SHFMU "Naim Frashëri", Podujevë - Faqja Zyrtare

🌟 Edhe një sukses për shkollën dhe nxënësen tonë, Altea Shabanaj! 🌟

Me krenari ju njoftojmë se nxënësja jonë, Altea Shabanaj, ka kaluar me sukses në gjysmëfinalen e garës së gjuhës angleze “Spelling Bee 2026”, e organizuar nga Infinit Training Center.

Ky sukses është rezultat i përkushtimit, punës dhe talentit të saj në gjuhën angleze. Jemi shumë krenarë për arritjen e Alteas dhe i urojmë suksese të mëtejshme në fazat e ardhshme të garës. 👏📚🇬🇧

Urime Altea dhe suksese drejt finales! 🎉

REZULTATET E NXËNËSVE PJESËMARRËS NË
FAZËN III TË OLIMPIADËS SË GJUHËS SHQIPE
Nxënësja jonë, Tuanë Shala, dëshmoi sërish talentin, dijen dhe përkushtimin e saj ndaj gjuhës amtare, duke siguruar një vend në fazën finale të Olimpiadës së Gjuhës Shqipe.
Urime të përzemërta për Tuanën dhe për mësimdhënësen e saj, Zejnepe Pireva-Breznica, për këtë arritje të çmuar!
Faleminderit që na përfaqësoni me dinjitet, krenari dhe sukses në çdo garë.
Ju urojmë suksese të mëtejshme dhe fitore edhe në etapën finale!

Në kuadër të Javës së Ndërgjegjësimit për Shëndetin Mendor, në shkollën tonë po zhvillohet projekti njëvjeçar “Klubet e Super-Vullnetarëve në Kosovë”, i zbatuar nga TOKA në kuadër të programit të Vullnetarizmit Edukativ.

Klubet funksionojnë duke përdorur kornizën edukative IMPACT, të zhvilluar nga New Horizons Foundation, dhe njihen si pjesë e lëvizjes globale IMPACT.

Këtë edicion, projekti i kushtohet temës “Shëndeti Mendor dhe Mirëqenia”, me qëllim vetëdijesimin e nxënësve për rëndësinë e kujdesit ndaj shëndetit mendor, promovimin e mirëqenies emocionale dhe krijimin e një mjedisi mbështetës e pozitiv për të gjithë.

LAJMËRIM

Lajmërohen të gjithë prindërit (kujdestarët) e fëmijëve se regjistrimi i fëmijëve për klasën e parë të vitit shkollor 2026/2027 fillon me:

15 maj 2026 dhe zgjat deri me 15 qershor 2026. Duke filluar nga ora 10⁰⁰–12⁰⁰ dhe nga ora 13⁰⁰–15⁰⁰.

Për regjistrim në klasë të parë fëmija duhet të jetë prezent dhe duhet të ketë certifikatën e lindjes /ekstraktin e lindjes, certifikatën e vaksinimit, dhe dëshmin për vendbanim nga bashkësia lokale e cila nuk është më e vjetër se gjashtë (6) muaj.

Për regjistrim të fëmijës në klasën e parë, drejtoria e shkollës bazohet në sistemin e zonimit të përcaktuar nga komuna.

Vlerësimi dhe regjistrimi i fëmijës në klasën e parë bëhet nga shërbimi profesional i shkollës në prani të (së paku) njërit nga prindërit (kujdestarit).

Fëmija me diagnozë mjekësore para regjistrimit referohet tek ekipi komunal për vlerësim pedagogjik në Drejtorin Komunale për Arsim në Podujevë.

Drejtori i shkollës
Tafil Thaqi

🍀 Orët e biologjisë të zhvilluara në natyrë 🍀

Nën udhëheqjen e mësimdhënëses së biologjisë Jehonë Hoxha, nxënësit e përjetuan biologjinë në mënyrë më praktike dhe frymëzuese. Përmes determinimit të llojeve bimore, ata u afruan më shumë me natyrën, zhvilluan aftësitë vëzhguese dhe kuptuan rëndësinë e biodiversitetit në jetën e përditshme. 🌿

Mësimi në natyrë e bën dijen më të prekshme, më kreative dhe më të paharrueshme për nxënësit. 🌼

LAJMËRIM

𝐕𝐞𝐧𝐝𝐢𝐦𝐢 𝐩𝐞̈𝐫 𝐓𝐞𝐬𝐭𝐢𝐧 𝐞 𝐀𝐫𝐫𝐢𝐭𝐬𝐡𝐦𝐞̈𝐫𝐢𝐬!

Jemi tejet të lumtur t’ju njoftojmë se nxënësja e shkollës sonë, Liana Bejta, e cila vijon mësimet në klasën e pestë, ka arritur një sukses të shkëlqyer në garat ndërkombëtare Hi-Lingua në gjuhën angleze.

Kjo garë u mbajt në Frankfurt, ku Liana u dallua me rezultatet e saj:
🥇 Medalje e artë në Exam
🥈 Medalje e argjendtë në Spelling

Ky është një arritje që na bën krenarë të gjithëve! 👏
I urojmë Lianës suksese edhe më të mëdha në të ardhmen!

📚 Java “Dyert e Hapura” – Vizita informuese për nxënësit e klasave të nënta

Më 28 dhe 30 prill, në kuadër të Javës “Dyert e Hapura”, nxënësit e klasave të nënta, të shoqëruar nga këshilltaret e karrierës dhe kujdestarët e klasave, realizuan vizita në Shkollën e Mesme Teknike “Fan S. Noli”, Gjimnazin “Aleksandër Xhuvani” dhe Shkollën e Mesme të Ekonomisë “Isa Boletini”.

Gjatë këtyre vizitave, nxënësit u njohën nga afër me profile të ndryshme arsimore, ambientet shkollore si dhe procesin mësimor që zhvillohet në këto institucione.

Kjo përvojë shërben si një hap i rëndësishëm në orientimin e nxënësve për përzgjedhjen e drejtimit të tyre të ardhshëm arsimor dhe profesional.

Të nderuar prindër dhe nxënës, ju njoftojmë se bazuar në Ligjin nr. 03/L-064 për Festat Zyrtare në Republikën e Kosovës, ditë pushimi do të jenë:
E premte, 1 maj 2026, Dita Ndërkombëtare e Punës