Qendra "Udhëzimi"

Esselamu alejkum we rahmetullahi we berakatuhu!

Ju njoftojmë se tani do të fillojë dersi in shaa Allah.

Ligjëron: Lulzim Perçuku

Ju ftojmë që të përfitoni!
Linku për ders dhe pyetje:
https://udhezimi.com/live/

Njeriu kalon nëpër pesë faza gjatë ekzistencës së tij:

1-Faza e hiç-it, kur nuk ka ekzistuar fare, “Vallë, a nuk ka kaluar një periudhë kohore, kur njeriu nuk ka qenë qenie e denjë për t’u përmendur?!” Insan 1.

2-Faza si fetus, kur është në barkun e nënës, “Ai ju krijon në barqet e nënave tuaja, fazë pas faze në një errësirë të trefishtë.” Zumer 6.

3-Faza e jetës së kësaj bote, “Allahu ju ka nxjerrë nga barku i nënave tuaja e ju nuk dinit asgjë dhe ju dha të dëgjuarit, të parët dhe zemrat, që të jeni falënderues.” Nahl 78. Kjo fazë është ajo në të cilën njeriu sprovohet, vazhdimisht, është një provim se kush do të veprojë vepra të mira.

4-Faza e jetës së varrit (berzah), “Prapa (vdekjes së) tyre do të ketë një (kohë) ndarëse, deri në ditën kur do të ringjallen.” Muminun 100.

5-Faza e jetës së ahiretit (jeta tjetër), përfundimtarja, “Mandej, pas kësaj ju do të vdisni, pastaj, ju me siguri që do të ringjalleni në Ditën e Kiametit.” Muminun 15-16.

Hoxhë Lulzim Perçuku
🎙Transkriptim

💥Shkëndijë përkujtuese

Sprovën ta konsiderosh si një alarm prej Allahut për të të zgjuar nga shkujdesja. Shumë njerëz janë të shkujdesur dhe pak u bie ndërmend për botën tjetër. Andaj, Allahu u dërgon sprova t’ua kujtojë botën tjetër dhe kthimin tek Ai. Besimtari duhet t'i konsiderojë sprovat si mesazhe prej Allahut për t'u kthyer tek Ai, të përmirësohet, të zbatojë obligimet dhe të largohet prej mëkateve, dhe kështu pastaj Allahu do ta ndihmojë atë.

Hoxhë Lulzim Perçuku
🎙Transkriptim

Nga rezultatet e bërjes së veprave të mira fshehtas:

✅Drita në fytyrë,
✅pranimi nga njerëzit dhe dashuria e tyre
✅përmirësimi dhe dëlirja e zemrës,
✅forcimi i zemrës gjatë sprovave,
✅përfundimi i mirë.

Hoxhë Lulzim Perçuku
🎤🎙️Transkriptim

Kur ne adhurojmë Allahun me ihlas, Ai do të ngrehë gradët tona në Xhenet dhe do të shlyejë mëkatet tona. Me ihlas zemrat tona qetësohen dhe shpirtrat tanë gjejnë prehjen.

🎙Hoxhë Lulzim Perçuku
🖋Transkriptim

» Nuk ka argument fetar që thotë se i sprovuari me xhind të lexojë vetëm suret Xhind, Saffat apo Rrahman. Mirëpo, ajo që këshillohet është përmbajtja ndaj dhikrit (mëngjesit dhe mbrëmjes) rregullisht. Shumë muslimanë janë të shkujdesur ndaj dhikreve (që transmetohen nga suneti). Megjithëkëtë, më e rëndësishmja është:
-Realizimi i teuhidit.
-Falja e namazit farz, përsosja e tyre, pastaj shtimi i namazit sunet.
-Dhikri.
-Leximi i Kuranit.

Hoxhë Lulzim Perçuku
🎙Transkriptim

Esselamu alejkum ue rahmetullah!

Ju njoftojme se sonte nuk ka ders ne qendren Udhezimi ne Prishtine.

Allahu ju shperblefte

Aisha radijAllahu anha

Pejgamberi salAllahu alejhi ue selem e ka dashur më shumë Aishen sesa gratë e tjera – e ka dalluar me dashuri. Transmetohet se Pejgamberin salallahu alejhi ue selem e kanë pyetur se kush është njeriu më i dashur tek ti dhe është përgjigjur: “Aisha.”

Allahu ka zbritur Shpallje prej mbi shtatë qiej mbi Arshin e Tij, për të pastruar Aishen prej akuzës që i është bërë në nderin e saj, ajete këto që lexohen në mihrave dhe në namaze deri në Ditën e Kiametit, me të cilat Ai dëshmon se Aisha është prej grave të dëlira, të pastra, “Gratë e ndershme janë për burra të ndershëm dhe burrat e ndershëm janë për gra të ndershme. Ata janë të pastër nga shpifjet që thuhen (kundër tyre) dhe do të falen e do të kenë një shpërblim bujar (në Xhenet).” Nur 26. Duke qenë se Pejgamberi salAllahu alejhi ue selem është i mirë dhe i ndershëm, atëherë edhe gratë e tij janë të tilla. Kjo tregon për dëlirësin dhe pastërtinë e Aishes. Ajo ka qenë e tillë në të gjitha aspektet.

Hoxhë Lulzim Perçuku
🎙Transkriptim

Allahu thotë:
“قَدْ أَفْلَحَ مَن تَزَكَّىٰ
- "I shpëtuar është ai që pastrohet…” Ala 14.

Në këtë ajet, Allahu na tregon se ai i cili pastrohet shpirtërisht, do të shpëtojë në këtë botë dhe tjetrën. Felah – shpëtim nënkupton: Njeriu ka arritur të posedojë mirësinë në këtë botë dhe tjetrën. Dhe thotë: “Vërtet, kushdo që e pastron shpirtin, do të shpëtojë, ndërsa kushdo që e shtyp atë (me punë të këqija), do të dështojë.” Shems 9.

Hoxhë Lulzim Perçuku
🎙Transkriptim

💥Shkëndijë përkujtuese

» Kush ka mundësi fizike të shkojë në umre, nuk lejohet që dikush tjetër të shkojë bedel për të. Dërgimi i bedelit lejohet atëherë kur personi është i vdekur, apo është aq i sëmurë sa nuk mund të qëndrojë ulur në automjet.

Hoxhë Lulzim Perçuku
🎙Transkriptim