SHFMU "Shkolla e Gjelbër" Prishtinë

🏃‍♀️🏃‍♂️ KROSI PRANVEROR 2026 🌸

Sot u shpërndanë mirënjohjet për nxënësit që fituan vendin e parë, të dytë dhe të tretë në Krosin Pranveror.

Përgëzojmë të gjithë pjesëmarrësit për angazhimin, përkushtimin dhe frymën sportive që treguan gjatë garës.
Një urim i veçantë për fituesit, të cilët me suksesin e tyre dëshmuan vullnet, disiplinë dhe këmbëngulje.

Ju dëshirojmë suksese edhe në aktivitetet e ardhshme sportive dhe arsimore!

👏 Urime të gjithë fituesve!
🏅🏅🏅

Me rastin e Ditës së Paqes, nxënësit e klasave të katërta zhvilluan aktivitete të ndryshme me qëllim promovimin e paqes, dashurisë dhe respektit të ndërsjellë.
Përmes bisedave, punimeve kreative dhe mesazheve simbolike, ata shprehën rëndësinë e tolerancës, bashkëpunimit dhe zgjidhjes së konflikteve në mënyrë paqësore.

Këto aktivitete u zhvilluan në një atmosferë të ngrohtë dhe reflektuese, duke përcjellë mesazhin se paqja fillon nga secili prej nesh.

Mësimdhënëse:Xhyzide Krasniqi, Donikë Mehana

Nxënësit e klasave të dyta sot vizituan fabrikën “Magic Ice”.

Aty panë nga afër se si prodhohen, paketohen dhe ruhen ushqimet që përgatiten nga qumështi.
Ishte një përvojë e këndshme dhe mësimore për ta, ku mësuan më shumë për procesin e prodhimit të akullores.

Mësimdhënësit: Afërdita Miftari, Halil Abdullahi dhe Blerta Gjinofci

Ndarja e mirënjohjeve për nxënësit fitues në garat komunale - Prishtinë

🏅 Në lëndën e Matematikës, nxënësi Dion Avdiu vendi i tretë.
🏅 Në lëndën e Fizikës, nxënësja Rubina Beka vendi i tretë.

Nxënësit tanë sot pranuan mirënjohje nga drejtori i DKA-së, z.Arianit Elshani, për sukseset dhe angazhimin e tyre të shkëlqyer.

I urojmë nxënësit tanë për këtë arritje të merituar dhe ju dëshirojmë edhe më shumë suksese në rrugëtimin e tyre akademik.
Njëkohësisht, përgëzojmë mësimdhënësit Taibe Kuleta she Blerim Dalipi për përkushtimin, punën dhe mbështetjen e vazhdueshme ndaj nxënësve, duke kontribuar në zhvillimin dhe suksesin e tyre.

Shkolla jonë festoi një nga momentet më të bukura të klasës së parë – Festën e Abetares. 📚✨

Me gëzim dhe krenari festuam sukseset e nxënësve tanë dhe rrugëtimin e tyre të bukur gjatë këtij viti shkollor.

Urime të gjithë nxënësve për suksesin e arritur! Faleminderit prindërve për bashkëpunimin dhe mbështetjen e vazhdueshme.

Ju urojmë shumë suksese në rrugëtimin tuaj të mëtejshëm! ❤️

Me rastin e Ditës Botërore të Mjedisit, nxënësit e klasës 5/1, prezantuan projekte të ndryshme kushtuar mbrojtjes së natyrës dhe ruajtjes së mjedisit. Përmes prezantimeve të tyre, ata treguan rëndësinë e kujdesit për ajrin, ujin, tokën dhe gjallesat.
Aktiviteti synoi të ndërgjegjësojë nxënësit për rolin që secili prej nesh ka në mbrojtjen e mjedisit dhe në krijimin e një të ardhmeje më të pastër e më të shëndetshme.
Projektet u vlerësuan për kreativitetin, përkushtimin dhe mesazhet e rëndësishme që përcollën.

Mësimdhënëse, Fahrije Uka Ismaili

🌿 Në Ditën Botërore të Mjedisit, me krenari ndajmë postimin e UNICEF-it kushtuar mësimdhënëses sonë, Drilona Behrami, e cila përmes punës dhe përkushtimit të saj po ndihmon nxënësit të kuptojnë se kujdesi për mjedisin fillon nga veprimet e vogla të përditshme.
Ky vlerësim nga UNICEF është një dëshmi e punës së palodhshme që Drilona ka bërë ndër vite në Shkollën e Gjelbër. Që nga fillimi i angazhimit të saj në shkollën tonë, ajo ka qenë ndër nismëtaret dhe mbështetëset më të përkushtuara të aktiviteteve mjedisore, duke edukuar dhe vetëdijesuar nxënësit për rëndësinë e mbrojtjes së natyrës, ruajtjes së burimeve natyrore dhe kultivimit të zakoneve të qëndrueshme.
Përmes shembullit personal, kreativitetit dhe punës së vazhdueshme me nxënësit, ajo ka ndihmuar në formimin e një kulture të përgjegjshme mjedisore në shkollën tonë, duke dëshmuar se edukimi është çelësi për një të ardhme më të gjelbër dhe më të qëndrueshme.
💚 Falënderojmë dhe vlerësojmë mësimdhënësen Drilona Behrami për kontributin e saj të jashtëzakonshëm në edukimin e brezave të rinj dhe përfaqësimin dinjitoz të Shkollës së Gjelbër. Jemi krenarë për sukseset dhe arritjet e saj! 🌱
💚🌍

Të kultivojmë zakone të gjelbra për një të ardhme më të qëndrueshme , iniciativa për mbrojtjen e klimës

Sot u mbajt aktiviteti “Dita Olimpike”, ku nxënësit e klasave të shtata morën pjesë me shumë entuziazëm në aktivitete dhe gara sportive të ndryshme. Kjo ditë u karakterizua nga energjia pozitive, bashkëpunimi dhe fryma sportive, duke u ofruar nxënësve mundësinë të kalojnë momente të bukura së bashku dhe të promovojnë rëndësinë e aktivitetit fizik në jetën e përditshme.

Atmosfera ishte e mbushur me gëzim, motivim dhe respekt të ndërsjellë, vlera që sporti i përcjell më së miri tek të rinjtë.

Një falënderim i veçantë shkon për arsimtarin e Edukatës Fizike- Gzim Hasani, së bashku me arsimtaren e kimisë Besiana Libusha dhe psikologen e shkollës Donika Maloku për angazhimin, përkushtimin dhe kontributin e tyre në realizimin me sukses të këtij aktiviteti.

📚🎤 Sukses në Festivalin e Recitatorëve 🎤📚

Jemi krenarë për nxënësit tanë që morën pjesë në garën e poezisë “Festivali i Recitatorëve”, të organizuar nga Princeton School of Prishtina.

Shkollën tonë e përfaqësuan me përkushtim dhe talent:

🔹 Anika Hetemi – Klasa IV-2
🔹 Dimal Jahiri – Klasa IV-1
🔹 Maida Krasniqi – Klasa VII-3

Me krenari të veçantë njoftojmë se nxënësi ynë Dimal Jahiri nga klasa IV-1 arriti të fitojë vendin e tretë.
Në këtë garë të nivelit komunal të Prishtinës, Dimali e përfaqësoi me dinjitet shkollën tonë, duke recituar poezinë "Në mundsh" të Rudyard Kipling, njëra prej poezive më të njohura në letërsisë botërore.

Menaxhmenti i shkollës përgëzon Dimal Jahirin për rezultatin e arritur, përgëzon mësuesen dhe prindërit e tij!

Ju lumtë të gjithë nxënësve për paraqitjen e tyre të shkëlqyer dhe falënderojmë mësueset për angazhimin e vazhdueshëm në zhvillimin e talenteve të nxënësve tanë.

👏 Suksese të mëtejshme të gjithë pjesëmarrësve!
🏆📖✨

🎓 Mbrëmja e Semimaturës 🎓

Me shumë emocione, buzëqeshje dhe kujtime të bukura, nxënësit tanë të klasave të nënta shënuan një nga momentet më të veçanta të rrugëtimit të tyre shkollor.

Të veshur me elegancë dhe plot gëzim, ata festuan përfundimin e një etape të rëndësishme dhe fillimin e një kapitulli të ri në jetën e tyre.

I urojmë të gjithë semimaturantëve shumë suksese në rrugën e mëtejshme të arsimit dhe realizimin e ëndrrave të tyre. Le të mbeten këto kujtime një thesar i çmuar për secilin prej tyre.

Urime dhe suksese, semimaturantë! 🌟