IAAP ''Fan S.Noli''- Podujevë -Faqja Zyrtare

NJOFTIM PËR TESTIN E MATURËS

📍 Të nderuar maturant, të gjithë ju që keni të drejtë t'i nënshtroheni Testit të Maturës Shteterore në afatin e qershorit 2026 dhe që jeni paraqitur përmes platformes e-Kosova:

📌Orari për ditën e testimit:

🗓Data:20.06.2026

Dita: E SHTUNE

🕣08:30 – 09:00 -Arritja e kandidatëve në oborrin e Qendrës së Testimit (shkollës ku do të mbahet testi).
🕘 09:00 – 09:30-Hyrja e kandidatëve në Qendrën e Testimit dhe sistemimi në klasën e testimit.
🕤09:30 – 10:00-Ofrimi i udhëzimeve dhe sqarimeve për kandidatët për testin dhe Fletëpërgjigjen nga ana e administratorit të testimit.
🕙10:00- Fillon testimi
🕧 12:30- Mbaron testimi

📌Maturantët me vete duhet të kenë:

-Fletëparaqitjen e testit të maturës
-Leternjoftimin ose një dokument me fotografi
-Një laps të thjeshtë ✏️
-Një gomë
-Një shishe ujë

Drejtoria e shkollës iu dëshiron suksese në test të gjithë maturantëve!

NJOFTIM MORTOR

Me pikellim të thellë morëm lajmin për ndarjen nga jeta të kolegut tonë të nderuar,prof.Ismet Beqiri, inxhinier i makineris, profesor dhe
Zëvendësdrejtor në IAAP "Fan S. Noli" në
Podujevë.

Ismeti ishte një profesionist i dalluar, njeri me
vlera të larta njerëzore, i sinqertë, i respektuar
dhe jashtëzakonisht i përkushtuar në punën dhe misionin e tij edukativ. Kontributi i tij në arsimimin dhe formimin profesional të shumë gjeneratave do të mbetet i paharruar.

Në këto çaste dhimbje, shprehim ngushellimet
më të sinqerta familjes Beqiri, kolegëve, miqve dhe të gjithë atyre që patën fatin ta njohin dhe të punojnë me të.

Varrimi i të ndjerit do të bëhet sot, në ora
19:00, në varrezat e fshatit Dumnicë e Epërme.

Qoftë i përjetshëm kujtimi për profesor Ismet Beqirin.

Sot, nxënësit e IAAP "Fan S. Noli" në Podujevë patën mundësinë të marrin pjesë në një aktivitet praktik të organizuar nga ELING Grup dhe Solarit Academy përmes konceptit Mobile Training.

Përmes këtij aktiviteti praktik, nxënesit patën mundësinë të njihen nga afër me sistemet fotovoltaike përmes konceptit Mobile Training, ku një konstruksion fotovoltaik i vendosur në kamionetë u mundësoi pjesëmarrësve të shohin nga afër strukturën dhe komponentët kryesorë të sistemit fotovoltaik.

Gjithashtu, ata morën sqarime të detajuara mbi procesin e instalimit, funksionimin dhe aplikimin e sistemeve fotovoltaike në kushte reale pune.

Ky aktivitet synon të fuqizojë aftësitë praktike të të rinjve dhe të ofrojë teknologjitë moderne
të energjisë së ripërtëritshme me
institucionet arsimore. Përmes konceptit Mobile Training, Solarit Academy po vazhdon të sjellë edukimin praktik në energjinë solare më afër nxënësve dhe profesionistëve të ardhshëm në mbarë Kosovën.

Ky aktivitet u realizua në kuadër të programit
"Short Term Courses", i mbështetur nga projekti "Aftësi të Qëndrueshme në Kosovë", financuar nga Dukati i Madh i Luksemburgut dhe zbatuar nga Agjencia e Luksemburgut për Bashkëpunim Zhvillimor - LuxDev.

LuxDev - Luxembourg Development Cooperation Agency
Embassy of the Grand-Duchy of Luxembourg in Pristina
Luxembourg Aid & Development

Nxënësit e drejtimit të Trafikut rrugor, klasa e XI-8 të përcjellur nga prof. Majlinda Sollova realizuan praktiken profesionale në lidhje me sinjalizimin rrugor.

Gjatë kësaj praktike, nxënsit perveç njohurive teorike në aspektin praktk u njoftuan me menyren e vendosjes, gjendjen e shenjave vertikale dhe horizontale ne rrugët dhe udhëkryqet ne disa pjese te qytetit.

Për përkrahjen dhe bashkëpunimin për realizimin e kësaj praktike për nxënësit e trafikut rrugor, u jemi mirënjohës IAAP “Fan S. Noli”
👮👮‍♀️🚔🚨🚗🚌🏍️🚦

Nxënësit e drejtimit: Transport dhe Trafik, profili: Transport rrugor, klasa XI/9,të përcjellur nga prof.Musli Sheholli në kuadër të lëndës Moduleve të Praktikës Profesionale, vizituan NPL. "STACIONI I AUTOBUSËVE" Sh. A. në Podujevë, ku u informuan për:
- Linjat dhe llojet e tyre.
- Orari i udhëtimit.
- Dokumentacioni i nevojshëm lidhur me transportin e udhëtarëve dhe plotësimi i tij.
- Pranimi dhe përcjellja e udhëtarëve.
E gjithë praktika u asistua nga personeli operativ në stacion të autobusëve, të cilët asnjëherë nuk hezituan për të informuar për punën e bëra në stacion, në veçanti për temat e cekura më lartë.
Për përkrahjen dhe bashkëpunimin e dhënë, NPL. "STACIONI I AUTOBUSËVE" Sh. A. në Podujevë, u jemi mirënjohës IAAP”Fan S. Noli” në Podujevë.

Në emër të IAAP ,,Fan S. Noli" ju shprehim mirënjohjen dhe falënderimin tonë më të sinqertë për kontributin tuaj të çmuar në organizimin e Mbrëmjes së Maturës.

Restaurant Diamond ofroi një organizim të shkëlqyer dhe mikpritje të ngrohtë, ndërsa performanca e këngëtarit Rinor Llugaliut me orkestrën solli gëzim, emocion dhe festë të vërtetë për të gjithë të pranishmit.

Ju falënderojmë për bashkëpunimin dhe për kontributin tuaj në këtë ngjarje kaq të rëndësishme për nxënësit tanë.

Me respekt dhe mirënjohje,
Drejtoria e IAAP ‘Fan S. Noli’
Podujevë

Nxënësit tanë sot arritën të fitojnë vendin e dytë në garën e organizuara nga Kryqi i Kuq në Podujevë.

Ndahet Mirënjohje në shenjë vlerësimi për përfaqësimin dinjitoz në garën republikane në futsall.

Sot, në IAAP “Fan S. Noli”, u shënua një ditë e suksesshme, ku 19 maturantë përfunduan me sukses trajnimin KAB, të udhëhequr nga profesori Ardian Tahiri, ku me këtë rast nxënësve ju shpërndan Certifikatat për përfundimin e trajnimit.
Ky trajnim u realizua në kuadër të projektit të Organizatës Ndërkombëtare të Punës “HoReCa Kosovo”, i financuar nga Qeveria e Italisë përmes Agjencisë Italiane për Bashkëpunim Zhvillimor. Programi zgjati 10 ditë, përkatësisht 70 orë mësimore, në kuadër të iniciativës KAB – “Mëso për Biznes”, ku pjesëmarrësit përmbushën me sukses të gjitha kriteret për certifikim.
Gjatë këtij trajnimi u trajtuan tema të rëndësishme të ndërmarrësisë, duke filluar nga konceptet bazë e deri te hartimi dhe finalizimi i një plani biznesi. Ky proces u ofroi nxënësve mundësi reale për zhvillimin e ideve të tyre dhe përfitimin e mundshëm të granteve të mbështetura nga Qeveria e Kosovës.
Urime të gjithë nxënësve për suksesin e arritur!