Shfmu “Zahir Pajaziti" Orllan

PËRMBLEDHJE E FINALIZIMIT TË PROJEKTIT
"Ndikimi negativ i pijeve energjike në shëndetin mendor të fëmijëve"
Klubi Super Vullnetarët – Orllani 2025, nën udhëheqjen e liderëve Fahri Hoxha dhe Qëndresa Jashari, me mentorimin dhe përkrahjen e mentores Dardane Veliu realizoi me sukses projektin me temë "Ndikimi negativ i pijeve energjike në shëndetin mendor të fëmijëve" në shkollën Shkolla Fillore dhe e Mesme e Ulët 'Zahir Pajaziti'.
Gjatë zbatimit të projektit u zhvilluan një sërë aktivitetesh, duke përfshirë:
Hartimin dhe shpërndarjen e fletëpalosjeve informuese.
Përgatitjen e posterëve ndërgjegjësues.
Prezantime edukative për nxënësit dhe prindërit mbi rreziqet e konsumimit të pijeve energjike.
Realizimin e një ankete me nxënësit e klasave VI, VII, VIII dhe IX për të analizuar nivelin e konsumimit të pijeve energjike në shkollën tonë.
Prezantimin e rezultateve të anketës dhe diskutimin e tyre me pjesëmarrësit të cilen e bëri me sukses supervullnetarja Anila Musa.
Angazhimin aktiv të prindërve në aktivitetin përmbyllës, duke theksuar rëndësinë e bashkëpunimit familje–shkollë në mbrojtjen e shëndetit mendor të fëmijëve.
Projekti arriti të rrisë ndërgjegjësimin e nxënësve dhe prindërve për pasojat që mund të shkaktojë konsumimi i pijeve energjike në shëndetin mendor dhe fizik të fëmijëve. Përmes bashkëpunimit, diskutimeve dhe aktiviteteve praktike, u përcoll mesazhi se zgjedhjet e shëndetshme ndikojnë drejtpërdrejt në mirëqenien dhe zhvillimin e fëmijëve.
Falënderojmë të gjithë nxënësit, prindërit, mësimdhënësit dhe stafin e shkollës për pjesëmarrjen dhe mbështetjen e tyre në realizimin me sukses të këtij projekti.
Një falenderim i veqant për drejtorin Naim Bajramin për përkrahjen e pakursyer në realizimin e projektit!

𝐅𝐀𝐋𝐄𝐍𝐃𝐄𝐑𝐈𝐌

Shkolla jonë shpreh mirënjohjen dhe falënderimin më të sinqertë për kompaninë “Santefarm” dhe pronarin e saj, z. Milaim Abdullahu, për mbështetjen dhe kontributin e vazhdueshëm ndaj nxënësve dhe aktiviteteve të shkollës sonë.
Falë bujarisë së tij, është mbuluar pagesa e minibusit për ekskursionin e realizuar më 22.05.2026 me nxënësit e klasave të nënta në relacionin:
Orllan – Mitrovicë – Istog – Pejë – Prizren.
Ky gjest human dhe mbështetja e pakursyer ndaj nxënësve, prindërve dhe shkollës sonë dëshmon për përkushtimin dhe vlerat e larta njerëzore që z. Milaim Abdullahu vazhdimisht tregon ndaj komunitetit tonë.
Në emër të drejtorisë, mësimdhënësve, nxënësve dhe prindërve, e falënderojmë përzemërsisht dhe i dëshirojmë shëndet, suksese dhe begati në familje dhe në veprimtarinë e tij.

Me respekt,
Naim Bajrami, drejtori i shkollës

Olimpiada komunale në Gjuhë Shqipe-2026

Urime nxënëses së klasës së 9-të Anita Avdyli për arritjen e saj të shkëlqyer në Garat Komunale të Gjuhës Shqipe-2026, e cila përfaqësoi me sukses shkollën tonë “Zahir Pajaziti”. Ky sukses është fryt i angazhimit dhe përkushtimit të nxënëses, si dhe i punës profesionale të mësimdhënëses Shukrije Podvorica, me mbështetjen e vazhdueshme të drejtorit të shkollës z. Naim Bajrami dhe përkrahjen e kujdestarit të klasës Valmir Visoka.
Kjo arritje përbën një motivim dhe frymëzim për të gjithë nxënësit, duke dëshmuar se puna e palodhur dhe përkushtimi çojnë drejt rezultateve të larta.

I urojmë Anitës suksese të mëtejme!