SHFMU "Pavarësia" Siboc -Faqja Zyrtare-

09/04/2021

Çdo fillim e ka fundin!

Të respekuar personel i shkollës, shumë të nderuar prindër dhe nxënës të kësaj shkolle.
Jam shumë i lumtur që për këto vite (2015-2021) punuam së bashku për ta shëndrruar këtë institucion në shkollë KAMPIONE.
Çdo iniciativë që e kemi nisur së bashku e kemi përfunduar me sukses.
Jam shumë i gëzuar që pas 5 viteve si drejtor i kësaj shkolle, po e lë shkollën të shëndrruar në SHKOLLË KAMPIONE.
Sigurisht që nuk e gjeta të tillë, së bashku e bëm.

U jam shumë mirënjohës secilit nga ju pa dallim, mirënjohje edhe për ata me të cilët ndonjëherë nuk jemi pajtuar, por , që në fund kemi rën në ujëdi.
Që nga viti 2015 kjo shkollë ishte sikur shtëpia ime, ju ish*t sikur antarë të familjes sime.

Suksesi i shkollës është meritë e çdonjërit nga Ju.
Ndjehem tepër i kënaqur që pritjet e mija për të arriturat e kësaj shkolle janë tejkaluar.

Sot kam përfunduar kontratën si drejtor i kësaj shkolle. Jam i bindur që udhëheqja e re e kësaj shkolle do të avancojë me suksese të reja.

E njoh potencialin tuaj, besoj në suksese të vazhdueshme të kësaj shkolle.

Zoti ju bekoftë!

I juaji: Nysret Ismajli

31/03/2021

Ministrja e Arsimit dhe Shkencës, znj. Arbërie Nagavci, ka nënshkruar sot vendimin për ndryshimin e Kalendarit shkollor 2020/2021 në arsimin parauniversitar, sipas të cilit pushimi pranveror do të fillojë me datë 6 prill 2021 dhe do të përfundojë më datë 8 prill 2021.

Pra, sipas këtij vendimi, mësimi në arsimin parauniversitar vazhdon nga data 12 prill 2021.

Ditët e humbura të mësimit në periudhën e parë dhe të dytë do të zëvendësohen me ditë mësimi: 5 ditë mësimi në fund të periudhës së tretë, ndërsa 2 ditë mësimi iu takon komunave t’i zëvendësojnë gjatë ditëve të shtuna.

Vendimi është marrë me rekomandim të IKShPK-së dhe pas takimeve të ministres Nagavci me të gjithë akterët e përfshirë në arsim, ku është arritur pajtueshmëri e plotë për pushimin pranveror dhe për zëvendësimin e ditëve të humbura të mësimit gjatë këtij viti shkollor.

23/03/2021

Kënaqësi të kemi në vizitë Policinë e sektorit 4 të stacionit të Podujevës.
Bashkëpunimi me Policinë e Kosovës është i dibishëm.

19/03/2021

Ministria e Arsimit dhe Shkencës (MASh) është e shqetësuar për situatën pandemike në vend, pasi që numri i rasteve të infektimeve me COVID-19 ka shënuar rritje edhe në sektorin e arsimit, por edhe në sektorë të tjerë.

Ministria e Arsimit dhe Shkencës është duke e analizuar situatën në koordinim të plotë me Qeverinë e Republikës së Kosovës, Ministrinë e Shëndetësisë, IKSHPK-në, SBASHK-un, Drejtoritë Komunale të Arsimit, Këshillin e Prindërve dhe të gjithë akterët tjerë të përfshirë në procesin mësimor.

Deri në një vendim tjetër, MASh njofton të gjithë nxënësit, mësimdhënësit dhe prindërit, se të hënën, 22 mars 2021 mësimi do të mbahet sipas skenarit me të cilin shkollat janë duke punuar aktualisht.

Në mënyrë që t’i mbajmë shkollat hapur, është i domosdoshëm bashkëpunimi i të gjithë akterëve, prandaj, MASh kërkon nga nxënësit, mësimdhënësit dhe të gjithë akterët e përfshirë në shkollë që të respektojnë me përpikëri masat kundër pandemisë.

Po ashtu, MASh kërkon nga task forcat në të gjitha nivelet që të kryejnë detyrat sipas Udhëzuesit, ndërsa DKA-të dhe menaxhmenti i shkollave të kujdeset për dezinfektimin e shkollave dhe respektimin e masave kundër pandemisë.

18/03/2021

15/03/2021

Këtë vit nuk do të ketë pushim pranveror për nxënësit e shkollave të Kosovës

Ministria e Arsimit dhe Shkencës ka bërë të ditur se këtë vit nuk do të ketë pushim pranveror për nxënësit e shkollave.

Sipas vendimit të ministrit në detyrë, Ramë Likaj, nëntë ditët e humbura të mësimit në periudhën e parë dhe të dytë do të zëvendësohen në kohën e pushimit pranveror dhe në ditët e shtunë.

Gjysmë vjetori i dytë në shkollat e Kosovës ka filluar më 18 janar me planin e njëjtë siç kishte filluar gjysmë vjetori i parë. Pra, me tre skenarë të cilët ishin përcaktuar nga Ministria e Arsimit dhe Shkencës.

Skenari A është për mësim fizik në shkolla, skenari B – mësimi i kombinuar dhe skenari C – mësimi online nga platforma të ndryshme

05/03/2021

04/03/2021

25/02/2021

Kampanja kunder Bullizmit

25/02/2021

Mirënjohje