏 - 𝑸.𝑩.𝑴.𝑲. "𝑷𝒆̈𝒓𝒑𝒂𝒓𝒊𝒎𝒊" - 𝑽𝑬𝑹𝑨 2026

📺 Në një intervistë për TËVË 1, Dr. Natyra Agani Destani, psikologe dhe bashkëthemeluese e Qendrës Profesionale për Gjithëpërfshirje (QPGJ), së bashku me Ilirjana Mehmeti, psikologe dhe mësimdhënëse në QPGJ, prezantuan dy programe që këtë verë po krijojnë një model të ri të mbështetjes për fëmijët me nevoja të veçanta arsimore dhe familjet e tyre.

🌞𝑺𝒉𝒌𝒐𝒍𝒍𝒂 𝑽𝒆𝒓𝒐𝒓𝒆 𝑮𝒋𝒊𝒕𝒉𝒆̈𝒑𝒆̈𝒓𝒇𝒔𝒉𝒊𝒓𝒆̈𝒔𝒆 2026 po organizohet për vitin e dytë radhazi, duke konfirmuar rëndësinë e saj si një program që ofron zhvillim, socializim dhe përvoja të reja për fëmijët përmes aktiviteteve edukative, sportive, motorike, kreative dhe rekreative, të udhëhequra nga një ekip multidisiplinar profesionistësh.

🤝 𝑷𝒆̈𝒓 𝒉𝒆𝒓𝒆̈ 𝒕𝒆̈ 𝒑𝒂𝒓𝒆̈, 𝑸𝑷𝑮𝑱 𝒌𝒂 𝒕𝒉𝒆𝒎𝒆𝒍𝒖𝒂𝒓 𝑺𝒉𝒌𝒐𝒍𝒍𝒆̈𝒏 𝒆 𝑵𝒆̈𝒏𝒂𝒗𝒆, një iniciativë që vendos prindin në qendër të procesit të mbështetjes. Përmes ligjëratave profesionale, reflektimit, diskutimeve dhe strategjive praktike, nënat pajisen me njohuri dhe aftësi që forcojnë mirëqenien e tyre dhe ndikojnë drejtpërdrejt në zhvillimin e fëmijëve.

Këto dy programe zhvillohen njëkohësisht, duke dëshmuar se arsimi gjithëpërfshirës nuk kufizohet vetëm te fëmija, por ndërtohet në partneritet me familjen, profesionistët dhe komunitetin. Ky model synon të krijojë mbështetje të qëndrueshme, të bazuar në bashkëpunim, profesionalizëm dhe besimin se çdo fëmijë meriton mundësi të barabarta për të mësuar, për t'u zhvilluar dhe për të qenë pjesë aktive e shoqërisë.

16/07/2026

🌞 𝐍𝐠𝐣𝐲𝐫𝐚, 𝐤𝐫𝐞𝐚𝐭𝐢𝐯𝐢𝐭𝐞𝐭 𝐝𝐡𝐞 𝐢𝐦𝐚𝐠𝐣𝐢𝐧𝐚𝐭𝐞̈ – 𝐃𝐢𝐭𝐚 𝟒 𝐞 𝐒𝐡𝐤𝐨𝐥𝐥𝐞̈𝐬 𝐕𝐞𝐫𝐨𝐫𝐞 𝐆𝐣𝐢𝐭𝐡𝐞̈𝐩𝐞̈𝐫𝐟𝐬𝐡𝐢𝐫𝐞̈𝐬𝐞 𝟐𝟎𝟐𝟔! 🌞

📅 Dita 4

Dita e katërt e Shkollës Verore Gjithëpërfshirëse 2026 solli edhe më shumë ngjyra, kreativitet dhe buzëqeshje. Përmes artit dhe lojës kreative, fëmijët patën mundësinë të eksplorojnë imagjinatën e tyre, të shprehin emocionet dhe të zhvillojnë aftësi të rëndësishme në një atmosferë të ngrohtë, mbështetëse dhe gjithëpërfshirëse.

Gjatë kësaj dite u realizuan:

🎨 Pikturë me brusha dhe me gishta, ku secili fëmijë krijoi vepra unike duke eksperimentuar me ngjyra, forma dhe tekstura. Ky aktivitet kontribuoi në zhvillimin e motorikës fine, koordinimit sy-dorë, kreativitetit dhe vetëbesimit.

🎭 Punimi i maskave artistike interaktive, një aktivitet që ndërthurte artin me lojën, duke i inkurajuar fëmijët të krijonin, të bashkëpunonin dhe të shprehnin personalitetin e tyre përmes ngjyrave dhe elementeve dekorative.

Aktivitetet u realizuan nga ekipi profesional i Qendrës Profesionale për Gjithëpërfshirje (QPGJ), me mbështetjen e kandidatëve të Kualifikimit të Nivelit V për Asistent për Nxënës me Nevoja të Veçanta Arsimore (QPGJ – OCN London), të cilët ofruan mbështetje individuale për secilin fëmijë, duke krijuar një mjedis ku çdo pjesëmarrës ndihej i mirëpritur, i vlerësuar dhe i inkurajuar të japë më të mirën nga vetja.

Çdo vizatim, çdo ngjyrë dhe çdo maskë e krijuar gjatë ditës ishte një dëshmi se arti është një gjuhë universale që i bashkon fëmijët, nxit komunikimin, zhvillon imagjinatën dhe forcon vetëbesimin.

💙 Shkolla Verore Gjithëpërfshirëse 2026 vazhdon të dëshmojë se kur krijohen mundësi të barabarta dhe mjedise mbështetëse, çdo fëmijë ka mundësinë të shkëlqejë, të mësojë dhe të zhvillojë potencialin e tij/saj.

15/07/2026

🌞 𝐊𝐫𝐞𝐚𝐭𝐢𝐯𝐢𝐭𝐞𝐭, 𝐥𝐞̈𝐯𝐢𝐳𝐣𝐞 𝐝𝐡𝐞 𝐛𝐮𝐳𝐞̈𝐪𝐞𝐬𝐡𝐣𝐞 – 𝐃𝐢𝐭𝐚 𝟑 𝐞 𝐒𝐡𝐤𝐨𝐥𝐥𝐞̈𝐬 𝐕𝐞𝐫𝐨𝐫𝐞 𝐆𝐣𝐢𝐭𝐡𝐞̈𝐩𝐞̈𝐫𝐟𝐬𝐡𝐢𝐫𝐞̈𝐬𝐞 𝟐𝟎𝟐𝟔! 🌞

📅 Dita 3

Edhe dita e tretë e Shkollës Verore Gjithëpërfshirëse 2026 u karakterizua nga energjia pozitive, kreativiteti dhe bashkëpunimi, duke u ofruar fëmijëve mundësi të reja për të mësuar, për t'u shprehur dhe për t'u zhvilluar në një mjedis të sigurt, mbështetës dhe gjithëpërfshirës.

Gjatë ditës së tretë, pjesëmarrësit u angazhuan në aktivitete të ndryshme që nxisin zhvillimin e aftësive motorike, komunikimit, bashkëpunimit dhe kreativitetit. Ndër aktivitetet e realizuara ishin:

🔹 Aktivitete kreative me plastelinë për zhvillimin e imagjinatës, koordinimit dhe motorikës fine
🔹 Aktivitete bashkëpunuese në grup që promovuan komunikimin, ndihmën reciproke dhe punën në ekip
🔹 Aktivitete të lëvizjes motorike dhe vallëzimit, të cilat kontribuan në zhvillimin e koordinimit, ekuilibrit, ritmit dhe vetëbesimit përmes argëtimit dhe muzikës. Këto aktivitete u udhëhoqën nga profesionistja shqiptare nga Finlanda, Znj. Fikriete Miftari, bashkëpunëtore e programit tonë, e cila ndau përvojën dhe ekspertizën e saj me fëmijët dhe ekipin profesional, dhe të cilën e falënderojmë për kontributin, përkushtimin dhe energjinë pozitive që solli në Shkollën Verore Gjithëpërfshirëse 2026.

Aktivitetet tjera vazhduan të realizohen nga ekipi profesional i Qendrës Profesionale për Gjithëpërfshirje (QPGJ), me mbështetjen e kandidatëve të Kualifikimit të Nivelit V për Asistent për Nxënës me Nevoja të Veçanta Arsimore (QPGJ – OCN London), të cilët ofruan mbështetje individuale dhe krijuan një atmosferë të ngrohtë, motivuese dhe gjithëpërfshirëse për secilin fëmijë.

Përmes këtyre aktiviteteve, fëmijët jo vetëm që zhvilluan aftësi të rëndësishme motorike, sociale dhe kreative, por edhe krijuan miqësi të reja, forcuan vetëbesimin dhe përjetuan gëzimin e të mësuarit përmes lojës.

💙 Shkolla Verore Gjithëpërfshirëse vazhdon të ndërtojë një hapësirë ku çdo fëmijë ndihet i/e pranuar, i/e vlerësuar dhe i/e inkurajuar të zhvillojë potencialin e tij/saj.

14/07/2026

🌞 𝐒𝐡𝐤𝐨𝐥𝐥𝐚 𝐕𝐞𝐫𝐨𝐫𝐞 𝐆𝐣𝐢𝐭𝐡𝐞̈𝐩𝐞̈𝐫𝐟𝐬𝐡𝐢𝐫𝐞̈𝐬𝐞 𝟐𝟎𝟐𝟔 𝐯𝐚𝐳𝐡𝐝𝐨𝐧! 🌞

📅 Dita 2

Edhe dita e dytë e Shkollës Verore Gjithëpërfshirëse 2026 kaloi në një atmosferë të mbushur me buzëqeshje, bashkëpunim dhe aktivitete të larmishme, ku çdo fëmijë pati mundësinë të mësojë, të zhvillohet dhe të argëtohet në një mjedis të sigurt dhe gjithëpërfshirës.

Gjatë ditës së dytë, nxënësit u angazhuan në një sërë aktivitetesh që synojnë zhvillimin e komunikimit, bashkëpunimit, koordinimit motorik dhe aftësive sociale. Ndër aktivitetet e realizuara ishin:

🔹 Aktivitete bashkëpunuese në grup
🔹 Ushtrime logopedike për zhvillimin e komunikimit dhe gjuhës
🔹 Lojëra dhe aktivitete sportive
🔹 Ushtrime për koordinimin motorik dhe ekuilibrin
🔹 Aktivitete kreative dhe rekreative

Aktivitetet u realizuan nga ekipi profesional i Qendrës Profesionale për Gjithëpërfshirje (QPGJ), me mbështetjen e kandidatëve të Kualifikimit të Nivelit V për Asistent për Nxënës me Nevoja të Veçanta Arsimore (QPGJ – OCN London), të cilët ofruan mbështetje individuale dhe kontribuan në krijimin e një mjedisi të sigurt, mbështetës dhe gjithëpërfshirës për secilin fëmijë.

Një pjesë e rëndësishme e programit të ditës u udhëhoq edhe nga ekipi profesional i Olimpiadës Speciale të Kosovës (OSK), i cili zhvilloi aktivitete sportive dhe motorike të përshtatura për nevojat dhe aftësitë e secilit pjesëmarrës. Përmes lojërave dhe ushtrimeve të strukturuara, fëmijët patën mundësi të zhvillojnë koordinimin, ekuilibrin, aftësitë motorike, bashkëpunimin dhe vetëbesimin në një atmosferë pozitive dhe motivuese.

Shkolla Verore Gjithëpërfshirëse vazhdon me shumë energji, aktivitete edukative, sportive dhe sociale, duke krijuar kujtime të bukura dhe duke promovuar miqësinë, përfshirjen dhe zhvillimin e potencialit të çdo fëmije. 💙

13/07/2026

🌞 𝐅𝐢𝐥𝐥𝐨𝐢 𝐒𝐡𝐤𝐨𝐥𝐥𝐚 𝐕𝐞𝐫𝐨𝐫𝐞 𝐆𝐣𝐢𝐭𝐡𝐞̈𝐩𝐞̈𝐫𝐟𝐬𝐡𝐢𝐫𝐞̈𝐬𝐞 𝟐𝟎𝟐𝟔 - 𝐐.𝐁.𝐌.𝐊. "𝐏𝐞̈𝐫𝐩𝐚𝐫𝐢𝐦𝐢", 𝐏𝐫𝐢𝐬𝐡𝐭𝐢𝐧𝐞̈! 🌞

📅 Dita 1

Me shumë entuziazëm, buzëqeshje dhe energji pozitive nisi Shkolla Verore Gjithëpërfshirëse 2026, e organizuar nga Qendra Profesionale për Gjithëpërfshirje (QPGJ) në bashkëpunim me Olimpiadën Speciale të Kosovës (OSK), në ambientet e Q.B.M.K. "Përparimi" në Prishtinë.

Gjatë ditës së parë, nxënësit u përfshinë në aktivitete të ndryshme arsimore, edukative dhe rekreative, të cilat synojnë zhvillimin e shkathtësive njohëse, sociale dhe krijuese. Ndër aktivitetet e realizuara ishin:

🔹 "Numëro dhe Shkruaj"
🔹 "Krijo Kapelën Tënde"
🔹 Lojëra bashkëpunuese
🔹 Ushtrime kreative dhe argëtuese
🔹 Aktivitete për nxitjen e komunikimit dhe bashkëpunimit

Aktivitetet u zhvilluan nga ekipi profesional i QPGJ, me mbështetjen e kandidatëve të Kualifikimit të Niveli V për Asistent për Nxënës me Nevoja të Veçanta Arsimore (QPGJ – OCN London), të cilët ofruan mbështetje individuale dhe kontribuan në krijimin e një mjedisi të sigurt, mbështetës dhe gjithëpërfshirës për secilin fëmijë.

Ky është vetëm fillimi i një jave të mbushur me mësim, kreativitet, miqësi dhe përvoja të bukura. 💙

03/07/2026

📢 𝐊𝐄̈𝐑𝐊𝐄𝐒𝐄̈ 𝐏𝐄̈𝐑 𝐀𝐒𝐈𝐒𝐓𝐄𝐍𝐓 𝐏𝐄̈𝐑 𝐍𝐗𝐄̈𝐍𝐄̈𝐒 𝐌𝐄 𝐍𝐄𝐕𝐎𝐉𝐀 𝐓𝐄̈ 𝐕𝐄𝐂̧𝐀𝐍𝐓𝐀 𝐀𝐑𝐒𝐈𝐌𝐎𝐑𝐄 (𝐍𝐕𝐀)

Ky formular është i dedikuar për prindër, familjarë dhe të gjithë ata që kanë nevojë të punësojnë apo bashkëpunojnë me një Asistent për Nxënës me Nevoja të Veçanta Arsimore (NVA) – profesionistë të kualifikuar dhe të certifikuar, të gatshëm për të ofruar mbështetje të drejtpërdrejtë për fëmijët në sistemin e arsimit parauniversitar të Republikës së Kosovës. 📚

🎯 Qëllimi: Lehtësimi i lidhjes ndërmjet familjeve dhe asistentëve të kualifikuar të rrjetit profesional të QPGJ-së, duke siguruar mbështetje të specializuar për fëmijët gjatë procesit të tyre arsimor dhe zhvillimor.

📝 Nëse jeni prind apo familjar dhe kërkoni një Asistent për Nxënës me NVA, ju lutemi plotësoni formularin:

🔗 https://forms.gle/ZNBAuMyEWDhW2EQ16

📨 Çfarë ndodh pas?
QPGJ do ta ndajë kërkesën tuaj me asistentët e kualifikuar nga e gjithë Kosova. Nëse ka interesim, asistentët do t'ju kontaktojnë drejtpërdrejt për informata më të hollësishme dhe për të diskutuar mundësinë e bashkëpunimit. 🤝📞

━━━━━━━━━━━━━━━━━━━━━━━

🏛️ Qendra Profesionale për Gjithëpërfshirje (QPGJ)
📱 +383 49 183 156
📧 [email protected]

Ky formular është i dedikuar për prindër dhe familjarë që kanë nevojë të punësojnë/bashkëpunojnë me një Asistent për Nxënës me Nevoja të Veçanta Arsimore (NVA) – profesionist të kualifikuar dhe të certifikuar për të ofruar mbështetje të drejtpërdrejtë për fëmijët e ty...

22/06/2026

Thank You for your profesional cooperation OCN London, UK!